သုံးနိုင်ငံခေတ်(၈၈)

အခန်း(၈၈) ကင်းမြီးကောက်မြစ်ကိုဖြတ်ကာ မန်ဘုရင် ဒုတိယအကြိမ်ချုပ်နှောင်ခံရခြင်း။

ဒုတိယအကြိမ် ဟန်ဆောင်လက်နက်ချခြင်းကိုအသိအမှတ်ပြုပြီးနောက် မုန့်ဟော်(Meng Huo) သည် တတိယအကြိမ်အဖမ်းခံရခြင်း။

အမှုထမ်းတို့သည် မန်ဘုရင်ကိုပြန်လွှတ်ခြင်းနှင့်ပတ်သတ်ပြီး သဘောမတူခဲ့ပေ။ သူတို့သည် "ကျူးကဲလျန့်"(Zhuge Liang) ၏ရွက်ဖျင်တဲသို့ရောက်လာကာ

"မုန့်ဟော်(Meng Huo) က မန်မျိုးနွယ်စုတွေရဲ့အဓိကအရေးပါတဲ့လူပဲ။ သူ့ကိုဖမ်းဆီးတာက တောင်ပိုင်းကိုငြိမ်းချမ်းစေဖို့အတွက် အဓိကကျတယ်။ အဲ့ဒါကို ဘာလို့ဝန်ကြီးချုပ်က ပြန်လွှတ်လိုက်ရတာလဲ"

"ကျုပ်အင်္ကျီအိတ်ထဲက ပစ္စည်းထုတ်သလိုမျိုး သူ့ကိုပြန်ဖမ်းနိုင်တယ်။ ကျုပ်လုပ်ချင်တာက သူ့စိတ်ကိုအောင်နိုင်ဖို့ပဲ၊ ပြီးရင်တော့ ငြိမ်းချမ်းမှုက သူ့အလိုလိုရောက်လာမှာဖြစ်တယ်"

သူတို့သည် နားထောင်သော်လည်း ထိုအစီအစဉ်သည်အောင်မြင်လိမ့်မည်ဟုမထင်ကြပေ။

ထိုအချိန်ဝယ် "မုန့်ဟော်"(Meng Huo) သည် လုမြစ်သို့ရောက်သွားပြီဖြစ်ပြီး စစ်ရှုံးနိမ့်သောခေါင်းဆောင်အချို့နှင့်ပြန်တွေ့ရာ ထိုသူတို့က ဘုရင်၏အဖြစ်အပျက်တို့ကိုမေးမြန်းကြသည်။ သူတို့သည် အံ့ဩဝမ်းသာသွားကြပြီး

"ဘုရင်ကြီးက ဘယ်လိုလုပ်ပြန်လာနိုင်တာလဲ"

ဘုရင်က လိမ်လည်ကာ

"သူတို့က ကျုပ်ကိုရွက်ဖျင်တဲမှာဖမ်းထားခဲ့တယ်။ ကျုပ်က ညဘက်မှာ ဖောက်ထွက်လာခဲ့ပြီး အစောင့်ဆယ်ယောက်လောက်ကို သတ်ပြီးပြေးလာတာ။ ဒါ့အပြင် သူတို့ရဲ့ကင်းစောင့်တပ်ကလူတစ်ယောက်နဲ့တွေ့ပြီး သူ့ကိုသတ်လိုက်တယ်။ အဲ့ကနေ ဒီမြင်းကိုရလာခဲ့တာ"

လက်အောက်ငယ်သားတို့သည်လည်း သူ့စကားကိုသံသယမရှိကြပဲ ဝမ်းသာအားရဖြင့် မြစ်ကိုဖြတ်ကာ စခန်းချရာနေရာသို့ခေါ်သွားသည်။ လျှိုမြောင်အသီးသီးမှ နာမည်ကြီးပုဂ္ဂိုလ်တို့ကိုခေါ်ကာ သေဘေးမှလွတ်မြောက်လာသောတပ်တို့ကိုပြန်စုစည်းပြီး တိုက်ခိုက်ရန်အတွက် ပြန်လည်ဖွဲ့စည်းခဲ့သည်။

ပထမစစ်ပွဲရှိခေါင်းဆောင်နှစ်ဦးဖြစ်သော "တုန်းထူန"(Dongtu Na) နှင့် "အာဟွေ့နန်"(Ahui Nan) တို့သည်လည်း လျှိုမြောင်တစ်ခုတွင်ရှိနေပြီး "မုန့်ဟော်"(Meng Huo) မှ သူတို့နှစ်ဦးကိုလာရောက်ရန်ခေါ်ခဲ့သည်။ သူတို့မှာ မလာချင်သော်လည်း အာဏာကိုမဖီဆန်ဝံ့သောကြောင့် တပ်ငယ်လေးနှင့်အတူရောက်လာသည်။

အကုန်လုံးစုစည်းပြီးသောအခါ ဘုရင်မှ ကြေညာသည်။

"ကျူးကဲလျန့်(Zhuge Liang) ကို အနိုင်ယူဖို့ရာ သူကပရိယာယ်ကြွယ်လွန်းတယ်ဆိုတာ ကျုပ်သိတယ်။ သူ့ရဲ့ဉာဏ်နီဉာဏ်နက်တွေရဲ့သားကောင်ဖြစ်မှာပဲ။ ဒါပေမယ့် သူ့တပ်သားတွေက အဝေးကြီးကချီလာတာဖြစ်ပြီး ရာသီဥတုက ပူအိုက်နေတဲ့အချက်တွေက ကျုပ်တို့ရဲ့အားသာချက်ဆိုတာ မမေ့သင့်ဘူး။ ဒါ့အပြင် လုမြစ်ကမ်းက ကျုပ်တို့ရဲ့ခံတပ်ကြီးပဲ တောင်ဘက်မှာ ကျုပ်တို့သင်္ဘောတွေ၊ ဖောင်တွေရှိတယ်။ နောက်ပြီး ကျုပ်တို့တွေရွှံ့တံတိုင်းဆောက်မယ်။ အဲ့လိုခုခံမှုတွေပြင်ထားမယ်ဆိုရင် ရန်သူတွေဘာလုပ်လုပ်မလည်းဆိုတာ ကြည့်တာပေါ့"

သူ့စကားကိုထောက်ခံကြပြီး ထိုအစီအစဉ်ကို အကောင်အထည်ဖော်ကြသည်။ တံတိုင်းသည် တောင်ကုန်းတို့၏အကာအကွယ်ရှိပြီး လေး၊ဒူးလေးတို့ထားထားသည့် ပြအိုးတို့ဖြင့် ကာကွယ်မှုကိုပိုလုံခြုံစေသည်။ ကာကွယ်မှုတို့မှာ အကြာကြီးတည်တံ့မည့်ပုံပေါ်ပြီး လျှိုမြောင်တို့မှလည်း စားနပ်ရိက္ခာများစွာပို့ခဲ့သည်။ ၎င်းတို့ကိုပြင်ဆင်ပြီးနောက် "မုန့်ဟော်"(Meng Huo) သည် စိတ်သက်သာပြီးလုံခြုံသွားပြီဟုထင်ခဲ့သည်။

"ကျူးကဲလျန့်"(Zhuge Liang) သည် ချီတက်လာခဲ့ပြီး ခေါင်းဆောင်တပ်မကြီးသည် မြစ်နားသို့ရောက်လာသည်။ သူလျှိုတို့မှ

"မြစ်ကိုဖြတ်ဖို့ သင်္ဘောတွေ၊ ဖောင်တွေမရှိပါဘူး။ ရေစီးကလည်း အရမ်းသန်တော့ ဒီအတိုင်းဖြတ်ကူးဖို့မဖြစ်နိုင်ဘူး။ ဒါ့အပြင် ဟိုးဘက်ကမ်းမှာ အကာအကွယ်တွေလုပ်ထားပြီး ရွှံ့တံတိုင်းနဲ့ပြအိုးတွေရှိတယ်"

ငါးလပိုင်းဖြစ်သောကြောင့် ရာသီဥတုမှာ ခြစ်ခြစ်တောက်ပူလောင်သည်။ တပ်သားတို့သည် သံချပ်ကာကိုမဆိုထားနှင့်၊ သာမန်အဝတ်ကိုဝတ်လျှင်ပင် ပူအိုက်နေခဲ့သည်။ "ကျူးကဲလျန့်"(Zhuge Liang) သည် မြစ်ကိုစစ်ဆေးကြည့်ပြီးနောက် ရွက်ဖျင်တဲသို့ပြန်ကာ အမှုထမ်းတို့ကိုစုစည်းပြီး အောက်ပါအမိန့်ကိုဖတ်ခဲ့သည်။

