သုံးနိုင်ငံခေတ် (၆၈)

အခန်း(၆၈) "ကန်းနင်"(Gan Ning) ၏မြင်းသည်တော်တစ်ရာသည် မြောက်ပိုင်းတပ်စခန်းကို စီးနင်းတိုက်ခြင်း။

“ကျိုးချီ”(Zuo Ci)  သည် "ချောင်ချောင်း"(Cao Cao) ကိုအရူးလုပ်ခြင်း။

"စွန်းချွမ်"(Sun Quan) သည် ရုရွှီတွင် ကွပ်ကဲနေစဉ် ဟန်ကျုံးမှ "ချောင်ချောင်း"(Cao Cao) သည် စစ်တပ်အင်အား လေးသိန်းဖြင့် ဟဲဖေးသို့ရောက်လာကြောင်းသိရသည်။ ထိုအခါ သင်္ဘောအစင်းငါးဆယ်တို့ကို ဆိပ်ကမ်းတွင် စောင့်စေကာ "ချန်ဝူ"(Chen Wu) ကိုမြစ်ကမ်းတစ်လျှောက်သွားစေပြီး စောင့်ကြည့်စေသည်။

"ကျန်းကျောက်"(Zhang Zhao) မှ

"ချောင်ချောင်း(Cao Cao) ရဲ့တပ်ကြီးချီတက်လာပြီးနောက် အနားမယူနိုင်သေးခင် အနိုင်ယူနိုင်ရင် သူတို့တပ်သားတွေစိတ်ဓာတ်ကိုလျော့ကျစေမယ်"

"စွန်းချွမ်"(Sun Quan) သည် သူ၏အမှုထမ်းတို့ကိုကြည့်ကာ

"ခင်ဗျားတို့ထဲမှာ ဘယ်သူက ချောင်ချောင်း(Cao Cao) တပ်ကြီးကိုအနိုင်ယူရဲတဲ့သတ္တိရှိလဲ"

"လင်ထုံ"(Ling Tong) မှ

"ကျွန်တော်သွားပါ့မယ်"

"တပ်သားအင်အားဘယ်လောက်လိုမလဲ"

"တပ်ဖွဲ့သုံးထောင်ဆို လုံလောက်ပါတယ်"

ထိုအခါ "ကန်းနင်"(Gan Ning) မှ ရုတ်တရတ်ဝင်ပြောသည်။

"မြင်းသည်တော်တစ်ရာဆိုလုံလောက်ပြီပဲ။ ဘာလို့သုံးထောင်တောင် ပို့ဦးမှာလဲ"

"လင်ထုံ"(Ling Tong) သည် ဒေါသထွက်ပြီး "စွန်းချွမ်"(Sun Quan) ၏ရှေ့တွင်ပင် နှစ်ဦးသားအငြင်းအခုံဖြစ်ကြသည်။

"စွန်းချွမ်"(Sun Quan) မှ

"ချောင်ချောင်း(Cao Cao) ရဲ့တပ်တွေကို တစွတ်ထိုးတိုက်ဖို့မဖြစ်နိုင်ဘူး"

နောက်ဆုံးတွင် "လင်ထုံ"(Ling Tong) အား တပ်သားသုံးထောင်ပေးကာ ရန်သူကိုထောက်လှမ်းစေပြီး ရန်သူနှင့်ရင်ဆိုင်ပါက တိုက်ခိုက်ရန် အမိန့်ပေးထားသည်။

"လင်ထုံ"(Ling Tong) သည် ချီတက်လာပြီးနောက်မကြာမီတွင်ပင် ဖုန်တို့တထောင်းထောင်းထနေသည်ကိုတွေ့လိုက်ပြီး တပ်ဖွဲ့ကြီးတစ်ဖွဲ့ချီတပ်လာသည်ကိုတွေ့သည်။ ထိုတပ်မှာ "ကျန်းလျောင်"(Zhang Liao) ၏ရှေ့ပြေးတပ်ဖြစ်ပြီး "လင်ထုံ"(Lin Tong) နှင့်ရင်ဆိုင်လေသည်။ သူတို့နှစ်ဦးသည် အကွက်ငါးဆယ်ခန့်တိုက်ပြီးသော်လည်း အနိုင်အရှုံးမပေါ်ပေ။ ထိုအခါ "စွန်းချွမ်"(Sun Quan) သည် သူ၏စစ်သူကြီးအတွက်စိုးရိမ်ပြီး "လွီမန်"(Lu Meng) ကိုလွှတ်ကာ "လင်ထုံ"(Ling Tong) ကိုပြန်ခေါ်စေသည်။

