သုံးနိုင်ငံခေတ် (၇၀)
အခန်း (၇၀) "ကျန်းဖေး"(Zhang Fei) သည် ဗျူဟာသုံးကာ ဝခိုခံတပ်ကိုသိမ်းယူခြင်း။
"ဟွမ်ကျုံး"(Huang Zhong) သည် ထျန်းတန်းတောင်ကို သိမ်းခြင်း။
စစ်နိုင်မည်ဟု ယုံကြည်မှုအပြည့်ရှိသော "ကျန်းဟဲ"(Zhang He) ၏တပ်တွင် တပ်သား သုံးသောင်းပါဝင်ပြီး တောင်ကိုအကာအကွယ်ယူထားသည့်စခန်းသုံးခုတွင် နေရာချထားသည်။ ထိုတပ်စခန်းတို့မှာ တန်းချွီ၊ မုန့်ထို နှင့် တန်းရှီတို့ဖြစ်သည်။ "ကျန်းဟဲ"(Zhang He) သည် စခန်းတစ်ခုစီတွင် တပ်သားတဝက်ကို ကာကွယ်ရန်ထားခဲ့ပြီး ကျန်သောစစ်သည်တော်တို့နှင့် စစ်ချီထွက်သည်။
ထိုအကြောင်းသည် ပါးရှီးသို့ရောက်သောအခါ "ကျန်းဖေး"(Zhang Fei) သည် သူ၏လုပ်ဖော်ကိုင်ဖက် "လေထုံ"(Lei Tong) ကိုခေါ်ကာတိုင်ပင်သည်။ "လေထုံ"(Lei Tong) မှ
"လန်ကျုံးအနီးတဝိုက်က တောင်ကုန်းတွေက အန္တရာယ်များတယ်၊ ကျွန်တော်တို့တွေ ကင်းပုန်းချထားသင့်တယ်။ စစ်သူကြီးက ထွက်ပြီး ထိပ်တိုက်ရင်ဆိုင်ပြီးတော့ ကျွန်တော်က ရုတ်တရတ်ထွက်တိုက်ရင် ကျွန်တော်တို့ ကျန်းဟဲ(Zhang He) ကိုဖမ်းနိုင်မယ်"
ထိုအခါ "ကျန်းဖေး"(Zhang Fei) သည် "လေထုံ"(Lei Tong) အား တပ်သားငါးထောင်ပေးပြီး သူကိုယ်တိုင်မှာမူ တပ်သားတစ်သောင်းကိုဦးဆောင်ကာ လန်ကျုံးမှ ဆယ်မိုင်အကွာတွင် စခန်းချထားသည်။ ပြီးနောက် သူကိုယ်တိုင်ထွက်ပြီး "ကျန်းဟဲ"(Zhang He) ကိုစိန်ခေါ်သည်။ "ကျန်းဟဲ"(Zhang He) လည်း ထွက်လာပြီး ရင်ဆိုင်သည်။ အကွက်သုံးဆယ်ခန့်တိုက်ပြီးနောက်တွင် "ကျန်းဟဲ"(Zhang He) ၏တပ်သည် ရုတ်တရတ် ကစဥ့်ကလျားဖြစ်ကုန်သည်။ အကြောင်းမှာ တောင်ကုန်းတို့ကိုအကာအကွယ်ယူကာ ပုန်းလျှိုနေသော ရှူတပ်ဖွဲ့ကြီးရောက်လာသောကြောင့်ဖြစ်သည်။ ထိုအခါ "ကျန်းဟဲ"(Zhang He) မှာ ဆက်မတိုက်ရဲတော့ပဲ ထွက်ပြေးလေသည်။ "ကျန်းဖေး"(Zhang Fei) ကလည်း အနောက်မှလိုက်သည်။ ထိုအချိန်တွင် "လေထုံ"(Lei Tong) ရုတ်တရတ်ထွက်လာပြီး တိုက်လေရာ "ကျန်းဟဲ"(Zhang He) သည် အတင်းထိုးဖောက်ရလေသည်။ "ကျန်းဖေး"(Zhang Fei) နှင့် "လေထုံ"(Lei Tong) တို့သည် အပြင်းအထန်ထိုးစစ်ဆင်နေလာ ညဥ့်အချိန်ခန့်တွင် တန်းချွီစခန်းသို့ပြန်ရောက်လာသည်အထိဖြစ်သည်။
ထိုအခါ "ကျန်းဟဲ"(Zhang He) သည် တပ်စခန်းသုံးခုတို့မှ သစ်တုံး၊ ကျောက်တုံးတို့ကိုတွန်းချကာ ပြန်လည်ခုခံလေသည်။ "ကျန်းဖေး"(Zhang Fei) သည် ထိုစခန်းမှ သုံးမိုင်အကွာတွင် စခန်းချထားသည်။
နောက်ရက်တွင် "ကျန်းဖေး"(Zhang Fei) သည် ရန်သူ့စခန်းသို့သွားပြီး တိုက်ခိုက်ရန်စိန်ခေါ်သည်။ သို့သော်လည်း "ကျန်းဟဲ"(Zhang He) က ဂရုမစိုက်ပေ။ "ကျန်းဟဲ"(Zhang He) သည် တောင်ကုန်းထက်သို့တက်ပြီး ဗုံသံ၊ ဘင်ခရာသံတို့ကိုနားထောင်ကာ အရက်သောက်လေသည်။ "ကျန်းဖေး"(Zhang Fei) သည် သူ၏တပ်သားတို့အားခေါ်ပြီး မခံချင်အောင် ဆွခိုင်းသော်လည်း တဖက်က အရေးမမူချေ။ ထိုအခါ "လေထုံ"(Lei Tong) အား တောင်ကုန်းပေါ်သို့တက်ကာတိုက်ခိုင်းလေသည်။ သို့သော် တောင်ကုန်းပေါ်မှ ကျောက်တုံးတို့ပစ်ချသည့်အပြင် အခြားစခန်းနှစ်ခုမှလည်း ဝိုင်းတိုက်သောကြောင့် အရေးနိမ့်လေသည်။
နောက်တရက်တွင် "ကျန်းဖေး"(Zhang Fei) သည် ထပ်သွားပြီး စိန်ခေါ်ပြန်သည်။ သို့သော် ရန်သူ့ဘက်က အရေးမမူပေ။ ထိုအခါ တပ်သားတို့ကိုခေါ်ကာ မခံချင်အောင် ဆဲရေးတိုင်းထွာစေသော်လည်း "ကျန်းဟဲ"(Zhang He) ကလည်း တောင်ကုန်းပေါ်မှ စကားဖြင့်သာ ပြန်တုံ့ပြန်လေသည်။ ထို့ကြောင့် "ကျန်းဖေး"(Zhang Fei) မှာ အကြံကုန်သွားခဲ့ပြီး ဤသို့ဖြင့် ရက်ငါးဆယ်ခန့်အချိန်ကုန်သွားသည်။
"ကျန်းဖေး"(Zhang Fei) သည် တောင်ကုန်း၏အရှေ့ကိုပိတ်ထားပြီး အရက်သောက်ကာ ရန်သူကိုဆဲပြီး အချိန်ကုန်နေခဲ့သည်။ တစ်နေ့သော် "လျူဘေ့"(Liu Bei) သည် လူလွှတ်ပြီး ဆုလာဘ်များချီးမြှင့်စေသည်။ ထိုသူပြန်သွားသောအခါ "ကျန်းဖေး"(Zhang Fei) မှာ အရက်သောက်ကာ အချိန်ဖြုန်းနေကြောင်းပြောလေသည်။ ထိုအခါ "လျူဘေ့"(Liu Bei) သည် စိုးရိမ်ပြီး "ကျူးကဲလျန့်"(Zhuge Liang) ကိုခေါ်ကာ တိုင်ပင်သည်။ "ကျူးကဲလျန့်"(Zhuge Liang) မှ ဟာသနှောပြီးပြောလေသည်။
"ဒီလိုဆိုရင် ချန်တူးက အကောင်းဆုံးသေရည်အိုးငါးဆယ်ကို ပို့ပေးသင့်တယ်။ တပ်စခန်းမှာတော့တော့ အရက်ကောင်းကောင်းရှိမှာမဟုတ်ဘူး"
"ဒါပေမယ့် အရက်က သူ့ရဲ့အားနည်းချက်ပဲ။ အရင်ကလည်း အရက်ကြောင့်စစ်ရှုံးခဲ့ပြီလေ။ ဘာလို့ သူ့ကိုအရက်တွေထပ်ပို့ဦးမှာတုန်း"