"ရန်သူတွေက တောင်ဘက်ကမ်းမှာ ကျုပ်တို့ကိုဆန့်ကျင်ဖို့ အကာအကွယ်တွေနဲ့အခိုင်အမာနေ,နေတယ်။ သို့ပေမယ့် ဒီအထိရောက်လာပြီးမှတော့ လက်ဗလာနဲ့မပြန်သင့်ဘူး။ လက်ရှိမှာတော့ သစ်တောတွေမှာ ခိုနေပြီး အနားယူပြီးတော့ ပင်ပန်းနွမ်းနယ်မှုတွေကိုအရင်ပြေပျောက်ပါစေ"

ထို့နောက် "လုခိုင်"(Lu Kai) အား မိုင်သုံးဆယ်ဝန်းကျင်တွင် အရိပ်ရသည့်နေရာတို့ကိုရှာစေပြီး သစ်လုံးခံတပ်လေးခုလုပ်စေသည်။ ထိုခံတပ်တို့တွင် တပ်သားတို့အတွက် တဲအိမ်များဆောက်ကာ မြင်းတို့အတွက် မြင်းဇောင်းများဆောက်စေသည်၊ အပူချိန်၏ဒဏ်ကို ခံနိုင်ရန်အတွက်ဖြစ်သည်။ ထိုတပ်စခန်းလေးခုကို "ဝမ်ဖင်"(Wang Ping) ၊ "ကျန်းနီ"(Zhang Ni) ၊ "ကျန်းယီ"(Zhang Yi) နှင့် "ကွမ်းဆော်"(Guan Suo) တို့အားတာဝန်ပေးထားသည်။

သို့သော် ထိုခံတပ်တို့ကို "ကျန်းဝမ်"(Jiang Wan) မှ ကြည့်ရှုပြီးနောက် "ကျူးကဲလျန့်"(Zhuge Liang) ထံသွားကာ

"လုခိုင်(Lu Kai) ရွေးချယ်တဲ့နေရာတွေက မသင့်တော်ဘူး။ ပထမဧကရာဇ် ဝူပြည်လက်အောက်မှာ စစ်ရှုံးတဲ့အချိန်တုန်းကလည်း ဒီလိုအမှားမျိုးကိုကျူးလွန်ခဲ့ပြီးပြီ။ ဒီတပ်စခန်းတွေရဲ့ဘေးပတ်ဝန်းကျင်ကိုထည့်မစဉ်းစားခဲ့ဘူး။ မန်မျိုးနွယ်တွေလာပြီး မီးရှို့မယ်ဆိုရင် ဘယ်လိုမှပြေးလွတ်မှာမဟုတ်ဘူး"

သေနာပတိမှပြုံးပြီး

"ပြဿနာဖြစ်မှာ မစိုးရိမ်ပါနဲ့။ ကြုံလာမယ့်အန္တရာယ်တွေအတွက် စီစဉ်ထားပြီးပါပြီ"

ခေါင်းဆောင်ဖြစ်သူက မည်သည့်အစီအစဉ်ရှိသည်ကိုမသိသော်လည်း "ကျန်းဝမ်"(Jiang Wan) က ဆက်မပြောတော့ပေ။ ထို့နောက် "မာတိုက်"(Ma Dai) သည် မြစ်ပြည်နယ်မှရောက်လာပြီး နွေရာသီအတွက် ဆေးဝါးများနှင့်စားနပ်ရိက္ခာများယူလာသည်။ "ကျူးကဲလျန့်"(Zhuge Liang) နှင့်တွေ့ပြီးနောက် ပါလာသောရိက္ခာတို့ကိုအမိန့်အတိုင်း ဝေငှခဲ့သည်။

ထို့နောက် "ကျူးကဲလျန့်"(Zhuge Liang) မှ မေးသည်။

"ခင်ဗျားမှာ တပ်သားဘယ်လောက်ပါလဲ"

"သုံးထောင်ပါ"

"ကျုပ်တပ်သားတွေက ပင်ပန်းနေကြတယ်။ ဒါကြောင့် ခင်ဗျားတပ်ကိုသုံးချင်တယ်၊ ခင်ဗျားမှာ ကန့်ကွက်ချက်ရှိလား"

"မရှိပါဘူး။ သူတို့တွေလည်း တိုင်းပြည်ရဲ့တပ်တွေပဲလေ။ ဝန်ကြီးချုပ်ဆန္ဒရှိမယ်ဆို သေဖို့တောင်အဆင်သင့်ဖြစ်နေမှာပါ"

"မုန့်ဟော်(Meng Huo) က မြစ်ကမ်းမှာ အခိုင်အမာနေရာယူထားတယ်။ မြစ်ကိုဖြတ်ဖို့နည်းမရှိဘူး။ ဒါပေမယ့် သူ့စားနပ်ရိက္ခာတွေကိုဖြတ်တောက်ချင်တယ်၊ ဒါမှ သူ့တပ်တွေကဆန့်ကျင်ကြမှာ"

"ဘယ်လိုလုပ်မလို့လဲ"

"လုမြစ်ရဲ့အောက်ပိုင်း မိုင်ငါးဆယ်လောက် ရှားခိုလို့ခေါ်တဲ့နေရာမှာ ရေစီးသိပ်မမြန်ဘူး။ အဲ့ကနေ ဖောင်တွေနဲ့ဖြတ်ပြီးတော့ သူတို့ရဲ့ရိက္ခာလမ်းကြောင်းကိုဖြတ်တောက်ပါ။ ပြီးရင်တော့ ကျုပ်လွှတ်ပေးလိုက်တဲ့ တုန်းထူန(Dongtu Na) နဲ့အာဟွေ့နန်(Ahui Nan) တို့က အတွင်းလူအနေနဲ့ ခင်ဗျားကိုကူညီလိမ့်မယ်။ အဲ့လိုသာဆို ကျုပ်တို့တွေအောင်မြင်လိမ့်မယ်"

"မာတိုက်"(Ma Dai) သည် ဝမ်းမြောက်စွာဖြင့် တပ်ကိုရှားခိုသို့ဦးဆောင်ပြီး ထိုနေရာမှမြစ်ကိုဖြတ်ကူးသည်။ ရေတိမ်သောကြောင့် ဖောင်တို့လုပ်စရာမလိုပဲ အင်္ကျီအဝတ်တို့ကိုမ,တင်ပြီး ထိုအတိုင်းပင်ဖြတ်ကူးသည်။ သို့သော် ခရီးတဝက်ရောက်သောအခါ လူတို့မှာ လဲကျကုန်ပြီး ထိုသူတို့ကိုကယ်တင်ပြီးနောက် မြစ်ကမ်းပေါ်သို့ခေါ်လာသောအခါ ပါးစပ်၊ နှာခေါင်းတို့မှသွေးများထွက်ပြီး သေဆုံးကုန်ကြသည်။ "မာတိုက်"(Ma Dai) သည် ထိတ်လန့်သွားပြီး "ကျူးကဲလျန့်"(Zhuge Liang) ဆီအကြောင်းကြားခဲ့ရာ "ကျူးကဲလျန့်"(Zhuge Liang) မှ ဒေသခံတို့ကိုခေါ်ပြီးမေးမြန်းသည်။

"ဒါ နှစ်တိုင်းဖြစ်ပါတယ်။ ပူပြင်းတဲ့အချိန်တွေဆို လုမြစ်ကရေတွေက အဆိပ်ငွေ့တွေအဖြစ်ပြောင်းသွားတယ်။ ရေကိုသောက်မိတဲ့လူတိုင်းက သေတယ်။ ဒါကြောင့် ခရီးသွားတွေက မြစ်ကိုဖြတ်ဖို့ညအချိန်ထိစောင့်ရတယ်။ ညဘက်ဆိုရင် အေးတဲ့ရေတွေက အဆိပ်ငွေ့အဖြစ်မပြောင်းသွားတော့ဘူး။ ဒါ့အပြင် မြစ်ကိုမဖြတ်ခင် ဗိုက်ကိုအပြည့်ဖြည့်ပြီးမှ ဖြတ်သင့်တယ်"