"လင်ထုံ"(Ling Tong) ပြန်ရောက်လာသောအခါ ပြိုင်ဘက်ဖြစ်သော "ကန်းနင်"(Gan Ning) မှ "စွန်းချွမ်"(Sun Quan) ထံသွားပြီး

"အခု ကျွန်တော့ကို မြင်းသည်တော်တစ်ရာပေးရင် ညဘက်မှာ ရန်သူ့စခန်းကိုဝင်စီးပါ့မယ်။ အကယ်၍ အဖွဲ့ထဲမှာ တပ်သားတစ်ဦးသေခဲ့ရင် ကျွန်တော် ဘာဆုလာဘ်မှမယူပါဘူး"

"စွန်းချွမ်"(Sun Quan) သည် "ကန်းနင်"(Gan Ning) ၏သတ္တိကိုသဘောကျကာ တပ်ဖွဲ့ထဲမှ လက်ရွေးစင်တပ်ဖွဲ့တို့ကိုပေးလိုက်သည်။ ထို့အပြင် တပ်သားတို့အား အရက်ပုလင်း ငါးဆယ်နှင့် ၇၅ ပေါင်ရှိသော သိုးသားတို့ဖြင့် စားသောက်ပွဲကျင်းပစေသည်။

စခန်းသို့ပြန်ပြီးနောက် "ကန်းနင်"(Gan Ning) သည် ထိုတပ်သားတို့ကိုဝိုင်းကာထိုင်စေသည်။ ထို့နောက် အရက်ခွက်နှစ်ခွက်ကိုမော့သောက်လိုက်ပြီး

"ရောင်းရင်းတို့၊ ဒီညမှာ ကျုပ်တို့ရန်သူ့စခန်းကိုဝင်စီးမယ်။ ဒါကြောင့် ခင်ဗျားတို့အရက်ခွက်ကိုဖြည့်ပြီး ဒီတာဝန်အတွက်အင်အားတွေစုထားပါ"

သို့သော် တပ်သားတို့သည် သူ၏စကားကိုနားမဝင်ပဲ တစ်ယောက်မျက်နှာတစ်ယောက်ကြည့်နေကြသည်။

ထိုအခြေအနေကိုမြင်သောအခါ "ကန်းနင်"(Gan Ning) သည် တခြားနည်းဖြင့်ပြောင်းရန်အတွက် ဓားကိုထုတ်လိုက်ပြီး

"ခင်ဗျားတို့တွေ ဘာကိုစောင့်နေတာလဲ? ခေါင်းဆောင်ဖြစ်တဲ့ကျုပ်က ကျုပ်အသက်ကိုရင်းနိုင်ရင် ခင်ဗျားတို့က ဘာလို့မရင်းနိုင်ရမှာလဲ"

ခေါင်းဆောင်ဖြစ်သူ၏ဒေါသကိုမြင်သောအခါ တပ်သားတို့လည်း ထပြီး

"ကျွန်တော်တို့ အဆုံးစွန်အထိတိုက်ပါ့မယ်"

တစ်ယောက်ချင်းဆီကို အသားနှင့်အရက်တို့ဝေမျှပြီး ဗိုက်ပြည့်သည်အထိစားကြလေသည်။ ထို့နောက် နှစ်ချက်တီးလျှင် စတင်ရန်စီစဉ်ထားပြီး ဦးထုပ်တို့တွင် တစ်ဦးကိုတစ်ဦးမှတ်မိစေရန် ငန်းတောင်မွှေးကိုတပ်ထားစေသည်။