"သခင်ကြီးက နှစ်တွေဒီလောက်အများကြီးကြာတာတောင် ကိုယ့်ညီအကြောင်းကို နားမလည်သေးဘူးလား။ သူက ရဲရင့်ပြီး တည်ငြိမ်တယ်၊ ကျွန်တော်တို့အနောက်ဘက်မြစ်ဒေသကို တိုက်တုန်းက သူက သာမန်ရဲရင့်တဲ့လူလုပ်မယ့်အရာမဟုတ်တဲ့ ရန်ရန်(Yan Yan) ကို လွှတ်ပေးခဲ့တယ်မဟုတ်လား? သူက အခု ကျန်းဟဲ(Zhang He) နဲ့ရင်ဆိုင်နေတာ နှစ်လနီးပါးရှိပြီ။ တစ်ရက်ပြီးတစ်ရက် အရက်ပဲသောက်ပြီး ရန်သူကို မျက်နှာချင်းဆိုင် ဆဲရေးနေတာ။ ဒီလိုလုပ်တာဟာ ကျန်းဟဲ(Zhang He) ကို အထင်အမြင်သေးသလိုပြုမူတာပဲ။ ဒါက အရက်ခွက်သက်သက်ချည်းမဟုတ်ဘူး။ ဒီနောက်ကွယ်မှာ ကျန်းဟဲ(Zhang He) ကိုအနိုင်ယူမယ့် အစီအစဉ်ရှိတယ်"
"ဒီဟာ ဖြစ်နိုင်တယ်။ ဒါပေမယ့် ဒါကိုပဲအားကိုးလို့မဖြစ်ဘူး။ သူ့ကိုကူညီဖို့ ဝေရန်(Wei Yan) ကိုလွှတ်လိုက်ပါ"
"ကျူးကဲလျန့်"(Zhuge Liang) သည် "ဝေရန်"(Wei Yan) နှင့်အတူ အရက်တို့ကို ထည့်ပေးလိုက်သည်။ ထို့အပြင် လှည်းတစ်စီးစီတွင် အဝါရောင်အလံကိုလွှင့်ထူစေပြီး ထိုအလံပေါ်တွင် "ရှေ့တန်းတပ်အတွက် သေရည်ကောင်း" ဟူသောစာကို ကြီးမားစွာရေးထားစေသည်။ "ဝေရန်"(Wei Yan) သည် ရှေ့တန်းသို့ရောက်သောအခါ အရက်တို့ကိုပေးပြီး ၎င်းတို့မှာ ရှူပြည်နယ်သခင်မှ ချီးမြှင့်ခြင်းဖြစ်ကြောင်းပြောသည်။ "ကျန်းဖေး"(Zhang Fei) မှ လေးစားစွာ လက်ခံလေသည်။ "ကျန်းဖေး"(Zhang Fei) သည် "ဝေရန်"(Wei Yan) နှင့် "လေထုံ"(Lei Tong) ကို တောင်ပံနှစ်ဖက်စီတွင်နေရာယူစေပြီး အနီရောင်အလံကိုမြင်သည့်အခါ လှုပ်ရှားရန်ပြောသည်။ ထို့နောက် အရက်အိုးတို့ကို ခင်းကျင်းထားစေကာ တပ်သားအချို့ကိုခေါ်ပြီး အလံတို့ကိုလွှင့်ထူစေပြီးနောက် ဗုံတို့ကိုတီးကာ အရက်သောက်လေသည်။
သူလျှိုတို့သည် ထိုအကြောင်းအရာတို့ကို သတင်းပို့လေလျှင် "ကျန်းဟဲ"(Zhang He) သည် တောင်ကုန်းပေါ်မှ ကိုယ်တိုင်ထွက်ကြည့်လေသည်။ ထိုအချိန်တွင် သူ၏ရန်သူသည် အရက်သောက်နေပြီး သူ၏ရှေ့တွင် တပ်သားနှစ်ဦးတို့သည် လက်ဝှေ့ထိုးကာ "ကျန်းဖေး"(Zhang Fei) အား ဖျော်ဖြေနေသည်။
"သူက ငါ့ကိုအထင်သေးလွန်းတယ်"
ထို့နောက် "ကျန်းဟဲ"(Zhang He) သည် ညဘက်တွင် ရန်သူ့စခန်းကိုဝင်တိုက်ရန်အတွက် ပြင်ဆင်စေသည်။ သူ၏စခန်းဖြစ်သည့် တန်းချွီမှတပ်သားတို့က တိုက်ခိုက်မည်ဖြစ်ပြီး မုန့်ထိုနှင့် တန်းရှီစခန်းတို့က အကူအညီပေးမည်ဖြစ်သည်။
ထိုညတွင် လရောင်မှာ မှေးမှိန်နေပြီး "ကျန်းဟဲ"(Zhang He) သည် မှောင်ရိပ်ကိုအသုံးချကာ တောင်ကုန်းအောက်သို့ဆင်းသွားသည်။ ရန်သူ့စခန်းနားသို့ရောက်သောအခါ သေရည်တို့နားတွင် ထိုင်နေသော "ကျန်းဖေး"(Zhang Fei) ကိုတွေ့သည်။ ထိုအခါ "ကျန်းဟဲ"(Zhang He) သည် ဗုံသံတို့နှင့်အတူ ဟစ်အော်ကာ ကဆုန်စိုင်းစီးသွားသည်။ "ကျန်းဖေး"(Zhang Fei) မှာမလှုပ်ပေ။ "ကျန်းဟဲ"(Zhang He) သည် သူ၏လှံဖြင့်ထိုးလိုက်လေရာ "ကျန်းဖေး"(Zhang Fei) မှာ လဲကျသွားသည်။ ထို "ကျန်းဖေး"(Zhang Fei) မှာ ကောက်ရိုးတို့ဖြင့်လုပ်ထားသောအရုပ်ဖြစ်နေသည်။ "ကျန်းဟဲ"(Zhang He) သည် ပြန်လှည့်မည်ပြုသောအခါတွင် လူတစ်ဦးပေါ်ထွက်လာပြီး လမ်းပိတ်ထားသည်။ ထိုသူမှာ "ကျန်းဖေး"(Zhang Fei) အစစ်ဖြစ်ပြီး ဝိုင်းစက်သောခေါင်းနှင့် မိုးကြိုးကဲ့သို့ကျယ်လောင်သောအသံရှိသည်။
"ကျန်းဖေး"(Zhang Fei) သည် မြွေဓားကိုကိုင်ပြီး "ကျန်းဟဲ"(Zhang He) နှင့် ရင်ဆိုင်လေသည်။ ထိုသူနှစ်ဦးတို့သည် အလင်းရောင်အောက်ဝယ် စီးချင်းထိုးကြလေသည်။ သို့သော်လည်း "ကျန်းဟဲ"(Zhang He) သည် သူ၏စခန်းနှစ်ခုမှ စစ်ကူတို့ကို စောင့်မျှော်နေသော်လည်း စစ်ကူတို့မှာ ရောက်မလာခဲ့ပေ။ ထိုစစ်ကူတပ်တို့ကို "ဝေရန်"(Wei Yan) နှင့် "လေထုံ"(Lei Tong) တို့က ပိတ်ထားသောကြောင့်ဖြစ်လေသည်။ ထိုအချိန်တွင် မုန့်ထိုနှင့် တန်းရှီစခန်းတို့မှာ တဖက်ရန်သူလက်အောက်သို့ ရောက်သွားခဲ့သည်။ "ကျန်းဟဲ"(Zhang He) မှာ အကူအညီမဲ့ဖြစ်နေသည့်အချိန်တွင် တန်းချွီစခန်းမှမီးလောင်နေသည်ကို လှမ်းတွေ့လိုက်ပြီး ထိုစခန်းသည်လည်း "ကျန်းဖေး"(Zhang Fei) တပ်သိမ်းယူမှုခံလိုက်ရပြီဟု သိလိုက်ရသည်။ ထိုအခါ ဘာမှမတတ်နိုင်တော့သည်နှင့် လမ်းသွယ်လေးကိုထိုးဖောက်ပြီး ဝခိုခံတပ်သို့ ထွက်ပြေးလေသည်။
ထိုတိုက်ပွဲမှာ "ကျန်းဖေး"(Zhang Fei) ၏အောင်နိုင်မှုဖြစ်သည်။ ထိုသတင်းကို "လျူဘေ့"(Liu Bei) ကြားသောအခါ ဝမ်းသာသွားခဲ့ပြီး "ကျန်းဖေး"(Zhang Fei) အရက်သောက်သည်မှာ ရန်သူကို မခံချင်အောင်ဆွမှန်းဖြစ်သည်ဟု သိသွားလေသည်။ "ကျန်းဟဲ"(Zhang He) ဝခိုခံတပ်သို့ပြန်ရောက်သည့်အခါတွင် ကနဦးစစ်သည်သုံးသောင်း၏ သုံးပုံနှစ်ပုံကိုဆုံးရှုံးခဲ့ပြီဖြစ်သည်။ သူသည် ရန်သူတို့ကိုခုခံရန်ပြင်ဆင်မှုများပြုလုပ်ပြီးနောက် "ချောင်ဟုန်"(Cao Hong) အားလာကယ်ရန် အလျင်အမြန်စာပို့လေသည်။
