သုံးနိုင်ငံခေတ်(၁၀၂)

အခန်း(၁၀၂) "စီးမာယီ"(Sima Yi) သည် ပြိဿမြစ်ကမ်းကိုသိမ်းခဲ့ခြင်း။

"ကျူးကဲလျန့်"(Zhuge Liang) သည် နွားသိုးနှင့်မြင်းစက်ယန္တရားရုပ်များတည်ဆောက်ခြင်း။

ထိုစစ်ချီတက်မှုကိုကန့်ကွက်သူမှာ "ချောင်ကျိုး"(Qiao Zhou) ဖြစ်ပြီး သမိုင်းပညာရှင်ဖြစ်သလို နက္ခတ္တဗေဒကိုကျွမ်းကျင်သူဖြစ်သည်။

"ကျွန်တော်လက်ရှိတာဝန်တစ်ခုက နတ္ခတ်တာရာကြည့်စင်ကနေ စောင့်ကြည့်ရတဲ့တာဝန်ဖြစ်ပါတယ်။ ပြီးတော့ ကံဆိုးမှု၊ ကံကောင်းမှုတွေဖြစ်လာမယ့်အကြောင်းကိုပြောရပါတယ်။ မကြာသေးခင်က တောင်ပိုင်းကထောင်ပေါင်းများစွာသောငှက်တွေပျံလာပြီး ဟန်မြစ်ထဲထိုးကျသွားပြီး ရေနစ်သေဆုံးကုန်ပါတယ်။ ဒါဟာ မကောင်းတဲ့နိမိတ်ပါပဲ။ ဒါ့အပြင် ကောင်းကင်ကြီးကိုလေ့လာကြည့်တဲ့အခါမှာ 'မြေခွေး' ကြယ်တန်းစုဟာ သောကြာဂြိုဟ်ကိုလွှမ်းမိုးနေပါတယ်။ မြောက်ဘက်မှာ အေးချမ်းမယ့်နိမိတ်ဖော်နေတာကြောင့် ဝေပြည်ကိုတိုက်တာက ကျွန်တော်တို့အတွက် အကျိုးမရှိပါဘူး။ ဒါ့အပြင် ညအခါမှာ ထင်းရှူးပင်တွေက အသံတွေကြားရတယ်လို့ ချန်တူးကပြည်သူတွေပြောသံကြားပါတယ်။ ဒီလိုများပါးတဲ့မကောင်းတဲ့နိမိတ်တွေကြောင့် ဝန်ကြီးချုပ်က စစ်မချီပဲ ကိုယ့်နယ်မြေကိုပဲ ကာကွယ်သင့်ပါတယ်"

"ကျူးကဲလျန့်"(Zhuge Liang) မှ

"ကျုပ်မသွားပဲ ဘယ်နေပါ့မလဲ? ရှေ့ဧကရာဇ်က ကျုပ်ကိုကြီးလေးတဲ့တာဝန်ပေးခဲ့တော့ ကျုပ်က ဒီသူပုန်တွေကိုနှိမ်နှင်းဖို့ကြိုးပမ်းရမှာဖြစ်တယ်။ နိမိတ်မကောင်းဘူးဆိုပြီး တာဝန်မယူနိုင်တဲ့စကားပြောတာနဲ့တင် တိုင်းပြည်ရဲ့မူဝါဒကိုပြောင်းဖို့မဖြစ်နိုင်ဘူး"

"ကျူးကဲလျန့်"(Zhuge Liang) ကို မည်သူမှတားမြစ်နိုင်ခြင်းမရှိပေ။ သူသည် အမှုထမ်းတို့အား တိုင်းပြည်ဘုံကျောင်းတွင် နွားဖြင့်ပူဇော်ရန် အမိန့်ပေးခဲ့သည်။ ထို့နောက် ငိုကာ ဒူးထောက်ပြီး ကြေညာခဲ့လေသည်။

'ကျွန်တော် ကျူးကဲလျန့်(Zhuge Liang) ဟာ ချီစန်းကို ငါးကြိမ်တိုက်ခဲ့ပေမယ့် နယ်မြေကိုတိုးချဲ့နိုင်ခြင်းမရှိခဲ့ဘူး။ ဒီအမှားတွေက ကျွန်တော်ကြောင့်ဖြစ်တယ်။ အခုတစ်ခါမှာတော့ ထပ်မံချီတက်ပြီး ကိုယ်ရောစိတ်ပါနှစ်ပြီး ဟန်တိုင်းပြည်အတွက် သူပုန်တွေကိုနှိမ်နှင်းပြီး ရှေးမြို့တော်ဟောင်းမှာ ပြန်နေပြီးတော့ ရှေးမင်းဆက်ရဲ့အရှိန်အဝါပြန်ရအောင်လုပ်ဆောင်ပါ့မယ်။ ဒါကိုဖြစ်မြောက်အောင် စွမ်းဆောင်နိုင်သမျှလုပ်သွားမှာဖြစ်ပြီး ကျေကျေနပ်နပ်နဲ့ သေဆုံးမှာဖြစ်တယ်"

ထိုပူဇော်ပွဲပြီးနောက် ဒုတိယဧကရာဇ်ကိုနှုတ်ဆက်ပြီး ဟန်ကျုံးသို့သွားကာ နောက်ဆုံးလိုအပ်သည့်ပြင်ဆင်မှုတို့ကိုလုပ်ဆောင်ခဲ့သည်။ ထိုစဉ် "ကွမ်းရှင်း"(Guan Xing) သေဆုံးသွားသည်ဟူသော မမျှော်လင့်သည့်သတင်းကိုကြားလိုက်ရသည်။ သူသည် စိတ်တုန်လှုပ်ကာ မေ့မြောသွားခဲ့သည်။ သတိပြန်လည်လာသောအခါ အမှုထမ်းတို့က ဝိုင်းပြီးနှစ်သိမ့်ခဲ့ကြသည်။

"နှမြောဖို့ကောင်းလိုက်တာ! ကောင်းကင်ကြီးက သစ္စာရှိတဲ့လူကောင်းကို ဘာလို့အသက်မရှည်စေရတာလဲ? ကျုပ် သူ့ကိုအလိုအပ်ဆုံးအချိန်မှာ စစ်သူကြီးက ခွဲခွာသွားခဲ့ပြီ"

ရှူတပ်၏အင်အားမှာ သုံးသိန်းလေးသောင်းရှိပြီး တပ်မကြီးငါးခုခွဲကာ ချီတက်ခဲ့သည်။ "ကျန်းဝေ"(Jiang Wei) နှင့် "ဝေရန်"(Wei Yan) တို့သည် ရှေ့ပြေးတပ်ကိုဦးဆောင်ခဲ့ပြီး ချီစန်းသို့ရောက်သောအခါ ထောက်ပို့စစ်သူကြီး "လီဟွေ့"(Li Hui) အား ရိက္ခာတို့ကို ရှဲ့တောင်ကြားသို့သယ်ဆောင်လာစေသည်။

ဝေပြည်သည် မကြာသေးမီကမှ ခုနှစ်ကို ချင်းလုံနှစ် (အစိမ်းရောင်နဂါး) ဟုပြောင်းခဲ့သည်။ အကြောင်းမှာ မော့ဖိုရေတွင်းမှ နဂါးထွက်လာသည်ကိုမြင်ကြသည်ဟုဆိုသောကြောင့်ဖြစ်သည်။ ထိုနှစ်မှာ ချင်းလုံဒုတိယနှစ် (အေဒီ ၂၃၄ ခု) ဖြစ်သည်။

အမတ်တို့မှာ ဝေဧကရာဇ်ကိုလျှောက်တင်ကြသည်။

"ရှူတပ်ကြီးဟာ တပ်ခွဲပေါင်းသုံးဆယ်ပါတဲ့ တပ်မကြီးငါးတပ်နဲ့အတူ ချီစန်းကိုချီတက်လာပြီလို့ ခံတပ်စောင့်စစ်သူကြီးတွေက သတင်းပို့လာပါတယ်"

ထိုသတင်းကြောင့် ဝေဧကရာဇ်သည် ပူပန်သောကရောက်ကာ "စီးမာယီ"(Sima Yi) ကိုခေါ်ကာပြောခဲ့သည်။

"စီးမာယီ"(Sima Yi) မှ

"ကောင်းကင်ရဲ့အခြေအနေအရကတော့ အလယ်ပိုင်းဒေသရဲ့နိမိတ်တွေက ကောင်းပါတယ်။ 'မြေခွေး' ကြယ်တန်းစုဟာ သောကြာဂြိုဟ်ကိုလွှမ်းမိုးနေတာဟာ မြစ်ပြည်နယ်အတွက် ဆိုးရွားမှုပါတယ်။ ဒါကြောင့် ကျူးကဲလျန့်(Zhuge Liang) က ကောင်းကင်ကြီးရဲ့ဆန္ဒကိုဆန့်ကျင်တာကြောင့် စစ်ရှုံးနိမ့်ပြီး သေဆုံးရပါလိမ့်မယ်။ အရှင်မင်းကြီးရဲ့ဘုန်းတော်ကြောင့် ရန်သူတွေစစ်ရှုံးသွားတဲ့နေရာမှာ ကျွန်တော်မျိုးက အထောက်အပံ့ဖြစ်လိုပါတယ်။ ဒါကြောင့် ခေါင်းဆောင်လေးဦးကို ကျွန်တော်မျိုးနဲ့လိုက်ပါခွင့်ပေးပါ"

"ဘယ်သူတွေလဲ? ပြောပါ"

"သူတို့က ရှဟိုယွမ်(Xiahou Yuan) ရဲ့သားလေးဦးဖြစ်တဲ့ ရှဟိုပါ့(Xiahou Ba) ၊ ရှဟိုဝေ(Xiahou Wei) ၊ ရှဟိုဟွေး(Xiahou Hui) နဲ့ ရှဟိုဟဲ(Xiahou He) တို့ဖြစ်ပါတယ်။ ရှဟိုပါ့(Xiahou Ba) နဲ့ ရှဟိုဝေ(Xiahou Wei) တို့က မြင်းစီး၊ မြားပစ်ခြင်းကိုကျွမ်းကျင်သူတွေဖြစ်တယ်။ ရှဟိုဟွေး(Xiahou Hui) နဲ့ ရှဟိုဟဲ(Xiahou He) တို့က ထူးချွန်တဲ့စစ်ဗျူဟာရှင်တွေဖြစ်တယ်။ သူတို့လေးယောက်လုံးက သူ့ဖခင်ရဲ့သေဆုံးမှုအတွက် လက်စားချေလိုကြတယ်။ ရှဟိုပါ့(Xiahou Ba) နဲ့ ရှဟိုဝေ(Xiahou Wei) တို့က ရှေ့ပြေးတပ်ကိုဦးဆောင်သင့်ပြီး ရှဟိုဟွေး(Xiahou Hui) နဲ့ ရှဟိုဟဲ(Xiahou He) တို့က စစ်ချီစစ်သူကြီးအဖြစ်ပါဝင်ပြီးတော့ ရန်သူတွေကိုတွန်းလှန်ဖို့ တိုင်ပင်သင့်တယ်"