"ကျူးကဲလျန့်"(Zhuge Liang) မှ လမ်းပြတို့အား မြစ်ကိုဖြတ်ရန်အကောင်းဆုံးနေရာကိုညွှန်ပြစေခဲ့ပြီး "မာတိုက်"(Ma Dai) ထံ ဝါရင့်တပ်သားတို့ကိုစေလွှတ်ခဲ့သည်။ ပြီးနောက် ရှားခိုတွင် သစ်လုံးတို့ကိုစုစည်းကာ ဖောင်များပြုလုပ်စေကာ ညဘက်တွင် မြစ်ကိုကူးခဲ့သည်။ ထို့အပြင် လမ်းပြတို့က ရှူတပ်သားသုံးထောင်ကိုခေါ်ပြီး မန်မျိုးနွယ်စုတို့၏စားနပ်ရိက္ခာသယ်ယူဖို့ဆောင်သည့် တောင်ကြားလမ်းကိုပြသခဲ့သည်။ ထိုနေရာကို ကျားစန်းလျှိုချောက်ဟုခေါ်ပြီး ထိုလမ်းမှာ ကျဉ်းမြောင်းကာ လူတစ်ယောက်နှင့်မြင်းတစ်ကောင်သာသွားနိုင်သည့်အကျယ်ရှိသည်။ "မာတိုက်"(Ma Dai) သည် ထိုနေရာတွင်စခန်းချပြီး ရွက်ဖျင်တဲတို့၏အပြင်ဘက်တွင် အကာအကွယ်တို့ပြုလုပ်ထားစေသည်။ ဆန်၊စပါးတို့ကိုသယ်ဆောင်လာသောတပ်ဖွဲ့တို့ရောက်လာသောအခါ ဖမ်းဆီးလိုက်ပြီး လှည်းပေါင်းတစ်ရာခန့်ကိုသိမ်းယူရရှိသည်။ အစောင့်တို့သည် "မုန့်ဟော်"(Meng Huo) ၏ခံတပ်သို့သွားကာ ပြောပြသည်။

"မုန့်ဟော်"(Meng Huo) သည် နွေရာသီတွင် လုံခြုံသည်ဟုမှတ်ယူကာ အေးဆေးစွာအနားယူနေခဲ့သည်။ အရက်၊ ဂီတတို့ဖြင့်အချိန်ကုန်နေခဲ့ပြီး စစ်မက်ရေးရာကိုခေါင်းထဲမထည့်ခဲ့ပေ။ အရက်သောက်ပြီးနောက် "ကျူးကဲလျန့်"(Zhuge Liang) သည် ပရိယာယ်ကြွယ်သူဖြစ်သည်ဟုဝန်ခံခဲ့ပြီး ကြောက်စရာမလိုကြောင်း သူ့တပ်သားတို့ကိုပြောခဲ့သည်။

"ကျုပ်သာ ကျူးကဲလျန့်(Zhuge Liang) ကိုဆန့်ကျင်ရင် သူ့ပရိယာယ်ရဲ့သားကောင်ဖြစ်မှာပဲ။ ဒါပေမယ့် ကျုပ်ရဲ့စောင့်နေတဲ့အကြံက လုံခြုံတဲ့အကြံပဲဖြစ်တယ်။ ကျုပ်တို့ရဲ့ခုခံမှုတွေအပြင် မြစ်ရဲ့အကာအကွယ်ပါရှိတော့ အပူဒဏ်မခံနိုင်တဲ့ရှူတပ်တွေအတွက် ဒီထက်ပူလာမယ့်အချိန်ကိုစောင့်ဖို့ပဲလိုတယ်။ သူတို့တွေတပ်ဆုတ်သွားရမှာပဲ။ အဲ့အချိန်မှာမှ ကျုပ်တို့က သူတို့ကိုလိုက်တိုက်ပြီးတော့ ကျူးကဲလျန့်(Zhuge Liang) ကို ဖမ်းဆီးနိုင်မှာဖြစ်တယ်"

သူ့အကြံသူ သဘောကျပြီး ကျောမှီကာ ရယ်မောနေခဲ့သည်။ ထိုအချိန်တွင် အခြားသူတို့ထက် ချင့်ချိန်မြော်မြင်တတ်သောခေါင်းဆောင်မှ

"ရှားခိုမှာ ရေတိမ်တယ်ဆိုတာ မမေ့သင့်ဘူး။ ရှူတပ်တွေက ဒါကိုအခွင့်ကောင်းယူပြီးတိတ်တဆိတ်ချီတက်လာရင် ဒုက္ခရောက်လိမ့်မယ်။ ဒါကြောင့် အဲ့နေရာမှာ ကင်းစောင့်ထားသင့်တယ်"

"ခင်ဗျားလည်း အဲ့နေရာအကြောင်းသိတာပဲ။ ကျုပ်က သူတို့တွေဖြတ်လာဖို့မျှော်လင့်နေတာ။ ဘာကြောင့်လည်းဆိုတော့ အဲ့လိုသာဆိုရင် သူတို့တွေ ရေထဲမှာ သေသွားကြမှာလေ"

"ဒါပေမယ့်  ညဘက်မှာဖြတ်လို့ရနိုင်တယ်လို့ဒေသခံတွေက ပြောပြရင်ကော?"

"စိတ်မပူပါနဲ့။ ကျုပ်တို့လူတွေက ရန်သူတွေကို အဲ့လောက်မကူလောက်ပါဘူး"

ထိုအချိန်တွင် သတင်းရောက်လာသည်။

"အရေအတွက်မသိရသေးတဲ့ ရှူတပ်တွေက မြစ်ကိုဖြတ်လာပြီး ကျားစန်းလျှိုချောက်ကိုထိမ်းထားပါတယ်။ 'မြောက်ပိုင်းကိုငြိမ်းချမ်းစေသော စစ်သူကြီး မာတိုက်(Ma Dai)' ဆိုပြီး အလံတွေတွေ့ရပါတယ်"

"မုန့်ဟော်"(Meng Huo) သည် ဂရုမစိုက်ပေ။

"ဒီလိုလူမျိုးကို စကားထဲထည့်ပြောစရာတောင်မလိုဘူး"

ထို့နောက် စစ်သူကြီး "မန်ရာချန်"(Mangya Chang) ကို တပ်သားသုံးထောင်နှင့်အတူစေလွှတ်ပြီး လျှိုချောက်ကိုပြန်သိမ်းယူကာ စားနပ်ရိက္ခာလမ်းကိုပြန်ပွင့်အောင်လုပ်ရန် အမိန့်ပေးလိုက်သည်။ မန်မျိုးနွယ်စုတပ်တို့ချီတက်လာသည်ကိုမြင်သောအခါ "မာတိုက်"(Ma Dai) သည် တပ်သားနှစ်ထောင်ကို တောင်ကုန်းရှေ့တွင် နေရာချထားပြီး ခင်းကျင်းထားစေသည်။ ထို့နောက် "မန်ရာချန်"(Mangya Chang) ထွက်လာပြီးတိုက်သည်။ "မာတိုက်"(Ma Dai) ၏ပထမတိုက်ကွက်တွင်ပင် ရန်သူ့စစ်သူကြီးကျသွားသောကြောင့် မန်တပ်သားများ ထွက်ပြေးကုန်သည်။

သူတို့သည် ဘုရင်၏စခန်းသို့ပြန်သွားပြီး ဖြစ်ပျက်ခဲ့သည်ကိုပြန်ပြောရာ ဘုရင်မှ စစ်သူကြီးတို့ကိုခေါ်ပြီး "မာတိုက်"(Ma Dai) မည်သူသွားတိုက်လိုသနည်းဟုမေးခဲ့သည်။ "တုန်းထူန"(Dongtu Na) မှ