"ချောင်ဟုန်"(Cao Hong) မှာ ဒေါသတကြီးဖြင့်
"သူက ကျုပ်အမိန့်ကိုမနာခံပဲစစ်ချီတက်သွားတယ်။ အခုတော့ စစ်ဗျူဟာအရအရေးပါတဲ့နေရာကိုရှုံးပြီး အကူအညီလာတောင်းနေတယ်" ဆိုပြီး အကူအညီ မပို့ပေးပေ။
ထို့နောက် "ကျန်းဟဲ"(Zhang He) အား ရန်သူတို့ကို ရင်ဆိုင်ရန်အမိန့်ပေးလိုက်သည်။
"ကျန်းဟဲ"(Zhang He) မှာ ကြောက်ရွံ့နေခဲ့ပြီး နောက်ဆုံးတွင် နောက်ဆုံးတွင် တိုက်ရန်ပြင်ဆင်သည်။ သူသည် ကင်းပုန်းတပ်ဖွဲ့နှစ်ဖွဲ့ချပြီး ခြုံခိုတိုက်ရန်ပြင်သည်။
"ကျုပ်က ရှုံးချင်ယောင်ဆောင်ပြီး ထွက်ပြေးမယ်၊ သူတို့ကလိုက်လာတဲ့အချိန်မှာ မင်းတို့ကထွက်ပြီး သူတို့ထွက်ပြေးမယ့်လမ်းကြောင်းကို ပိတ်လိုက်ပါ"
ထို့နောက် စစ်ချီတက်ကာ "လေထုံ"(Lei Tong) နှင့်တွေ့သည်။ နှစ်ဦးနှစ်ဖက်တိုက်ခိုက်ပြီးနောက် "ကျန်းဟဲ"(Zhang He) သည် ထွက်ပြေးချင်ယောင်စောင်လေ၏။ "လေထုံ"(Lei Tong) ကလည်း အနောက်မှလိုက်သည်။ ထိုအချိန်တွင် အသင့်စောင့်နေသော တပ်သားတို့ကထွက်ပြီးတိုက်သည့်အပြင် "ကျန်းဟဲ"(Zhang He) လည်း နောက်လှည့်ကာတိုက်သောကြောင့် "လေထုံ"(Lei Tong) သေဆုံးသွားလေသည်။ "ကျန်းဟဲ"(Zhang He) သည် ထိုနည်းအတိုင်းပင် "ကျန်းဖေး"(Zhang Fei) အား မျှားခေါ်လေ၏။ သို့သော် "ကျန်းဖေး"(Zhang Fei) မှာ သူ၏ထောင်ချောက်အတွင်းသို့ မဝင်ပေ။
"ကျန်းဖေး"(Zhang Fei) မှ "ဝေရန်"(Wei Yan) အား
"ကျန်းဟဲ(Zhang He) က ထောင်ချောက်ဆင်ပြီး လေထုံ(Lei Tong) ကိုသတ်ခဲ့ပြီးပြီ။ သူက ကျုပ်ကို ဒီနည်းအတိုင်းထပ်လာလုပ်ချင်သေးတယ်။ ဒီတော့ ထောင်ချောက်ကို ထောင်ချောက်နဲ့တန်ပြန်ရင် ဘယ်လိုနေမလဲ"
"ဘယ်လိုများလဲ"
"မနက်ဖြန်မှာ ကျုပ်ကစစ်တပ်ကြီးကိုချီတက်သွားမယ်။ ခင်ဗျားက ယုံကြည်ရတဲ့တပ်သားအချို့ကိုဦးဆောင်ပြီး ခြုံကွယ်တိုက်ဖို့ပြင်တဲ့ရန်သူတွေကိုခွဲပြီးတိုက်ပါ။ ဒါ့အပြင် လမ်းကြားတွေမှာလည်း ပေါက်ကွဲမယ့်အရာတွေထား,ထားပြီး ရန်သူတွေကို အဲ့ဘက်သွားစေပြီးတော့ မီးရှို့လိုက်မယ်။ ဒီလိုဆို ကျုပ်က ကျန်းဟဲ(Zhang He) ကိုဖမ်းဖို့လုပ်နိုင်ပြီး သေဆုံးသွားတဲ့လုပ်ဖော်ကိုင်ဘက်အတွက် လက်စားချေနိုင်တယ်"
"ကျန်းဖေး"(Zhang Fei) သည် စစ်ချီတက်သောအခါ "ကျန်းဟဲ"(Zhang He) ၏တပ်က ထွက်လာပြီး ရင်ဆိုင်သည်။ တခဏကြာတိုက်ပြီးနောက်တွင် "ကျန်းဟဲ"(Zhang He) သည် လှည့်ပြေးလေသည်။ ဤအခါတွင်မူ "ကျန်းဖေး"(Zhang Fei) မှာ နောက်မှလိုက်လေသည်။ "ကျန်းဟဲ"(Zhang He) သည် ပြေးလိုက်၊ ခဏရပ်ကာ "ကျန်းဖေး"(Zhang Fei) နှင့်ရင်ဆိုင်လိုက်လုပ်ပြီး တောင်ကြားနားသို့ မျှားခေါ်သွားသည်။ နေရာတစ်ခုတွင် "ကျန်းဟဲ"(Zhang He) က ရပ်လိုက်ပြီး ရန်သူတို့ကို ရင်ဆိုင်ရန်ပြုလေသည်။ ထိုအချိန်လောက်မှာ ပုန်းလျှိုနေသောတပ်သားတို့ထွက်လာပြီး တိုက်ရမည့်အချိန်ဖြစ်သည်။ သို့သော်လည်း ထိုတပ်သားတို့မှာ ပေါ်မလာခဲ့ပေ။ "ဝေရန်"(Wei Yan) ၏တပ်ဖွဲ့သည် တဖက်ရန်သူကို အနိုင်ယူခဲ့ပြီး လမ်းတို့မှာ မီးတို့လောင်ကျွမ်းနေခဲ့ပြီ။
"ကျန်းဟဲ"(Zhang He) သည် အပြင်းအထန်ခုခံပြီး ဝခိုခံတပ်သို့ပြန်လှည့်ပြေးပြီးနောက် ခံတပ်ကိုအကာအကွယ်ယူကာ ရန်သူတို့ကို ရင်ဆိုင်လေ၏။
"ကျန်းဖေး"(Zhang Fei) နှင့် "ဝေရန်"(Wei Yan) တို့သည် ခံတပ်ကိုသိမ်းရန် ကြိုးစားသော်လည်းမအောင်မြင်ပေ၊ ထို့ကြောင့် ထိုခံတပ်မှ ခုနစ်မိုင်အကွာတွင် စခန်းချထား၏။ ထို့နောက် တပ်သားတို့ကို လွှတ်ပြီး အနီးအနားကို ထောက်လှမ်းထားစေသည်။ တစ်ရက်သော် လူတစ်စုသည် ခြုံနွယ်၊ မြက်ရိုင်းတို့ကိုရှင်းကာ လူသူမသွားသည့်လမ်းမှ သွားနေသည်ကိုတွေ့လေသည်။ ထိုအခါ "ကျန်းဖေး"(Zhang Fei) မှ
"ဒါ ဝခိုခံတပ်ကို သိမ်းဖို့နည်းလမ်းပဲ"
ထို့နောက် ထိုလူတို့အား မခြောက်လန့်ရန် သူ၏တပ်သားတို့ကိုမှာလိုက်ပြီးနောက် ထိုသူတို့ကို သူ၏ရှေ့သို့ခေါ်လာစေသည်။ ရောက်လာသောအခါ နွေးနွေးထွေးထွေးဆက်ဆံပြီး ထိုသူတို့ကို စိတ်အေးစေလေ၏။
"ခင်ဗျားတို့က ဘယ်ကလာတာလဲ"
"ကျွန်တော်တို့က ဟန်ကျုံးကပါ။ အခုအိမ်ကိုပြန်မလို့။ ဒီမှာ စစ်တိုက်နေတယ်ကြားလို့။ နောက်ပြီး လန်ကျုံးကိုသွားတဲ့လမ်းမကြီးကလည်း ပိတ်ထားတော့ ကျီထုံတောင်နဲ့ ကွေ့ကျင်းမြစ်ကိုဖြတ်ပြီး ဟန်ကျုံးကိုပြန်မလို့ပါ"