"သမက်တော် ရှဟိုမောက်(Xiahou Mao) ကိုတာဝန်ပေးခဲ့တုန်းက ရလဒ်မကောင်းခဲ့တာ အမှတ်ရသေးလား? သူက သူ့တပ်တွေကိုဆုံးရှုံးခဲ့ပြီး နန်းတွင်းမှာမျက်နှာမပြရဲတော့ဘူး။ သူတို့တွေရော အဲ့လိုမဖြစ်ဘူးလို့ မပြောနိုင်ဘူးလား"

"အနည်းဆုံးတော့ သူတို့က ရှဟိုမောက်(Xiahou Mao) လိုမဟုတ်ပါဘူး"

ဝေဧကရာဇ်သည် တောင်းဆိုမှုကိုလက်ခံကာ "စီးမာယီ"(Sima Yi) ကို အမြင့်ဆုံးအာဏာပေးပြီး သေနာပတိအဖြစ်ခန့်အပ်ခဲ့သည်။ "စီးမာယီ"(Sima Yi) သည် ဝေဧကရာဇ်ကို နှုတ်ဆက်သည့်အချိန်တွင် ဧကရာဇ်ကိုယ်တိုင်ရေးထားသည့်စာကိုလက်ခံရရှိခဲ့သည်။

"ဝန်ကြီးက ဝေမြစ်ကမ်းနားကိုရောက်ရင် အဲ့မှာပဲအခိုင်အမာနေပြီးတော့ တိုက်ခိုက်မှုမလုပ်ပါနဲ့။ ရှူတပ်က စိတ်ပျက်လာတဲ့အချိန်မှာ ဆုတ်ခွာချင်ဟန်ဆောင်ပြီး တိုက်ခိုက်အောင်မြားခေါ်လိမ့်မယ်၊ ဒါပေမယ့် အဲ့လိုသွားမတိုက်ပါနဲ့။ သူတို့ရိက္ခာတွေကုန်ပြီး တကယ်ဆုတ်ခွာတဲ့အချိန်မှသာ တိုက်ပါ။ အဲ့လိုသာဆိုရင် တပ်သားတွေမပင်ပန်းပဲ အလွယ်တကူ အောင်နိုင်လိမ့်မယ်။ ဒီစစ်ပွဲအတွက် ဒါဟာအကောင်းဆုံးအကြံပဲ"

"စီးမာယီ"(Sima Yi) သည် အရိုအသေပြုကာ စာကိုလက်ခံခဲ့ပြီးနောက် ချန်အန်းသို့သွားလေသည်။

အလုံးစုံသောအနောက်ပိုင်းနယ်တို့မှ တပ်များကိုစုစည်းခဲ့ရာ တပ်သားလေးသိန်းခန့်ရှိပြီး ဝေမြစ်ကမ်းတွင် စခန်းချထားသည်။ ထို့အပြင် တပ်သားငါးသောင်းတို့သည် မြစ်ကြောအထက်သို့သွားကာ ပေါလောပေါ်သည့်တံတားကိုးခုကို ပြင်ဆင်နေသည်။ ရှေ့ပြေးတပ်ခေါင်းဆောင်နှစ်ဦးဖြစ်သည့် "ရှဟိုပါ့"(Xiahou Ba) နှင့် "ရှဟိုဝေ"(Xiahou Wei) တို့အား မြစ်ကိုဖြတ်ကာစခန်းချစေပြီး ပင်မစခန်း၏ကျောဘက် အရှေ့ဘက်အရပ်တွင် မြေသားဖြင့် ခိုင်ခံ့သော ခံကတုတ်လုပ်စေသည်။ ထိုသို့ပြုခြင်းဖြင့် ကျောဘက်မှမမျှော်လင့်ပဲတိုက်ခိုက်မှုတို့ကိုပြင်ဆင်နိုင်ရန်ဖြစ်သည်။

ထိုသို့ပြင်ဆင်နေစဉ် "ကောဟွိုင်"(Guo Huai) နှင့် "စွန်းလီ"(Sun Li) တို့သည် စခန်းသစ်သို့ရောက်လာပြီး "ကောဟွိုင်"(Guo Huai) မှ

"ချီစန်းမှာ ရှူတပ်တွေရောက်နေပြီဆိုတော့ သူတို့က မြေပြန့်ကအထက်ကိုတက်ပြီး ဝေမြစ်ကို ကြီးစိုးပြီး မြောက်ဘက်တောင်ကုန်းကိုတပ်တွေစေလွှတ်ပြီးတော့ ရှီးကျိုးက လမ်းမကြီးတွေကိုပိတ်ပစ်လိမ့်မယ်ထင်တယ်"

"စီးမာယီ"(Sima Yi) မှ

"ခင်ဗျားပြောတာမှန်တယ်။ ရှီးကျိုးတပ်တွေကိုဦးဆောင်ပြီးတော့ ပေယွမ်မှာနေရာယူပြီး အဲ့မှာ တပ်စခန်းဆောက်ထားပါ။ ဒါပေမယ့် ကာကွယ်မှုကိုသာလုပ်ပြီး ရန်သူတွေရိက္ခာပြတ်တဲ့အထိစောင့်ပြီးမှ တိုက်ပါ"

ထို့ကြောင့် "ကောဟွိုင်"(Guo Huai) နှင့် "စွန်းလီ"(Sun Li) တို့ထွက်သွားသည်။

ထိုစဉ် "ကျူးကဲလျန့်"(Zhuge Liang) သည် ချီစန်းတွင် ပင်မတပ်စခန်းငါးခုချကာ ရှဲ့တောင်ကြားနှင့် ကျန့်မန်ခံတပ်ကြားဝယ် စခန်းကြီးတစ်ဆယ့်လေးခု ချထားစေသည်။ ထို့နောက် ထိုစခန်းများသို့ တပ်ဖွဲ့များစေလွှတ်ကာ ရေရှည်စစ်ဆင်ရေးအတွက် ပြင်ဆင်ခဲ့သည်။ ထို့အပြင် ကြီးကြပ်ရေးအရာရှိတို့ကိုခန့်အပ်ပြီး နေ့စဉ်နေ့တိုင်း တိုက်ပွဲအတွက်အဆင်သင့်ဖြစ်မဖြစ် စစ်ဆေးစေသည်။

ဝေတပ်ကြီးသည် ပေယွမ်တွင် စခန်းချထားသည်ဟုကြားသိရသောအခါ အမှုထမ်းတို့အား

"သူတို့တွေ အဲ့မှာစခန်းချထားတာဟာ ရှီးကျိုးနဲ့အဆက်အသွယ်ဖြတ်ပစ်မှာကိုစိုးရိမ်လို့ဖြစ်မယ်။ ကျုပ်က ပေယွမ်ကိုတိုက်ဖို့ဟန်ပြနေပေမယ့် တကယ့်ပစ်မှတ်က ဝေမြစ်ဖြစ်တယ်။ ရေတပ်သားငါးထောင်ကိုသုံးပြီး ဝါးတွေကို ကောက်ရိုးနဲ့ဆက်ပြီး ဖောင်ဆောက်စေမယ်။ ညအချိန်မှာ ကျုပ် ပေယွမ်ကိုတိုက်ရင် စီးမာယီ(Sima Yi) ရဲ့စစ်ကူရောက်လာမှာပဲ။ သူနည်းနည်းရှုံးနိမ့်သွားတာနဲ့ ကျုပ်က နောက်ချန်တပ်နဲ့အတူ မြစ်ကိုဖြတ်မယ်။ အဲ့အချိန်မှာ တပ်မကြီးတွေက ဝါးဖောင်တွေပေါ်တက်ပြီး မြစ်ကိုစုန်ဆင်းပြီးတော့ ပေါလောပေါ်တဲ့တံတားတွေကိုမီးရှို့ပစ်ပြီး ရန်သူ့အနောက်ပိုင်းကိုတိုက်ပါ။ ကျုပ်က တပ်တစ်တပ်ကိုဦးဆောင်ပြီး ပထမဆုံးစခန်းရဲ့ဂိတ်တံခါးတွေကိုတိုက်မယ်။ မြစ်ရဲ့တောင်ဘက်ကမ်းခြေကိုရောက်နိုင်ရင် တိုက်ပွဲကလွယ်ကူသွားပြီ'

စစ်သူကြီးတို့သည် အမိန့်အတိုင်း ပြင်ဆင်ကြလေသည်။

သူလျှိုတို့မှ ရှူတပ်၏လှုပ်ရှားမှုကို သတင်းပို့လေသောအခါ "စီးမာယီ"(Sima Yi) မှ သူ၏စစ်သူကြီးတို့အား

"ကျူးကဲလျန့်(Zhuge Liang) က ဉာဏ်များပေမယ့် သူဘာလုပ်မယ်ဆိုတာ ကျုပ်သိတယ်။ သူက ပေယွမ်ကိုသိမ်းမလိုလုပ်ပြီးတော့ မြစ်ဖျားကိုဆင်းလာပြီးတော့ ကျုပ်တို့တံတားတွေကိုဖျက်စီးလိမ့်မယ်။ ပြီးရင် ကျုပ်တို့တွေ ဝရုန်းသုန်းကားဖြစ်အောင်လုပ်ပြီး စခန်းကိုတိုက်လိမ့်မယ်"

