သုံးနိုင်ငံခေတ်(၉၉)

အခန်း(၉၉) "ကျူးကဲလျန့်"(Zhuge Liang) သည် ဝေစစ်တပ်ကို အောင်နိုင်ခဲ့ခြင်း။

"စီးမာယီ"(Sima Yi) သည် အနောက်ဘက်မြစ်ပြည်နယ်ကိုကျူးကျော်ခြင်း။

ကျန့်ရှင့်နှစ်ခုနစ်နှစ်မြောက် (အေဒီ ၂၂၉ ခု) လေးလပိုင်း

"ကျူးကဲလျန့်"(Zhuge Liang) သည် ချီစန်းတွင် စခန်းသုံးခုခွဲကာ ဝေတပ်ကိုစောင့်နေခဲ့သည်။ "စီးမာယီ"(Sima Yi) သည် ချန်အန်းသို့ရောက်သောအခါ တာဝန်ခံအရာရှိ "ကျန်းဟဲ"(Zhang He) မှအဖြစ်အပျက်တို့ကိုပြောပြခဲ့သည်။ "ကျန်းဟဲ"(Zhang He) ကိုရှေ့ပြေးတပ်စစ်သူကြီးတာဝန်ပေးခဲ့ပြီး "တိုက်လင်"(Dai Ling) ကို လက်ထောက်စစ်သူကြီးအဖြစ်တာဝန်ပေးခဲ့ကာ တပ်သားတစ်သိန်းတို့သည် ရန်သူတို့ထံချီတက်ကာ ဝေမြစ်၏တောင်ဘက်ကမ်းတွင် စခန်းချခဲ့သည်။

ဒေသစစ်သူကြီးများဖြစ်သည့် "ကောဟွိုင်"(Guo Huai) နှင့် "စွန်းလီ"(Sun Li) တို့သည် အသစ်ရောက်လာသော စစ်သေနာပတိကိုသွားတွေ့သောအခါ ရန်သူတို့နှင့်ရင်ဆိုင်ခဲ့သလော ဟုမေးခဲ့သည်။

"မတိုက်ခိုက်ရသေးပါဘူး"

"ရန်သူတွေက အဝေးကချီတက်လာတော့ လျက်တပြက်တိုက်မှ သူတို့တွေအတွက် ပိုအကျိုးရှိတယ်။ သူတို့တွေမတိုက်ဘူးဆိုတာ အကြံအစည်တစ်ခုခုရှိလို့ပဲ။ ရှီးကျိုးက ဘာအသံကြားသေးလဲ"

"ကောဟွိုင်"(Guo Huai) : "နယ်တိုင်းကိုသေချာစောင့်ကြည့်ထားတယ်လို့ ကင်းထောက်တွေကပြောပါတယ်။ ဒါပေမယ့် ဝူတုနဲ့ ယင်းဖင်က ဘာသတင်းမှမကြားသေးဘူး"

"ပဓာနကျတဲ့တိုက်ပွဲအတွက် အဲ့ဘက်ကို လူတစ်ဦးလွှတ်ရမယ်။ ခင်ဗျားက အလျင်အမြန်သွားပြီးတော့ အဲ့မြို့နှစ်မြို့ကိုကာကွယ်ပါ။ ပြီးရင် ရှူတပ်နဲ့နောက်ကျောကိုတိုက်ပြီး သူတို့တွေကို ဖရိုဖရဲဖြစ်သွားအောင်လုပ်ပါ"

ထိုအမိန့်တို့ကိုလုပ်ဆောင်ရန်ထွက်သွားခဲ့ပြီးနောက် "စီးမာယီ"(Sima Yi) နှင့်ပတ်သတ်ပြီး ဆွေးနွေးခဲ့သည်။

"ကောဟွိုင်"(Guo Huai) : "စီးမာယီ(Sima Yi) က ကျူးကဲလျန့်(Zhuge Liang) နဲ့ယှဉ်ရင် ဘယ်သူပိုသာမလဲ"

"စွန်းလီ"(Sun Li) : "ကျူးကဲလျန့်(Zhuge Liang) က အပုံကြီးသာပါတယ်"

"ကျူးကဲလျန့်(Zhuge Liang) က ပိုသာတယ်ဆိုပေမယ့်လည်း ကျုပ်တို့ခေါင်းဆောင်ရဲ့အကြံအစည်က လူအများစုထက်သာလွန်ပါတယ်။ ရန်သူတွေက မြို့နှစ်မြို့ကိုသိမ်းနိုင်ရင်သိမ်းနိုင်မယ်။ သူတို့နောက်ကျောကိုဝင်တိုက်ခံရမယ်ဆိုတာ တွေးမိမှာမဟုတ်ဘူး။ သူတို့တွေ သေချာပေါက် ကစဥ့်ကလျားဖြစ်သွားလိမ့်မယ်"

မကြာမီတွင်ပင် ကင်းထောက်ရောက်လာကာ သတင်းပို့သည်။

"ဝမ်ဖင်(Wang Ping) က ယင်းဖင်ကိုသိမ်းထားပါတယ်။ ဝူတုကိုတော့ ကျန်းဝေ(Jiang Wei) ကသိမ်းထားတယ်။ ရှူတပ်ကြီးက ရှေ့နားမှာရှိပါတယ်"

"စွန်းလီ"(Sun Li) : "ဒါပရိယာယ်ပဲဖြစ်ရမယ်။ သူတို့တွေမြို့နှစ်မြို့ကိုသိမ်းပြီးတာတောင် တိုက်ပွဲအတွက်ဘာကြောင့်အဆင်သင့်ဖြစ်နေရတာလဲ? ကျုပ်တို့တွေ တပ်ပြန်ဆုတ်သင့်တယ်"

"ကောဟွိုင်"(Guo Huai) ကလည်း လက်ခံပြီး တပ်ပြန်ဆုတ်ရန်အမိန့်ပေးခဲ့လေသည်။ ထိုစဉ် ကျယ်လောင်သောပေါက်ကွဲမှုကြီးဖြစ်ကာ တောင်ကုန်းအကွယ်မှ တပ်အနည်းငယ်ပေါ်လာသည်။ ထိုတပ်၏အလံတွင် "ကျူးကဲလျန့်"(Zhuge Liang) ၏နာမည်ကိုရေးထားပြီး လှည်းယာဉ်ပေါ်တွင် လူကိုယ်တိုင်ထိုင်နေသည်ကိုတွေ့လိုက်သည်။ သူ၏ဘယ်ဘက်တွင် "ကွမ်းရှင်း"(Guan Xing) ရှိပြီး ညာဘက်တွင် "ကျန်းပေါက်"(Zhang Bao) ရှိသည်။

သူတို့မှာ ထိတ်လန့်သွားသည်။ "ကျူးကဲလျန့်"(Zhuge Liang) မှ ရယ်ကာ

"မပြေးနဲ့၊ ခင်ဗျားတို့ခေါင်းဆောင်ရဲ့အကြံက ကျုပ်ကိုဖမ်းနိုင်မယ်ထင်လို့လား? စီးမာယီ(Sima Yi) က နေ့တိုင်းလူလွှတ်ပြီး တိုက်ခိုက်ဖို့စိန်ခေါ်နေတာ။ ခင်ဗျားတို့က ကျုပ်တပ်နောက်ကျောကိုလာတိုက်မလို့မဟုတ်လား။ ကျုပ်မှာ ဝူတုနဲ့ ယင်းဖင်မြို့နှစ်မြို့ရှိပြီ။ ခင်ဗျားတို့လက်နက်မချဘူးဆိုရင် မြန်မြန်တိုက်ခိုက်စမ်းပါ"

ထိုအချိန်ဝယ် "ကောဟွိုင်"(Guo Huai) နှင့် "စွန်းလီ"(Sun Li) တို့သည် အလွန်အမင်းတုန်လှုပ်နေပြီဖြစ်သည်။ သူတို့၏နောက်မှ တိုက်ခိုက်ပြီးအော်ဟစ်သံတို့ကိုကြားလိုက်ရပြီး "ဝမ်ဖင်"(Wang Ping) နှင့် "ကျန်းဝေ"(Jiang Wei) တို့သည် အနောက်ဘက်မှတိုက်ခိုက်နေသည်ကို သိခဲ့သည်။ ထို့ပြင် "ကွမ်းရှင်း"(Guan Xing) နှင့် "ကျန်းပေါက်"(Zhang Bao) ၏တပ်သည် အရှေ့ဘက်တွင်ရှိသည်။ သူတို့တပ်ကြီးသည် မကြာမီတွင်ပင် ပြိုကွဲသွားခဲ့ပြီး ခေါင်းဆောင်နှစ်ဦးသည် တောင်ကုန်းတို့ဘက်မှ ထွက်ပြေးခဲ့ရသည်။

"ကျန်းပေါက်"(Zhang Bao) မှလှမ်းတွေ့ပြီး မြင်းကိုအလျင်အမြန်မောင်းကာ အနောက်မှလိုက်ခဲ့သည်။ ထိုသို့လိုက်ရင်း မြင်းရော၊ လူပါ လျှိုမြောင်ထဲကျသွားခဲ့သည်။ သူ့ကိုပြန်ကယ်ဆယ်သည့်အခါဝယ် သူ့ခေါင်းကိုထိခိုက်မိပြီး ဒဏ်ရာပြင်းစွာရသွားသောကြောင့် "ကျူးကဲလျန့်"(Zhuge Liang) မှ သူ့အား ချန်တူးသို့ပြန်ပို့စေခဲ့သည်။