"ဒီလမ်းကနေ ဝခိုခံတပ်ကိုသွားလို့ရလား? ဘယ်လောက်ဝေးလဲ"
"ဒီလမ်းလမ်းက ကျီထုံတောင်ကနေတဆင့် ဝခိုခံတပ်ရဲ့အနောက်ဘက်ကို ရောက်ပါတယ်"
၎င်းကိုကြားသောအခါ "ကျန်းဖေး"(Zhang Fei) သည် ထိုသူတို့ကို သူ၏စခန်းထဲသို့ခေါ်ပြီး စားကောင်းသောက်ဖွယ်များ ကျွေးမွေးလေသည်။ ထို့နောက် "ဝေရန်"(Wei Yan) အား ခံတပ်ကိုတိုက်ထားခိုင်းပြီး သူကိုယ်တိုင်မှာမူ အလျင်မြင်းတပ် ငါးရာနှင့်အတူ ကျီထုံတောင်ဘက်သို့သွားသည်။
"ချောင်ဟုန်"(Cao Hong) မှ စစ်ကူမပို့သောကြောင့် "ကျန်းဟဲ"(Zhang He) မှာ စိတ်ပျက်လက်ပျက်ဖြစ်နေလေ၏။ ထိုအချိန်တွင် "ဝေရန်"(Wei Yan) လာတိုက်သည်ဟုကြားသောအခါ ပိုစိတ်ညစ်သွားသည်။ သို့သော်ဠ သူ၏ သံချပ်ကာကိုဝတ်ဆင်ကာ စစ်ချီတက်မည်အပြုတွင် ခံတပ်၏အနောက်ဘက်တွင် မီးတို့လောင်ကျွမ်းနေသည်ဟု ကြားသည်လိုက်သည်။ ထိုနေရာသို့သွားကြည့်သောအခါ "ကျန်းဖေး"(Zhang Fei) နှင့်ထိပ်တိုက်တွေ့လေသည်။ ထိုအခါ "ကျန်းဟဲ"(Zhang He) သည် လမ်းကြားလေးမှ ထွက်ပြေးလေ၏။ သို့သော်လည်း သူ၏မြင်းမှာ မမြန်သောကြောင့် "ကျန်းဖေး"(Zhang Fei) မှာ အနောက်မှ မှီလာခဲ့သည်။ ထိုအခါ မြင်းပေါ်မှဆင်းလိုက်ပြီး တောတောင်ထဲသို့ထွက်ပြေးရာ ထွက်ပြေးလွတ်မြောက်သွားလေသည်။ သို့သော် ထိုအချိန်တွင် နောက်လိုက်နောက်ပါ ဆယ်ယောက်ခန့်သာ ကျန်တော့သည်။ ထိုသူတို့သည် နန်ကျန်းသို့ပြန်လေသည်။ "ချောင်ဟုန်"(Cao Hong) နှင့်တွေ့သော် "ချောင်ဟုန်"(Cao Hong) မှာ အင်မတန်အမျက်ထွက်နေလေ၏။
"ခင်ဗျားကို မသွားနဲ့လို့ပြောတာသွားခဲ့တယ်။ စစ်သားတွေတစ်ယောက်မှ မကျန်တော့ဘူး။ အခုစစ်ရှုံးသွားတော့ ခင်ဗျား စာထဲမှာ ကတိပြုထားတဲ့အတိုင်း ကိုယ့်ကိုယ်ကို မသတ်သေသေးဘူးလား။ ဘာဆက်လုပ်မလို့လဲ?"
"ချောင်ဟုန်"(Cao Hong) သည် အာဏာပါးကွက်သားတို့ကိုခေါ်ပြီး "ကျန်းဟဲ"(Zhang He) အား သေဒဏ်ပေးစေသည်။ သို့သော် စစ်သူကြီး "ကော်ဟွိုင်"(Guo Huai) မှ ဝင်တားလေ၏။
"စစ်တပ်ကို အလွယ်တကူဖွဲ့စည်းလို့ရပေမယ့် ခေါင်းဆောင်ကောင်းက ရှာကခက်တယ်။ ကျန်းဟဲ(Zhang He) က အပြစ်ရှိပေမယ့်လည်း မင်းသားက သူ့အပေါ်ပစားပေးတယ်။ ဒီတော့ သူ့အသက်ကိုချမ်းသာပေးသင့်တယ်။ အဲ့အစား နောက်ထပ်တပ်ဖွဲ့ကိုဦးဆောင်စေပြီး ကျားမုန့်ခံတပ်ကိုသိမ်းဖို့တာဝန်ပေးလိုက်ပါ။ ဟန်ကျုံးက သူ့ဟာသူအေးချမ်းနေတယ်။ သူဒီတာဝန်ကိုလည်း မထမ်းရွက်နိုင်တဲ့အခါမှ အပြစ်ပေးရင် မနောက်ကျသေးဘူး"
ထိုအခါ "ချောင်ဟုန်"(Cao Hong) သည် "ကျန်းဟဲ"(Zhang He) အား တပ်သား ငါးထောင်ပေးကာ ကျားမုန့်ခံတပ်ကိုသိမ်းစေသည်။ ထိုခံတပ်၏ စစ်သူကြီးတို့မှာ "မုန့်တာ"(Meng Da) နှင့် "ဟော်ကျွင်း"(Huo Jun) တို့ဖြစ်သည်။ ထိုစစ်သူကြီးနှစ်ဦးတို့သည် သဘောထားမတိုက်ဆိုင်ပဲဖြစ်နေခဲ့သည်။ "မုန့်တာ"(Meng Da) က ရန်သူနှင့်ရင်ဆိုင်လိုပြီး "ဟော်ကျွင်း"(Huo Jun) က ခံစစ်အနေဖြင့်သာ နေလိုသည်။ "မုန့်တာ"(Meng Da) မှာ တိုက်ခိုက်လိုသောကြောင့် ခံတပ်အပြင်သို့ထွက်ပြီး တိုက်လေရာ စစ်ရှုံးလေ၏။ ထိုအကြောင်းကို "ဟော်ကျွင်း"(Huo Jun) မှ မြို့တော်သို့အကြောင်းကြားလိုက်သည်။
ထိုအခါ "လျူဘေ့"(Liu Bei) သည် အကြံပေးအရာရှိနှင့်တိုင်ပင်လေသည်။ "ကျူးကဲလျန့်"(Zhuge Liang) က စစ်သူကြီးချုပ်တို့ကို စုစည်းစေသည်။
"ကျားမုန့်ခံတပ်က အန္တရာယ်ရှိနေတယ်။ ဒီတော့ လန်ကျုံးက ကျန်းဖေး(Zhang Fei) ကိုလွှတ်ပြီး ကျန်းဟဲ(Zhang He) နဲ့ရင်ဆိုင်စေရမယ်"
"ဖာကျန့်"(Fa Zheng) မှ
"ကျန်းဖေး(Zhang Fei) က ဝခိုခံတပ်မှာ စခန်းချထားတာ။ လန်ကျုံးကလည်း ကျားမုန့်ခံတပ်လောက်အရေးပါတယ်။ ဒီတော့ သူ့ကို ပြန်မခေါ်သင့်ဘူး။ စစ်သူကြီးတွေထဲက တစ်ယောက်ကိုလွှတ်ပြီး ရင်ဆိုင်ခိုင်းရမယ်"
"ကျူးကဲလျန့်"(Zhuge Liang) မှ ရယ်ကာ
"ကျန်းဟဲ(Zhang He) က ဝေမှာ နာမည်ကျော်တယ်။ သာမန်စစ်သူကြီးတွေက ယှဉ်နိုင်မှာမဟုတ်ဘူး။ ကျန်းဖေးတစ်ယောက်ပဲ ဒီတာဝန်ကို ထမ်းဆောင်နိုင်မယ်"
ထိုအချိန်တွင် စစ်သူကြီးတစ်ယောက်မှ ဒေါသတကြီးဖြင့်ပြောလေသည်။
"အကြံပေးပုဂ္ဂိုလ်က ကျွန်တော်တို့ကိုအထင်သေးတာပဲ။ ကျွန်တော့ရဲ့အရည်အချင်းအနည်းငယ်ကို အသုံးချပြီး ရန်သူ့ခေါင်းကိုဖြတ်ပြီးတော့ ခင်ဗျားခြေရင်းမှာ လာထားပါ့မယ်"
ထိုပြောသူမှာ ဝါရင့်စစ်သူကြီး "ဟွမ်ကျုံး"(Huang Zhong) ဖြစ်ပြီး အကုန်လုံးက သူ့ကိုကြည့်ကြလေသည်။
"မိတ်ဆွေ ဟွမ်ကျုံး(Huang Zhong) ၊ ခင်ဗျားက ရဲရင့်ပါရဲ့၊ ဒါပေမယ့် ခင်ဗျားအသက်ကိုလည်း ထောက်ပါဦး။ ကျန်းဟဲ(Zhang He) ကို မယှဉ်နိုင်မှာစိုးရတယ်"