ထို့နောက်  "ရှဟိုပါ့"(Xiahou Ba) နှင့် "ရှဟိုဝေ"(Xiahou Wei) တို့အား

"ခင်ဗျားတို့က ပေယွမ်မှာတိုက်ပွဲဖြစ်တဲ့အသံကိုကြားတာနဲ့ မြစ်အောက်ဘက်ကိုသွားပြီး တောင်ဘက်က တောင်ကုန်းတွေနားမှာ ဝပ်နေပြီးတော့ ရှူတပ်အလာကိုစောင့်နေပါ"

"ကျန်းဟူ"(Zhang Hu) နှင့် "ယွဲ့ချန်"(Yue Chen) တို့ကိုမူ မြားသမားနှစ်ထောင်စီဖြင့် မြောက်ဘက်ကမ်းနားတွင် ပုန်းနေစေကာ ရေစီးနှင့်အတူ ဖောင်များဆင်းလာပါက တံတားတို့ကိုမထိနိုင်ရန် ကာကွယ်ထားစေသည်။

ပြီးနောက် "ကောဟွိုင်"(Guo Huai) နှင့် "စွန်းလီ"(Sun Li) တို့အား

"ကျူးကဲလျန့်(Zhuge Liang) က မြစ်ကိုတိတ်တဆိတ်ဖြတ်ဖို့ ပေယွမ်ကိုလာလိမ့်မယ်။ ခင်ဗျားတို့တပ်တွေက နည်းတော့ လမ်းတလျှောက်မှာ ဖုန်းနေလို့ရတယ်။ နေ့လည်ဘက်မှာ ရန်သူတွေက မြစ်ကိုဖြတ်ရင် ညနေမှာကျုပ်တို့ကိုတိုက်မယ်ဆိုတာ ပြတာပဲ။ ဒီတော့ ခင်ဗျားတို့ကရှုံးချင်ယောင်ဆောင်ပြီး ထွက်ပြေးရမယ်။ သူတို့က အနောက်ကလိုက်ပြီး ပင်ပန်းနေတဲ့အချိန်မှာ ကျုပ်တို့ရဲ့ရေတပ်၊ ကြည်းတပ်တွေက တချိန်တည်းမှာတိုက်မယ်။ အဲ့လိုတိုက်တဲ့အချိန်မှာ တခြားအမိန့်ကိုစောင့်နေပါ"

ထိုသို့အမိန့်များပေးပြီးနောက် "စီးမာယီ"(Sima Yi) သည် သူ၏သားနှစ်ဦးဖြစ်သည့် "စီးမာရှီ"(Sima Shi) နှင့် "စီးမာကျောင်း"(Sima Zhao) တို့ကိုခေါ်ပြီး အရှေ့ဘက်စခန်းကို စစ်ကူပို့စေကာ သူကိုယ်တိုင်မှာမူ ပေယွမ်သို့စစ်ကူသွားခဲ့သည်။

"ကျူးကဲလျန့်"(Zhuge Liang) သည် ဝေမြစ်ကိုဖြတ်ကာ ပေယွမ်ကိုတိုက်ရန်  "ဝေရန်"(Wei Yan) နှင့် "မာတိုက်"(Ma Dai) ကိုလွှတ်ခဲ့သည်။ တံတားတို့ကိုမီးရှို့စေရန်အတွက်ကိုမူ "ဝူပန်"(Wu Ban) နှင့် "ဝူယီ"(Wu Yi) တို့အား တာဝန်ပေးထားသည်။ ဝေမြစ်ကမ်းတွင်ရှိသော ရန်သူ့စခန်းကိုတိုက်ရန်အတွက် တပ်မကြီးသုံးခုကိုပြင်ဆင်ထားသည်။ ပထမတပ်မကြီးမှာ "ဝမ်ဖင်"(Wang Ping) နှင့် "ကျန်းနီ"(Zhang Ni) တို့ဦးဆောင်မှုအောက်တွင်ရှိပြီး အလယ်တပ်ကို "ကျန်းဝေ"(Jiang Wei) နှင့် "မာကျုံး"(Ma Zhong) တို့ဦးဆောင်ကာ တပ်ဖျားကို "လျောင်ဟွာ"(Liao Hua )နှင့် "ကျန်းယီ"(Zhang Yi) တို့ဦးဆောင်ကြသည်။ တပ်မကြီးတို့သည် ညနေစောင်းတွင် မြစ်ကိုဖြတ်ကာ တိုက်ခိုက်ရန်အဆင်သင့်ပြင်ထားကြသည်။

"ဝေရန်"(Wei Yan) နှင့် "မာတိုက်"(Ma Dai) တို့သည် ညနေစောင်းအချိန်ခန့်တွင် ပေယွမ်သို့ရောက်လာခဲ့သည်။ ထိုသို့ရောက်လာသည်ကို ဆက်သားများထံမှကြားသိရသောအခါ "စွန်းလီ"(Sun Li) သည် စခန်းကိုစွန့်ပြီးထွက်ပြေးသည်။ ထိုအကြောင်းကို "ဝေရန်"(Wei Yan) သိသောအခါ ရန်သူတို့သည် သူချဉ်းကပ်လာသည်ကိုသိနေသည်ဟုသဘောပေါက်ကာ ပြန်ဆုတ်သွားလေသည်။ ထိုအချိန်တွင် အသံအကျယ်ကြီးကြားလိုက်ရပြီး "စီးမာယီ"(Sima Yi) နှင့် "ကောဟွိုင်"(Guo Huai) တို့တပ်က ဝင်တိုက်လေသည်။ ထိုတိုက်ခိုက်မှုမှ ရုန်းထွက်ရန် အပြင်းအထန်ခုခံသော်လည်း ရှူတပ်သားများစွာတို့သည် မြစ်ထဲသို့ကျကာ ရေနစ်ကုန်ခဲ့သည်။ အခြားသူတို့သည်လည်း ထွက်ပြေးကုန်ခဲ့သည်။ သို့သော် "ဝူယီ"(Wu Yi) ၏ကယ်တင်မှုကြောင့် တပ်တစ်ခုလုံးမပျက်သုဉ်းသွားခဲ့ပေ။

"ဝူပန်"(Wu Ban) သည် သူ၏တပ်သားတဝက်ဖြင့် မြစ်ကိုစုန်ဆင်းကာ တံတားများဘက်သို့သွားရန်ပြုခဲ့သည်။ သို့သော် တံတားနားဝယ် စခန်းချထားသော "ကျန်းဟူ"(Zhang Hu) နှင့် "ယွဲ့ချန်"(Yue Chen) တို့က မြားတို့ဖြင့်လှမ်းပစ်သောကြောင့် ရှူတပ်ခေါင်းဆောင် "ဝူပန်"(Wu Ban) သည် ဒဏ်ရာရခဲ့လေ၏။ သူသည် မြစ်ထဲသို့ပြုတ်ကျကာ ရေနစ်သွားခဲ့သည်။ ဖောင်ပေါ်မှတပ်သားတို့သည် ရေထဲခုန်ဆင်းပြီး ထွက်ပြေးသွားကြလေသည်။ ထိုဖောင်တို့မှာ ဝေတပ်လက်ထဲကျသွားခဲ့သည်။

ထိုအချိန်ဝယ် ပေယွမ်တပ်၏ဆုံးရှုံးမှုကိုမသိသေးသော "ဝမ်ဖင်"(Wang Ping) နှင့် "ကျန်းနီ"(Zhang Ni) တို့သည် ဝေတပ်စခန်းများသို့ဆက်လက်ချီတက်ကာ နှစ်ချက်တီးအချိန်တွင် ရောက်ခဲ့သည်။ ကျယ်လောင်စွာသောအော်သံတို့ကိုကြားလေရာ "ဝမ်ဖင်"(Wang Ping) မှ "ကျန်းနီ"(Zhang Ni) အား

"ပေယွမ်ကိုလွှတ်လိုက်တဲ့မြင်းသည်တော်တပ်တွေက အောင်မြင်လား၊ မအောင်မြင်လားမသိဘူး။ ရန်သူတွေတစ်ယောက်မှ မတွေ့တာတော့ ထူးဆန်းတယ်။ စီးမာယီ(Sima Yi) က ကျုပ်တို့အကြံကိုသိသွားလို့ တန်ပြန်ခုခံမလို့ဖြစ်လိမ့်မယ်။ ဒါကြောင့် တံတားတွေ မီးလောင်ပြီး မီးခိုးတွေမြင်မှလှုပ်ရှားကြရအောင်"

ထို့ကြောင့် သူတို့သည် ရပ်တန့်နေခဲ့သည်။ မကြာမီဝယ် မြင်းစီးလာသော ဆက်သားတစ်ဦးမှ

"တံတားတွေကိုတိုက်ခိုက်တာ မအောင်မြင်တာကြောင့် ဝန်ကြီးချုပ်က ချက်ချင်းတပ်ပြန်ဆုတ်ဖို့အမိန့်ချလိုက်ပါတယ် "

"ဝမ်ဖင်"(Wang Ping) နှင့် "ကျန်းနီ"(Zhang Ni) တို့က တပ်ပြန်ဆုတ်ရန်ပြင်ရာ ပေါက်ကွဲသံဥကြားလိုက်ရပြီး လမ်းသွယ်လေးမှ အနောက်ဘက်သို့ရောက်နေခဲ့သော ဝေတပ်က တိုက်လေသည်။ ထို့အပြင် မီးလည်းအကြီးအကျယ်လောင်ကျွမ်းခဲ့သည်။ တပ်တို့သည် ကစဥ့်ကလျားဖြစ်သွားခဲ့ပြီး တပ်သားအများအပြားဆုံးရှုံးပြီးနောက်မှ "ဝမ်ဖင်"(Wang Ping) နှင့် "ကျန်းနီ"(Zhang Ni) တို့ထွက်ပြေးလွတ်မြောက်ခဲ့သည်။

"ကျူးကဲလျန့်"(Zhuge Liang) သည် တပ်တို့ကို ချီစန်းတွင်ပြန်လည်စုစည်းစေသောအခါဝယ် တပ်သားတစ်သောင်းကျော်ခန့် သေဆုံးခဲ့သည်ကိုသိသောကြောင့် ဝမ်းနည်းနေခဲ့သည်။ ထိုအချိန်ဝယ် ချန်တူးမှ "ဖေးယီ"(Fei Yi) ရောက်လာခဲ့သည်။ "ကျူးကဲလျန့်"(Zhuge Liang) မှ သူ့ကိုလက်ခံတွေ့ဆုံကာ အခမ်းအနားများပြီးသွားသောအခါ "ကျူးကဲလျန့်"(Zhuge Liang) မှ