ထို့နောက် သံချပ်ကာတို့ကိုဝတ်ဆင်ပြီး မြင်းစီးကာ "ချောင်ချောင်း"(Cao Cao) ၏စခန်းသို့ရောက်လာသည်။ ထို့နောက် အတားအဆီးတို့ကိုကျော်ကာ အော်သံပြုလိုက်သည်။ သူတို့သည် "ချောင်ချောင်း"(Cao Cao) ကိုသတ်ရန် အလယ်ဗဟိုသို့သွားသည်။ သို့သော်လည်း ခုခံသူတို့သည် လှည်းတို့ဖြင့် အတားအဆီးသဖွယ်ကာရံထားသဖြင့် လမ်းရှာမတွေ့ပေ။ "ကန်းနင်"(Gan Ning) မှာ ရန်သူတို့ကို ရွပ်ရွပ်ချွံချွံတိုက်သောကြောင့် ရန်သူတို့မှာကြောက်လန့်ကုန်သည်။ ခုခံသူတို့မှာ သူတို့ကိုတိုက်သောအဖွဲ့၏အရေအတွက်ကိုပင်မသိပေ၊ ထို့ကြောင့် အခြေအနေပိုပြီး ရှုပ်ထွေးကုန်သည်။ "ကန်းနင်"(Gan Ning) ၏တပ်သည် မြင်သမျှရန်သူတို့ကို သုတ်သင်လေသည်။ မကြာမီတွင်ပင် တပ်စခန်းအားလုံးမှ ဗုံတို့တီးကာ အချက်ပေးလေသည်။ သို့သော် ထိုအချိန်တွင် လာတိုက်သောသူတို့မှာ ထွက်ခွာသွားခဲ့ပြီ။

"ကန်းနင်"(Gan Ning) သည် သူ၏တပ်ဖွဲ့အနည်းငယ်ဖြင့် တောင်ဘက်တံခါးပေါက်မှာထွက်လာသော်လည်း သူ့ကိုရပ်တန့်မည့်သူမရှိပေ။ ထို့ကြောင့် သူ၏စခန်းသို့ဦးတည်ကာ ပြန်လာခဲ့သည်။ လမ်းတွင် အကူအညီလိုအပ်ပါက ကူရန်ရောက်လာသော "ကျိုးထိုက်"(Zhou Tai) နှင့်တွေ့သည်။ သို့သော်လည်း သူ၏အကူအညီကို မလိုအပ်ခဲ့ပေ။ ခေါင်းဆောင်ဖြစ်သူနှင့်သူရဲကောင်းတစ်ရာတို့သည် အောင်မြင်စွာပြန်လာခဲ့လေသည်။

မြင်းတစ်ကောင်၊ လူတစ်ယောက်မှမသေခဲ့သောကြောင့် "ကန်းနင်"(Gan Ning) ၏စွမ်းဆောင်ချက်တို့သည် စခန်းသို့ပျံ့ခဲ့သည်။ သူဝင်လာသည်နှင့် ဗုံ၊ ပုလွေတို့တီးမှုတ်ကာ အော်ဟစ်ကြသည်။ "စွန်းချွမ်"(Sun Quan) ထွက်လာသောအခါ အကုန်လုံးမှ

"သက်တော်ရာကျော်ရှည်ပါစေ" ဟုဆိုသည်။

"ကန်းနင်"(Gan Ning) သည် မြင်းပေါ်မှဆင်းကာ အရိုအသေပြုသည်။ သခင်ဖြစ်သူကလည်း လက်နှစ်ဖက်ဖြင့်ဆွဲထူကာ

"ခင်ဗျားရဲ့တိုက်ခိုက်မှုက ရန်သူတွေကိုတုန်လှုပ်စေခဲ့တယ်။ ခင်ဗျားကိုဒါလုပ်ဆောင်ဖို့ခွင့်ပြုခဲ့တာဟာ ခင်ဗျားရဲ့သတ္တိကိုပြဖို့ဖြစ်ပြီး အလဟဿအသက်စွန့်ဖို့မဟုတ်ဘူး" ဟုပြောသည်။