"ကျွန်တော်သွားမယ်" ဟုပြောရာသူ့ကို တပ်သားသုံးထောင်ပေးလိုက်လေသည်။ သူထွက်သွားသောအခါ "မုန့်ဟော်"(Meng Huo) သည် မြစ်ကိုရန်သူများဖြတ်မလာစေရန် ရှားခိုသို့ အစောင့်အကြပ်လွှတ်ထားခဲ့သည်။ "တုန်းထူန"(Dongtu Na) သည် လျှိုစောက်နားသို့ရောက်လာပြီး စခန်းပြုလုပ်ခဲ့သည်။ ပြီးနောက်တွင် "မာတိုက်"(Ma Dai) ရောက်လာသည်။ "မာတိုက်"(Ma Dai) ၏တပ်ဖွဲ့ထဲတွင် မန်မျိုးနွယ်ခေါင်းဆောင်ကိုမှတ်မိသူများပါဝင်ရာ ထိုခေါင်းဆောင်မှာ အဖမ်းခံရပြီး ပြန်လွှတ်ပေးခြင်းခံရသူဖြစ်ကြောင်းပြောသည်။ ထိုအခါ "မာတိုက်"(Ma Dai) မှ မြင်းကို ကဆုန်စိုင်းစီးပြီး

"ကျေးဇူးကန်းတဲ့လူ၊ ဝန်ကြီးချုပ်ရဲ့ကျေးဇူးကိုမေ့သွားပြီလား? ခင်ဗျားမှာ အရှက်မရှိဘူးလား" ဟုအော်ဟစ်ခဲ့သည်။

"တုန်းထူန"(Dongtu Na) သည် ရှက်သွားပြီးမျက်နှာနီသွားကာ မြင်းကိုစီးကာ တိုက်ခိုက်သည်။ "မာတိုက်"(Ma Dai) သည် မန်တပ်သားပေါင်းများစွာကိုသတ်ဖြတ်ခဲ့ပြီးနောက်တွင် နှစ်ဖက်လုံးတပ်ဆုတ်သွားကြသည်။ "တုန်းထူန"(Dongtu Na) သည် ပြန်လာပြီး "မာတိုက်"(Ma Dai) ကို သူတိုက်ခိုက်နိုင်မည်မဟုတ်ကြောင်းပြောသည်။ "မုန့်ဟော်"(Meng Huo) သည် ဒေါသထွက်ကာ

"ခင်ဗျားက သစ္စာဖောက်ပဲ။ ကျူးကဲလျန့်(Zhuge Liang) က ခင်ဗျားအပေါ်ကောင်းခဲ့လို့ ခင်ဗျားမတိုက်တာမဟုတ်လား"

ထို့နောက် "တုန်းထူန"(Dongtu Na) ကိုသေဒဏ်ပေးရန်အမိန့်ပေးလိုက်သည်။ သို့သော် အဓိကရပုဂ္ဂိုလ်များနှင့်ခေါင်းဆောင်တို့က ဝိုင်းတားမြစ်သောကြောင့် လေးလံသောတုတ်ဖြင့် ကြိမ်ဒဏ်အချက်တစ်ရာရိုက်စေခဲ့သည်။ ခေါင်းဆောင်တို့သည် အရိုက်ခံရသောစစ်သူကြီးဘက်တွင်ရှိပြီး ဘုရင်၏လုပ်ဆောင်မှုများကိုမကြိုက်ကြပေ။ သူတို့သည် "တုန်းထူန"(Dongtu Na) ၏ရွက်ဖျင်တဲသို့သွားပြီး

"ကျုပ်တို့က မန်တိုင်းပြည်မှာနေပေမယ့် နန်းတွင်းအစိုးရကိုဆန့်ကျင်ဖို့ဆန္ဒမရှိသလို အလယ်ပိုင်းကနေ ကျုပ်တို့နယ်မြေကိုမကျူးကျော်ခဲ့ဖူးဘူး။ မုန့်ဟော်(Meng Huo) ရဲ့အင်အားကြီးတပ်တွေကြောင့်သာ ကျုပ်တို့က မလွှဲသာပဲ ဒီပုန်ကန်မှုမှာ ပါဝင်ကြရတာဖြစ်တယ်။ ကျူးကဲလျန့်(Zhuge Liang) က တအားထူးချွန်လွန်းတယ်။ သူဘာလုပ်မယ်ဆိုတာ ကျုပ်တို့မသိနိုင်ဘူး။ ချောင်ချောင်း(Cao Cao) တို့၊ စွန်းချွမ်(Sun Quan) တို့တောင် သူ့ကိုကြောက်ရတာ ကျုပ်တို့က ဘာမို့လို့လဲ? ဒါ့အပြင် သူ့ရဲ့ကျေးဇူးတွေရှိနေတော့ အဲ့ကျေးဇူးကို ပြန်ဆပ်သင့်တယ်မဟုတ်လား။ ကျုပ်တို့တွေ အသက်နဲ့ရင်းပြီး မုန့်ဟော်(Meng Huo) ကိုသတ်ပြီးတော့ ကျူးကဲလျန့်(Zhuge Liang) ဆီမှာ လက်နက်ချရအောင်။ ဒါဆို လူတွေလည်း စစ်ဘေးဒဏ်မခံရတော့ဘူး"

"ခင်ဗျားတို့စိတ်ထဲမှာ ဘယ်လိုရှိလည်းမသိဘူး"

သုံ့ပန်းဖြစ်ဖူးသူအားလုံးမှ တစ်သံတည်းပြောသည်။

"ကျွန်တော်တို့တွေ မုန့်ဟော်(Meng Huo) ဆီသွားမယ်"

ထို့နောက် "တုန်းထူန"(Dongtu) သည် ထက်သောဓားကိုယူပြီး မကျေနပ်သောလူတစ်ရာခန့်ကိုဦးဆောင်ကာ စခန်းကြီးသို့သွားသည်။ "မုန့်ဟော်"(Meng Huo) သည် ပုံမှန်အတိုင်း အရက်မူးနေပြီး ရွက်ဖျင်တဲထဲတွင် လဲလျောင်းနေသည်။ တပ်တွင်းပုန်ကန်သူတို့သည် အတွင်းသို့ဝင်လာရာ စစ်သူကြီးနှစ်ယောက်က စောင့်ကြပ်နေသည်ကိုတွေ့သည်။ "တုန်းထူန"(Dongtu Na) မှ

"ခင်ဗျားတို့လည်း ကျူးကဲလျန့်(Zhuge Liang) ဆီက ကျေးဇူးတွေရှိတော့ ဒါကိုပြန်ပေးဆပ်သင့်တယ်"

"သူ့ကိုသတ်စရာမလိုပါဘူး။ ကျုပ်တို့တွေ သူ့ကိုသုံ့ပန်းအဖြစ် သယ်ပြီး ကျူးကဲလျန့်(Zhuge Liang) ဆီသွားအပ်ကြမယ်"

ထို့နောက် ဘုရင်ကိုချည်နှောင်ပြီး မြစ်ကိုဖြတ်ကာ မြောက်ဘက်ကမ်းသို့သွားလေသည်။ ပြီးနောက် ခဏနားပြီး "ကျူးကဲလျန့်"(Zhuge Liang) ထံလူလွှတ်ကာ အကြောင်းကြားသည်။

"ကျူးကဲလျန့်"(Zhuge Liang) သည် အကျိုးအကြောင်းသိသောအခါ တပ်စခန်းအားလုံးတို့ကိုလက်နက်များအသင့်ပြင်ထားရန် အမိန့်ပေးလိုက်ပြီးနောက် ခေါင်းဆောင်တို့ကို သုံ့ပန်းနှင့်အတူလာတွေ့စေပြီး ကျန်သူများကိုမူ စခန်းသို့ပြန်သွားစေသည်။ "တုန်းထူန"(Dongtu Na) သည် ပထမဆုံးဝင်တွေ့ရာ "ကျူးကဲလျန့်"(Zhuge Liang) မှ သူ့ကိုချီးကျူးပြီး ဆုလာဘ်များပေးခဲ့သည်။ ထို့နောက် အခြားသောခေါင်းဆောင်တို့နှင့်အတူပြန်ထွက်သွားသောအခါ အာဏာပါးကွက်သားတို့သည် "မုန့်ဟော်"(Meng Huo) ကိုခေါ်ပြီး ဝင်လာသည်။ "ကျူးကဲလျန့်"(Zhuge Liang) မှပြုံးပြီး

"ခင်ဗျား နောက်တစ်ကြိမ်အဖမ်းခံရရင် လက်နက်ချမယ်လို့ပြောခဲ့တယ်။ အခုလက်နက်ချတော့မလား"

"ဒီလိုဖမ်းမိတာ ခင်ဗျားကြောင့်မဟုတ်ပဲ ကျုပ်ကိုဒုက္ခပေးချင်တဲ့လက်အောက်ငယ်သားတွေကြောင့်ဖြစ်တယ်။ ဒါကြောင့် လက်နက်မချနိုင်ဘူး"

"နောက်တစ်ကြိမ်လွှတ်ပေးမယ်ဆိုရင်ကော?"