"ကျွန်တော် ခင်ဗျားကိုအပူကပ်စရာရှိပါတယ်။ ခင်ဗျား စာတစ်စောင်ယူပြီး အရှေ့ဝူကိုသွားနိုင်မလား"

"ကျွန်တော့အပေါ်ပေးတဲ့တာဝန်ကို ဘယ်ငြင်းဆန်နိုင်ပါ့မလဲ"

ထို့ကြောင့် "ကျူးကဲလျန့်"(Zhuge Liang) သည် "စွန်းချွမ်"(Sun Quan) ကိုပေးရန် စာတစ်စောင်ရေးခဲ့သည်။ "ဖေးယီ"(Fei Yi) သည် စာကိုယူကာ ကျန်းရဲ့သို့အလျင်အမြန်သွားပြီး ဝူဘုရင် "စွန်းချွမ်"(Sun Quan) အား စာကိုဆက်သခဲ့သည်။

'ဟန်တွေက ကံဆိုးမိုးမှောင်ကျပြီး ဧကရာဇ်စဉ်ဆက်အုပ်ချုပ်မှု ပျက်စီးသွားခဲ့သည်။ ချောင်တွေက အုပ်ချုပ်မှုအာဏာကို မတရားရယူထားပြီး အခုချိန်ထိဩဇာကြီးနေတုန်းပဲ။ ကျွန်တော့ရဲ့နတ်ရွာစံသွားခဲ့ပြီဖြစ်တဲ့ သခင်ဟောင်း ဧကရာဇ် ပေ့ဟာ ကျွန်တော့ကိုကြီးလေးတဲ့တာဝန်ပေးထားတာကြောင့် ကျွန်တော်က အစွမ်းကုန်ကြိုးစားနေရတာဖြစ်တယ်။ အခု ကျွန်တော့တပ်တွေက ချီစန်းမှာရောက်နေပြီး သူပုန်တွေက ဝေမြစ်မှာ နှိမ်နှင်းခံရပါတော့မယ်။ ဒါကြောင့် အရှင်မင်းကြီးဟာလည်း မဟာမိတ်ကတိသစ္စာအတိုင်း မြောက်ပိုင်းကို ခေါင်းဆောင်တစ်ဦးစေလွှတ်ပြီး အလယ်ပိုင်းဒေသကိုသိမ်းပြီးတော့ တိုင်းပြည်ကြီးကိုခွဲဝေကြပါမယ်။ အခြေအနေအလုံးစုံကိုမပြောပြနိုင်ပေမယ့် အရှင်မင်းကြီးက နားလည်သဘောပေါက်ပြီး လုပ်ဆောင်လိမ့်မယ်လို့ယုံကြည်ပါတယ်'

ထိုစာကြောင့် "စွန်းချွမ်"(Sun Quan) သည် ဝမ်းမြောက်သွားပြီး သံတမန်အား

"ကျုပ်က ကျုပ်စစ်တပ်တွေကို စေလွှတ်ချင်တာကြာခဲ့ပြီ၊ ကျူးကဲလျန့်(Zhuge Liang) နဲ့ ပူးပေါင်းပြီး မစီစဉ်နိုင်ခဲ့ဘူး။ ဒီစာဖတ်ပြီးတော့ ကျုပ်ကိုယ်တိုင်ဦးဆောင်ပြီး ကျွီချောင်ကိုသွားပြီးတော့ ဝေပြည်ရဲ့ ရှင်းချန်ကိုသိမ်းပိုက်မယ်။ ဒါ့အပြင် လုရွှင့်(Lu Xun) နဲ့ ကျူးကဲကျင့်(Zhuge Jin) ကို မျန်ခိုနဲ့ကျန်းရှာကိုလွှတ်ပြီး ရှန်းရန်ကိုသိမ်းစေမယ်။ စွန်းရှောက်(Sun Shao) ရဲ့တပ်ကို ကွမ်းလင်ကိုလွှတ်ပြီးတော့ ဟွိုင်ရန်ကိုသိမ်းစေမယ်။ စစ်တပ်အင်အားစုစုပေါင်းသုံးသိန်းရှိမှာဖြစ်ပြီး ဒီတပ်တွေက ချက်ချင်းချီတက်လိမ့်မယ်"

ထိုအခါ "ဖေးယီ"(Fei Yi) မှ ကျေးဇူးတင်ကာ

"အဲ့လိုသာဆိုရင် အလယ်ပိုင်းဒေသက သေချာပေါက်ကျရှုံးပါလိမ့်မယ်"

စားသောက်ပွဲကျင်းပစေပြီးနောက် "စွန်းချွမ်"(Sun Quan) မှ

"ဝန်ကြီးချုပ်က တိုက်ပွဲကိုဦးဆောင်ဖို့ ဘယ်သူ့ကိုတာဝန်ပေးထားလဲ"

"အဓိကဦးဆောင်သူက ဝေရန်(Wei Yan) ဖြစ်ပါတယ်"

"သူက ရဲတော့ရဲရင့်ပါတယ်၊ ကောက်ကျစ်တတ်သူဖြစ်တယ်။ ကျူးကဲလျန့်(Zhuge Liang) သာ သတိကြီးကြီးမထားရင် တစ်ချိန်ချိန်မှာ သူကဒုက္ခပေးလိမ့်မယ်။ ဒါပေမယ့် ဒါကို သူလည်းသဘောပေါက်မှာပါ"

"အရှင်မင်းကြီးပြောတာ သင့်တော်လှပါတယ်။ ကျွန်တော်ချက်ချင်းပြန်ပြီး ကျူးကဲလျန့်(Zhuge Liang) ကို ပြန်ပြောလိုက်ပါ့မယ်"

"ဖေးယီ"(Fei Yi) သည် ချီစန်းသို့အလျင်အမြန်ပြန်ကာ ဝူပြည်၏စစ်ဆင်ရေးအကြောင်းကိုပြောခဲ့သည်။ "ကျူးကဲလျန့်"(Zhuge Liang) မှ

"ဝူဘုရင်က တခြားဘာမှမပြောလိုက်ဘူးလား"

ထိုအခါ "ဖေးယီ"(Fei Yi) မှ "ဝေရန်"(Wei Yan) နှင့်ပတ်သတ်ပြီး ပြောလိုက်ကြောင်းဆိုသည်။

"တကယ်ကို ခြုံငုံသုံးသပ်နိုင်စွမ်းရှိတဲ့အုပ်ချုပ်သူပဲ။ ဒါပေမယ့် ကျုပ်လည်း ဒါကိုမသိလို့မဟုတ်ပါဘူး။ ဝေရန်(Wei Yan) ကိုအသုံးချနေတာဟာ သူ့ရဲ့သတ္တိကြောင့်ဖြစ်တယ်"

"ဒါဆို ဝန်ကြီးချုပ်က သူ့ကိုဘယ်လိုလုပ်ရမယ်ဆိုတာ ဆုံးဖြတ်သင့်တယ်"

"ကျုပ်မှာ အစီအစဉ်ရှိပါတယ်"

"ဖေးယီ"(Fei Yi) သည် ချန်တူးသို့ပြန်သွားခဲ့ပြီး "ကျူးကဲလျန့်"(Zhuge Liang) သည် တပ်စခန်းခေါင်းဆောင်၏ပုံမှန်တာဝန်တို့ကို ဆက်လက်လုပ်ဆောင်ခဲ့သည်။

"ကျူးကဲလျန့်"(Zhuge Liang) သည် သူ၏စစ်သူကြီးတို့နှင့်အစည်းအဝေးပြုလုပ်နေစဉ် ဝေပြည်ခေါင်းဆောင်တစ်ဦး ရောက်လာကာ လက်နက်ချလိုကြောင်း တောင်းဆိုခဲ့သည်။ "ကျူးကဲလျန့်"(Zhuge Liang) က ထိုသူကိုဝင်လာစေပြီး မေးမြန်းခဲ့သည်။

"ကျွန်တော်က ကျန်းဝင်(Zheng Wen) လို့ခေါ်ပြီး ခေါင်းဆောင်တစ်ဦးဖြစ်ပါတယ်။ ကျွန်တော်နဲ့စစ်သူကြီး ချင်လန်(Qin Lang) တို့ဟာ လုပ်ဖော်ကိုင်ဘက်တွေဖြစ်ခဲ့ဖူးတယ်။ အခုနောက်ပိုင်း စီးမာယီ(Sima Yi) က ကျွန်တော်တို့ကိုရွှေ့ပြောင်းပြီး ကျွန်တော့ရဲ့လုပ်ဖော်ကိုင်ဘက်ကိုပဲ ပစားပေးပြီးတော့ သူ့ကို ရှေ့ပြေးတပ်စစ်သူကြီးအဖြစ်ခန့်အပ်ပြီး ကျွန်တော့ကိုတော့ ပေါင်းပင်၊ မြက်ပင်လို ပစ်ပယ်ထားတယ်။ ကျွန်တော်က စက်ဆုပ်သွားခဲ့လို့ထွက်လာတာဖြစ်တယ်။ ကျွန်တော့ကိုလက်ခံမယ်ဆိုရင် ဝန်ကြီးချုပ်လက်အောက်မှာ အမှုထမ်းချင်ပါတယ်"

ထိုစဉ် တပ်သားတစ်ဦးဝင်လာပြီး "ချင်လန်"(Qin Lang) ၏တပ်သည် စခန်းရှေ့တွင် "ကျန်းဝင်"(Zheng Wen) ကို စိန်ခေါ်နေသည်ဟုကြားသိရသည်။

"ကျူးကဲလျန့်"(Zhuge Liang) မှ

"ခင်ဗျား သူနဲ့လက်ရုံးရည်ချင်းယှဉ်ရင် ဘယ်သူပိုသာမလဲ?"

