Violet Evergarden

Violet Evergarden

---------
IMDB rate - 8.4
Myanimelist rate - 8.4
Genre - Fantasy, Drama, Sci-fi, Military

ဖြစ်နိုင်ရင်တော့ Rating တွေထည့်ရေးဖို့ စိတ်ကူးမရှိပါဘူး။ ဒါပေမယ့် KyoAni ရဲ့ ကြည့်လို့ကောင်းတဲ့ဇာတ်လမ်းလေးတစ်ပုဒ်ဖြစ်ပြီးတော့ ခံစားချက်နဲ့ သေသပ်လှပတဲ့ ရုပ်ပုံရေးဆွဲမှုတွေကို မကြည့်မိရင် နှမြောစရာကောင်းမှာစိုးလို့ Rating ပါ ရေးပေးလိုက်တာပါ။

ပြောရရင်တော့ ဒီလိုရှိပါတယ်။ ⬇️

     Violet Evergarden ဟာ ဂျပန်စိတ်ကူးယဉ်ဝတ္ထုတိုတစ်ခုဖြစ်ပြီး စာရေးဆရာမ Kana Akatsuki ရေးသား၍၊ ပုံဖော်ဆရာ Takase Akiko ဆိုသူက ဇာတ်လမ်းရဲ့ တစ်ချို့တစ်နေရာတွေကို သရုပ်ဖော်ရေးဆွဲပေးထားပါတယ်။ ဝတ္ထုရဲ့ကျောရိုးကတော့ Auto Memories Doll (Jidoushuki Ningyou) အလုပ်ကို လုပ်တဲ့မိန်းကလေးတစ်ယောက်ရဲ့အကြောင်းကို အဓိကပုံဖော်ရေးသားထားတဲ့ ဇာတ်အိမ်စုလေးတစ်ခုဖြစ်ပါတယ်။ (ဝတ္ထုဖတ်ပြီး anime တောင်မကြည့်ရဲတဲ့ဘဝရောက်နေပါကြောင်း)

     ဒီဝတ္ထုတိုလေးဟာ ၂၀၁၄ ခုနှစ် Kyōtō Animation ရဲ့ (၅)ကြိမ်မြောက် Grand Prize (ဝတ္ထု၊ ဇာတ်ညွှန်း၊ သရုပ်ဖော်ပန်းချီ) ကိုဆွတ်ခူးခဲ့တဲ့ ဝတ္ထုကောင်းတစ်ပုဒ်ဖြစ်လာခဲ့ပါတယ်။ ဒီဝတ္ထုတိုရဲ့ ပထမအတွဲကို KA Esuko Bunko စာအုပ်တိုက်တွင် ပုံနှိပ်ပြီး၊ ၂၀၁၅ ဒီဇင်ဘာ ၂၅ရက်နေ့မှာ Kyōtō Animation ကနေ ထုတ်ဝေခဲ့ပါတယ်။ ဒုတိယအတွဲ(ဇာတ်သိမ်း)ကိုတော့ ၂၀၁၆ ဒီဇင်ဘာ ၂၆ မှာ ထုတ်ဝေပေးခဲ့ပါတယ်။ ထို့အတူပဲ Gaiden ဆိုတဲ့ နာမည်နဲ့ ဝတ္ထုစာအုပ် တစ်အုပ်ကိုပါ ၃လပိုင်း ၂၃ ရက်နေ့ထုတ်ဖို့ စီစဉ်နေပါပြီ။
animation ကိုတော့ ၁လပိုင်း ၁၀ရက်နေ့မှာ ဂျပန်ရုပ်သံလိုင်းတွေနဲ့ Netflix မှာ ပြသလျက်ရှိပါတယ်။ (စာတန်းထိုးတာကတော့ Feeling တက်နေတာရယ်၊ ပျင်းတာရယ်နဲ့ ကျောင်းစာတွေနဲ့ကြောင့် နောက်ကျမှာမို့ စိတ်မရှိပါနဲ့နော်)

ဇာတ်လမ်းအကျဉ်းချုံး
------------------

     Telsis Continent လို့ခေါ်တဲ့တိုက်ကြီးရဲ့ စစ်မျက်နှာပြင်မှာ လက်နက်အဖြစ်အသုံးချခြင်းခံရတဲ့ မိန်းကလေးတစ်ယောက်၊ လေးနှစ်တာစစ်ကြီးပြီးဆုံးသွားတဲ့အခါမှာတော့ သူမဟာ CH စာတိုက်ကုမ္ပဏီမှာ Auto Memories Doll အဖြစ်နဲ့ စတင်အလုပ်လုပ်ခဲ့ပါတယ်။ အဲ့ဒီမိန်းကလေးရဲ့နာမည်က Violet Evergarden။ သူမဟာ စစ်တိုက်ခြင်းဆိုတဲ့အရာကလွဲလို့ ကျန်တဲ့မည်သည့်အရာမှ သူမ,မသိရှာဘူး။ ဒါပေမယ့် Violet ဟာ သူမစစ်တိုက်နေခဲ့တဲ့အချိန်၊ စစ်မြေပြင်ထက်မှာ ရှိနေခဲ့တဲ့သူတွေထက် ပိုပြီးတန်ဖိုးထားရတဲ့သူတစ်ဦးဆီကနေ ကြားခဲ့ရတဲ့စကားလုံးကိုတော့ မေ့မရနိုင်ခဲ့ဘူး။  ထိုစကားလုံးရဲ့အဓိပ္ပာယ်ကိုလည်း သူမသဘောမပေါက်ခဲ့ရှာဘူးလေ။ အဲ့ဒါနဲ့သူမဟာ ထိုစကားလုံးအဓိပ္ပာယ်ကို Auto Memories Dollအလုပ်မှတစ်ဆင့် ကြုံတွေ့ရမယ့်သူတွေဆီကနေ ရှာဖွေပြီး နားလည်သဘောပေါက်အောင် ကြိုးစားတဲ့ ပုံသဏ္ဍာန်စိတ်ကူးကို ဇာတ်အိမ်ဖွဲ့ရေးသားထားတဲ့ဝတ္ထုကို animation အဖြစ်ဖန်တီးထားတာဖြစ်ပါတယ်။
ချွင်းချက်တစ်ခုကတော့ ဝတ္ထုနဲ့ anime ကြားမှာ ကွာဟမှုလေးတွေရှိတယ်။ စိတ်ထဲမထားဘဲ KyoAni ရဲ့သေသေသပ်သပ် ရေးဆွဲထားတဲ့ animation ကိုပဲ သဘောပေါက်အောင် ကြည့်လိုက်ပါဦးနော်!

ကျန်တဲ့အပိုင်းတွေကတော့ ကိုယ့်ဇာတ်ရှိန်ကိုယ်မြောနေမှာနဲ့ နည်းနည်းတော့ ကြာမယ်လို့။
စောင့်ကြည့်ပေးကြရင်တော့ ကျေနပ်မိမှာပါနော့။

#ヴァイオレットエヴァーガーデン
#京都アニメーション

Episode 1
Episode 2