"ဟွမ်ကျုံး"(Huang Zhong) ၏အဖြူရောင်မုတ်ဆိတ်တို့မှာ ဒေါသကြောင့်ထောင်လာကာ
"ကျုပ် အသက်ကြီးတယ်ဆိုတာ သိပါတယ်။ ဒါပေမယ့် ဒီလက်နှစ်ဖက်က ပေါင်လေးရာ့ငါးဆယ်ရှိတဲ့လေးကိုသုံးနိုင်ပြီး ကျုပ်ရဲ့စွမ်းအားတွေက မမှေးမှိန်သေးဘူး။ ဒီတော့ ကျန်းဟဲ(Zhang He) လိုလူကိုမယှဉ်နိုင်စရာရှိမလား"
"စစ်သူကြီးက အသက် ၇၀ နီးနေပြီ။ ဒါအသက်မကြီးသေးဘူးလား"
ထိုအခါ "ဟွမ်ကျုံး"(Huang Zhong) သည် ဓားကောင်းတစ်လက်ကိုကိုင်ပြီး လှည့်ကာ ဓားရေးပြသည်။ ထို့နောက် နံရံတွင်ချိတ်ထားသော အလေးလံဆုံးလေးကို ကိုင်ကာ ကျိုးသွားသည်အထိကွေးအောင် ဆွဲလိုက်သည်။
"ခင်ဗျားနဲ့ဘယ်သူ စစ်ချီသွားမလဲ"
"ဝါရင့်စစ်သူကြီး ရန်ရန်(Yan Yan) က ကျွန်တော်နဲ့အတူလိုက်ရင် ပိုးကောင်းပါတယ်။ စိုးရိမ်စရာရှိရင် ဒီအဘိုးကြီးရှိသေးတာပဲ"
"လျူဘေ့'(Liu Bei) က ၎င်းအဆိုကို လက်ခံရန်ပြုသော်လည်း "ကျောက်ယွင်"(Zhao Yun) မှ ကန့်ကွက်လေသည်။
"ကျန်းဟဲ(Zhang He) က ကျားမုန့်ခံတပ်ကိုတောင် ရောက်လာပြီ။ ဒီတော့ တိုက်ခိုက်ဖို့ကမလွယ်ကူဘူး။ အဲ့ခံတပ်ကိုဆုံးရှုံးရင် ယီကျိုးတစ်ခုလုံး အကျဉ်းအကြပ်ထဲရောက်သွားမယ်။ ဒါကြောင့်အသက်ကြီးတဲ့လူနှစ်ယောက်ကို ဒီတာဝန်ကို မပေးသင့်ဘူး"
"ကျူးကဲလျန့်"(Zhuge Liang) မှ
"ခင်ဗျားက သူတို့ကို အသက်ကြီးတယ်လို့ပြောပေမယ့် ကျုပ်အထင်ကတော့ ဟန်ကျုံးကိုသိမ်းရာမှာ သူတို့နှစ်ယောက်က အဓိကပဲ"
"ကျောက်ယွင်"(Zhao Yun) နှင့် အခြားသောသူတို့သည် "ကျူးကဲလျန့်"(Zhuge Liang) ၏စကားကိုလက်မခံပဲ ပြက်ရယ်ပြုကြလေသည်။
ထို့နောက် ဝါရင့်စစ်သူကြီးနှစ်ဦးတို့သည် ခံတပ်သို့ရောက်လာခဲ့သည်။ သူတို့ကိုမြင်သောအခါ ခံတပ်ရှိစစ်သူကြီးနှစ်ဦးဖြစ်သော "မုန့်တာ"(Meng Da) နှင့် "ဟော်ကျွင်း"(Huo Jun) တို့၏အတွင်းစိတ်မှ ကြိတ်ရယ်ကြသည်။
'ဒီလိုအရေးပါတဲ့တာဝန်အတွက် ဒီအဘိုးကြီးနှစ်ယောက်ကိုလွှတ်လိုက်တာဟာ ကျူးကဲလျန့်(Zhuge Liang) ရဲ့အမှားပဲ'
"ဟွမ်ကျုံး"(Huang Zhong) မှ "ရန်ရန်"(Yan Yan) အား
"ခင်ဗျား သူတို့ရဲ့ပုံစံကိုတွေ့လား၊ သူတို့က ကျုပ်တို့အသက်ကြီးလို့လှောင်နေကြတာ။ ဒီတော့ တစ်လောကလုံးကလေးစားမယ့် အရာလုပ်ပြလိုက်ရအောင်"
"ကျွန်တော် စစ်သူကြီးရဲ့အမိန့်ကို နာခံပါ့မယ်"
ပြီးတွင် စစ်သူကြီးနှစ်ဦးတို့သည် မည်သို့လှုပ်ရှားမည်ကို တိုင်ပင်သည်။ "ဟွမ်ကျုံး"(Huang Zhong) သည် သူ၏တပ်ဖွဲ့ကိုဦးဆောင်ကာ မြေပြန့်နေရာတွင် "ကျန်းဟဲ"(Zhang He) နှင့်ရင်ဆိုင်သည်။ နှစ်ဦးနှစ်ဖက်လုံးက စစ်ဗျူဟာခင်းထားပြီး "ကျန်းဟဲ"(Zhang He) မှ သူ၏ရန်သူကိုတွေ့သောအခါ ရယ်လေ၏။
"ခင်ဗျား တော်တော်အသက်ကြီးနေပြီ။ ဒါတောင်စစ်ထွက်ရတာ မရှက်ဘူးလား"
"အသုံးမကျနဲ့ကောင်၊ မင်းက ကျုပ်အသက်ကြီးလို့ရယ်တာပေါ့။ ဒါပေမယ့် ကျုပ်ဓားကထက်နေတုန်းပဲဆိုတာ သိရလိမ့်မယ်"
ထို့နောက် မြင်းကိုရှေ့သို့နှင်ကာ "ကျန်းဟဲ"(Zhang He) နှင့်ရင်ဆိုင်သည်။ သို့သော်မကြာမီတွင်ပင် အနောက်ဘက်မှ အော်သံတို့ကိုကြားလိုက်ရကာ "ရန်ရန်"(Yan Yan) ပေါ်လာသည်။ ကြားညှပ်တိုက်ခံရသဖြင့် "ကျန်းဟဲ"(Zhang He) စစ်ရှုံးသွားခဲ့သည်။
ရန်သူတို့အနောက်မှလိုက်သောကြောင့် "ကျန်းဟဲ"(Zhang He) သည် မိုင်သုံးဆယ်အကွာအထိပြေးရလေသည်။ စစ်အောင်နိုင်ပြီးနောက် "ဟွမ်ကျုံး"(Huang Zhong) နှင့် "ရန်ရန်"(Yan Yan) တို့သည် စခန်းချကာ တပ်သားများကိုခဏနားစေသည်။ "ချောင်ဟုန်"(Cao Hong) သည် "ကျန်းဟဲ"(Zhang He) စစ်ရှုံးသည်ကိုသိသောအခါ အပြစ်ပေးရန်ပြုသည်။ ထိုအခါ "ကောဟွိုင်"(Guo Huai) မှတားမြစ်လေ၏။
"သူ့ကို ဒီထက်ပိုပြီး အကျဉ်းအကြပ်ထဲရောက်အောင်လုပ်ရင် သူ ရှူဘက်မှာသွားခိုလှုံလိမ့်မယ်။ ဒီတော့ သူ့ကိုစစ်ကူတွေပို့ပေးလိုက်ပါ။ ဒါဆို သူ့ကိုထိန်းချုပ်ထားနိုင်ပြီး သူလည်း သစ္စာဖောက်တော့မှာမဟုတ်ဘူး"
ထို့နောက် "ရှဟိုရှန်"(Xiahou Shang) နှင့် "ဟန်ဟောက်"(Han Hao) တို့ကိုစစ်ကူအနေဖြင့်ပို့လိုက်သည်။ "ရှဟိုရှန်"(Xiahou Shang) မှာ "ရှဟိုတွန်း"(Xiahou Dun) ၏တူတော်ပြီး "ဟန်ဟောက်"(Han Hao) မှာ ကွယ်လွန်သွားခဲ့သော ချန်ဆားမြို့စား "ဟန်ရွှမ်"(Han Xuan) ၏ညီဖြစ်သည်။ သူတို့တွင် တပ်သားငါးထောင်ရှိလေသည်။
ထိုစစ်သူကြီးနှစ်ဦးတို့သည် "ကျန်းဟဲ"(Zhang He) ထံသို့သွားပြီး တိုက်ပွဲအခြေအနေကိုမေးလေသည်။
"အဲ့အဘိုးကြီး ဟွမ်ကျုံး(Huang Zhong) က တကယ့်သူရဲကောင်းပဲ။ ရန်ရန်(Yan Yan) ရဲ့အကူအညီနဲ့ သူကတော်တော်ရင်ဆိုင်ရခက်သွားတယ်"