"ကျွန်တော် သူ့ကိုသတ်နိုင်ပါတယ်"

"ခင်ဗျား သူ့ကိုသတ်နိုင်ရင် ကျုပ်မှာ သံသယရှိတော့မှာမဟုတ်ဘူး"

ထိုသို့လုပ်ဆောင်ရန် "ကျန်းဝင်"(Zheng Wen) က လက်ခံလိုက်ပြီး မြင်းပေါ်သို့တက်ကာ ထွက်သွားသည်။ ထိုတိုက်ခိုက်မှုကိုကြည့်ရှုရန် "ကျူးကဲလျန့်"(Zhuge Liang) လည်း အပြင်သို့ထွက်လာသည်။ စိန်ခေါ်လာသူမှာ လှံကိုလှုပ်ခါနေပြီး သူ၏သူငယ်ချင်းဖြစ်ခဲ့ဖူးသူကို သူပုန်၊ ဓားပြ၊ မြင်းသူခိုးအဖြစ် ပြောဆိုနေခဲ့သည်။

"ချင်လန်"(Qin Lang) မှ ထွက်လာသော "ကျန်းဝင်"(Zheng Wen) ထံသို့ အလျင်အမြန်သွားကာ

"မင်းခိုးသွားတဲ့မြင်းကို ပြန်ပေးစမ်း"

"ကျန်းဝင်"(Zheng Wen) သည်လည်း မြင်းကိုကြာပွတ်ဖြင့်ရိုက်ကာ ဓားကိုဝေ့ရမ်းပြီး တိုက်ခိုက်မှုကိုခုခံခဲ့သည်။ ပထမအကွက်တွင်ပင် "ချင်လန်"(Qin Lang) ကိုခုတ်သတ်လိုက်နိုင်သည်။ ဝေတပ်သားတို့လည်း ထွက်ပြေးသွားကြပြီး အောင်နိုင်သူမှ သေဆုံးသွားသူ၏ခေါင်းကိုဖြတ်လိုက်ပြီး "ကျူးကဲလျန့်"(Zhuge Liang) ၏ခြေရင်းတွင် ချလိုက်သည်။

ရွက်ဖျင်တဲတွင် "ကျူးကဲလျန့်"(Zhuge Liang) မှ "ကျန်းဝင်"(Zheng Wen) ကိုခေါ်စေပြီးနောက်

"သူ့ကိုခေါ်သွားပြီး သေဒဏ်ပေးလိုက်"

"ကျွန်တော် ဘာအမှားမှမလုပ်ရပါလား"

"ကျုပ် ချင်လန်(Qin Lang) ကိုမသိဘူးထင်လို့လား? ခင်ဗျားသတ်လိုက်တဲ့လူက ချင်လန်(Qin Lang) မဟုတ်ဘူး။ ကျုပ်ကိုလာလှည့်စားရဲတယ်"

"ကျွန်တော် ဝန်ခံပါ့မယ်၊ အဲ့ဒါ သူ့ညီ ချင်မင်(Qin Ming) ပါ"

"ကျူးကဲလျန့်"(Zhuge Liang) မှ ပြုံးလေသည်။

"စီးမာယီ(Sima Yi) က ခင်ဗျားကိုလွှတ်ပြီး ဒီလိုလုပ်ခိုင်းတာ သူ့အကြောင်းနဲ့သူရှိလိမ့်မယ်။ ဒါပေမယ့် ကျုပ်ကိုတော့ လာလှည့်စားလို့မရဘူး။ ခင်ဗျားအမှန်အတိုင်းမပြောရင် သေဒဏ်ပေးမယ်"

ထိုအခါ ဟန်ဆောင်လက်နက်ချလာသူမှ ဝန်ခံပြီး သူ့အသက်ကိုချမ်းသာပေးရန် တောင်းပန်ခဲ့သည်။ "ကျူးကဲလျန့်"(Zhuge Liang) မှ

"ခင်ဗျား စီးမာယီ(Sima Yi) ဆီစာရေးပြီး ကျုပ်တို့စခန်းကိုလာတိုက်ခိုင်းမယ်ဆိုရင် ခင်ဗျားအသက်ကိုချမ်းသာပေးမယ်။ ကျုပ် စီးမာယီ(Sima Yi) ကိုဖမ်းမိရင်တော့ စွမ်းဆောင်မှုတွေက ခင်ဗျားဟာသာဖြစ်ပြီး ဆုလာဘ်ကြီးပေးမယ်"

၎င်းကိုလက်ခံလိုက်ပြီး စာတစ်စောင်ရေးခဲ့သည်။ "ကျန်းဝင်"(Zheng Wen) ကို ထိန်းသိမ်းထားစေသည်။

"ဖန်ကျန်း"(Fan Jian) မှ

"ဒါ ဟန်ဆောင်ပြီးလက်နက်ချတယ်ဆိုတာ ဘယ်လိုသိလဲ"

"စီးမာယီ(Sima Yi) က သူ့လူတွေကို သေချာကြည့်သူဖြစ်တယ်။ သူက ချင်လန်(Qin Lang) ကို ခေါင်းဆောင်စစ်သူကြီးအဖြစ်တာဝန်ပေးတယ်ဆိုကတည်းက ချင်လန်(Qin Lang) ဟာ စစ်ရေးမှာကျွမ်းကျင်သူဖြစ်ပြီး ကျန်းဝင်(Zheng Wen) ဆိုတဲ့လူတစ်ချက်တည်း တိုက်တာနဲ့သေသွားမယ့်လူမျိုးမဟုတ်ဘူး။ ဒါကြောင့် ဒါဟာသူတို့လှည့်ကွက်ဆိုတာ သိရတာ"

ထိုအခါ အားလုံးက "ကျူးကဲလျန့်"(Zhuge Liang) ၏ထိုးထွင်းဆင်ခြင်နိုင်စွမ်းကို ချီးကျူးကြသည်။ ပြီးနောက် "ကျူးကဲလျန့်"(Zhuge Liang) သည် သူ၏အမှုထမ်းများမှ စကားပြောကောင်းသူတစ်ယောက်ကိုရွေးကာ နားသို့ကပ်ပြီး တီးတိုးမှာကြားခဲ့သည်။ ထိုအမှုထမ်းသည် ချက်ချင်းထွက်သွားပြီး စာကို ဝေစခန်းသို့သွားပို့သည်။ အစောင့်တို့က မေးသောအခါ သေနာပတိနှင့်တွေ့ရန်ဟုဆိုသည်။ သူ့ကိုဝင်ခွင့်ပေးပြီးနောက် စာကိုဖတ်ခဲ့သည်။ "စီးမာယီ"(Sima Yi) မှ

"ခင်ဗျားက ဘယ်သူလဲ"

"ကျွန်တော်က အလယ်ပိုင်းဒေသကဖြစ်ပြီး ရှူပြည်မှာပိတ်မိနေတဲ့သနားစရာကောင်းသူဖြစ်ပါတယ်။ ကျွန်တော်နဲ့ ကျန်းဝင်(Zheng Wen) ဟာ တစ်ရွာတည်းသားတွေဖြစ်ပါတယ်။ ကျူးကဲလျန့်(Zhuge Liang) က ကျန်းဝင်(Zheng Wen) ရဲ့လုပ်ဆောင်မှုကိုကြည့်ပြီး ရှေ့ပြေးတပ်ကိုဦးဆောင်စေခဲ့ပါတယ်။ ကျန်းဝင်(Zheng Wen) က ကျွန်တော့ကို လွှတ်လိုက်တာဖြစ်ပြီး မနက်ဖြန်ညနေ သူအချက်ပေးတာနဲ့ စစ်သူကြီးကိုယ်တိုင် ရန်သူတွေကိုလာတိုက်ခိုက်ပါလို့ဆိုပါတယ်။ ကျန်းဝင်(Zheng Wen) က အတွင်းဘက်ကနေ ပူးပေါင်းပြီးလုပ်ဆောင်ပါလိမ့်မယ်"

"စီးမာယီ"(Sima Yi) သည် ထိုစကားတို့ယုံကြည်ရခြင်းရှိမရှိကို ကြိမ်ဖန်များစွာစစ်ဆေးခဲ့သည်။ ထို့အပြင် စာအတုဟုတ်မဟုတ် စစ်ဆေးရာ "ကျန်းဝင်"(Zheng Wen) ၏လက်ရေးသေချာမှန်း သိလေသည်။

ထို့နောက် စာသယ်ဆောင်လာသူအမောပြေစေရန် သောက်စရာတို့ကို ယူလာစေပြီးနောက်

"ဒီနေ့နှစ်ချက်တီးအချိန်ကို တိုက်ခိုက်ဖို့အချိန်အဖြစ်သတ်မှတ်ပြီး ကျုပ်ကိုယ်တိုင်ဦးဆောင်မယ်။ အောင်မြင်ခဲ့ရင် ခင်ဗျားအတွက် နေရာကောင်းပေးမယ်"

ထို့နောက် ထိုတပ်သားသည်လည်း သူ၏စခန်းသို့ပြန်သွားကာ အကြောင်းရာအလုံးစုံကို "ကျူးကဲလျန့်"(Zhuge Liang) အား

ပြောပြသည်။

"ကျူးကဲလျန့်"(Zhuge Liang) သည် ဓားကိုကိုင်ကာ ဓူဝံကြယ်ကိုညွှန်ပြီး ဂါထာတစ်ခုကိုရေရွတ်ကာ စုတောင်းလေသည်။ ထို့နောက် "ဝမ်ဖင်"(Wang Ping) ၊ "ကျန်းနီ"(Zhang Ni) ၊ "ဝေရန်"(Wei Yan) ၊ "မာတိုက်"(Ma Dai) ၊ "မာကျုံး"(Ma Zhong) နှင့် "ကျန်းဝေ"(Jiang Wei) တို့ကိုခေါ်ကာ အမိန့်အသီးသီးပေးခဲ့သည်။ သူတို့သည် တာဝန်တို့ကိုလုပ်ဆောင်ရန်ထွက်သွားသောအခါ "ကျူးကဲလျန့်'(Zhuge Liang) သည် ကိုယ်ရံတော်အနည်းငယ်နှင့်အတူ တောင်ကုန်းပေါ်တက်ခဲ့သည်။

"စီးမာယီ"(Sima Yi) သည် "ကျန်းဝင်"(Zheng Wen) ၏စာကိုယုံကြည်ကာ ညအချိန်တွင် တိုက်ခိုက်ရန်ပြင်ဆင်ခဲ့သည်။ သို့သော် သူ၏သားအကြီးဖြစ်သော "စီးမာရှီ"(Sima Shi) မှ တားမြစ်သည်။