"ကောဟွိုင်"(Guo Huai) နှင့် "စွန်းလီ"(Sun Li) တို့သည် ထွက်ပြေးလွတ်မြောက်ခဲ့ပြီး "စီးမာယီ"(Sima Yi) ၏စခန်းသို့သွားကာ

"ဝူတုနဲ့ယင်းဖင်ကို ရန်သူတွေက သိမ်းထားနှင့်ပြီ။ ကျူးကဲလျန့်(Zhuge Liang) က ကင်းပုန်းချထားတော့ ကျွန်တော်တို့တွေ ရှေ့ရော၊ နောက်ကပါ ကြားညှပ်တိုက်ခံခဲ့ရတယ်။ ကျွန်တော်တို့တွေရှုံးနိမ့်သွားတော့ ခြေလျင်လျှောက်ပြီး ပြန်လာခဲ့ရတယ်"

"ဒါ ခင်ဗျားတို့အပြစ်မဟုတ်ပါဘူး။ တကယ်တော့ သူက ကျုပ်ထက်ပါးနပ်လို့ဖြစ်ရတာ။ အခုသွားပြီး ယုံချန်နဲ့မေချန်ကိုကာကွယ်ပြီး ရန်သူတွေနဲ့ထွက်ပြီးမတိုက်ပါနဲ့။ သူတို့တွေကိုအနိုင်ယူဖို့ ကျုပ်မှာအကြံရှိတယ်"

ထိုသူတို့ထွက်သွားသောအခါ "ကျန်းဟဲ"(Zhang He) နှင့် "တိုက်လင်"(Dai Ling) တို့ကိုခေါ်ပြီး

"ကျူးကဲလျန့်(Zhuge Liang) က ဝူတုနဲ့ယင်းဖင်ကိုသိမ်းထားတယ်။ သူက ပြည်သူတွေကိုအေးချမ်းအောင်၊ ငြိမ်ဝပ်ပိပြားအောင်လုပ်ရမှာဆိုတော့ သူ့စခန်းမှာရှိမှာမဟုတ်ဘူး။ ခင်ဗျားတို့က ဒီညမှာ တပ်သားတစ်သောင်းစီနဲ့ ရှူတပ်စခန်းရဲ့အနောက်ဘက်ကို တိုးတိုးတိတ်တိတ်သွားပါ။ ပြီးရင် အားသွန်ခွန်စိုက်တိုက်ခိုက်ပါ။ အဲ့လိုလုပ်ပြီးရင် ကျုပ်က တပ်တွေကိုဦးဆောင်ပြီး သူတို့ရှေ့သွားပြီး တိုက်ဖို့လုပ်မယ်။ သူတို့တွေ ကစဥ့်ကလျားဖြစ်တော့မှ ကျုပ်ကဝင်တိုက်မယ်။ သူတို့စခန်းကိုသိမ်းယူနိုင်ပြီး ဒီတောင်ကုန်းတွေရဲ့အကာအကွယ်နဲ့ဆိုရင် သူတို့ကိုအလွယ်တကူအနိုင်ယူနိုင်မယ်"

ထို့ကြောင့် "တိုက်လင်"(Dai Ling) သည် ဘယ်ဘက်မှချီတက်ပြီး "ကျန်းဟဲ"(Zhang He) သည် ညာဘက်မှချီတက်ကာ ထွက်သွားခဲ့သည်။

သူတို့သည် လမ်းကျဉ်းများမှ ရှူတပ်၏အနောက်ဘက်ကိုသွားခဲ့သည်။ သုံးချက်တီးအချိန်တွင် လမ်းမကြီးပေါ်တပ်ဟာ တပ်နှစ်ခုပူးပေါင်းပြီး ရန်သူ့ဆီချီတက်လေသည်။ ဆယ်မိုင်ခန့်တွင် အတားအဆီးတစ်ခုကိုလှမ်းတွေ့သည်။ ခေါင်းဆောင်နှစ်ဦးက ရှေ့သို့ထွက်ပြီး ကြည့်သောအခါ လမ်းတလျှောက်တွင် ကောက်ရိုးလှည်းပေါင်းများစွာထားရှိထားသည်ကိုတွေ့ရသည်။

"ကျန်းဟဲ"(Zhang He) : "ရန်သူတွေက အဆင်သင့်ဖြစ်နေပြီ။ ကျုပ်တို့တွေ ပြန်ဆုတ်ရအောင်"

ထိုအချိန်တွင် မီးတို့ထွန်းညှိလိုက်ပြီး တောင်ကုန်းတစ်ခုလုံး မီးလောင်သွားခဲ့သည်။ ဗုံတို့ကိုတီး၊ နှဲတို့ကိုမှုတ်ကာ တပ်သားတို့သည် အရပ်လေးမျက်နှာမှထွက်လာသည်။ တစ်ချိန်တည်းမှာပင် "ကျူးကဲလျန့်"(Zhuge Liang) က တောင်ကုန်းပေါ်မှ လှမ်းအော်ဟစ်ခဲ့သည်။

"တိုက်လင်(Dai Ling) နဲ့ ကျန်းဟဲ(Zhang He) ၊ ကျုပ်ပြောတာကိုနားထောင်ပါ။ ခင်ဗျားတို့ခေါင်းဆောင်က ကျုပ်မြို့နှစ်မြို့မှာ အေးချမ်းအောင်လုပ်နေလို့စခန်းထဲမှာ မရှိဘူးလို့ထင်တယ်မဟုတ်လား။ ဒါကြောင့် ခင်ဗျားတို့ကိုလွှတ်ပြီး လာတိုက်ခိုင်းတာဖြစ်မယ်။ ခင်ဗျားတို့က ကျုပ်ထောင်ချောက်ထဲကျသွားပြီ။ ခင်ဗျားတို့က အရေးမပါတဲ့ခေါင်းဆောင်တွေဖြစ်တာကြောင့် ခင်ဗျားတို့ကို ရန်မပြုပါဘူး။ မြင်းပေါ်ကဆင်းပြီး လက်နက်ချပါ"

ထိုစကားတို့က "ကျန်းဟဲ"(Zhang He) သည် ဒေါသထွက်ကာ "ကျူးကဲလျန့်"(Zhuge Liang) ကိုလက်ညှိုးထိုးပြီး

"တောတောင်ထဲက ရွာသား၊ ကျုပ်တို့တိုင်းပြည်ကြီးကိုကျူးကျော်လာသူကများ ဘာကြောင့် ကျုပ်ကိုဒီလိုပြောရဲရတာလဲ? ကျုပ် ခင်ဗျားကိုဖမ်းနိုင်မယ့်အချိန်ကိုစောင့်နေစမ်းပါ။ ခင်ဗျားကို အပိုင်းပိုင်းဖြစ်အောင်လုပ်ပစ်မယ်"

သူသည် မြင်းနှင့်အတူ တောင်ကုန်းပေါ်သို့တက်ပြီး လှံနှင့်တိုက်ရန် အဆင်သင့်လုပ်ထားသည်။ သို့သော် မြားတို့၊ ကျောက်တုံးတို့ကျရောက်လာခဲ့သည်။ ထို့ကြောင့် ရှူတပ်သားများဘက်လှည့်ကာ တိုက်ခိုက်ပြီး ရန်သူ့တပ်တို့ကိုကွဲသွားစေသည်။ ရန်သူတို့၏ဝန်းရံမှုကိုဖြိုခွဲနိုင်ခဲ့သောအခါ "တိုက်လင်"(Dai Ling) သည် သူနှင့်အတူ မပါလာသည်ကိုသတိထားမိသည်။ ထို့ကြောင့် သူ့လုပ်ဖော်ကိုင်ဘက်ထံသို့ပြန်သွားပြီး "တိုက်လင်"(Dai Ling) ကို လုံခြုံရာသို့ခေါ်ခဲ့သည်။

"ကျူးကဲလျန့်"(Zhuge Liang) သည် တောင်ကုန်းပေါ်မှ ထိုရဲရင့်သန်မာစွာတိုက်ခိုက်နေသော သူရဲကောင်းကိုကြည့်ရှုနေခဲ့သည်။

"ကျန်းဖေး(Zhang Fei) က ကျန်းဟဲ(Zhang He) နဲ့တိုက်ခိုက်တုန်းက တပ်သားတွေက ထိတ်လန့်ပြီးရပ်နေခဲ့ရတယ်လို့ကြားခဲ့ဖူးတယ်။ အခုတော့ သူ့ရဲ့အစွမ်းသတ္တိကို ကိုယ်တိုင်မြင်ရပြီ။ သူ့ကိုလွှတ်ပေးလိုက်ရင် ရှူပြည်ရဲ့အန္တရာယ်ကြီးဖြစ်လာလိမ့်မယ်။ သူ့ကိုရှင်းပစ်မှရမယ်"

ထို့နောက် "ကျူးကဲလျန့်"(Zhuge Liang) သည် စခန်းသို့ပြန်သွားသည်။

ထိုအချိန်ဝယ် "စီးမာယီ"(Sima Yi) သည် သူ၏တပ်တို့ကိုခင်းကျင်းထားခဲ့ပြီး ရှူတပ်ကြီး ဖရိုဖရဲဖြစ်မည့်အချိန်ကိုစောင့်နေခဲ့သည်။ ထိုစဉ် "ကျန်းဟဲ"(Zhang He) နှင့် "တိုက်လင်"(Dai Ling) တို့သည် စိတ်ပျက်ဝမ်းနည်းစွာ လျှောက်လာသည်ကိုမြင်လိုက်သည်။

"ကျူးကဲလျန့်(Zhuge Liang) က ကျွန်တော်တို့အကြံကိုကြိုသိနေပြီး အဆင်သင့်ပြင်ထားတယ်။ ဒါကြောင့် ကျွန်တော်တို့ရှုံးနိမ့်ခဲ့ရတယ်"