ထို့နောက် "ကန်းနင်"(Gan Ning) အား ပိုးထည်တစ်ထောင်နှင့် ဓားကောင်းအချောင်းတစ်ရာတို့ကိုချီးမြင့်သည်။ ထိုအရာအားလုံးတို့ကို သူ၏တပ်သားတို့အား ပြန်မျှဝေခဲ့လေ၏။

"စွန်းချွမ်"(Sun Quan) သည် "ကန်းနင်"(Gan Ning) ၏လုပ်ရပ်ကို အင်မတန်မှဂုဏ်ယူလေ၏။

"ချောင်ချောင်း(Cao Cao) မှာ ကျန်းလျောင်(Zhang Liao) ရှိပေမယ့် ကျုပ်မှာလည်း သူ့ကိုယှဉ်နိုင်မယ့် ဒီကမိတ်ဆွေကြီး ကန်းနင်(Gan Ning) ရှိပါတယ်"

မကြာမီတွင်ပင် "ကျန်းလျောင်"(Zhang Liao) ရောက်လာကာ စိန်ခေါ်သည်။ "လင်ထုံ"(Ling Tong) သည် သူ၏ပြိုင်ဘက်ကျောသွားမည်ကိုမလိုလားသောကြောင့် သူ့ကိုထွက်ကာရင်ဆိုင်ခွင့်ပြုရန်တောင်းဆိုသည်။ ခွင့်ပြုမိန့်ရသောအခါ ရုရွှီမှတပ်သားငါးထောင်နှင့်ချီတက်သွားသည်။ "စွန်းချွမ်"(Sun Quan) နှင့် "ကန်းနင်"(Gan Ning) တို့သည် အခြေအနေကိုစောင့်ကြည့်နေသည်။

တပ်ဖွဲ့ကြီးတို့နှစ်ဦးနှစ်ဖက် မျက်နှာချင်းဆိုင်တွေ့ကြလေသည်။ "ကျန်းလျောင်"(Zhang Liao) ၏ဘေးတစ်ဖက်ဆီတွင် "လီတျန်"(Li Dian) နှင့် "ယွဲကျင့်"(Yue Jing) တို့ရှိသည်။ "လင်ထုံ"(Lin Tong) သည် ဓားကိုကိုင်ပြီးထွက်လာတိုက်သည်။ "ကျန်းလျောင်"(Zhang Liao) ၏အမိန့်ဖြင့် "ယွဲကျင့်"(Yue Jing) ထွက်လာပြီးရင်ဆိုင်လေသည်။ ထိုသူနှစ်ဦးသည် အတန်ကြာတိုက်ပြီးသော်လည်း အနိုင်အရှုံးမပေါ်ပေ။

ထိုတိုက်ပွဲအကြောင်းကိုကြားသော "ချောင်ချောင်း"(Cao Cao) သည် ထွက်လာပြီးမြင်ရသောတစ်နေရာမှ ကြည့်ရှုလေသည်။ နှစ်ဦးလုံးအပြင်းအထန်တိုက်နေသည်ကို မြင်သောအခါ မသမာသောနည်းကိုသုံးရန်စီစဉ်သည်။ သူသည် "ချောင်ရှို့"(Cao Xiu) ကိုခေါ်ပြီး "ကျန်းလျောင်"(Zhang Liao) ၏နောက်ကွယ်တွင်နေစေကာ တိတ်တဆိတ်မြားဖြင့်လှမ်းပစ်စေသည်။ ထိုမြားသည် "လင်ထုံ"(Ling Tong) ၏မြင်းကိုထိမှန်ပြီး မြင်းမှာရှေ့ခြေနှစ်ချောင်းကိုမြောက်လိုက်သောကြောင့် စီးသူကိုအောက်ပြုတ်ကျသွားစေသည်။ "ယွဲကျင့်"(Yue Jing) သည် ပြုတ်ကျသွားသောသူအား လှံဖြင့်ထိုးမည်ပြုရာတွင် မြားတစ်ချောင်းက "ယွဲကျင့်"(Yue Jing) ကို ထိမှန်သွားသည်။ နှစ်ဦးနှစ်ဖက်လုံးက ထိုစီးချင်းထိုးသည့်သူနှစ်ဦးအား ကယ်တင်ရန်ထွက်လာသည်။ မောင်းတို့ကိုတီးခတ်ပြီးနောက် တိုက်ခိုက်မှုကို ရပ်နားလိုက်သည်။ "လင်ထုံ"(Ling Tong) သည် စခန်းသို့ပြန်ကာ သူ၏သခင်အား အကြောင်းကြားသည်။