"ကျုပ်က မန်လူမျိုးဖြစ်ပေမယ့် စစ်မက်ရေးရာတွေကိုနည်းနည်းပါးပါးသိပါတယ်။ ဝန်ကြီးချုပ်သာ ကျုပ်ကို လျှိုမြောင်ဆီပြန်လွှတ်ပေးမယ်ဆိုရင် တပ်ဖွဲ့ကြီးပြင်ဆင်ပြီး တိုက်ပွဲကြီးတိုက်ဖို့လုပ်မယ်။ အဲ့အခါမှာ ထပ်ဖမ်းမိရင်တော့ ကျုပ်ရှုံးတယ်လို့မှတ်ယူပြီး လက်နက်ချပါမယ်။ ဒီကတိကို နောက်တစ်ကြိမ်မဖောက်ဖျက်ဘူး"

"နောက်တစ်ခါ ဖမ်းမိလို့မှ ခင်ဗျားလက်နက်မချဘူးဆိုရင် ခင်ဗျားကိုလွှတ်ပေးချင်မှလွှတ်ပေးတော့မှာ"

"ကျူးကဲလျန့်"(Zhuge Liang) ၏အမိန့်ဖြင့် ကြိုးတို့ကိုဖြည်စေပြီး အကျဉ်းသားကို စားသောက်စရာများပေးခဲ့သည်။  "ကျူးကဲလျန့်"(Zhuge Liang) မှ

"မှတ်ထားပါ။ ကျုပ်က တခါမှမရှုံးနိမ့်ဖူးဘူး။ မြို့ကိုတိုက်ခိုက်တဲ့အခါ မအောင်မြင်တာမရှိခဲ့ဖူးဘူး။ ခင်ဗျားတို့မန်မျိုးနွယ်တွေက ဘာလို့လက်နက်မချရတာလဲ"

"မုန့်ဟော်"(Meng Huo) သည် ခေါင်းကိုငြိမ့်ပြီး မည်သို့မှပြန်မပြောခဲ့ပေ။ စားသောက်ပြီးနောက် "ကျူးကဲလျန့်"(Zhuge Liang) သည် "မုန့်ဟော်"(Meng Huo) ကိုခေါ်ပြီး စခန်းတို့ကိုလိုက်လံပြသခဲ့ရာ တပ်တွင်းအုပ်ချုပ်မှုနှင့်များပြားသောလက်နက်တို့ကို တွေ့မြင်ခဲ့သည်။ ထိုသို့ကြည့်ရှုပြီးနောက် "ကျူးကဲလျန့်"(Zhuge Liang) မှ

"ခင်ဗျားလက်နက်မချတာက မိုက်မဲတာပဲ။ ကျုပ်ဆီမှာ ဝါရင့်တပ်သားတွေ၊ အရည်အချင်းရှိစစ်သူကြီးတွေ၊ လက်နက်မျိုးစုံရှိတာ ခင်ဗျားက ကျုပ်ကိုအနိုင်ယူနိုင်မယ်ထင်လား? ခင်ဗျားသာလက်နက်ချမယ်ဆိုရင် ကျုပ်က ဧကရာဇ်ထံတင်ပြပြီးတော့ ခင်ဗျားက ဒီဘုရင်ရာထူးကိုဆက်ယူနိုင်မှာဖြစ်ပြီး ခင်ဗျားရဲ့သားစဉ်မြေးဆက်တွေက မန်ပြည်ရဲ့ကာကွယ်သူတွေအဖြစ် တာဝန်ဆက်ခံနိုင်မှာဖြစ်တယ်။ အဲ့လိုဆိုမကောင်းဘူးလား"

"ကျုပ်လက်နက်ချရင် လျှိုမြောင်ကလူတွေက ကျေနပ်မှာမဟုတ်ဘူး။ ခင်ဗျားကျုပ်ကို နောက်တစ်ခါလွှတ်ပေးမယ်ဆိုရင် ကျုပ်ရဲ့လူတွေကို ဒီငြိမ်းချမ်းမှုယူတာနဲ့ပတ်သတ်ပြီး ကန့်ကွက်မှုတွေမပေါ်အောင် စည်းရုံးပါ့မယ်"

"ကျူးကဲလျန့်"(Zhuge Liang) သည် ဝမ်းမြောက်သွားပြီး ပင်မစခန်းသို့ပြန်ကာ ညနေစောင်းအထိစားသောက်ပြီးနောက်တွင် "မုန့်ဟော်"(Meng Huo) ပြန်သွားခဲ့သည်။ "ကျူးကဲလျန့်"(Zhuge Liang) သည် ဝေါယာဉ်ပြင်စေကာ လုမြစ်ကမ်းအထိလိုက်ပို့ခဲ့သည်။

သို့သော် "မုန့်ဟော်"(Meng Huo) သည် သူ့စခန်းသို့ပြန်ရောက်သည်နှင့် "တုန်းထူန"(Dongtu Na) နှင့် "အဟွေ့နန်"(Ahui Nan) ၏တပ်စခန်းသို့လူလွှတ်ကာ "ကျူးကဲလျန့်"(Zhuge Liang) ထံမှ သံတမန်ကိုလာတွေ့ရန်ဟုအကြောင်းပြပြီးခေါ်စေသည်။ စစ်သူကြီးနှစ်ယောက်တို့ရောက်လာသောအခါ လူသတ်သမားတို့က စစ်သူကြီးနှစ်ဦးကိုသတ်ခဲ့ပြီး အလောင်းတို့ကို ချောက်ထဲသို့ပစ်စေခဲ့သည်။ ထို့နောက် သူ့မိတ်ဆွေတို့အား စစ်ဗျူဟာမြောက်ဒေသတို့ကိုကာကွယ်ထားစေပြီးနောက် သူကိုယ်တိုင်သည် "မာတိုက်"(Ma Dai) နှင့်တိုက်ခိုက်ရန်ချီတက်သည်။ လျှိုချောက်နားသို့ရောက်သောအခါ ရန်သူ့အရိပ်အယောင်မတွေ့သဖြင့် ထိုအနီးအနားရှိသူတို့ကိုမေးမြန်းရာ ရှူတပ်ကြီးသည် မြစ်ကိုဖြတ်ပြီး မြောက်ဘက်ကမ်းသို့ပြန်သွားပြီဖြစ်ကြောင်းပြောကြသည်။

"မုန့်ဟော်"(Meng Huo) သည် သူ့စခန်းသို့ပြန်ပြီး ညီဖြစ်သူ "မုန့်ယို"(Meng You) နှင့်ဆွေးနွေးရာ "မုန့်ယို"(Meng You) မှ

"ရန်သူ့စခန်းမှာမြင်တွေ့ရတဲ့ဟာတွေကနေ ရန်သူတွေရဲ့အချက်အလက်တွေကို ကျွန်တော်သိတယ်"

"မုန့်ဟော်"(Meng Huo) သည် ညီဖြစ်သူကို မည်သို့လုပ်ရမည်ကိုမှာကြားပြီး လူအယောက်တစ်ရာနှင့်အတူ ရွှေ၊ ရတနာ၊ ပုလဲ၊ ဆင်စွယ်နှင့်ကြံ့ချိုတို့ကိုပေးပြီး လုမြစ်ကိုဖြတ်သွားစေသည်။ "မုန့်ယို"(Meng You) သည် ရှူတပ်စခန်းနားသို့ရောက်သောအခါ ဗုံသံတို့ကိုကြားလိုက်ပြီး "မာတိုက်"(Ma Dai) ၏တပ်က ပိတ်ထားသည်။ "မုန့်ယို"(Meng You) သည် ရန်သူတို့ကိုမြင်တွေ့မည်ဟုမထင်သောကြောင့်အံ့ဩသွားသည်။ သို့သော် "မာတိုက်"(Ma Dai) မှ အဘယ်ကြောင့်ရောက်လာသည်ကိုမေးမြန်းပြီးနောက် သံတမန်ကို "ကျူးကဲလျန့်"(Zhuge Liang) ထံခေါ်သွားသည်။ ထိုအချိန်တွင် မန်မျိုးနွယ်စုတို့ကိုမည်သို့တိုက်ခိုက်ရမည်ကိုဆွေးနွေးနေကြကာ သံတမန်သည် ရွှေ၊ ပုလဲအစရှိသောလက်ဆောင်တို့နှင့်အတူရောက်လာသည်ဟုကြားသိရသည်။ "ကျူးကဲလျန့် "(Zhuge Liang) မှ "မာဆု"(Ma Su) ဘက်လှည့်ပြီး