"သူ့အစွမ်းက အံ့မခန်းပါပဲ။ ကျုပ်တို့တွေ ပြန်ဆုတ်မှဖြစ်မယ်"

ထို့ကြောင့် တပ်ကြီးတစ်ခုလုံးဆုတ်ခွာသွားခဲ့ပြီး ထွက်မလာတော့ပေ။

ရှူတပ်ကြီးသည် ကြီးကျယ်စွာစစ်အောင်နိုင်ခဲ့ပြီး ပစ္စည်းဥစ္စာများစွာကိုသိမ်းပိုက်ရရှိခဲ့ကာ လက်နက်များ၊ မရေမတွက်နိုင်သောမြင်းများကိုရရှိခဲ့သည်။ "ကျူးကဲလျန့်"(Zhuge Liang) သည် တပ်ကိုဦးဆောင်ကာ စခန်းသို့ပြန်ခဲ့သည်။ ထို့နောက် ဝေစခန်းတံခါးဝသို့ လူလွှတ်ကာ စိန်ခေါ်စေသော်လည်း ဝေတပ်ကြီးမှာ အတွင်းတွင်သာနေပြီး ထွက်လာပြီး ရင်ဆိုင်ခြင်းမရှိခဲ့ပေ။ ထိုသို့တစ်လခန့်ကြာမြင့်သောအခါ "ကျူးကဲလျန့်"(Zhuge Liang) သည် စိတ်ပျက်လာသည်။

ထိုစဉ် မြို့တော်ချန်တူးမှ "ဖေးယီ"(Fei Yi) ရောက်လာပြီး ဧကရာဇ်၏အမိန့်တော်ကိုဆောင်ကြဉ်းလာသည်။ "ဖေးယီ"(Fei Yi) ကိုလေးစားစွာဆက်ဆံပြီး ထုံးတမ်းအရ အမွှေးတိုင်တို့ကိုထွန်းပြီးနောက် အမိန့်တော်ကိုဖွင့်ကာ ဖတ်ခဲ့သည်။

'ကျဲ့ထင်ကိုဆုံးရှုံးရတာဟာ တကယ်တော့ မာဆု(Ma Su) ရဲ့အပြစ်ကြောင့်သာဖြစ်ပေမယ့် ဝန်ကြီးကတော့ ကိုယ့်ကိုယ်ကို တာဝန်ရှိတယ်လို့ခံစားရပြီး အပြစ်တင်နေခဲ့တယ်။ ဝန်ကြီးရဲ့သဘောထားကိုနားလည်ဖို့ဟာ ငါကိုယ်တော်အတွက် အရေးကြီးတဲ့ကိစ္စဖြစ်တာကြောင့် ဝန်ကြီးတောင်းဆိုတာကို လက်ခံခဲ့တယ်။

မနှစ်တုန်းက ဝမ်ရွှမ်း(Wang Shuang) ကိုသတ်နိုင်ခဲ့တာဟာ ကြီးကျယ်တဲ့အောင်မြင်မှုဖြစ်ပြီး ဒီနှစ်မှာလည်း ကောဟွိုင်(Guo Huai) ကိုတိုက်ထုတ်နိုင်သလို ချန်းတွေကိုလည်း အင်အားယုတ်လျော့သွားစေခဲ့တယ်။ ဝူတုနဲ့ယင်းဖင်နယ်နှစ်ခုကိုသိမ်းနိုင်ပြီး ဆိုးယုတ်တဲ့သူတွေရဲ့စိတ်နှလုံးမှာ အကြောက်တရားတွေကိန်းဝပ်နေအောင်လုပ်ဆောင်နိုင်ခဲ့တယ်။ ဒါကြောင့် အံ့ချီးလောက်တဲ့စွမ်းဆောင်မှုတွေကိုလုပ်နိုင်ခဲ့တယ်။

ဒါပေမယ့် လောကကြီးဟာရှုပ်ထွေးနေပြီး ဆိုးသွမ်းသူတွေကိုမချေမှုန်းနိုင်သေးဘူး။ ဝန်ကြီးဟာ ဌာနကြီးတစ်ခုကိုတာဝန်ယူပြီး တိုင်းပြည်ရဲ့ကိစ္စရေးရာတွေကိုစီမံခဲ့တယ်။ ဒီထက်အချိန်ကြာအောင် တိမ်တိုက်အောက်မှာနေပြီး ကြီးကျယ်တဲ့ကောင်းမွန်မှုတွေကိုဖုံးကွယ်ထားဖို့မသင့်တော်တော့ပါဘူး။ ဒါကြောင့် ငါကိုယ်တော်က ဝန်ကြီးကို မူလရာထူးဖြစ်တဲ့ ဝန်ကြီးချုပ်အဖြစ် ပြန်လည်ခန့်အပ်ရခြင်းဖြစ်တယ်။ ဒီအရာကို မငြင်းပယ်ပါနဲ့တော့"

"ကျူးကဲလျန့်"(Zhuge Liang) သည် အမိန့်တော်ကိုဖတ်ပြီးနောက်

"ကျူးကဲလျန့်"(Zhuge Liang) သည် အမိန့်တော်ကိုအဆုံးထိနားထောင်ပြီးသောအခါ

"ကျုပ်တာဝန်တွေမပြီးဆုံးသေးတာ ဘယ်လိုလုပ်ပြီးတော့ ဝန်ကြီးချုပ်တာဝန်ကိုလက်ခံရမလဲ? ဒါကိုငြင်းပယ်မှရလိမ့်မယ်"

"ဖေးယီ"(Fei Yi) : "ခင်ဗျားက လက်မခံရင် ဧကရာဇ်ရဲ့ဆန္ဒကိုမထီမဲ့မြင်ပြုရာကျပြီး တပ်သားတွေရဲ့ခံစားချက်ကို အလေးမထားသလိုပဲ။ ဘာပဲဖြစ်ဖြစ် အခုတော့ လက်ခံလိုက်ပါ"

"ကျူးကဲလျန့်"(Zhuge Liang) သည် လက်မခံချင်သော်ငြားလည်း ဒူးထောက်ပြီး လက်ခံခဲ့လေသည်။ "ဖေးယီ"(Fei Yi) လည်း ပြန်သွားခဲ့သည်။

"စီးမာယီ"(Sima Yi) သည် ခေါင်းမာစွာဖြင့် ခံစစ်အနေအထားတွင်သာ နေခဲ့သောအခါ "ကျူးကဲလျန့်"(Zhuge Liang) သည် အကြံတစ်ခုရသွားခဲ့ပြီး စခန်းများကိုရုတ်သိမ်းကာ ဆုတ်ခွာရန် အမိန့်ထုတ်လိုက်သည်။ ထိုအကြောင်းကို ကင်းထောက်တို့မှ "စီးမာယီ"(Sima Yi) အား ပြောပြခဲ့ကြသည်။

"ကျုပ်တို့တွေ မလှုပ်ရှားသေးဘူး။ ဒီလိုလုပ်တာက ပရိယာယ်တစ်ခုခုဖြစ်လိမ့်မယ်"

"ကျန်းဟဲ"(Zhang He) : "ဒီလိုလုပ်ရတာဟာ သူတို့စားနပ်ရိက္ခာတွေမရှိတော့လို့မဟုတ်လား? ဘာကြောင့် နောက်ကမလိုက်တာလဲ"

"ကျူးကဲလျန့်(Zhuge Liang) က မနှစ်ကတည်းက ရိက္ခာတွေကိုစုထားမှာပဲဖြစ်တယ်။ အခု ဂျုံတွေရင့်မှည့်ချိန်တန်ပြီဆိုတော့ သူ့မှာ စားစရာတွေအများကြီးရှိမှာပဲ။ သယ်ယူပို့ဆောင်ရေးကခက်ခဲတယ်ဆိုပေမယ့် သူအနည်းဆုံး နှစ်ဝက်လောက်တပ်စွဲထားလို့ရတယ်။ ဒါကို ဘာကြောင့်များ ထွက်ပြေးသွားရမှာလဲ? ကျုပ်တို့တွေက လုံးဝထွက်လာပြီး မတိုက်တာကြောင့် ကျုပ်တို့တွေထွက်တိုက်အောင် လှည့်စားမှုတစ်ခုခုလုပ်တာပဲဖြစ်ရမယ်။ အဝေးတစ်နေရာလောက်အထိကို သူလျှိုတွေလွှတ်ပြီး အခြေအနေကိုစုံစမ်းပါ"

ထိုသို့ထောက်လှမ်းပြီးသောအခါဝယ် ပြန်လာကြပြီး ဆယ်မိုင်အကွာခန့်တွင် စခန်းချထားကြောင်း ပြောခဲ့သည်။

"အင်း၊ သူက တကယ်ကိုထွက်ပြေးတာမဟုတ်ဘူးပဲ။ ခံစစ်အနေနဲ့ပဲဆက်နေပြီး လုံးဝစစ်မချီတက်ပါနဲ့"

မည်သည့်သတင်းမှမကြားပဲနှင့် ဆယ်ရက်ခန့်ကြာမြင့်သွားခဲ့သည်။ ရှူတပ်ကြီးသည်လည်း ပုံမှန်ကဲ့သို့လာပြီး စိန်ခေါ်ခြင်းမရှိပေ။ သူလျှိုတို့ကိုအဝေးသို့ထွက်လွှတ်ပြီး စုံစမ်းစေရာ မူလနေရာမှနောက်ဆယ်မိုင်ခန့်ကွာဝေးသောအရပ်တွင် စခန်းအသစ်ဆောက်ထားသည်ကို တွေ့လေသည်။