"စွန်းချွမ်"(Sun Quan) - "ခင်ဗျားကိုကယ်ခဲ့တဲ့မြားက ကန်းနင်(Gan Ning) ပစ်လိုက်တာ"

"လင်ထုံ"(Ling Tong) သည် သူ၏ပြိုင်ဘက်သို့လှည့်ကာ အရိုအသေပြုပြီး

"ခင်ဗျားက ကျွန်တော့ကို ကယ်တင်မယ်လို့မထင်မှတ်ခဲ့ဘူး"

၎င်းအဖြစ်အပျက်ကြောင့် ထိုသူနှစ်ဦးတို့သည် ပိုမိုရင်းနှီးခဲ့သည်။

တခြားတဖက်တွင်မူ "ချောင်ချောင်း"(Cao Cao) မှ "ယွဲကျင့်"(Yue Jing) ၏ဒဏ်ရာကို ကုသစေသည်။ နောက်ရက်တွင် တပ်ခွဲငါးခုဖြင့် ရုရွှီကိုတိုက်လေသည်။ သူကိုယ်တိုင်မှာမူ အလယ်တပ်ကိုဦးဆောင်ပြီး ဘယ်ဘက်တွင် "ကျန်းလျောင်"(Zhang Liao) နှင့်  "လီတျန်"(Li Dian) တို့ရှိကာ ညာဘက်တွင် "ရွှီဟွမ်"(Xu Huang) နှင့် "ဖန်တဲ"(Pang De) တို့ရှိလေသည်။ တပ်ခွဲတစ်ခုစီတွင် အင်အားတစ်သောင်းရှိပြီး မြစ်ကမ်းနားတွင်တိုက်ခိုက်ရန် ချီတက်သည်။

ထိုတပ်ဖွဲ့ကြီးချီတက်လာသောအခါ တောင်ပိုင်းပြည်နယ်၏ရေတပ်သားတို့သည် ကြောက်လန့်ကုန်သည်။ "ရွှီရှန်"(Xu Sheng) မှ

"ခင်ဗျားတို့က သခင်ကြီးပေးတဲ့အစာကိုစားတော့ သူ့တာဝန်ကိုထမ်းရမှာပေါ့။ ဘာကိုကြောက်စရာလိုတုန်း"

ထို့ကြောင့် တပ်သားရာဂဏန်းခန့်ကို လှေပေါ်သို့တက်စေပြီး မြစ်ကြောင်းတစ်လျှောက်သွားကာ ကမ်းသို့ကပ်ပြီး "လီတျန်"(Li Dian) ၏တပ်ဖွဲ့နှင့်ရင်ဆိုင်သည်။ ထိုအချိန်တွင် သင်္ဘောပေါ်မှ "တုံးရှီ"(Dong Xi) သည် ဗုံတို့ကိုတီးကာအားပေးနေသည်။ ထိုအချိန်တွင် မုန်တိုင်းကျရောက်ပြီး မြစ်ရေတို့သည် တောင်တစ်လုံးခန့်မြင့်တက်ခဲ့လေသည်။ သင်္ဘောကြီးတို့မှာ လှိုင်းတို့ပုတ်ခတ်ခံရသောကြောင့် မှောက်လုနီးနီးဖြစ်ကာ တပ်သားတို့ကြောက်ရွံ့ကြလေသည်။ ထိုအခါ တပ်သားတို့သည် ပိုမိုကြီးသော ကုန်တင်သင်္ဘောတို့ပေါ်သို့တက်ရန်ပြုသည်။ သို့သော်လည်း "တုံးရှီ"(Dong Xi) က ဓားကိုဆွဲကာ ထိုထွက်ပြေးရန်ပြုသောတပ်သားတစ်ဝက်ကို သတ်လိုက်သည်။