"သူ ဘာကြောင့်ရောက်လာလည်းဆိုတာသိလား"

"ကျွန်တော် ဒီအတိုင်းမပြောချင်ဘူး။ စာထဲချရေးပါရစေ"

"ဒါဆို ရေးပါ"

"မာဆု"(Ma Su) မှရေးပြီး စာရွက်ကို ခေါင်းဆောင်ထံပေးလိုက်ရာ ခေါင်းဆောင်မှဖတ်ပြီး ဝမ်းမြောက်စွာဖြင့်လက်ခုတ်တီးကာ

"ခင်ဗျားပြောတာက ကျုပ်စိတ်ကူးနဲ့တထပ်တည်းပဲ။ ဒါပေမယ့် မုန့်ဟော်(Meng Huo) ကိုဖမ်းဆီးဖို့အတွက် ကျုပ်စီမံပြီးပြီဆိုတာ ခင်ဗျားသိမလားမသိဘူး"

ထို့နောက် "ကျောက်ယွင်"(Zhao Yun) ကိုခေါ်ပြီး နား,နားသို့ကပ်ကာ အမိန့်တစ်ခုတီးတိုးပြောလိုက်သည်။ ပြီးနောက် "ဝေရန်"(Wei Yan) ကိုခေါ်ကာ လျှို့ဝှက်အမိန့်ပေးလိုက်ပြီး "ဝမ်ဖင်"(Wang Ping) ၊ "မာကျုံး"(Ma Zhong) နှင့် "ကွမ်းဆော်"(Guan Suo) တို့ကိုခေါ်ကာ အမိန့်အသီးသီးပေးလိုက်သည်။ ပြီးနောက် လက်ဆောင်လာပေးသောသူတို့ကိုဝင်လာစေသည်။ "မုန့်ယို"(Meng You) သည် ရောက်လာပြီး တံခါးဝနားတွင်အရိုအသေပြုကာ

"ကျွန်တော့အစ်ကိုကြီး မုန့်ဟော်(Meng Huo) က သူ့အသက်ကိုချမ်းသာပေးတဲ့အတွက် ကျေးဇူးတင်တဲ့အနေနဲ့ လက်ဆောင်တွေပေးချင်ခဲ့တယ်။ ဒါကြောင့် ပုလဲအချို့နဲ့တခြားပပြောပလောက်တဲ့ရတနာအချို့ကိုစုပြီး ဝန်ကြီးချုပ်ရဲ့တပ်သားတွေအတွက်ပို့ပေးလိုက်ပါတယ်။ ပြီးရင်တော့ ဧကရာဇ်ထံကို လက်ဆောင်ပဏ္ဍာတွေဆက်သပါလိမ့်မယ်"

"ခင်ဗျားအစ်ကိုက အခုဘယ်မှာတုန်း"

"ဝန်ကြီးချုပ်က သူ့ကိုပြန်လွှတ်ပေးလိုက်တော့ သူကအခု ငွေကျင်းတောင်ကုန်းကိုသွားပြီး ရတနာတွေသွားယူနေပါတယ်။ မကြာခင်မှာပြန်လာပါလိမ့်မယ်"

"ခင်ဗျားက တပ်သားဘယ်လောက်ခေါ်လာလဲ"

"တစ်ရာတည်းပါ။ တပ်သားအများကြီးမခေါ်လာဝံ့ပါဘူး။ သူတို့တွေက ပစ္စည်းသယ်ဖို့သက်သက်ပါပဲ"

"ကျူးကဲလျန့်"(Zhuge Liang) မှ ထိုသူတို့ကိုစစ်ဆေးကြည့်ရှုရန် အတွင်းသို့ဝင်လာစေသည်။ ထိုသူတို့သည် အပြာရောင်မျက်လုံး၊ မည်းခြောက်ခြောက်မျက်နှာ၊ နီညိုရောင်ဆံပင်နှင့် အညိုရောင်မုတ်ဆိတ်များရှိပြီး နားတောင်းများဝတ်ထားသည်။ ဆံပင်တို့မှာရှုပ်ပွနေပြီး ခြေဗလာဖြစ်ကာ အရပ်ရှည်ပြီးသန်မာသူများဖြစ်ကြသည်။ "ကျူးကဲလျန့်"(Zhuge Liang) သည် ထိုသူတို့ကို ထိုင်စေပြီး အရက်တို့တိုက်ကာ ချီးကျူးစကားများဆိုခဲ့သည်။

"မုန့်ဟော်"(Meng Huo) သည် ညီဖြစ်သူနှင့် သူ့လက်ဆောင်များအပေါ်မည်သို့ဆက်ဆံမည်ကိုစိုးရိမ်နေခဲ့ကာ စခန်းထဲတွင်ထိုင်ပြီး သတင်းကိုစောင့်နေသည်။ ထိုအချိန်တွင် လူနှစ်ဦးဝင်လာရာ ထိုသူတို့ကိုသေချာမေးမြန်းခဲ့လေသည်။

"လက်ဆောင်တွေကိုလက်ခံလိုက်ပါတယ်။ ပစ္စည်းသယ်တဲ့လူတွေကိုတောင်အထဲကိုခေါ်ပြီး အရက်တိုက်ပြီးတော့ စားစရာတွေအများကြီးကျွေးပါတယ်။ အို၊ ဘုရင်ကြီးက ညီဖြစ်သူကို နှစ်ချက်တီးအချိန်မှာတိုက်ခိုက်ဖို့အဆင်သင့်ဖြစ်ပြီလို့ပြောလိုက်ပါ။ သူက အတွင်းကနေ ကူညီပါလိမ့်မယ်"

ထိုသတင်းကောင်းကြောင့် "မုန့်ဟော်"(Meng Huo) သည် တပ်သားသုံးသောင်းကိုအဆင်သင့်ပြင်ကာ တပ်စခန်းသို့ချီတက်သည်။ တပ်မကြီးသုံးခုခွဲကာ ချီတက်လေသည်။ ဘုရင်မှ ခေါင်းဆောင်များနှင့်ဩဇာရှိသူတို့ကိုခေါ်ကာ

"တပ်သားတွေကို မီးမွှေးနိုင်မယ့်အရာတွေသယ်ခိုင်းပြီး ရောက်တာနဲ့ မီးနဲ့အချက်ပြပါ။ ကျုပ်က ပင်မတပ်စခန်းကိုလာပြီး ကျူးကဲလျန့်(Zhuge Liang) ကိုဖမ်းမယ်"

ထိုသို့မှာကြားပြီးနောက်ချီတက်ရာ နေဝင်ခါနီးအချိန်တွင် လုမြစ်ကမ်းကိုဖြတ်ကူးခဲ့သည်။ ဘုရင်သည် စစ်သူကြီးအယောက်တစ်ရာနှင့်အတူ ရှူပြည်၏ပင်မစခန်းသို့ချီတက်သည်။ သူတို့ကို ခုခံသူများမရှိပဲ ရောက်သည့်အခါတွင်လည်း တံခါးပေါက်ကြီးမှာ ဖွင့်နေသည်ကိုတွေ့ရသည်။ "မုန့်ဟော်"(Meng Huo) သည် အထဲသို့ဝင်သွားသောအခါ အတွင်းဘက်တွင် လူတစ်ဦးတစ်ယောက်မျှမရှိပေ။