"ကျူးကဲလျန့်(Zhuge Liang) က တစ်ခုခုကြံစည်နေတာပဲ။ သူတို့နောက်လိုက်ပြီး မတိုက်နဲ့"

နောက်ထပ်ဆယ်ရက်ကြာသောအခါ ထပ်စုံစမ်းစေရာတွင် ရန်သူတို့သည် နောက်ထပ်ဆယ်မိုင်အကွာတွင် တပ်စခန်းချထားကြောင်း ကြားရပြန်သည်။

"ကျန်းဟဲ"(Zhang He) : "ခင်ဗျားက ဘာလို့ဒီလောက်တောင် သံသယများနေရတာလဲ? ကျူးကဲလျန့်(Zhuge Liang) က ဟန်ကျုံးကိုပြန်ဆုတ်နေတာသာဖြစ်ပြီး ကျွန်တော်တို့တွေသံသယများအောင် တမင်လုပ်တာဖြစ်တယ်။ အချိန်မလင့်ခင် အမြန်တိုက်မှဖြစ်မယ်။ ကျွန်တော်သွားပြီး တိုက်ပါ့မယ်"

"မဖြစ်ဘူး။ စစ်ရှုံးသွားရင် ရဲမက်တွေစိတ်ဓာတ်ကျသွားလိမ့်မယ်။ ကျုပ် အဲ့လောက် မစွန့်စားနိုင်ဘူး။ ကျူးကဲလျန့်(Zhuge Liang) မှာ ဉာဏ်နီဉာဏ်နက်တွေက မရေနိုင်အောင်များတယ်"

"ကျွန်တော်သွားပြီး စစ်ရှုံးသွားမယ်ဆိုရင် စစ်ဥပဒေအတိုင်း အရေးယူတာကိုခံပါ့မယ်"

"ခင်ဗျားက အဲ့လောက်စိတ်အားထက်သန်နေမှတော့ ကျုပ်တို့တွေ တပ်ကိုခွဲလိုက်တာပေါ့။ ခင်ဗျားက တောင်ပံတပ်ကိုဦးဆောင်ပြီးသွားပါ။ ဒါပေမယ့် ခင်ဗျားက အကောင်းဆုံးလုပ်ဆောင်ရမှာဖြစ်ပြီး အကူအညီလိုရင် ကျုပ်လာကူပါ့မယ်။ မနက်ဖြန်ကျရင် ခင်ဗျားက ခရီးတစ်ဝက်ပဲ ချီတက်ပြီး တိုက်ပွဲအတွက် ရဲမက်တွေကို အနားယူထားစေပါ"

ထို့ကြောင့် "ကျန်းဟဲ"(Zhang He) သည် သီးခြားတပ်သုံးသောင်းကို ဦးဆောင်ခဲ့ပြီး လက်ထောက်စစ်သူကြီး "တိုက်လင်"(Dai Ling) နှင့်အခြား စစ်သူကြီးတို့ကိုခေါ်သွားခဲ့သည်။ ခရီးလမ်း၏အကွာအဝေးတစ်ဝက်ခန့်ကို စခန်းချထားသည်။ "စီးမာယီ"(Sima Yi) သည် သူ့စခန်းကို အစောင့်ချခဲ့ပြီးနောက် တပ်သားငါးသောင်းကိုဦးဆောင်ကာ ထိုလမ်းအတိုင်းပင်သွားလေသည်။

"ကျူးကဲလျန့်"(Zhuge Liang) သည် ဝေတပ်၏လှုပ်ရှားမှုနှင့် "ကျန်းဟဲ"(Zhang He) စခန်းချထားသည်ကို သိခဲ့သည်။ ညအခါဝယ် စစ်သူကြီးတို့ကိုခေါ်ပြီး ပြောပြသည်။

"ဝမ်ဖင်"(Wang Ping) မှထွက်လာပြီး ရန်သူတို့ကိုရင်ဆိုင်လိုကြောင်းပြောသည်။

"ရန်သူတွေကလိုက်လာပြီး တရကြမ်းတိုက်လိမ့်မယ်။ ရန်သူတစ်ယောက်ကိုရင်ဆိုင်တာက ဆယ်ယောက်ကို ရင်ဆိုင်သလိုဖြစ်လိမ့်မယ်။ ဒါပေမယ့် ကျွန်တော်က သူတို့အနောက်ဘက်ကိုသွားပြီး တိုက်ပါ့မယ်။ အမြော်အမြင်ရှိပြီး ရဲရင့်တဲ့ခေါင်းဆောင်ကမှ ဒီတာဝန်ကိုယူဖို့ သင့်တော်ပါတယ်"

"ခင်ဗျားရှုံးနိမ့်သွားရင်ကော?"

"စစ်စည်းကမ်းအတိုင်း အရေးယူပါ"

"ကျူးကဲလျန့်"(Zhuge Liang) မှ သက်ပြင်းချပြီး

"ဝမ်ဖင်(Wang Ping) က သစ္စာအရှိဆုံးလူဖြစ်တယ်။ သူကတိုင်းပြည်အတွက်ဆိုရင် ဒဏ်ရာရယုံတင်မက အသက်ပါစွန့်ရဲသူဖြစ်တယ်။ ဒါပေမယ့် ရန်သူတွေက တပ်နှစ်တပ်ရှိပြီး တစ်တပ်က ရှေ့ကနေလာပြီးတော့ ကျန်တစ်တပ်က နောက်ဘက်ကလာတယ်။ ဝမ်ဖင်(Wang Ping) က ရဲရင့်ပြီးပရိယာယ်ကြွယ်ပေမယ့် သူက တစ်ချိန်တည်း နှစ်နေရာမှာရှိမနေနိုင်ဘူး။ ဒါကြောင့် တခြားစစ်သူကြီးတစ်ယောက်လိုအပ်တယ်။ ခင်ဗျားတို့ထဲမှာ ဘယ်သူက အသက်စွန့်ပြီးသွားရဲလဲ"

ထိုသို့ပြောပြီး မကြာမီ "ကျန်းယီ"(Zhang Yi) မှထွက်လာကာ သွားလိုကြောင်းပြောသည်။

"ကျန်းဟဲ(Zhang He) က ဝေပြည်ရဲ့နာမည်အကြီးဆုံးခေါင်းဆောင်ဖြစ်ပြီး တခြားလူတွေထက် ရဲရင့်တယ်။ ခင်ဗျားက သူ့ကိုယှဉ်နိုင်မှာမဟုတ်ဘူး"

"ကျွန်တော်ဆုံးနိမ့်ရင် ကျွန်တော့ခေါင်းက ရွက်ဖျင်တဲအဝမှာကျသွားပါစေ"

"ခင်ဗျားက သွားချင်မှတော့ သွားပါ။ ခင်ဗျားတို့တစ်ယောက်စီက လက်ရွေးစင်တပ်သားတစ်သောင်းစီကိုဦးဆောင်ပြီးသွားပါ။ ခင်ဗျားက ရန်သူတွေရောက်လာတဲ့အချိန်ထိ တောင်ကြားမှာပုန်းပြီး စောင့်နေရမယ်။ ဒါပေမယ့် ရန်သူတွေဖြတ်သွားပါစေ။ ပြီးတော့မှ သူတို့ကိုအနောက်ကတိုက်ပါ။ အကယ်၍ စီးမာယီ(Sima Yi) လာရင် ခင်ဗျားက တပ်ကိုနှစ်ဖွဲ့ခွဲပြီးတော့ ကျန်းယီ(Zhang Yi) က အနောက်မှာနေပြီး ဝမ်ဖင်(Wang Ping) က အရှေ့ကတိုက်ပါ။ ဒါပေမယ့် သူတို့တွေအပြင်းအထန်တိုက်ရင်တော့ ခင်ဗျားတို့ကိုကူညီဖို့ ကျုပ်နည်းလမ်းရှာပါ့မယ်"

သူတို့ထွက်သွားကြသောအခါ "ကျန်းဝေ"(Jiang Wei) နှင့် "လျောင်ဟွာ"(Liao Hua) တို့ကိုခေါ်ပြီး

"မင်းတို့ကို ဒီပိုးအိတ်ပေးလိုက်မယ်။ ဒီကနေပြီး ဟိုးရှေ့ကတောင်တွေဆီကို တိတ်တဆိတ်သွားပါ။ ကျန်းယီ(Zhang Yi) နဲ့ ဝမ်ဖင်(Wang Ping) တို့အန္တရာယ်ကြုံရင် ဒီအိတ်ကိုဖွင့်လိုက်ပါ။ လွတ်မြောက်နိုင်မယ့်အစီအစဉ်ကို မြင်ရလိမ့်မယ်"

ပြီးနောက် အခြားစစ်သူကြီးလေးဦးဖြစ်သည့် "ဝူပန်"(Wu Ban) ၊ "ဝူယီ"(Wu Yi) ၊ "မာကျုံး"(Ma Zhong) နှင့် "ကျန်းနီ"(Zhang Ni) တို့ကိုခေါ်ကာ ရန်သူတို့ကအောင်မြင်ရန် ရာနှုန်းများသည့်အခါတွင် တိုက်လိုက်၊ ဆုတ်ခွာလိုက်လုပ်ရန်မှာကြားခဲ့ပြီး "ကွမ်းရှင်း"(Guan Xing) ကိုမြင်သည့်အခါတွင် ပြန်လှည့်ပြီး ရွပ်ရွပ်ချွံချွံတိုက်ရန်မှာထားသည်။