"အဖေက သာမန်စာရွက်ကိုတွေ့ရုံနဲ့ ဒီလောက်အန္တရာယ်များတဲ့စစ်ဆင်ရေးကိုသွားတာ မသင့်တော်ပါဘူး။ မတော်တဆ တစ်ခုခုဖြစ်ခဲ့ရင် ဘယ်လိုလုပ်မလဲ? အဲ့အစား စစ်သူကြီးတစ်ယောက်ယောက်ကိုသွားခိုင်းပြီး အဖေက အရံတပ်အနေနဲ့အနောက်က လိုက်သင့်တယ်"

ထိုစကားသည် သင့်တော်သည်ဟုမြင်သောကြောင့် "စီးမာယီ"(Sima Yi) မှ "ချင်လန်"(Qin Lang) ကို တပ်သားတစ်သောင်းဖြင့် စေလွှတ်ရန်ဆုံးဖြတ်ခဲ့သည်။ "စီးမာယီ"(Sima Yi) ကိုယ်တိုင်ကမူ အရံတပ်ကိုကွပ်ကဲလေသည်။ ထိုညတွင် လသာနေခဲ့သော်လည်း နှစ်ချက်တီးခွဲခန့်အချိန်တွင် တိမ်ဖုံးကာ မည်းမှောင်လာပြီး ဘေးမှလူကိုပင်မမြင်နိုင်ပေ။

"စီးမာယီ"(Sima Yi) မှ ရယ်ကာ

"ဒါက ကံကောင်းခြင်းပဲ"

ထို့နောက် တပ်သားတို့၏ပါးစပ်ကို အဝတ်ဖြင့်ဆို့ထားစေပြီး မြင်းတို့ပါးစပ်ကိုလည်း ကြိုးဖြင့်စည်းကာ တိုက်ခိုက်ရန် ထွက်ခဲ့သည်။ တပ်တို့သည် ခဏနားစေသောအခါဝယ် နေရာအနှံ့မှမီးလင်းသွားပြီး အရပ်လေးမျက်နှာမှ ရန်သူများဝင်ရောက်တိုက်ခိုက်လေသည်။ "ချင်လန်"(Qin Lang) သည် တိုက်ခိုက်သော်လည်း မလွတ်မြောက်နိုင်ခဲ့ပေ။

တိုက်ပွဲ၏နောက်ကွယ်တွင်ရှိနေသော "စီးမာယီ"(Sima Yi) သည် ရှူတပ်စခန်းမှ မီးတို့ကိုလှမ်းမြင်ရသော်လည်း သူ၏တပ်အောင်နိုင်မှုလော၊ ရန်သူတပ်အနိုင်ရခြင်းလော ဟူပြီး မသိနိုင်ခဲ့ပေ။ ထို့ကြောင့် မီးဘက်ဆီသို့သွားခဲ့သည်။ ထိုအချိန် အော်သံ၊ ဗုံသံနှင့်ခရာသံတို့ကိုကြားလိုက်ရပြီး မြေကြီးတုန်ခါလုမတတ် ပေါက်ကွဲသံကိုလည်း ကြားလိုက်ရသည်။ "ဝေရန်"(Wei Yan) နှင့် "ကျန်းဝေ"(Jiang Wei) တို့သည် တစ်ဖက်တစ်ချက်စီမှ "စီးမာယီ"(Sima Yi) ကို ဝန်းရံထားခဲ့သည်။ ၎င်းမှာ သူ့အတွက် ဆုံးရှုံးမှုကြီးဖြစ်ပြီး ဝေတပ်သားဆယ်ဦးတွင် ရှစ်ဦး၊ ကိုးဦးခန့် ဒဏ်ရာသူရ၊ အသက်ဆုံးရှုံးသူ ဆုံးရှုံး ဖြစ်ခဲ့သည်။ ကျန်ရစ်သောတပ်တို့သည် အရပ်လေးမျက်နှာသို့ထွက်ပြေးကုန်သည်။

"ချင်လန်"(Qin Lang) ၏တပ်ကို မြားတို့ဖြင့်ပစ်သောကြောင့် ခေါင်းဆောင်ဖြစ်သူ သေဆုံးခဲ့သည်။ "စီးမာယီ"(Sima Yi) သည် ကျန်ရစ်သောတပ်အချို့နှင့်အတူ စခန်းသို့ပြန်ပြေးခဲ့သည်။

သုံးချက်တီးအချိန်တွင် တိမ်တို့ကင်းစင်သွားပြီး တောင်ကုန်းပေါ်တွင်ရှိသော "ကျူးကဲလျန့်"(Zhuge Liang) မှ တပ်ပြန်ဆုတ်ရန် မောင်းတီးကာ အချက်ပေးခဲ့သည်။ နှစ်ချက်တီးအချိန်တွင် မှောင်မည်းနေခြင်းမှာ 'ခြေရာဖျောက်ဖုန်းကွယ်မှု' နည်းလမ်းကြောင့်ဖြစ်သည်။ ထိုသို့တိမ်များပြန်ကင်းစင်သွားသည်မှာလည်း "ကျူးကဲလျန့်"(Zhuge Liang) မှ 'ခြောက်ဘုံနတ်များ' ဟူသောစာအုပ်မှ အစွမ်းတစ်ခုကိုသုံးလိုက်သောကြောင့် ကျန်ရစ်နေသောတိမ်တို့လွင့်စင်သွားခြင်းဖြစ်သည်။

တိုက်ပွဲအောင်နိုင်ပြီးနောက် "ကျူးကဲလျန့်"(Zhuge Liang) သည် စခန်းသို့ပြန်လာပြီး ပထမဆုံးပေးသောအမိန့်မှာ "ကျန်းဝင်"(Zheng Wen) ကို သေဒဏ်ပေးရန်ဖြစ်သည်။

ထို့နောက် တောင်ဘက်ကမ်းကိုသိမ်းနိုင်ရန် အစီအစဉ်ရေးဆွဲလေသည်။ နေ့စဉ်နေ့တိုင်း လူလွှတ်ကာ ရန်သူတို့ကိုစိန်ခေါ်စေသော်လည်း တဖက်မှတုံ့ပြန်ခြင်းမရှိခဲ့ပေ။

တစ်ရက်သော် "ကျူးကဲလျန့်"(Zhuge Liang) သည် လှည်းယာဉ်ကိုစီးကာ ချီစန်းတောင်၏အရှေ့ဘက်သွားပြီး ဝေမြစ်ကြောင်းကို သေချာစွာလေ့လာခဲ့သည်။ ထို့နောက် ဘူးသီးဖြင့်ပြုထားသောရေဘူးပုံ တောင်ကြားနားသို့ရောက်လာခဲ့ပြီး ထိုနေရာ၏အတွင်းပိုင်းတွင် တပ်သားတစ်ထောင်ခန့်ပုန်းအောင်းနိုင်ပြီး အပြင်ဘက်တွင် တပ်သားငါးရာခန့်ပုန်းနိုင်သည်ကို သတိထားမိသည်။ ထိုတောင်တို့မှာ အင်မတန်မှကပ်နေသောကြောင့် အနောက်ဘက်တွင် မြင်းစီးသူတစ်ဦးချင်းစီသာ သွားနိုင်လေသည်။ ထိုတွေ့ရှိမှုကြောင့် စစ်သူကြီးသည် ဝမ်းမြောက်သွားပြီး ထိုအရပ်၏အမည်နာမကို မေးခဲ့သည်။

"ဒီနေရာကို ရှန်ဖန်းတောင်ကြားလို့ခေါ်ပါတယ်၊ ဘူးသီးတောင်လို့လည်း အလွယ်ခေါ်ကြတယ်"

စခန်းသို့ပြန်လာပြီးနောက် ခေါင်းဆောင်နှစ်ဦးဖြစ်သော "တုရေ့"(Du Rui) နှင့် "ဟူကျုံး"(Hu Zhong) တို့ကိုခေါ်ပြီး လျှို့ဝှက်အမိန့်များပေးခဲ့သည်။ ပြီးနောက် လက်သမားတစ်ထောင်ကိုခေါ်ကာ ဘူးသီးတောင်ကြားသို့လွှတ်ပြီး သစ်သားနွားနှင့်မြင်းရုပ်များ ဆောက်လုပ်စေသည်။ နောက်ဆုံးတွင် "မာတိုက်"(Ma Dai) ကို တပ်သားငါးရာနှင့်အတူ ဘူးသီးတောင်ကြားအဝသို့စေလွှတ်ကာ အဝင်အထွက်ကို ပိတ်ပင်ထားခဲ့သည်။

"ကျူးကဲလျန့်"(Zhuge Liang) မှ

"အပြင်ကလူတွေလည်း အထဲဝင်လို့မရသလို အထဲကလူတွေလည်း အပြင်ထွက်လို့မရဘူး။ ကျုပ်က တောင်ကြားကို မကြာခဏလာပြီး ရှောင်တခင်စစ်ဆေးမယ်။ စီးမာယီ(Sima Yi) ကိုအနိုင်ယူနိုင်မယ့်အစီအစဉ်ကို ဒီမှာလုပ်ဆောင်နေတာကြောင့် အထူးလျှို့ဝှက်ထားဖို့လိုအပ်တယ်"

"မာတိုက်"(Ma Dai) သည် တာဝန်ကျရာသို့ထွက်သွားလေသည်။ စစ်သူကြီးနှစ်ဦးဖြစ်သည့် "တုရေ့"(Du Rui) နှင့် "ဟူကျုံး"(Hu Zhong) တို့သည် ဘူးသီးတောင်ကြားရှိဆောက်လုပ်မှုတို့ကို ကွပ်ကဲရသည်။ "ကျူးကဲလျန့်"(Zhuge Liang) သည် နေ့တိုင်းလာကာ ညွှန်ကြားမှုများပေးခဲ့သည်။

တစ်ရက်တွင် "ရန်ယီ"(Yang Yi) သည် "ကျူးကဲလျန့်"(Zhuge Liang) ထံသွားပြီး

"စားနပ်ရိက္ခာတွေအားလုံးက ကျန့်မန်ခံတပ်မှာပါ။ သယ်ယူပို့ဆောင်ဖို့က တအားခက်ခဲတော့ ဘယ်လိုလုပ်ကြမတုန်း"