"မုန့်ဟော်"(Meng Huo) သည် ကြီးမားသောရွက်ဖျင်တဲဆီသို့သွားကာ ခန်းဆီးချပ်ကိုဆွဲလိုက်သည်။ ထိုအခါ မီးအိမ်တို့တောက်ပစွာထွန်းထားသည်ကိုတွေ့လိုက်ပြီး သူ့ညီနှင့်အပေါင်းအပါတို့သည် အရက်မူးကာ လဲနေသည်ကိုတွေ့လိုက်သည်။ "ကျူးကဲလျန့်"(Zhuge Liang) သည် "မုန့်ယို"(Meng You) နှင့်အခြားသူတို့ကို အရက်၊ ကပြဖျော်ဖြေမှုတို့ဖြင့်ဧည့်ခံရန် "မာဆု"(Ma Su) နှင့် "လုခိုင်"(Lu Kai) တို့ကိုမှာထားခဲ့ခြင်းဖြစ်သည်။ ကပွဲတို့ကြည့်နေစဉ် ဆေးခပ်ထားသောအရက်တို့ကို သောက်စေခဲ့သောကြောင့် သူတို့မှာ သောက်ပြီးသည်နှင့် လဲကျသွားကြသည်။ တစ်ယောက်၊ နှစ်ယောက်ခန့်မှာ သတိပြန်လည်လာသော်လည်း စကားမပြောနိုင်ကြပဲ သူတို့၏ပါးစပ်ကိုသာညွှန်ပြနေခဲ့သည်။

"မုန့်ဟော်"(Meng Huo) သည် ထိုအခြင်းအရာကိုမြင်သောအခါ နောက်တစ်ကြိမ်ထောင်ချောက်ထဲရောက်သွားသည်ကို သိလိုက်သည်။ သို့သော်လည်း သူ့ညီနှင့်အခြားသူတို့ကိုမ,တင်ကာ တပ်စခန်းသို့ပြန်ခဲ့သည်။

ထိုသို့ပြန်လှည့်သည့်အချိန်တွင်ပင် မီးအရောင်တို့ပေါ်လာပြီး ဗုံသံများကြားလိုက်ရသည်။ မန်မျိုးနွယ်စုတို့မှာ ကြောက်လန့်သွားပြီး ထွက်ပြေးလေသည်။ သို့သော် ရန်သူတို့မှအနောက်မှလိုက်ပြီး ထိုတပ်ကိုဦးဆောင်သူမှာ "ဝမ်ဖင်"(Wang Ping) ဖြစ်သည်။ ဘုရင်သည် ဘယ်ဘက်သို့ထွက်ပြေးလေသည်။ သို့သော်လည်း သူ့ရှေ့တွင် "ဝေရန်"(Wei Yan) ဦးဆောင်သောတပ်ဖွဲ့ပေါ်လာသည်။ "မုန့်ဟော်"(Meng Huo) သည် နောက်တစ်ဖက်သို့ပြေးရန်ပြုသော်လည်း "ကျောက်ယွင်"(Zhao Yun) က သူ့ကိုပိတ်ထားသည်။ သူ့မှာ ပြေးပေါက်မရှိသောကြောင့် ကိုယ်လွတ်ရုန်းပြီး လုမြစ်ကမ်းဘက်သို့ထွက်ပြေးလေသည်။

မြစ်ကမ်းနားသို့ရောက်သောအခါ မန်တပ်ဖွဲ့များ၏သင်္ဘောကိုတွေ့လိုက်ပြီး လုံခြုံသွားပြီဟုထင်ခဲ့သည်။ သင်္ဘောသည် ကမ်းနားကိုကပ်လာပြီးနောက်မကြာမီတွင်ပင် သူ့ကိုဖမ်းဆီးချုပ်နှောင်လိုက်သည်။ ထိုသင်္ဘောမှာ "မာတိုက်"(Ma Dai) ပြင်ဆင်ထားသောသင်္ဘောဖြစ်ပြီး ထိုသို့ပြုလုပ်ရန်အစီအစဉ်ထဲတွင်ပါဝင်ခဲ့သည်။ "မာတိုက်"(Ma Dai) ၏တပ်သားများက မန်တပ်ဖွဲ့အဖြစ် အယောင်ဆောင်ထားခြင်းဖြစ်သည်။

"မုန့်ဟော်"(Meng Huo) ၏တပ်များသည် "ကျူးကဲလျန့်"(Zhuge Liang) ၏လက်နက်ချရန်ပေးသောအခွင့်အရေးကိုယူပြီး လက်နက်ချခဲ့သည်။ သူတို့ကိုကောင်းမွန်စွာဆက်ဆံခဲ့ပြီး ထိခိုက်ဒဏ်ရာမရစေခဲ့ပေ။

မီးလောင်ကျွမ်းမှုတို့ကိုငြိမ်းသတ်ပြီးနောက် "မာတိုက်"(Ma Dai) သည် အကျဉ်းသားကိုခေါ်ကာ ရောက်လာသည်။ တစ်ချိန်တည်းမှာပင် "ကျောက်ယွင်"(Zhao Yun) က ညီဖြစ်သူ "မုန့်ယို"(Meng You) ကိုခေါ်လာခဲ့သည်။ "ဝေရန်"(Wei Yan) ၊ "မာဆု"(Ma Su) ၊ "ဝမ်ဖင်"(Wang Ping) နှင့် "ကွမ်းဆော်"(Guan Suo) တို့သည်လည်း ရန်သူ့ခေါင်းဆောင်များကို အကျဉ်းသားများအဖြစ်ခေါ်ဆောင်ကာ ဝန်ကြီးချုပ်၏စခန်းသို့ လာခဲ့သည်။

"ကျူးကဲလျန့်"(Zhuge Liang) မှ ဘုရင်ကိုကြည့်ပြီး ရယ်သည်။

"ခင်ဗျားညီကိုလွှတ်ပြီး ကျုပ်ဆီမှာလက်နက်ချမယ်ဆိုတာ ခင်ဗျားရဲ့သေးသိမ်တဲ့အကြံအစည်ပဲ။ ဒါကိုကျုပ်ထိုးဖောက်မမြင်နိုင်ဘူးလို့ ခင်ဗျားကထင်နေတာလား? ဒါပေမယ့်အခုတော့ ခင်ဗျားနောက်တစ်ကြိမ်အဖမ်းခံရပြန်ပြီ။ အခုလက်နက်ချမလား?"

"ကျုပ်အဖမ်းခံရတာဟာ ကျုပ်ညီရဲ့အစားကြူးမှုနဲ့ခင်ဗျားရဲ့အဆိပ်တွေကြောင့်ဖြစ်တယ်။ ကျုပ်သာ သူ့နေရာမှာရှိနေခဲ့ပြီး ကျုပ်ကိုအထောက်အပံ့ပေးနိုင်မယ့်တပ်သားတွေရှိရင် ကျုပ်အောင်မြင်ခဲ့မှာ။ ကျုပ်ရှုံးနိမ့်ရတာက ကံဆိုးမှုကြောင့်ဖြစ်ပြီး ကျုပ်အရည်အချင်းမရှိလို့မဟုတ်ဘူး။ ဒါကြောင့် လက်နက်မချနိုင်ဘူး"

"အခုအခေါက်က တတိယအကြိမ်ရှိနေပြီဆိုတာသတိရပါ။ ဘာကြောင့်လက်နက်မချရတာလဲ"

"မုန့်ဟော်"(Meng Huo) သည် ခေါင်းကိုငုံ့ပြီးမည်သို့မျှပြန်မပြောပေ။

"ကောင်းပြီ။ ခင်ဗျားကို နောက်တစ်ခါလွှတ်ပေးမယ်"

"အို၊ ဝန်ကြီး၊ ကျုပ်နဲ့ကျုပ်ညီကိုလွှတ်ပေးရင် ကျုပ်တို့မိသားစုတွေ၊ တပ်ဖွဲ့တွေစုစည်းပြီး နောက်တစ်ခေါက်တိုက်ခိုက်ဦးမယ်။ အဲ့အချိန်မှာထပ်ရှုံးရင်တော့ ကျုပ်အရှုံးလို့အသိအမှတ်ပြုပြီး အဲ့တစ်ခေါက်က နောက်ဆုံးပါပဲ"

"သေချာတာကတော့ ခင်ဗျားကို နောက်ထပ်လွှတ်ပေးတော့မှာမဟုတ်ဘူး။ ဒါကြောင့် သတိထားပါ။ စစ်ဗျူဟာကျမ်းကို ကောင်းကောင်းလေ့လာပြီး ခင်ဗျားရဲ့လူယုံတော်တွေကို သေချာကြည့်ပါ။ သင့်တော်တဲ့အချိန်မှာ ကောင်းမွန်တဲ့အစီအစဉ်လုပ်နိုင်မယ်ဆိုရင်တော့ နောင်တတွေရှိမှာမဟုတ်ဘူး"