ထို့နောက် "ကွမ်းရှင်း"(Guan Xing) ကိုခေါ်ကာ

"တပ်သားငါးထောင်ကိုဦးဆောင်ပြီး တောင်ကြားမှာပုန်းနေပြီးတော့ အလံနီကိုမြင်တဲ့အခါမှာမှ ရန်သူကိုတိုက်ပါ"

"ကျန်းဟဲ"(Zhang He) နှင့် "တိုက်လင်"(Dai Ling) တို့သည် မိုးရွာသွန်းသကဲ့သို့အလျင်အမြန်ချီတက်လာကြပြီး "မာကျုံး"(Ma Zhong) ၊ "ကျန်းနီ"(Zhang Ni) ၊ "ဝူယီ"(Wu Yi) ၊ "ဝူပန်"(Wu Ban)တို့နှင့်ရင်ဆိုင်ခဲ့သည်။ "ကျန်းဟဲ"(Zhang He) သည် ရန်သူတို့ကိုတိုက်ခိုက်ရန် အလျင်အမြန်ချီတက်စေခဲ့ရာ တဖက်ရန်သူတို့သည် ပြန်ဆုတ်ခွာသွားပြီး အချိန်တစ်ခုကြာမှသာ ပြန်လည်တိုက်ခိုက်သည်။ ဝေတပ်သည် ခုနစ်မိုင်အကွာထိလိုက်လာခဲ့သည်။

ထိုအချိန်ဝယ် ခြောက်လပိုင်းဖြစ်သောကြောင့် အင်မတန်ပူအိုက်ပြီး လူရောမြင်းပါ ချွေးဒီးဒီးကျခဲ့သည်။ ဆယ်မိုင်ခန့်လိုက်ပြီးသောအခါ တပ်သားနှင့်မြင်းတို့မှာ ပင်ပန်းသွားပြီး အားအင်ယုတ်လျော့လုမတတ်ဖြစ်နေသည်။ တောင်ကုန်းတစ်ခုပေါ်မှကြည့်နေသော "ကျူးကဲလျန့်"(Zhuge Liang) "ကွမ်းရှင်း"(Guan Xing) ကိုပါဝင်ရောက်ပြီး တိုက်ခိုက်ရန် အချက်ပေးလိုက်သည်။ "မာကျုံး"(Ma Zhong) ၊ "ကျန်းနီ"(Zhang Ni) ၊ "ဝူပန်"(Wu Ban) နှင့် "ဝူယီ"(Wu Yi) တို့သည်လည်း တပ်တို့ကိုဦးဆောင်ကာ တိုက်ခဲ့ကြသည်။ "ကျန်းဟဲ"(Zhang He) နှင့် "တိုက်လင်"(Dai Ling) တို့သည် ကောင်းစွာတိုက်ခိုက်ခဲ့သော်လည်း မယှဉ်နိုင်သောကြောင့် တပ်ဆုတ်ရလေသည်။

ဗုံတို့ကိုတီးကာ "ဝမ်ဖင်"(Wang Ping) နှင့် "ကျန်းယီ"(Zhang Yi) တို့ထွက်လာပြီး ထွက်ပြေးမည့်လမ်းကြောင်းကိုပိတ်လိုက်သည်။ "ကျန်းဟဲ"(Zhang He) မှ အန္တရာယ်ကိုမြင်သောအခါ သူ၏စစ်သူကြီးတို့အား

"ခင်ဗျားတို့ ဘာကြောင့် သူသေကိုယ်သေမတိုက်တာလဲ"

ဝေတပ်သားတို့သည် ဟိုဟိုသည်သည်သွားခဲ့သော်လည်း နေရာတိုင်းတွင်ပိတ်ဆို့ထားခြင်းကိုခံခဲ့ရသည်။ ထို့နောက် ဗုံသံတို့ကိုကြားလိုက်ရပြီး "စီးမာယီ"(Sima Yi) သည် အနောက်ဘက်မှရောက်လာသည်။ သူမှ စစ်သူကြီးတို့ကိုလွှတ်ကာ "ဝမ်ဖင်"(Wang Ping) နှင့် "ကျန်းယီ"(Zhang Yi) တို့ကိုဝန်းရံထားစေသည်။

"ကျန်းယီ"(ZhangYi) : "ကျုပ်တို့ဝန်ကြီးက အင်မတန်အံ့ဩဖို့ကောင်းတယ်။ တိုက်ပွဲက သူပြောထားတဲ့အတိုင်းပဲ။ သူသေချာပေါက်စစ်ကူပို့လာပါလိမ့်မယ်။ အခုတော့ ကျုပ်တို့တွေ သူသေကိုယ်သေတိုက်ရမယ်"

ထို့နောက် ရှူတပ်ကိုနှစ်ဖွဲ့ခွဲလိုက်ပြီး "ဝမ်ဖင်"(Wang Ping) က "ကျန်းဟဲ"(Zhang He) နှင့် "တိုက်လင်"(Dai Ling) ကိုပိတ်ထားပြီး "ကျန်းယီ"(Zhang Yi) က "စီးမာယီ"(Sima Yi) ကိုရင်ဆိုင်ခဲ့သည်။ နှစ်ဖက်လုံးသည် ပြင်းပြင်းထန်ထန်တိုက်ခဲ့ကြပြီး ထိုတိုက်ခိုက်မှုသည် တစ်နေကုန်သွားခဲ့သည်။

"ကျန်းဝေ"(Zhang He) နှင့် "လျောင်ဟွာ"(Liao Hua) တို့သည် တပ်စွဲထားသောတောင်ကုန်းပေါ်မှ တိုက်ပွဲအခြေအနေကိုကြည့်နေခဲ့သည်။ ဝေတပ်မှာ အင်မတန်အင်အားကြီးပြီး သူတို့ဘက်သားတို့မှာ ရှုံးရိပ်ပြနေသည်ကိုမြင်လိုက်သည်။

"ကျန်းဝေ"(Zhang Wei): "ဒီအချိန်က အိတ်ကိုဖွင့်ကြည့်ရမယ့်အချိန်ပဲ"

ထို့နောက် အိတ်ကိုဖွင့်ပြီး အထဲမှစာကိုဖတ်ခဲ့သည်။

'အကယ်၍ စီးမာယီ(Sima Yi) ရောက်လာပြီး ဝမ်ဖင်(Wang Ping) နဲ့ ကျန်းယီ(Zhang Yi) တို့အကြပ်အတည်းတွေ့နေပြီဆိုရင် မင်းတို့က အဖွဲ့ကိုခွဲပြီး စီးမာယီ(Sima Yi) ရဲ့စခန်းကိုသွားတိုက်ပါ။ ဒါဆိုရင် သူက ပြန်ဆုတ်သွားလိမ့်မယ်။ အဲ့လိုဆိုရင် သူ့ရဲ့တပ်ကိုတိုက်ပြီး သူ့တပ်သားတွေ ကစဥ့်ကလျားဖြစ်သွားအောင်လုပ်နိုင်တယ်။ သူ့စခန်းကိုတကယ်သိမ်းနိုင်မသိမ်းနိုင်ဆိုတာက အရေးမကြီးဘူး"

ထို့ကြောင့် "လျောင်ဟွာ"(Liao Hua) နှင့် "ကျန်းဝေ"(Jiang Wei) တို့သည် တပ်ကိုခွဲကာ ရန်သူ့စခန်းသို့ချီတက်သည်။

"စီးမာယီ"(Sima Yi) သည် "ကျူးကဲလျန့်"(Zhuge Liang) ၏ထောင်ချောက်အတွင်းကျသွားမည်ကိုစိုးရိမ်သောကြောင့် လမ်းတလျှောက်တွင် ဆက်သားများထားထားကာ သူ့ကိုသတင်းပို့စေသည်။ ရန်သူတို့ကိုတိုက်ခိုက်နေစဉ်တွင် သတင်းတစ်ခုရောက်လာသည်။

"ရှူတပ်ကြီးနှစ်တပ်ဟာ လမ်းကြောင်းနှစ်ကြောင်းကနေ ပင်မစခန်းကိုတိုက်ဖို့သွားနေပါတယ်"

"စီးမာယီ"(Sima Yi) မှာ လန့်သွားပြီး မျက်နှာအရောင်ပြောင်းသွားသည်။ ထို့နောက် သူ၏စစ်သူကြီးတို့ဘက်လှည့်ပြီး

"ကျူးကဲလျန့်(Zhuge Liang) က တစ်ခုခုလုပ်လိမ့်မယ်လို့ ကျုပ်ပြောတာကို ခင်ဗျားတို့မယုံခဲ့ဘူးမလား။ အခု ခင်ဗျားတို့က ကျုပ်ကိုတိုက်ခိုက်အောင်ဖိအားပေးတော့ အကြံအစည်တစ်ခုလုံးက လွဲချော်ကုန်ပြီ"

ထို့နောက် တပ်သားတို့ကိုစုစည်းကာ ပြန်လည်ဆုတ်ခွာစေသည်။ တပ်သားတို့မှာ အလျင်အမြန်ချီတက်ရသောကြောင့် စနစ်တကျမရှိခဲ့ပေ။ "ကျန်းယီ"(Zhang Yi) သည် အနောက်မှတိုက်ခိုက်ခဲ့ပြီး ဝေတပ်တို့ကို ဆုံးရှုံးမှုအများအပြားဖြစ်စေခဲ့သည်။ "ကျန်းဟဲ"(Zhang He) နှင့် "တိုက်လင်"(Dai Ling) တို့တွင် တပ်သားအနည်းငယ်သာကျန်ပြီး တောင်ကုန်းဘက်သို့သွားကာ ခိုလှုံခဲ့ရသည်။ ရှူတပ်ကြီးအနိုင်ရကာ "ကွမ်းရှင်း"(Guan Xing) ကလည်း အခွင့်အရေးရတိုင်း ရန်သူတို့ကိုတိုက်ခဲ့သည်။