"ကျုပ် ချန်ဆားမှာတုန်းက ဒီအဘိုးကြီးက တော်တော်စွမ်းတယ်လို့ကြားဖူးတယ်။ သူနဲ့ ဝေရန်(Wei Yan) က မြို့ကို လျူဘေ့(Liu Bei) လက်အပ်လိုက်ပြီး ကျုပ်အစ်ကိုကို သတ်လိုက်တယ်။ ဒီတော့ သူ့ကိုတွေ့ရင် ကျုပ်အစ်ကိုအတွက် လက်စားချေရမယ်"
ထို့နောက် စစ်ကူလာသည့်စစ်သူကြီးနှစ်ဦးသည် တပ်ဖွဲ့ကိုဦးဆောင်ကာ ချီတက်လေသည်။
ထိုအချိန်တွင် "ဟွမ်ကျုံး"(Huang Zhong) သည် ဒေသအခြေအနေတို့ကို စုံစမ်းစေရာ သတင်းတို့ကိုသိရှိလေသည်။
"ရန်ရန်"(Yan Yan) : "ဒီနားက တျန်းတန်းတောင်မှာ ချောင်ဟုန်(Cao Hong) က သူ့ရဲ့ရိက္ခာတွေကိုသိုလှောင်ထားတယ်။ ဒါတွေကိုရယူနိုင်ရင် ဟန်ကျုံးကိုသိမ်းဖို့ပိုလွယ်သွားမယ်"
"ဟွမ်ကျုံး"(Huang Zhong) : "ကျုပ်လည်း အဲ့လိုထင်တယ်။ ဒီတော့ ဒီလိုလုပ်ပါ"
"ရန်ရန်"(Yan Yan) ကသဘောတူပြီး စစ်ရေးဆင်ရန် သူ၏တပ်ဖွဲ့ကိုခေါ်သွားသည်။ "ဟွမ်ကျုံး"(Huang Zhong) သည် အသစ်ရောက်ရှိလာသော ရန်သူတို့ကိုထွက်ကာ ရင်ဆိုင်လေသည်။ ရှေ့ဆုံးမှ "ဟန်ဟောက်"(Han Hao) မှ "ကျေးဇူးကန်းတဲ့ အဘိုးကြီး" ဟုဆဲရေးလေသည်။ ထို့နောက် "ဟန်ဟောက်"(Han Hao) သည် မြင်းကိုစီးကာ "ဟွမ်ကျုံး"(Huang Zhong) နှင့်တိုက်လေသည်။ တိုက်ပြီးမကြာမီတွင်ပင် "ဟွမ်ကျုံး"(Huang Zhong) ထွက်ပြေးလေ၏။ ဝေတပ်ဖွဲ့ကလည်း အနောက်မှ ခုနစ်မိုင်ခန့်လိုက်ပြီး တပ်စခန်းကိုသိမ်းလိုက်သည်။ သို့သော် "ဟွမ်ကျုံး"(Huang Zhong) သည် ယာယီတပ်စခန်းတစ်ခုကိုဆောက်လိုက်လေ၏။ နောက်ရက်တွင် "ရှဟိုရှန်"(Xiahou Shang) နှင့် "ဟန်ဟောက်"(Han Hao) တို့သည် နောက်မှလိုက်လေရာ ထိုယာယီတပ်စခန်းကို သိမ်းလိုက်သည်။ နောက်ထပ်ခုနစ်မိုင်ခန့်လိုက်ပြီးနောက် အနောက်ဘက်တွင်ကျန်ရစ်သောစခန်းကို ကာကွယ်ရန် "ကျန်းဟဲ"(Zhang He) အား ခေါ်လေသည်။
"ကျန်းဟဲ"(Zhang He) ရောက်လာသောအခါတွင် ထိုသို့ဆက်မလိုက်ရန် တားမြစ်သည်။
"ဟွမ်ကျုံး(Huang Zhong) က နှစ်ရက်ဆက်တိုက် တပ်ဆုတ်ပြီးပြီ။ ဒါသူတို့က စစ်ဗျူဟာတစ်ခုခုသုံးမလို့ဖြစ်မယ်"
"ရှဟိုရှန်"(Xiahou Shang) မှ
"ခင်ဗျားက ဒီလိုသူရဲဘောကြောင်လို့ အကြိမ်ကြိမ်စစ်ရှုံးတာပေါ့။ ထပ်မပြောနဲ့တော့၊ ကျုပ်တို့စစ်နိုင်အောင်လုပ်ရအောင်"
"ကျန်းဟဲ"(Zhang He) မှာအရှက်ရသွားလေသည်။ နောက်ရက်တွင် စစ်သူကြီးနှစ်ဦးတို့သည် တိုက်ခိုက်ရန်ပြုလေသည်။ "ဟွမ်ကျုံး"(Huang Zhong) က နောက်ခုနစ်မိုင်ခန့် တပ်ဆုတ်သွားပြန်သည်။ နောက်တစ်ရက်တွင်မူ ခဏသာတိုက်ပြီး ဆက်မတိုက်တော့ပဲ တပ်ဆုတ်လေရာ ကျားမုန့်ခံတပ်သို့ရောက်ပြီး ခံတပ်ကိုအကာအကွယ်ယူကာ ခုခံလေ၏။ ရန်သူတို့သည် ထိုခံတပ်အနီးတွင် စခန်းချထားသည်။
ထိုအခါ "မုန့်တာ"(Meng Da) သည် "ဟွမ်ကျုံး"(Huang Zhong) မှာ အကြိမ်ကြိမ်စစ်ရှုံးကာ ယခုခံတပ်အပြင်ဘက်သို့ပင် မထွက်နိုင်တော့ကြောင်း "လျူဘေ့"(Liu Bei) ထံတိတ်တဆိတ်စာရေးကာ အကြောင်းကြားလေ၏။ ထိုအခါ "လျူဘေ့"(Liu Bei) သည် "ကျူးကဲလျန့်"(Zhuge Liang) နှင့် တိုင်ပင်ရာ "ကျူးကဲလျန့်"(Zhuge Liang) မှ
"စစ်သူကြီးက ရန်သူကို သွေးနားထင်ရောက်အောင်လုပ်ပြီးမှ သူတို့ကိုတိုက်ခိုက်မလို့ပါ" ဟုဆိုသည်။
သို့သော် "ကျောက်ယွင်"(Zhao Yun) နှင့် အခြားသူတို့သည် ၎င်းကိုလက်မခံပေ။ ထို့ကြောင့် "လျူဘေ့"(Liu Bei) သည် "လျူဖုန်း"(Liu Feng) အားစစ်ကူလွှတ်လိုက်လေ၏။ ထိုစစ်ကူသည် စခန်းသို့ရောက်လာသောအခါ "ဟွမ်ကျုံး"(Huang Zhong) မှ
"စစ်သူကြီးက ဘာလို့ ဒီလာတာလဲ"
"ကျုပ်အဖေက စစ်သူကြီးစစ်ရှုံးတယ်လို့ကြားလို့ စစ်ကူလွှတ်လိုက်တာပါ"
"ဟွမ်ကျုံး"(Huang Zhong) မှ ပြုံးပြီး
"ကျွန်တော်က ပရိယာယ်သုံးပြီး ရန်သူကိုအငိုက်ဖမ်းမလို့ပါ။ ဒီညမှာတော့ တိုက်ပွဲတစ်ခုတည်းနဲ့ ဆုံးရှုံးသွားတဲ့စခန်းတွေကိုပြန်သိမ်းပြီး သူတို့ရဲ့မြင်းတွေနဲ့ရိက္ခာတွေကို ယူပါမယ်။ စခန်းတွေကို သူတို့လက်ထဲခဏအပ်ထားတာက ရိက္ခာတွေသိမ်းထားစေဖို့ပါ။ ဟော်ကျွင်း(Huo Jun) ကိုမြို့စောင့်ခိုင်းထားပြီး စစ်သူကြီး မုန့်တာကတော့ ရန်သူ့ပစ္စည်းတွေကိုလိုက်သိမ်းဖို့လုပ်ခိုင်းရမယ်။ သခင်လေး မကြာခင်မှာ ရန်သူတွေစစ်ရှုံးတာကို မြင်ရပါလိမ့်မယ်"