"မုန့်ဟော်"(Meng Huo)၊ ညီဖြစ်သူနှင့်အခြားခေါင်းဆောင်များကိုလွှတ်ပေးလိုက်သည်။ သူတို့သည် "ကျူးကဲလျန့်"(Zhuge Liang) ၏သနားကြင်နာမှုကိုကျေးဇူးတင်ပြီးနောက် ထွက်သွားကြသည်။

လွှတ်ပေးလိုက်သောအကျဉ်းသားတို့ မြစ်နားသို့ရောက်သောအခါတွင် ရှူတပ်ဖွဲ့ကြီးသည် မန်တို့၏ကာကွယ်ရေးတပ်စခန်းတို့ကိုသိမ်းပိုက်ထားပြီး အလံများကိုလွှင့်ထူထားခဲ့သည်။ "မုန့်ဟော်"(Meng Huo) သည် ထိုစခန်းနားမှဖြတ်သွားရာ ထိုင်နေသော "မာတိုက်"(Ma Dai) ကိုတွေ့လိုက်သည်။ "မာတိုက်"(Ma Dai) မှ

"နောက်တစ်ခါ ခင်ဗျားအဖမ်းခံရရင် အလွတ်ပေးတော့မှာမဟုတ်ဘူး"

"မုန့်ဟော်"(Meng Huo) သည် သူ့စခန်းသို့ပြန်လာသောအခါ စခန်းကို "ကျောက်ယွင်"(Zhao Yun) က သိမ်းထားသည်ကိုတွေ့လိုက်သည်။ "ကျောက်ယွင်"(Zhao Yun) သည် အလံအောက်တွင် ထိုင်နေကာ ဓားကိုထုတ်ပြီး

"ဝန်ကြီးချုပ်က ခင်ဗျားအပေါ်ကောင်းကောင်းဆက်ဆံခဲ့လို့ သဘောကောင်းတယ်လို့ပဲမှတ်မနေနဲ့"

"မုန့်ဟော်"(Meng Huo) သည် ဟွန့်ဟုအသံပြုကာ ရှေ့သို့ဆက်သွားခဲ့သည်။ ရှေ့တန်းတောင်ကုန်းနားသို့ရောက်သောအခါ ထိုတောင်ကုန်းတို့တွင် "ဝေရန်"(Wei Yan) တပ်စွဲထားသည်ကိုတွေ့လိုက်ပြီး "ဝေရန်"(Wei Yan) မှ

"ဒီမှာတွေ့လား။ ခင်ဗျားတို့တိုင်းပြည်ရဲ့အတွင်းပိုင်းအထိကို ကျုပ်တို့သိမ်းထားခဲ့ပြီး ခံတပ်စခန်းတွေကိုလည်း သိမ်းပိုက်ထားတယ်။ ဒါတောင်မှ ဆက်လက်ခုခံနေတာက မိုက်မဲမှုပဲ။ နောက်တစ်ကြိမ်အဖမ်းခံရရင်တော့ ခင်ဗျားတို့တော်တော်ချေမှုန်းခံရမှာပဲ၊ ထပ်ပြီး လွတ်ငြိမ်းချမ်းသာခွင့်ပေးတော့မှာမဟုတ်ဘူး"

"မုန့်ဟော်"(Meng Huo) နှင့်အပေါင်းအပါတို့သည်လည်း လက်ကိုခေါင်းပေါ်တင်ကာ ထွက်ပြေးကြပြီး ကိုယ့်လျှိုမြောင်ဆီသို့ပြန်ခဲ့ကြသည်။

မြစ်ကိုဖြတ်ပြီးနောက် တပ်သားတို့ကိုကျွေးမွေးခဲ့သည်။ "ကျူးကဲလျန့်"(Zhuge Liang) မှ အမှုထမ်းတို့အား

"မုန့်ဟော်(Meng Huo) ကို ဒုတိယအကြိမ်ဖမ်းနိုင်ခဲ့တုန်းက တမင်သက်သက် ကျုပ်တို့စခန်းကိုသူမြင်အောင်ပြခဲ့တာ၊ အဲ့လိုမှ သူက ကျုပ်တို့ဆီက လုယက်ချင်စိတ်ပေါ်လာမှာလေ။ သူကလည်း စစ်သည်တော်တစ်ယောက်ပဲ၊ ဒါကြောင့် ကျုပ်တို့ရိက္ခာတွေနဲ့လက်နက်တွေကို သူ့ရှေ့မှာပြခဲ့တာ၊ အဲ့လိုဆို သူက လက်နက်ချချင်ယောင်ဆောင်ပြီး သူ့ညီကိုလွှတ်ပြီးတော့ ဒါတွေကိုဖျက်စီးဖို့ကြိုးစားမှာပဲ။ သူ့ကိုသုံးကြိမ်ဖမ်းပြီးသုံးကြိမ်လွှတ်ပေးတာက သူ့ကိုကျုပ်တို့ဘက်ပါလာအောင်လုပ်ချင်လို့။ သူ့ကို ဘေးမကျစေချင်ဘူး။ ခင်ဗျားတို့က တိုင်းပြည်အတွက်လုပ်ဆောင်မှုတွေကို ကျုပ်က အလဟဿဖြစ်အောင်လုပ်နေတာမဟုတ်ဘူးဆိုတာကို ခင်ဗျားတို့ကိုရှင်းပြပါ့မယ်"

အကုန်လုံးမှ အရိုအသေပြုကာ

"ဝန်ကြီးချုပ်က ပညာဉာဏ်၊ ကြင်နာခြင်းနဲ့ရဲစွမ်းသတ္တိဆိုတဲ့အရည်အချင်းသုံးမျိုးလုံးနဲ့ပြည့်စုံပါတယ်။ လွီဝမ်(Lu Wang) ၊ ကျန်းလျန့်(Zhang Liang) တို့တောင် မယှဉ်နိုင်ပါဘူး"

"ကျုပ်က ရှေးလူတွေနဲ့ ဘယ်ယှဉ်နိုင်ပါ့မလဲ? ဒါပေမယ့် ကျုပ်က ခင်ဗျားတို့ရဲ့အစွမ်းခွန်အားအပေါ်ယုံကြည်တယ်။ အားလုံးကြိုးစားကြရင် ကျုပ်တို့တွေအောင်မြင်နိုင်တယ်"

ထိုစကားကြောင့် အားလုံးကျေနပ်ဝမ်းမြောက်သွားကြသည်။

ထိုအချိန်တွင် "မုန့်ဟော်"(Meng Huo) သည် သုံးကြိမ်ရှုံးနိမ့်ခဲ့သောကြောင့် သူ့လျှိုမြောင်သို့ပြန်ပြီး တိုင်းပြည်ရှစ်ပြည်နှင့် နယ်ပယ် ကိုးဆယ့်သုံးနယ်တို့မှ သူယုံကြည်ရသောမိတ်ဆွေများအပြင် မန်မျိုးနွယ်စုနယ်များသို့ လက်ဆောင်များပို့ကာ ဒိုင်း၊ ဓားနှင့် သူရဲကောင်းများကိုငှားရမ်းခေါ်ယူခဲ့သည်။ ဤသို့ဖြင့် တပ်သားတစ်သိန်းခန့်စုစည်းမိလေသည်။ သူတို့သည် သတ်မှတ်ထားသောရက်တွင် စုစည်းပြီး တိမ်များကဲ့သို့ အုပ်စုလိုက်ရှိကာ မြူကဲ့လို့လျင်မြန်ပြီး တောင်ကုန်းပေါ်တွင် စုဝေးကာ ဘုရင် "မုန့်ဟော်"(Meng Huo) ၏အမိန့်ကိုနာခံခဲ့သည်။

အထောက်တော်တို့မှ "ကျူးကဲလျန့်"(Zhuge Liang) ထံတင်ပြသည်။

"ကျုပ်က ဒါကိုစောင့်နေတာ။ မန်လူမျိုးတွေ ကျုပ်တို့ရဲ့ခွန်အားကိုသိနိုင်မယ့် အခွင့်အရေးလာပြီ"

သို့နှင့် လှည်းယာဉ်ကိုစီးကာ အပြင်ထွက်ပြီး ကြည့်ရှုလေသည်။