"စီးမာယီ"(Sima Yi) သည် စစ်ရှုံးနိမ့်ပြီး စခန်းသို့အလျင်အမြန်ပြန်ခဲ့သည်။ သို့သော် သူရောက်လာသည့်အချိန်ဝယ် ရှူတပ်ကြီးမှာပြန်ထွက်သွားခဲ့သည်။ စစ်ရှုံးသွားသောတပ်တို့ကိုစုစည်းစေပြီး ရှုံးနိမ့်မှုအတွက် သူ၏စစ်သူကြီးတို့အား အပြစ်တင်ခဲ့သည်။

"ခင်ဗျားတို့တွေအားလုံးက စစ်ဗျူဟာကို နားမလည်ကြပြီး သတ္တိရှိရုံ၊ အစွမ်းထက်ရုံနဲ့အနိုင်ရမယ်ထင်နေကြတယ်။ ဒီလိုဖြစ်ရတာဟာ ခင်ဗျားတို့တိုက်ခိုက်ချင်လွန်းတဲ့ဆန္ဒကြောင့်ပဲမဟုတ်လား။ ဒါကြောင့် အနာဂတ်မှာ အမိန့်မရပဲ စစ်ချီတက်ဖို့မလုပ်ပါနဲ့။ အဲ့အမိန့်ကို မနာခံတဲ့လူတွေကို စစ်စည်းကမ်းအတိုင်း ပြင်းပြင်းထန်ထန် အရေးယူမယ်"

သူတို့သည် အရှက်ရကာ ဌာနချုပ်သို့ပြန်ခဲ့သည်။ ထိုတိုက်ပွဲတွင် ဝေတို့၏ဆုံးရှုံးမှုမှာ များပြားခဲ့ပြီး တပ်သားများသေဆုံးခဲ့ယုံမက လက်နက်များ၊ မြင်းများပါဆုံးရှုံးခဲ့သည်။

"ကျူးကဲလျန့်"(Zhuge Liang) သည် စစ်နိုင်သည့်တပ်ကိုစခန်းသို့ပြန်ချီလာစေပြီးနောက် ဆက်လက်တိုက်ခိုက်ရန်ပြုလေသည်။ ထိုအချိန်ဝယ် မြို့တော်ချန်တူးမှ "ကျန်းပေါက်"(Zhang Bao) သေဆုံးသွားပြီဟူသောသတင်းဆိုးရောက်လာခဲ့သည်။ ထိုအကြောင်းကို "ကျူးကဲလျန့်"(Zhuge Liang) ကြားသိသောအခါ ကျယ်လောင်စွာငိုကြွေးပြီး ပါးစပ်မှသွေးများထွက်လာကာ မေ့လဲသွားလေသည်။ သူ့ကိုဝိုင်းထူကြပြီး ရွက်ဖျင်တဲသို့ပို့ခဲ့ကြသည်။ သို့သော် "ကျူးကဲလျန့်"(Zhuge Liang) မှာ နေမကောင်းဖြစ်သောကြောင့် အိပ်ယာတွင်သာလှဲနေရပြီး ဆက်စစ်မချီနိုင်ခဲ့ပေ။ စစ်သူကြီးတို့သည်လည်း စိတ်မကောင်းဖြစ်ခဲ့ကြသည်။

"ကျူးကဲလျန့်"(Zhuge Liang) သည် ဆက်လက်ပြီး နေမကောင်းဖြစ်နေခဲ့သည်။ ဆယ်ရက်ကြာသောအခါ သူသည် "တုန်းကျွယ်"(Dong Jue) နှင့် "ဖန်ကျန်း"(Fan Jian) တို့ကိုခေါ်ပြီး

"ကျုပ်က တအားနေမကောင်းဖြစ်နေတာကြောင့် အကောင်းဆုံးကတော့ ဟန်ကျုံးကိုပြန်ပြီး ပြန်သက်သာအောင်စောင့်ဖို့ပဲ။ ခင်ဗျားတို့က ကျုပ်မရှိတဲ့အကြောင်းအရင်းကို ရန်သူတွေမသိအောင်လျှို့ဝှက်ထားရမယ်။ အဲ့လိုမှမဟုတ်ပဲ ပေါက်ကြားသွားရင် စီးမာယီ(Sima Yi) က သေချာပေါက်တိုက်လိမ့်မယ်"

ထိုညဝယ် "ကျူးကဲလျန့်"(Zhuge Liang) သည် တပ်စခန်းကိုဖျက်သိမ်းရန်အမိန့်များပေးခဲ့ပြီး စစ်တပ်ကြီးသည် ဟန်ကျုံးသို့ချီတက်ခဲ့သည်။ ၎င်းနှင့်ပတ်သတ်ပြီး "စီးမာယီ"(Sima Yi) မှာ ငါးရက်အကြာမှသိရပြီး တစ်ပတ်ရိုက်ခံလိုက်ရပြန်ပြီဟု သိခဲ့သည်။

"သူက နတ်ဖုရားလိုပေါ်လာပြီး မိစ္ဆာလိုပျောက်ကွယ်သွားတယ်။ သူနဲ့ယှဉ်ပြိုင်ရတာ ကျုပ်အတွက် ခက်ခဲလွန်းတယ်"

ရှူတပ်ကြီးသည် ဟန်ကျုံးတွင် အခြေကျသွားသည်နှင့် "ကျူးကဲလျန့်"(Zhuge Liang) သည် ချန်တူးသို့ပြန်ကာ ဆေးကုသမှုခံယူခဲ့သည်။ အမှုထမ်းအတန်းအစားမျိုးစုံတို့သည် သူ့ကိုလာတွေ့ပြီး သူ၏အိမ်တော်သို့ခေါ်ဆောင်သွားခဲ့သည်။ ဒုတိယဧကရာဇ်သည်လည်း လာကြည့်ပြီးနောက် နန်းတွင်းသမားတော်ကိုလွှတ်ပြီး ဆေးကုသစေသည်။ သို့နှင့် တဖြည်းဖြည်းချင်း ပြန်သက်သာသွားသည်။

ကျန့်ရှင့်နှစ်အဌမနှစ် (အေဒီ ၂၃၀) ခုနစ်လပိုင်းတွင် ဝေပြည်စစ်သေနာပတိ "ချောင်ကျန်း"(Cao Zhen) သည် ကျန်းမာရေးပြန်ကောင်းလာသောကြောင့် သခင်ဖြစ်သူထံသဝဏ်လွှာဆက်သခဲ့သည်။

"ရှူပြည်ဟာ တစ်ကြိမ်ထက်မနည်း ချန်အန်းကိုတိုက်ဖို့လုပ်ခဲ့တယ်။ သူတို့တိုင်းပြည်ကိုမချေမှုန်းနိုင်ရင် ကျွန်တော်တို့ရဲ့ကျဆုံးမှုဖြစ်သွားနိုင်တယ်။ အခုအချိန်ဟာ ဆောင်းဦးရဲ့အေးမြမှုတွေရောက်လာပြီး စစ်တပ်ကြီးဟာလည်း ကောင်းမွန်တဲ့အခြေအနေမှာရှိတာကြောင့် ရှူပြည်ကိုတိုက်ဖို့အသင့်တော်ဆုံး အချိန်ဖြစ်တယ်။ ဒါကြောင့် ကျွန်တော်မျိုးက စီးမာယီ(Sima Yi) နဲ့အတူ ဟန်ကျုံးကိုချီတက်ပြီး ဒီသောင်းကျန်းသူတွေကိုနှိမ်နှင်းပြီးတော့ နယ်စပ်ကိုအေးငြိမ်းစေပါမယ်"

ဝေဧကရာဇ်ကိုယ်တိုင်က ထိုအဆိုကိုလက်ခံခဲ့ပြီး "လျူရဲ့"(Liu Ye) နှင့်တိုင်ပင်သောအခါ "လျူရဲ့"(Liu Ye) မှ

"စစ်သေနာပတိပြောတာမှန်ပါတယ်။ အဲ့ပြည်နယ်ကိုမချေမှုန်းရင် ကျွန်တော်တို့နန်းတွင်းက ဒုက္ခရောက်ရပါလိမ့်မယ်။ အရှင်မင်းကြီးက သူပြောတာကိုခွင့်ပြုသင့်ပါတယ်"

"လျူရဲ့"(Liu Ye) ပြန်ထွက်လာသောအခါ အမှုထမ်းများက သူ့ကိုဝိုင်းမေးကြသည်။

"ဧကရာဇ်က ခင်ဗျားကိုဆင့်ခေါ်ပြီး ရှူပြည်ကိုတိုက်ဖို့ အကြံတောင်းတယ်ဆို? ခင်ဗျားဘာပြောလိုက်လဲ?"