"ကျူးကဲလျန့်"(Zhuge Liang) မှ ပြုံးပြီး

"ကျုပ်ဟိုးအရင်တည်းက ကြံနေတဲ့အစီအစဉ်တစ်ခုရှိပါတယ်။ မြစ်ပြည်နယ်မှာဝယ်ပြီး စုဆောင်းထားတဲ့သစ်သားတွေက ရိက္ခာသယ်ဖို့အရုပ်တွေတည်ဆောက်ဖို့ပဲဖြစ်တယ်။ အဲ့လိုသာဆို လုံးဝအားသာသွားမှာဖြစ်ပြီး သူတို့တွေ နေ့ရောညပါ မရပ်မနားပဲသွားနိုင်သလို စားစရာ၊ ရေတွေလည်း မလိုအပ်ပဲ"

ထိုစကားကိုကြားသောအခါ အားလုံးမှ

"ဟိုးအရင်ခေတ်ကတည်းက ဒီအချိန်အထိ အဲ့လိုစက်တွေရှိတယ်ဆိုတာ ဘယ်သူမှမကြားဖူးဘူး။ ဝန်ကြီးချုပ်က အဲ့လိုထူးဆန်းတဲ့သတ္တဝါတွေကို ဘယ်လိုများဖန်တီးမလို့လဲ"

"အခု ကျုပ်အစီအစဉ်အတိုင်း ဆောင်ရွက်နေကြပါပြီ။ ဒါပေမယ့် အဆင်သင့်မဖြစ်သေးဘူး။ ဒီမှာ မြင်းရုပ်၊ နွားရုပ်တွေရဲ့ပုံကြမ်းတွေဖြစ်ပြီး အတိုင်းအတာလည်းပါတယ်။ အသေးစိတ်ကို ခင်ဗျားတို့ကြည့်နိုင်တယ်"

"ကျူကဲလျန့်"(Zhuge Liang) ပြသောစာရွက်ကို စစ်သူကြီးတို့က ဝိုင်းကြည့်ကြပြီး အံ့အားသင့်ကာ

"ဝန်ကြီးချုပ်က တကယ်ကိုထူးချွန်ပါတယ်" ဟု ချီးမွမ်းကြသည်။

ရက်အနည်းငယ်ကြာသောအခါ စက်ယန္တရားရုပ်များတည်ဆောက်ခြင်းပြီးမြောက်သွားကာ စတင်အလုပ်လုပ်ခဲ့သည်။ ၎င်းစက်ယန္တရားရုပ်တို့သည် သက်ရှိအကောင်နှင့်ဆင်တူကာ တောင်ကုန်းပေါ်တွင် သွားစေလိုသည့်နေရာများသို့ သွားရန်ညွှန်ကြားနိုင်သည်။ တပ်တစ်ခုလုံးသည် ၎င်းအရုပ်တို့ကို ဝမ်းမြောက်စွာဖြင့်ကြည့်နေခဲ့ကြသည်။ ထိုစက်ယန္တရားရုပ်တို့ကို စစ်သူကြီး "ကောင်းရှန်"(Gao Xiang) နှင့်တပ်သားတစ်ထောင်တို့မှာ တာဝန်ယူကာပဲ့ကိုင်ခဲ့သည်။ ထိုစက်ယန္တရားတို့သည် ကျန့်မန်ခံတပ်နှင့်စစ်မြေပြင်ကြား သွားသွားလာလာဖြင့် တပ်သားတို့အတွက် ရိက္ခာများသယ်ခဲ့သည်။

"စီးမာယီ"(Sima Yi) သည် စစ်ရှုံးသောကြောင့် သောကရောက်နေသည့်အချိန်တွင် ရှူတပ်သားတို့အသုံးပြုနေသော သစ်သားနွားနှင့်မြင်းရုပ်များအကြောင်းကို သူလျှိုများထံမှ ကြားသိရလေသည်။ ထိုအခြင်းအရာကြောင့် ပိုစိတ်ညစ်ညူးကာ သူ၏စစ်သူကြီးတို့အား

"မြစ်ပြည်နယ်က သယ်ယူပို့ဆောင်ရေးခက်ခဲတာကြောင့် ကျုပ်က ခံစစ်မှာနေပြီး ရန်သူတွေရိက္ခာပြတ်တဲ့အချိန်ကို စောင့်နေတာ။ ဒီယန္တရားရုပ်တွေနဲ့ဆိုရင် သူတို့တွေအစာရေစာပြတ်လို့ တပ်ဆုတ်ရတယ်ဆိုတာရှိမှာ မဟုတ်တော့ဘူး"

ထို့နောက် "ကျန်းဟူ"(Zhang Hu) နှင့် "ယွဲ့ချန်"(Yue Chen) တို့ကိုခေါ်ကာ အမိန့်ပေးခဲ့သည်။

"ခင်ဗျားတို့က တပ်သားငါးရာစီဦးဆောင်ပြီး လမ်းသွယ်လေးတွေကနေ ရှဲ့တောင်ကြားကိုသွားပါ။ ရှူတပ်တွေက စားနပ်ရိက္ခာသယ်လာတာမြင်ရင် သွားခွင့်ပေးလိုက်ပါ။ ဒါပေမယ့် သူတို့နောက်ဆုံးကတပ်တွေကိုတိုက်ပြီး အဲ့မြင်းရုပ်၊ နွားရုပ်တွေ လေး၊ ငါးခုလောက်သိမ်းလာခဲ့ပါ"

ထို့ကြောင့် တပ်သားတစ်ထောင်တို့သည် ရှူတပ်သားများကဲ့သို့ ဝတ်ဆင်ကာ ထွက်သွားလေသည်။ သူတို့သည် ညအချိန်တွင် လမ်းသွယ်များမှသွားကာ ပုန်းအောင်းနေခဲ့သည်။ ထိုစဉ် "ကောင်းရှန်"(Gao Xiang) ဦးဆောင်သောတပ်သည် သစ်သားရုပ်တို့ကိုကာကွယ်လျက် ပေါ်လာသည်။ ရှူတပ်များအားလုံး ဖြတ်သွားလုဆဲဆဲတွင် ရုတ်တရတ်တိုက်ခိုက်ကာ ရှူတပ်သားတို့စွန့်လွှတ်ခဲ့သော တိရစ္ဆာန်အချို့ကိုသယ်ဆောင်ပြီး ဝမ်းမြောက်စွာဖြင့် စခန်းသို့ယူလာခဲ့သည်။

ထိုအရုပ်တို့ကို "စီးမာယီ"(Sima Yi) မြင်သောအခါ တကယ့်တိရစ္ဆာန်နှင့်ဆင်ကြောင်း မှတ်ချက်ပေးသည်။ လေ့လာရန်နမူနာရှိပြီဖြစ်သောကြောင့် ရှူတပ်တို့ဖန်တီးမှုကိုအတုခိုးနိုင်သဖြင့် ပို၍ဝမ်းမြောက်နေလေသည်။

"ကျူးကဲလျန့်(Zhuge Liang) တောင်လုပ်နိုင်တယ်ဆို၊ ငါမလုပ်နိုင်ရင် ထူးဆန်းနေမှာပေါ့"

ထို့နောက် ထူးချွန်သောလက်သမားတို့ကိုခေါ်စေပြီး စက်ယန္တရားတို့ကိုဖြုတ်စေကာ လေ့လာစေပြီး ထိုအတိုင်းပင်ဆောက်လုပ်စေသည်။ လဝက်မပြည့်ခင်မှာပင် "ကျူးကဲလျန့်"(Zhuge Liang) ၏စက်ယန္တရားပုံတူ နှစ်ထောင်ခန့်တည်ဆောက်နိုင်ခဲ့ပြီး ရွေ့လျားနိုင်သော တိရစ္ဆာန်ရုပ်များလည်း လုပ်နိုင်ခဲ့သည်။ ပြီးနောက် နယ်စပ်ကိုကာကွယ်သောစစ်သူကြီး "ချန်ဝေ"(Cen Wei) အား ထိုသယ်ယူပို့ဆောင်ရေးအသစ်ဖြစ်သည့် တိရစ္ဆာန်တို့အား တာဝန်ယူစေကာ ရှီးကျိုးနှင့် တပ်စခန်းကြား ပြေးစေသည်။ ဝေတပ်သားတို့သည် အင်မတန်မှ ဝမ်းမြောက်နေခဲ့ကြသည်။

"ကောင်းရှန်"(Gao Xiang) သည် စခန်းသို့ပြန်လာပြီး နွားရုပ်နှင့်မြင်းရုပ်အချို့ကို ရန်သူတို့လုယူသွားကြောင်း တင်ပြခဲ့သည်။

"ကျူးကဲလျန့်"(Zhuge Liang) မှ ဝမ်းသာပြီး

"ကျုပ်က သူ့ကို အဲ့လိုလုသွားစေချင်ခဲ့တာ။ ကျုပ်က နည်းနည်းပဲတည်ဆောက်ခဲ့ပေမယ့် မကြာခင်မှာ ကြီးမားတဲ့အကူအညီပြန်ရလိမ့်မယ်"

အမှုထမ်းတို့မှ

"ဝန်ကြီးက ဘယ်လိုသိပါသလဲ"

"စီးမာယီ(Sima Yi) က ဒါတွေကို တုပဖို့ကြိုးစားမှာပဲ။ အဲ့ဒါကိုလုပ်ပြီးတာနဲ့ သူ့ကိုဘယ်လိုကိုင်တွယ်ရမယ်ဆိုတာ ကျုပ်စီစဉ်ထားတယ်"

ရက်အနည်းငယ်ကြာသောအခါ ရန်သူတို့သည် ရှီးကျိုးမှ ရိက္ခာတို့ကိုသယ်ယူရန် သစ်သားနွားနှင့်မြင်းရုပ်များကိုသုံးနေကြောင်း "ကျူးကဲလျန့်"(Zhuge Liang) မှ ကြားသိရသည်။

"ကျုပ်ထင်ထားတဲ့အတိုင်းပဲ"