ထိုညတွင်ပင် "ဟွမ်ကျုံး"(Huang Zhong) သည် ခံတပ်မှ စစ်သည်ငါးထောင်ကိုဦးဆောင်ကာ ထွက်လာသည်။ ရက်ပေါင်းများစွာ လှုပ်ရှားမှုမရှိသောကြောင့် "ရှဟိုရှန်"(Xiahou Shang) နှင့် "ဟန်ဟောက်"(Han Hao) တို့သည် ပေါ့လျော့နေခဲ့ပြီး ရန်သူတို့ရုတ်တရတ်လာတိုက်သောအခါ တပ်သားတို့သည် သံချပ်ကာဝတ်ရန်၊ မြင်းစီးရန်ပင် အချိန်မရပေ။ ခေါင်းဆောင်အားလုံးတို့သည်လည်း ကိုယ်လွတ်ရုန်းကာ ထွက်ပြေးကြပြီး တပ်သားတို့သည် အချင်းချင်း ထိမိ၊ တိုက်မိကုန်ကြကာ တပ်သားပေါင်းများစွာ သေဆုံးခဲ့လေသည်။ တပ်စခန်းသုံးခုလုံးကို မိုးသောက်ခါနီးအချိန်တွင် ပြန်သိမ်းနိုင်ခဲ့ပြီး ထိုစခန်းတို့တွင် စစ်လက်နက်ကိရိယာမျိုးစုံတို့ကို ရရှိလေသည်။ မြင်းနှင့်ကုန်းနှီးတို့ကိုလည်း သိမ်းယူပြီး ထိုအရာတို့ကို "မုန့်တာ"(Meng Da) မှ ခံတပ်အတွင်းသို့ ယူဆောင်သွားခဲ့သည်။
"ဟွမ်ကျုံး"(Huang Zhong) မှ ဆက်လက်တိုက်ခိုက်ရန်ပြုရာ "လျူဖုန်း"(Liu Feng) မှ
"စစ်သားတွေအနားယူဖို့လိုတယ်"
"ကျားပေါက်လေးတွေကိုဖမ်းချင်ရင် ကျားနေတဲ့ဂူထဲမဝင်ပဲ ဘယ်လိုဖမ်းမလဲ"
ထိုအချိန်တွင် တပ်သားတို့သည်လည်း အင်မတန်တက်ကြွနေခဲ့သည်။
ထွက်ပြေးသောသူတို့ကြောင့် "ကျန်းဟဲ"(Zhang He) ၏တပ်သည်လည်း ရုန်းရင်းဆန်ခတ်ဖြစ်ကာ တပ်ဆုတ်ရလေသည်။ တပ်စခန်းအကာအကွယ်တို့ကိုစွန့်ပြီး ဟန်မြစ်ကမ်းနားအထိရောက်လာသည်။ ထို့နောက် "ကျန်းဟဲ"(Zhang He) မှ ကံဆိုးမှုကိုဆောင်ကြည်းလာသော စစ်သူကြီးနှစ်ဦးကိုခေါ်သည်။
"ဒီနေရာက တျန်းတန်းတောင်ပဲ။ ဒီနားမှာ မီချန်တောင်ရှိတယ်။ ဒီတောင်နှစ်ခုက ဟန်ကျုံးတပ်အတွက် အရေးပါတယ်။ ဒါကိုဆုံးရှုံးသွားရင် ဟန်ကျုံးကိုလည်း လက်လွှတ်ရလိမ့်မယ်။ ဒီတော့ ဒါကိုကာကွယ်သင့်တယ်"
"ရှဟိုရှန်"(Xiahou Shang) မှ
"ကျုပ်ဦးလေး ရှဟိုယွယ်က မီချန်တောင်ကိုစောင့်ကြပ်လိမ့်မယ်။ သူနဲ့နီးတာက တင်းကျွင်းတောင်၊ စိုးရိမ်စရာမရှိဘူး။ နောက်ပြီး ကျုပ်အစ်ကို ရှဟိုတဲ(Xiahou De) ကလည်း တျန်းတန်းတောင်မှာရှိတယ်။ သူ့ဆီသွားပြီး သူ့ကိုကူညီပြီး ကာကွယ်ကြတာပေါ့"
"ကျန်းဟဲ"(Zhang He) နှင့် စစ်သူကြီးနှစ်ဦးတို့သည် ချက်ချင်းသွားပြီး "ရှဟိုတဲ"(Xiahou De) နှင့်တွေ့ကာ အကျိုးအကြောင်းပြောသည်။
"ကျုပ်ဆီမှာ တပ်သားတစ်သိန်းရှိတယ်။ တပ်သားအချို့ကိုယူပြီး ဆုံးရှုံးသွားတဲ့တပ်စခန်းတွေကို ပြန်သိမ်းပါ"
"မဟုတ်ဘူး။ အကောင်းဆုံးကတော့ ကာကွယ်ဖို့ပဲ"
ထိုအချိန်တွင်ပင် ဗုံသံတို့ကိုကြားလိုက်ပြီး "ဟွမ်ကျုံး"(Huang Zhong) အနားသို့ရောက်လာကြောင်းဆိုသည်။
"ရှဟိုတဲ"(Xiahou De) မှ
"ဒီအဘိုးကြီးက စစ်ဗျူဟာဟာအကြောင်းသိပ်မကျွမ်းကျင်ဘူး။ ရဲပဲရဲရင့်တာ"
"ကျန်းဟဲ"(Zhang He) မှ
"မဟုတ်ဘူး၊ သူက သတ္တိရှိယုံမက ဉာဏ်လည်းများတယ်"
"ဒီလိုစစ်ချီတက်လာတာက ဘာမှမရိယာယ်မကြွယ်ဘူး။ စစ်သားတွေက အကြာကြီးစစ်ချီလာရလို့ပင်ပန်းနေတဲ့အပြင် ရန်သူ့နယ်မြေထဲရောက်နေပြီ"
"ဘာပဲဖြစ်ဖြစ်သတိထားပါ။ ကာကွယ်မှုကိုဦးတည်ပြီးလုပ်တာဆိုတော့ အခြေအနေမဆိုးပါဘူး"
"ဟန်ဟောက်"(Han Hao) မှ
"ကျုပ်ကို တပ်သားသုံးထောင်ပဲပေးပါ။ ရန်သူကို အပိုင်းပိုင်းဖြတ်ပစ်မယ်" ဟုပြောပြီး တပ်သားတို့ကိုဦးဆောင်ကာ မြေပြန့်သို့ဆင်းသွားသည်။
"ဟွမ်ကျုံး"(Huang Zhong) သည် သူ၏တပ်တို့ကိုခင်းကျင်းထားလေသည်။ "လျူဖုန်း"(Liu Feng) မှ သတိပေးသည်။
"နေဝင်တော့မယ်။ တပ်သားတွေလည်း ပင်ပန်းနေပြီ။ ဒီနေ့နားလိုက်ပြီး မနက်ဖြန်မှတိုက်ပါလား"
သို့သော် "ဟွမ်ကျုံး"(Huang Zhong) က လက်မခံချေ။
"ကျွန်တော် ဒါကို သဘောမတူဘူး။ ဒီအခြေအနေက ကောင်းကင်ကကျလာတဲ့အခွင့်ကောင်းကြီးပဲ။ ဒီအခွင့်ကောင်းကိုလက်ဦးမယူနိုင်ရင် မိုက်မဲရာကျတယ်"
ထို့နောက် ဗုံတို့ကိုတီးစေကာ တိုက်ခိုက်ရန်ပြင်သည်။ "ဟန်ဟောက်"(Han Hao) ထွက်လာသောအခါ ဝါရင့်စစ်သူကြီးသည် ဓားကိုကိုင်ကာရင်ဆိုင်သည်။ သိပ်မကြာခင်တွင်ပင် "ဟန်ဟောက်"(Han Hao) လဲကျသွားလေသည်။ ရှူစစ်သည်တို့သည် ဟစ်အော်ကာ တောင်ကုန်းပေါ်သို့တက်လေ၏။ ထိုအချိန်တွင် တောင်ကုန်းအနောက်ဘက်မှ မီးဟုန်းဟုန်းတောက်နေပြီး ဟစ်အော်သံတို့ကိုလည်း ကြားလိုက်ရသည်။ "ရှဟိုတဲ"(Xiahou De) သည် တပ်သားတို့ကိုဦးဆောင်ကာ ထိုနေရာသို့အလျင်အမြန်သွားရာ "ရန်ရန်"(Yan Yan) နှင့်ထိပ်တိုက်တွေ့သည်။ "ရန်ရန်"(Yan Yan) သည် ဓားဖြင့်ခုတ်လိုက်ရာ "ရှဟိုတဲ"(Xiahou De) သည် မြင်းပေါ်မှကျသွားပြီး ပြန်မထလာတော့ပေ။
ထိုခြုံခိုတိုက်ခိုက်မှုကို "ဟွမ်ကျုံး"(Huang Zhong) စီစဉ်ထားခဲ့ခြင်းဖြစ်သည်။ သူကိုယ်တိုင်စစ်မချီခင်တွင် "ရန်ရန်"(Yan Yan) အား လုပ်ဆောင်ရမည်တို့ကိုမှာထားလေ၏။ "ရန်ရန်"(Yan Yan) ၏တပ်သည် သစ်ကိုင်းတို့ကိုစုကာ မီးရှို့လိုက်သဖြင့် တောင်ကြားတစ်ခုလုံး မီးတို့ဟုန်းဟုန်းတောက်သွားခဲ့သည်။