"အဲ့ဒါက မဖြစ်နိုင်ဘူး။ ရှူပြည်ကိုတိုက်ခိုက်ဖို့က ခက်ခဲတယ်။ သွားတိုက်ရင် လက်နက်တွေ၊ စစ်အင်အားတွေကို အလဟဿလုပ်ရာကျတယ်"

သို့နှင့် သူတို့လည်း ထွက်သွားကြသည်။ "ရန်ကျိ"(Yang Ji) မှ ဧကရာဇ်ထံသွားကာ

"မနေ့တုန်းက လျူရဲ့(Liu Ye) က အရှင်မင်းကြီးကို ရှူပြည်တိုက်ဖို့အကြံပေးခဲ့တယ်လို့ဆိုတယ်။ ဒီနေ့ ကျွန်တော်မျိုးတို့က သူနဲ့စကားပြောတော့ သူက ရှူပြည်ကိုတိုက်လို့မဖြစ်ဘူးလို့ပြောပြန်တယ်။ ဒါဟာ အရှင်မင်းကြီးကို မရိုမသေလုပ်ရာကျပါတယ်။ သူ့ကိုအပြစ်ဒဏ်ပေးဖို့ အမိန့်ချမှတ်သင့်တယ်"

ထို့ကြောင့် "ချောင်ရေ့"(Cao Rui) က "လျူရဲ့"(Liu Ye) ကိုခေါ်ကာ မေးမြန်းခဲ့သည်။

"ကျွန်တော်မျိုးအသေးစိတ်လေ့လာပြီးနောက်မှာတော့ ရှူပြည်ကိုတိုက်လို့မဖြစ်ဘူးဆိုတာ သိခဲ့လို့ပါ"

"ချောင်ရေ့"(Cao Rui) မှရယ်ခဲ့သည်။ အချိန်အနည်းငယ်ကြာပြီးနောက် "ရန်ကျိ"(Yang Ji) ထွက်သွားသောအခါ "လျူရဲ့"(Liu Ye) မှ

"မနေ့တုန်းက ကျွန်တော်မျိုးက ရှူပြည်ကိုတိုက်ခိုက်ဖို့အကြံပေးခဲ့တယ်။ ဒါက တိုင်းပြည်ရဲ့လျှို့ဝှက်ချက်ဖြစ်ပြီး ဘယ်သူ့ဆီကိုမှပေါက်ကြားလို့မဖြစ်ဘူး။ စစ်မက်ရေးရာလှုပ်ရှားမှုက လျှို့ဝှက်ထားရမယ်"

"ချောင်ရေ့"(Cao Rui) က သဘောပေါက်သွားခဲ့ပြီး "လျူရဲ့"(Liu Ye) အပေါ် ယခင်ကထက် တန်ဖိုးထားခဲ့သည်။ ဆယ်ရက်ကြာသောအခါ "စီးမာယီ"(Sima Yi) သည် နန်းတွင်းသို့ရောက်လာခဲ့ပြီး သူ့အား "ချောင်ကျန်း"(Cao Zhen) ၏သဝဏ်လွှာကိုပြခဲ့သည်။

"ဒီအချိန်က အသင့်တော်ဆုံးအချိန်ပါပဲ။ လက်ရှိမှာ ဝူပြည်ကလည်း ဘာရန်မှမရှိသေးဘူး"

"ချောင်ကျန်း"(Cao Zhen) ကို စစ်မက်ရေးရာဝန်ကြီး၊ အနောက်ဘက်ကိုအောင်နိုင်သောစစ်သူကြီး၊ အနောက်ဘက်စစ်ဆင်ရေး၏သေနာပတိရာထူးနှင့် "စီးမာယီ"(Sima Yi) ကို စစ်ဦးစီးမှူး၊ အနောက်ဘက်ကိုအောင်နိုင်သောစစ်သူကြီး၊ လက်ထောက်စစ်သူကြီးရာထူးများပေးအပ်ခဲ့ကာ "လျူရဲ့"(Liu Ye) ကိုမူ စစ်မက်ရေးရာအတိုင်ပင်ခံအဖြစ်တာဝန်ပေးခဲ့သည်။ ထိုသုံးဦးတို့ နန်းတွင်းမှထွက်သွားသောအခါ အင်အားလေးသိန်းရှိသောစစ်တပ်ကြီးသည် ချန်အန်းသို့ချီတက်ခဲ့ပြီး ကျန့်မန်ခံတပ်ကိုဖြတ်ကာ ဟန်ကျုံးကိုတိုက်လိုခဲ့သည်။ ထိုတပ်ကြီးတွင် "ကောဟွိုင်"(Guo Huai) နှင့် "စွန်းလီ"(Sun Li) တို့လည်း ပါဝင်အားဖြည့်ခဲ့သည်။

ဟန်ကျုံးကာကွယ်သူတို့သည် ထိုသတင်းကို နေကောင်းခါစ "ကျူးကဲလျန့်"(Zhuge Liang) ထံအကြောင်းကြားကြသည်။ "ကျူးကဲလျန့်"(Zhuge Liang) သည် ထိုအချိန်တွင် တပ်ဖွဲ့ကိုစစ်ရေးလေ့ကျင့်ပေးနေကာ ခင်းကျင်းမှုရှစ်ခုအကြောင်းရှင်းပြနေခဲ့သည်။ ချန်အန်းကိုတိုက်ခိုက်ရန် အားလုံးအဆင်သင့်ဖြစ်နေလေပြီ။

ထိုသတင်းကိုကြားသောအခါ "ကျန်းနီ"(Zhang Ni) နှင့် "ဝမ်ဖင်"(Wang Ping) တို့ကိုခေါ်ပြီး

"ခင်ဗျားတို့က တပ်သားတစ်ထောင်နဲ့ ချန်ချန်းကိုချီတက်ပြီး ဝေတပ်ကြီးတွေမဖြတ်လာနိုင်အောင် အဲ့လမ်းကိုစောင့်ကြပ်ရမယ်"

"ဝေရဲ့စစ်တပ်အင်အားက ရှစ်သိန်းလို့ကြွားဝါပြောကြပေမယ့် တကယ်က လေးသိန်းတောင်ရှိပါတယ်။ သူတို့ဟာ အင်အားများတာကြောင့် တပ်သားတစ်ထောင်တည်းနဲ့ရင်ဆိုင်ဖို့မဖြစ်ပါဘူး"

"ခင်ဗျားတို့ကိုပိုပေးနိုင်ပါတယ်။ ဒါပေမယ့် အဲ့လိုသာဆို စစ်သားတွေအတွက် ခက်ခဲမှာစိုးလို့။ နောက်ပြီး ရှုံးနိမ့်ခဲ့ရင် ခင်ဗျားတို့ကိုအပြစ်မပေးပါဘူး။ ခင်ဗျားတို့ကိုပို့တယ်ဆိုတာ တခြားရည်ရွယ်ချက်တစ်ခုခု ရှိလို့ပါ။ မနေ့တုန်းက ကျုပ်ကြယ်တွေကိုလေ့လာတော့ ဒီလအတွင်းမှာ မိုးအကြီးအကျယ်ရွာမယ်ဆိုတာ သိရတယ်။ ဝေစစ်တပ်မှာ တပ်သားတွေအများကြီးရှိပေမယ့် သူတို့တွေက တောင်ထူထပ်တဲ့ဒေသကိုမတိုးဝင်နိုင်ဘူး။ ဒါကြောင့် တပ်ဖွဲ့အများကြီးပို့စရာမလိုဘူး။ ခင်ဗျားတို့ဘာအန္တရာယ်မှကြုံမှာမဟုတ်ပါဘူး။ ကျုပ်က တပ်မကြီးကို ဟန်ကျုံးကိုချီတက်ပြီး တစ်လလောက်နားပြီးတော့ ရန်သူတွေတပ်ဆုတ်သွားမှ ကျုပ်ကတိုက်မယ်။ ကျုပ်ရဲ့တပ်တစ်သိန်းနဲ့ သူတို့ရဲ့နွမ်းနယ်နေတဲ့တပ်လေးသိန်းကို အနိုင်ယူနိုင်တယ်။ ဘာမှမပြောပါနဲ့တော့။ အလျင်အမြန်ထွက်ခွာပါ"

ထိုအခါမှ "ဝမ်ဖင်"(Wang Ping) နှင့် "ကျန်းနီ"(Zhang Ni) တို့လည်း ကျေနပ်သွားပြီး ထွက်ခွာသွားခဲ့သည်။ "ကျူးကဲလျန့်"(Zhuge Liang) သည် သူ၏တပ်မကြီးနှင့်အတူ ဟန်ကျုံးသို့ချီတက်သည်။ ထို့အပြင် မိုးရွာသည့်အခါအသုံးပြုနိုင်ရန် သစ်၊ ကောက်ရိုးနှင့် တစ်လစာ ဆန်စပါးတို့ကိုစုဆောင်းထားစေသည်။ တပ်သားတို့ကိုတစ်လကြာ အနားပေးထားခဲ့ပြီး စားစရာနှင့်အဝတ်တို့ကိုကြိုပေးထားခဲ့သည်။ တိုက်ခိုက်မှုကို ခဏဆိုင်းငံ့ထားလေသည်။

"ချောင်ကျန်း"(Cao Zhen) နှင့် "စီးမာယီ"(Sima Yi) တို့ ချန်ချန်းသို့ရောက်ပြီး မြို့ထဲသို့ဝင်သောအခါ မြို့တွင်းဝယ် အိမ်တစ်အိမ်မျှမရှိပေ။ ထိုအနီးအနားရှိလူတို့ကိုမေးသောအခါ "ကျူးကဲလျန့်"(Zhuge Liang) သည် မထွက်ခွာမီ အားလုံးကိုမီးရှို့ခဲ့ကြောင်းသိရသည်။ ထိုအခါ "ချောင်ကျန်း"(Cao Zhen) မှ လမ်းမကြီးအတိုင်း ဆက်လက်ချီတက်လိုခဲ့သည်။ သို့သော် "စီးမာယီ"(Sima Yi) မှလက်မခံပဲ မိုးရွာမည့်အကြောင်းပြောခဲ့သည်။