"ဝမ်ဖင်"(Wang Ping) ကိုခေါ်ပြီးနောက်

"စစ်သည်တစ်ထောင်ကို ဝေတပ်လိုဝတ်စေပြီးတော့ လျှို့ဝှက်ပြီး မြန်မြန် ပေယွမ်ကိုသွားပါ။ တပ်အစောင့်အရှောက်လို့ပြောပြီး တကယ့်အစောင့်တပ်တွေနဲ့ ရောနေပါ။ ပြီးရင် သူတို့တွေ လူစုကွဲသွားအောင် ရုတ်တရတ်တိုက်ခိုက်ပါ။ ပြီးရင် အရုပ်တွေရှိတဲ့ဘက်သွားပြီး အဲ့အတိုင်းလုပ်ဆောင်ပါ။ ဒါဆို ခင်ဗျားကို လိုက်တိုက်ခိုက်ကြလိမ့်မယ်။ အဲ့အချိန်မှာ ခင်ဗျားက သစ်သားရုပ်တွေရဲ့လျာကိုလှည့်လိုက်ရင် အဲ့သစ်သားရုပ်တွေ ရွေ့လျားမှာမဟုတ်တော့ဘူး။ အဲ့အရုပ်တွေကို ဒီအတိုင်းထားရစ်ခဲ့ပြီး ထွက်ပြေးပါ။ ဝေတပ်သားတွေရောက်လာတဲ့အခါ အရုပ်တွေကိုဆွဲလို့မရနိုင်သလို သယ်လို့လည်းရမမှာမဟုတ်ဘူး။ ကျုပ်က တပ်သားတွေကိုအဆင်သင့်စောင့်ထားစေမယ်။ ခင်ဗျားက အဲ့တပ်နဲ့ပြန်သွားပြီး လျာတွေကိုအနောက်ကိုပြန်လှည့်ပြီးတော့ အရုပ်တွေကိုဒီဘက်ကိုခေါ်ဆောင်လာခဲ့ပါ။ အဲ့လိုဆို ရန်သူတွေ လုံးဝအံ့ဩသွားကြလိမ့်မယ်"

ထို့နောက် "ကျန်းနီ"(Zhang Ni) ကိုခေါ်ပြီး

"တပ်သားငါးရာကို ထူးကဲသာလွန်တယ်လို့မြင်အောင် ဘုံခြောက်ဘုံကနတ်တွေလိုဝတ်စေပါ။ ပြီးတော့ မိစ္ဆာရဲ့ခေါင်းတွေ၊ တောရိုင်းတိရစ္ဆာန်ပုံတွေ ဝတ်ထားစေပါ။ ဒါ့အပြင် ပိုပြီးထူးဆန်းအောင် မျက်နှာကို အရောင်မျိုးစုံခြယ်ခိုင်းထားပါ။ သူတို့ကို အလံ၊ ဓားနဲ့လောင်စာထည့်ထားပြီး မီးခိုးထွက်နိုင်တဲ့ဘူးပေးလိုက်ပါ။ ဒီတပ်သားတွေကို တောင်ကုန်းနောက်ကွယ်မှာပုန်းစေပြီး ကုန်တင်ယာဉ်တန်းကြီးလာတဲ့အထိစောင့်နေပါ။ သူတို့တွေအနီးကပ်လာတာနဲ့ မီးခိုးထွက်အောင်လုပ်ပြီး ရုတ်တရတ်ထွက်ပြီးတော့ သစ်သားရုပ်တွေကို အဝေးကိုသွားအောင် လုပ်လိုက်ပါ။ အဲ့လိုထူးဆန်းတဲ့လူတွေကို ဘယ်သူမှလိုက်ပြီးတိုက်ရဲမှာမဟုတ်ဘူး"

"ကျန်းနီ"(Zhang Ni) ထွက်သွားသောအခါ "ဝေရန်"(Wei Yan) နှင့် "ကျန်းဝေ"(Jiang Wei) ကိုခေါ်ပြီး

"တပ်သားတစ်သောင်းနဲ့အတူ ပေယွမ်နယ်စပ်နားကိုသွားပြီး သစ်သားရုပ်တွေကိုလက်ခံယူပြီးတော့ ရန်သူတွေလာပြီး မဖျက်စီးနိုင်အောင် ကာကွယ်ပါ"

"စီးမာယီ"(Sima Yi) လာပါက ခုခံရန် "ကျန်းယီ"(Zhang Yi) နှင့် "လျောင်ဟွာ"(Liao Hua) ကို တပ်သားငါးထောင်နှင့်လွှတ်လိုက်သည်။ ထို့အပြင် ရန်သူကိုကာကွယ်ရန်အတွက် "မာတိုက်"(Ma Dai) နှင့် "မာကျုံး"(Ma Zhong) တို့ကို တပ်အနည်းငယ်နှင့်အတူ တောင်ဘက်ကမ်းသို့စေလွှတ်လိုက်သည်။

တစ်ရက်သော် ရှီးကျိုးမှ ယာဉ်တန်းကြီးသည် လမ်းတွင်ရှိနေစဉ် စားနပ်ရိက္ခာတို့ကိုစောင့်ရှောက်သည့်တပ်သားအချို့ကိုတွေ့ရကြောင်း ဆက်သားများမှပြောသည်။ စစ်သူကြီး "ချန်ဝေ"(Cen Wei) မှ ရပ်တန့်ပြီး စုံစမ်းစေသည်။ ထိုအသစ်ရောက်လာသောသူများသည် ဝေတပ်ကဖြစ်ကြောင်းသိသောအခါ ဆက်လက်ထွက်ခွာလေသည်။

ထိုအသစ်ဝင်လာသူတို့သည် မူလတပ်နှင့်အတူ ရောကာ လိုက်ပါခဲ့သည်။ ဝေးဝေးသို့မရောက်မီတွင် အော်သံကိုကြားလိုက်ရပြီး ရှူတပ်သားတို့သည် စတင်သတ်ဖြတ်လေပြီး အော်သံတစ်ခုကိုပါ ကြားလိုက်ရသည်။

"ဝမ်ဖင်(Wang Ping) ရောက်လာပြီ"

အစောင့်တပ်တို့သည် ထိတ်လန့်သွားကြပြီး လူများစွာသေဆုံးကုန်သည်။ သို့သော် ကျန်ရစ်သူတို့က "ချန်ဝေ"(Cen Wei) အနီးတွင်နေကာ ကာကွယ်ခဲ့သည်။ "ဝမ်ဖင်"(Wang Ping) မှ "ချန်ဝေ"(Wen Wei) ကိုသတ်လိုက်သောအခါ တပ်သားများထွက်ပြေးသွားကြပြီး ယာဉ်တန်းကြီးကို ရှူတပ်ဘက်သို့ဆောင်ကြဉ်း လာခဲ့သည်။

ထွက်ပြေးသွားသောသူတို့သည် ပေယွမ်သို့သွားကာ အဖြစ်ဆိုးကို "ကောဟွိုင်"(Guo Huai) အားပြောရာ ထိုရိက္ခာတစ်ကိုပြန်ယူနိုင်ရန် "ကောဟွိုင်"(Guo Huai) မှထွက်လာခဲ့သည်။ သူထွက်လာသောအခါ "ဝမ်ဖင်"(Wang Ping) မှ လျာတို့ကိုလှည့်ရန် အမိန့်ပေးလိုက်ပြီး သစ်သားရုပ်တို့ကို လမ်းပေါ်တွင် ထားရစ်ကာ ထွက်ပြေးသွားခဲ့သည်။ "ကောဟွိုင်"(Guo Huai) သည် အနောက်မှမလိုက်ပဲ သစ်သားတိရစ္ဆာန်တို့ကို ရွေ့လျားစေရန်ကြိုးစားခဲ့သည်။ သို့သော် ထိုအရုပ်တို့ကို မရွှေ့နိုင်ခဲ့ပေ။

သူသည် လွန်စွာမှအံ့ဩသွားခဲ့သည်။ ထိုအချိန်တွင် နေရာအနှံ့မှဗုံသံတို့ကိုကြားလိုက်ရပြီး တပ်ဖွဲ့နှစ်ဖွဲ့ထွက်လာသည်။ ထိုတပ်တို့မှာ "ဝေရန်"(Wei Yan) နှင့် "ကျန်းဝေ"(Jiang Wei) တို့၏တပ်ဖြစ်သည်။ သူတို့ထွက်ပေါ်လာသောအခါ "ဝမ်ဖင်"(Wang Ping) ၏တပ်သားတို့သည်လည်း ထွက်လာပြန်သည်။ ထိုတပ်သုံးတပ်ကို မရင်ဆိုင်နိုင်သောကြောင့် "ကောဟွိုင်"(Guo Huai) သည် တပ်ဆုတ်လိုက်ရသည်။ ပြီးနောက် လျာတို့ကိုပြန်လှည့်ကာ သစ်သားရုပ်တို့ကိုပြန်ရွေ့စေခဲ့သည်။

၎င်းကိုမြင်သောအခါ "ကောဟွိုင်"(Guo Huai) ပြန်လှည့်လာပြန်သည်။ သို့သော် တောင်ကုန်းပေါ်မှမီးခိုးတို့ကိုမြင်လိုက်ပြီး ထူးဆန်းသောသတ္တဝါများက သူ့ကိုဝန်းရံခဲ့သည်။ အချို့သည် ဓားကိုင်ထားပြီး အချို့သည် အလံကိုင်ထားကာ ထိုသူအားလုံးတို့သည်ကြောက်မက်ဖွယ်ကောင်းနေခဲ့သည်။ ထိုသူတို့သည် သစ်သားရုပ်များနားသို့ချဉ်းကပ်ကာ အဝေးသို့ရောက်သွားစေခဲ့သည်။ "ကောဟွိုင်"(Guo Huai) မှ ထိတ်လန့်ပြီး

"တကယ့်ကို ဆန်းကြယ်တဲ့ကူညီသူတွေပါလား"

ရဲမက်တို့သည်လည်း ကြောက်လန့်ပြီး ရပ်တန့်နေခဲ့သည်။ ပေယွမ်တပ်ကြီး အရေးမလှသည်ကိုသိသောအခါ "စီးမာယီ"(Sima Yi) သည် ကယ်ဆယ်ရန် ရောက်လာခဲ့သည်။ လမ်းတစ်ဝက် မတ်စောက်သောနေရာတစ်ခုဝယ် အော်သံ၊ ပေါက်ကွဲသံတို့ကိုကြားလိုက်ရပြီး တပ်ဖွဲ့တစ်ဖွဲ့ထွက်လာလေသည်။

ထိုတပ်၏ဦးဆုံးအလံတွင် 'ဟန်စစ်သူကြီး ကျန်းယီ(Zhang Yi) နှင့် လျောင်ဟွာ(Liao Hua)' ဟုရေးထားလေသည်။

သူ၏တပ်ကြီးသည် ထိတ်လန့်သွားကာ လေကဲ့သို့ထွက်ပြေးကုန်သည်။