"ရန်ရန်"(Yan Yan) သည် "ရှဟိုတဲ"(Xiahou De) ကိုသတ်ပြီးနောက် တောင်ကုန်းသို့လာပြီး ရန်သူတို့ကို ကြားညှပ်တိုက်လေသည်။ ခုခံသောသူတို့သည်လည်း မတတ်သာတော့သည့်အဆုံးတွင် တင်းကျွင်းတောင်သို့ထွက်ပြေးပြီး "ရှဟိုယွမ်"(Xiahou Yuan) ထံတွင် ခိုလှုံလေ၏။
စစ်နိုင်သောသူတို့သည် သူတို့အောင်နိုင်သည့်တပ်စခန်းတို့တွင် နေရာချကာ မြို့တော်ချန်တူးသို့ သတင်းကောင်းကိုတင်ပြလေ၏။ "လျူဘေ့"(Liu Bei) လည်း သူ၏အမှုထမ်းတို့အား ခေါ်ပြီး ထိုသတင်းကောင်းကို မျှဝေသည်။ "ဖာကျန့်"(Fa Zheng) မှ
"မကြာသေးခင်က ကျန်းလု(Zhang Lu) က ချောင်ချောင်း(Cao Cao) လက်အောက်မှာ လက်နက်ချသွားခဲ့တဲ့အတွက် ဟန်ကျုံးကိုအလွယ်တကူရသွားခဲ့တယ်။ ဒါပေမယ့် သူက အနောက်ဘက်ကိုဆက်မချီတက်ပဲ တောင်ပိုင်းကိုသွားခဲ့တယ်။ ဒါက အမှားပဲ၊ ဒီတော့ ဒီအမှားကို အခွင့်ကောင်းယူသင့်တယ်။ ကျန်းဟဲ(Zhang He) ကလည်း စစ်ရှုံးထားပြီး တျန်းတန်းတောင်ကိုလည်းသိမ်းပြီးပြီဆိုတော့ ဟန်ကျုံးကိုတိုက်ရင် လွယ်ကူမယ်။ ဟန်ကျုံးကိုအောင်နိုင်ရင် သူပုန်ကိုရင်ဆိုင်ဖို့အဆင်ပိုပြေပါလိမ့်မယ်"
"လျူဘေ့"(Liu Bei) ရော "ကျူးကဲလျန့်"(Zhuge Liang) ကပါ ထိုအကြံကိုလက်ခံပြီး ပြင်ဆင်မှုများလုပ်စေသည်။ "ကျောက်ယွင်"(Zhao Yun) နှင့် "ကျန်းဖေး"(Zhang Fei) တို့အား ရှေ့ပြေးတပ်ကိုဦးဆောင်စေပြီး "လျူဘေ့"(Liu Bei) နှင့် "ကျူးကဲလျန့်"(Zhuge Liang) အင်အားတစ်သိန်းရှိသော ပင်မတပ်ကိုဦးဆောင်လေသည်။ ထို့နောက် ထွက်ခွာရန်တစ်ရက်ကိုရွေးပြီး ယီကျိုးကိုလည်း ကာကွယ်ရန်ပြင်ဆင်ထားသည်။
နှစ်ဆယ့်သုံးနှစ်မြောက် (အေဒီ ၂၁၈) ခုနစ်လပိုင်း၊ ရက်ကောင်းသောတစ်ရက်တွင် စတင်ထွက်ခွာလေသည်။ ကျားမုန့်ခံတပ်သို့ရောက်သောအခါ "ဟွမ်ကျုံး"(Huang Zhong) နှင့် "ရန်ရန်"(Yan Yan) တို့ကိုဆင့်ခေါ်ကာ သူတို့၏အောင်နိုင်မှုအတွက် ဆုလာဘ်များပေးခဲ့သည်။ "လျူဘေ့"(Liu Bei) မှ "ဟွမ်ကျုံး"(Huang Zhong) အား
"လူတွေက စစ်သူကြီးကိုအသက်ကြီးပြီလို့ပြောကြတယ်။ ဒါပေမယ့် အကြံပေးအရာရှိက သူတို့ထက်ပိုသိတယ်၊ အခု စစ်သူကြီးက ဂုဏ်ထူးဆောင်နိုင်ခဲ့တယ်။ ဒါပေမယ့် တင်းကျွင်းတောင်ကိုမသိမ်းရသေးဘူး။ အဲ့နေရာက နန်ကျန်းကိုကာကွယ်ထားတဲ့အဓိကနေရာလည်းဖြစ်တယ်။ အဲ့တောင်ကိုသာသိမ်းနိုင်ရင် ဟန်ကျုံးတစ်ခုလုံးကိုသိမ်းလို့ရပြီ။ စစ်သူကြီးက တင်းကျွင်းတောင်ကိုသိမ်းနိုင်မယ်လို့ထင်လား"
စစ်သူကြီးမှလည်း ကြိုးစားမည်ဖြစ်ကြောင်း၊ စစ်ချီတက်ရန် အဆင်သင့်ဖြစ်ကြောင်းပြောသည်။ "ကျူးကဲလျန့်"(Zhuge Liang) မှ
"အလျင်မလိုပါနဲ့၊ စစ်သူကြီး။ ရှဟိုယွမ်(Xiahou Yuan) က ကျန်းဟဲ(Zhang He) နဲ့မတူဘူး၊ သူက သေနင်္ဂဗျူဟာတွေကိုကျွမ်းကျင်တယ်။ ဒါကြောင့်လည်း ရှီးလျန်ရဲ့ရန်ကနေကာကွယ်ဖို့ ချောင်ချောင်း(Cao Cao) က သူ့ကိုအားကိုးခဲ့တာလေ။ မာချောင်း(Ma Chao) က ချန်အန်းကိုတိုက်တုန်းက သူပဲခုခံခဲ့တယ်။ သူ့ရဲ့ဦးဆောင်နိုင်စွမ်းကို ချောင်ချောင်း(Cao Cao) က အကြွင်းမဲ့ယုံကြည်လို့ ဟန်ကျုံးမှာ သူ့ကိုနေရာချထားခဲ့တာ။ စစ်သူကြီးက ကျန်းဟဲ(Zhang He) ကိုအောင်နိုင်ပေမယ့် သူ့ကိုအနိုင်ယူဖို့မသေချာဘူး။ ဒါကြောင့် ကျင်ကျိုးက ကွမ်းယွီ(Guan Yu) ကိုခေါ်ပြီး သူ့ကိုတိုက်ခိုင်းရမယ်"
"ဟွမ်ကျုံး"(Huang Zhong) က ဒေါသတကြီးတုံ့ပြန်သည်။
"ဟိုးအရင်တုန်းက စစ်သူကြီး လျန့်ဖို(Lian Po)1 ဟာ အသက်ရှစ်ဆယ်ရှိပေမယ့်လည်း ဆန်တစ်တောင်းကိုကုန်အောင်စားနိုင်ပြီး အသားဆယ်ပေါင်စားနိုင်တယ်။ ဒါကြောင့် ရန်သူတွေက သူ့ကိုကြောက်ပြီး ဘယ်သူမှ ကျောက်ပြည်နယ်စပ်နားကို မကပ်ဝံ့ဘူး။ ကျုပ်က အသက်ခုနစ်ဆယ်တောင်မရှိသေးဘူး၊ အကြံပေးက ကျွန်တော့ကိုအသက်ကြီးပြီလို့ဆိုတယ်။ ကျွန်တော် တပ်သားသုံးထောင်နဲ့ပဲရန်သူကိုရင်ဆိုင်ပြီး ရှဟိုယွမ်(Xiahou Yuan) ရဲ့ခေါင်းကိုဖြတ်လာပါ့မယ်"
"ကျူးကဲလျန့်"(Zhuge Liang) က သဘောမတူသော်လည်း "ဟွမ်ကျုံး"(Huang Zhong) မှ အကြိမ်ကြိမ်တောင်းဆိုသောကြောင့် နောက်ဆုံးတွင် အကြံပေးတစ်ဦးကိုထည့်ပြီး သဘောတူလိုက်လေသည်။
မှတ်ချက်။ ။
လျန့်ဖို(Lian Po)1 - စစ်ပွဲများခေတ်တွင် ကျောက်ပြည်နယ်၏ စစ်သူကြီးချုပ်ဖြစ်သည်။ သမိုင်းပညာရှင်တို့က စစ်ပွဲများခေတ်၏အကြီးကျယ်ဆုံးသောစစ်သူကြီးလေးဦးထဲတွင်ပါသည်ဟု အသိအမှတ်ပြုကြသည်။ ထိုခေတ် ဝန်ကြီးချုပ် "လင်ရှန့်ရု"(Lin Xiangru) မှာ သူ၏သူငယ်ချင်းကောင်းဖြစ်၏။
Comments