"ကျွန်တော် ကောင်းကင်ကြီးကိုကြည့်လိုက်တော့ ကြယ်တွေရဲ့ရွေ့လျားမှုတွေအရ အချိန်ကြာမြင့်စွာမိုးရွာမယ်ဆိုတာ သိရတယ်။ ကျွန်တော်တို့တွေ ခက်ခဲကြမ်းတမ်းတဲ့နယ်မြေတွေထဲရောက်ပြီး အနိုင်ရရင်တော့ ကောင်းပါရဲ့။ ဒါပေမယ့် ရှုံးနိမ့်ရင် ပြန်ထွက်နိုင်တော့မှာမဟုတ်ဘူး။ ဒါကြောင့် မြို့ထဲမှာပဲနေပြီး မိုးရွာတဲ့အခါ ခံနိုင်ဖို့အမိုးအကာတွေလုပ်ရမယ်"

"ချောင်ကျန်း"(Cao Zhen) သည် ထိုအကြံကိုလိုက်နာခဲ့သည်။ လလယ်ပိုင်းတွင် မိုးစရွာသောအခါ မိုးရေကြီးပြီး ရေသည် သုံးပေခန့်အထိတက်လေသည်။ တပ်သားတို့၏လက်နက်ကိရိယာတို့မှာ ရေစိုကုန်ပြီး တပ်သားတို့သည်လည်း အိပ်စရာနေရာမရှိခဲ့ပေ။ တစ်လလုံးမိုးရွာသွန်းခဲ့ပြီး မြင်းတို့ကိအစာကျွေးနိုင်ခြင်းမရှိသလို တပ်သားတို့လည်း ငြီးငြူခဲ့ကြသည်။ ထိုအကြောင်းကို လော့ရန်သို့သတင်းပို့ခဲ့ပြီး ဧကရာဇ်ကိုယ်တိုင် ရာသီဥတုကောင်းမွန်လာရန် ပူဇော်ပသမှုများလုပ်ခဲ့သော်လည်း မထူးခြားလာခဲ့ပေ။

ဝန်ကြီး "ဝမ်စူး"(Wang Su) မှ သဝဏ်လွှာဆက်သခဲ့သည်။

'စားနပ်ရိက္ခာတွေကိုအဝေးကြီးပို့ရရင် တပ်သားတွေဆာလောင်မွတ်သိပ်ကုန်တတ်တယ်လို့ သမိုင်းတွေမှာသာဓကရှိပါတယ်။ ဒါ့အပြင် ထမင်းဟင်းမချက်ခင် သစ်တွေစုဆောင်းနေရရင်လည်း တပ်ဖွဲ့ဟာ အစားအသောက်ဝဝလင်လင်မစားရတတ်ပါဘူး။ ဒါဟာ သာမန်တိုင်းပြည်ထဲကိုသွားတဲ့စစ်ဆင်ရေးတွေအတွက်လည်း အရေးကြီးပါတယ်။ ဒါ့အပြင် စစ်တပ်ကြီးက ခက်ခဲတဲ့နယ်မြေထဲကိုချီတက်ပြီး လမ်းပိတ်ဆို့ခံရရင် နဂိုထက်နှစ်ဆပိုအားထုတ်ရပါမယ်။ အခုအချိန်မှာ မိုးရွာသွန်းမှုကြောင့် တောင်ကုန်းတွေဟာ ချောနေပြီးတော့ စစ်ချီတက်မှုဟာ နှောင့်နှေးခဲ့ရပြီး လှုပ်ရှားမှုလည်း မရှိခဲ့ဘူး။ စားနပ်ရိက္ခာတွေလည်း ခက်ခဲစွာပို့ဆောင်ရတယ်။ စစ်တပ်အတွက် အောင်မြင်ဖို့ရာနှုန်းနည်းပါတယ်။

ချောင်ကျန်း(Cao Zhen) က ထွက်သွားတာ တစ်လကျော်ခဲ့ပေမယ့် တောင်ကြားရဲ့အလယ်ကိုပဲရောက်သေးတယ်။ လမ်းဖောက်လုပ်ရာမှာ အင်အားတွေအများကြီးသုံးခဲ့ရပြီး တိုက်ခိုက်တဲ့တပ်သားတွေကလည်း အဲ့မှာလုပ်နေရတယ်။ လက်တွေ့နဲ့စိတ်ကူးယဉ်ဟာ လုံးဝကွာခြားပါတယ်။ တိုက်ခိုက်တဲ့တပ်သားတွေက ဒီလိုလုပ်ရတာကို မကြိုက်ကြပါဘူး။

ကျွန်တော် တခြားဥပမာတွေပေးပါရစေ။ ကျိုးပြည်ဘုရင်ဝူက ရှန်မင်းဆက်ရဲ့နောက်ဆုံးမင်းကိုတိုက်တော့ ခံတပ်တစ်ခုကိုသွားခဲ့ပြီး ပြန်ဆုတ်လာခဲ့ရတယ်။ အခုလတ်တလောခေတ်ကာလမှာလည်း ချောင်နဲ့ဖီဧကရာဇ်တို့ဟာ စွန်းချွမ်(Sun Quan) ကိုတိုက်ဖို့ မြစ်အထိရောရောက်ပြီး ဆက်မတိုက်နိုင်ခဲ့ဘူး။ သူတို့ဟာ အခက်အခဲတွေကိုသိခဲ့လို့ သင့်လျော်စွာလုပ်ဆောင်ခဲ့တာမဟုတ်လား။ အရှင်မင်းကြီးလည်း မိုးဒဏ်ကြောင့်အခက်အခဲတွေဖြစ်နေတာ အမှတ်ရပြီး ဒီစစ်ချီမှုကိုရုတ်သိမ်းဖို့မျှော်လင့်ပါတယ်။ မကြာခင်မှာ နောက်ထပ်တိုက်ခိုက်ဖို့ အခွင့်အရေးပေါ်လာပါလိမ့်မယ်။ အခက်အခဲတွေကိုကျော်လွှားနိုင်ရင် လူတွေက သေဆုံးခြင်းဆိုတာကိုတောင် မေ့သွားတတ်တယ်'

ဝေဧကရာဇ်သည် စိတ်မပိုင်းဖြတ်နိုင်ခဲ့ပေ။ သို့သော် "ရန်ဖူ"(Yang Fu) နှင့် "ဟွာရှင်း"(Hua Xin) တို့ကလည်း တိုက်တွန်းသောကြောင့် "ချောင်ကျန်း"(Cao Zhen) နှင့် "စီးမာယီ"(Sima Yi) တို့ကိုပြန်လာရန် အမိန့်ထုတ်ခဲ့သည်။

"ချောင်ကျန်း"(Cao Zhen) နှင့် "စီးမာယီ"(Sima Yi) တို့သည် စစ်ဆင်ရေးကိုဆက်လက်မလုပ်ဆောင်ရန် ဆွေးနွေးခဲ့ကြပြီးဖြစ်သည်။ "ချောင်ကျန်း"(Cao Zhen) မှ

"တစ်လလုံးမိုးရွာတော့ တပ်သားတွေက စိတ်ဓာတ်ပျက်ပြားနေကြပြီး အိမ်ပြန်ဖို့ပဲတာစူနေခဲ့တယ်။ သူတို့တွေကို ဘယ်လိုများပိတ်ပင်နိုင်ပါ့မလဲ"

"ပြန်ဆုတ်တာက အကောင်းဆုံးပါပဲ"

"ကျူးကဲလျန့်(Zhuge Liang) က အနောက်က လာတိုက်ရင် ဘယ်လိုလုပ်မလဲ"

"ကျွန်တော်တို့ ကင်းပုန်းချထားလို့ရတယ်"

ထိုသို့ဆွေးနွေးနေစဉ်မှာပင် ဧကရာဇ်၏အမိန့်တော်ရောက်လာခဲ့သည်။ ထို့ကြောင့် ပြန်လည်ဆုတ်ခွာကြရန် ပြင်ဆင်လေသည်။

"ကျူးကဲလျန့်"(Zhuge Liang) သည် မိုးရွာမည်ကိုကြိုသိခဲ့သောကြောင့် တပ်သားတို့ကို လုံခြုံရာတွင် စခန်းချထားစေခဲ့သည်။ ထို့နောက် တပ်မကြီးကို အနီရောင်ဆင်ခြေလျှောတွင် စုဝေးစေကာ စခန်းချစေသည်။ သူ၏ရွက်ဖျင်တဲသို့ အမှုထမ်းတို့အားခေါ်ပြီး

"ကျုပ်အထင်ကတော့ ဝေဧကရာဇ်ရဲ့အမိန့်ကြောင့် ရန်သူတွေတပ်ဆုတ်ကြရလိမ့်မယ်။ တပ်ဆုတ်ရင်လည်း ပြင်ဆင်မှုတွေလိုအပ်တာကြောင့် ကျုပ်တို့တွေနောက်ကလိုက်ရင် သူတို့ထောင်ချောက်ထဲဝင်သွားနိုင်မယ်။ ဒါကြောင့် သူတို့ကိုလိုက်မတိုက်ပဲ အေးအေးဆေးဆေးတပ်ဆုတ်သွားစေမယ်။ ဒီတော့ တခြားအစီအစဉ်တွေဆွဲရမယ်"

ရန်သူတို့ဆုတ်ခွာသွားသည့်အကြောင်းကို "ဝမ်ဖင်"(Wang Ping) မှသတင်းပို့လာသောအခါ ဆက်သားပြန်လွှတ်ကာ ရန်သူ့နောက်သို့မလိုက်ရန် "ဝမ်ဖင်"(Wang Ping) အားမှာလိုက်သည်။