"ငါတို့က ရန်သူတွေကို ကာကွယ်ဖို့ဒီမှာစောင့်ကြပ်ရမှာ၊ ဒီနေရာကထွက်ပြီး တခြားကိုသွားလို့မရဘူး"

သို့သော်လည်း လေ ပိုမိုပြင်းထန်လာပြီး "တုန်းရှီ"(Dong Xi) သည်လည်း သူ၏လူတို့နှင့်အတူ သင်္ဘောပေါ်မှပြုတ်ကျပြီး ရေနစ်သွားသည်။

"ရွှီရှန်"(Xu Sheng) သည် "လီတျန်"(Li Dian) ၏တပ်ဖွဲ့ကိုထိုးဖောက်ကာ အပြင်းအထန်တိုက်လေသည်။ တိုက်ပွဲသံတို့ကိုကြားသော"ချန်ဝူ"(Chen Wu) သည် သူတို့တပ်ဖွဲ့တို့ဖြင့် မြစ်ကမ်းနားသို့ချီတက်လာသည်။ လမ်းတွင် "ဖန်တဲ"(Pang De) နှင့်ရင်ဆိုင်ကာ တိုက်ခိုက်ကြသည်။ "စွန်းချွမ်"(Sun Quan) သည်လည်း "ကျိုးထိုက်"(Zhou Tai) နှင့်အတူ တိုက်ပွဲအတွင်းသို့ဝင်လာသည်။

သင်္ဘောပေါ်မှဆင်းကာ "လီတျန်"(Li Dian) ကိုတိုက်ခဲ့သည့်အဖွဲ့မှာ ရန်သူတို့၏ဝန်းရံထားသည်ကိုခံရလေသည်။ ထို့ကြောင့် "စွန်းချွမ်"(Sun Quan) မှ ထိုသူတို့ကိုကယ်တင်ရန်အချက်ပြလိုက်သည်။ သို့သော်လည်း အဆင်မချောပဲ "စွန်းချွမ်"(Sun Quan) ကိုယ်တိုင်ပင် အဝိုင်းခံရကာ ဒုက္ခရောက်နေသည်။ ထိုအခြင်းအရာကို "ချောင်ချောင်း"(Cao Cao) မြင်လျှင် "ရွှီချူ"(Xu Chu) ကိုလွှတ်ပြီး ရန်သူတို့အချင်းချင်းမကူညီနိုင်ရန် အလယ်တွင်ပိတ်ထားစေသည်။

"ကျိုးထိုက်"(Zhou Tai) သည် ရန်သူတို့ကိုထိုးဖောက်ပြီး မြစ်ကမ်းနားသို့ရောက်လာသည်။ သို့သော်လည်း "စွန်းချွမ်"(Sun Quan) ၏အရိပ်အယောင်ကိုမမြင်သဖြင့် ရန်သူတို့ကို ဆက်လက်တိုက်ခိုက်သည်။

"သခင်ကြီးက ဘယ်မှာလဲ"

တပ်သားတို့သည် ရန်သူတို့အထူထပ်ဆုံးနေရာကို လက်ညှိုးညွှန်လေရာ "ကျိုးထိုက်"(Zhou Tai) မှာစိတ်ပူသွားပြီး ချက်ချင်းထွက်သွားသည်။

သူ့သခင်ကြီးနားသို့ရောက်သောအခါတွင် အော်ပြောလေသည်။

"သခင်ကြီး၊ ကျွန်တော့နောက်လိုက်ခဲ့ပါ၊ ကျွန်တော် လမ်းဖွင့်ပြီးသွားမယ်"

"ကျိုးထိုက်"(Zhou Tai) သည် ရန်သူတို့ကိုတိုက်ပြီး မြစ်ကမ်းသို့ရောက်လာပြန်သည်။ နောက်သို့လှည့်ကြည့်လိုက်သောအခါ  "စွန်းချွမ်"(Sun Quan) ပါမလာပေ။ ထို့ကြောင့် နောက်ပြန်လှည့်ပြီး ရန်သူ့ကြားသို့ဝင်ကာ "စွန်းချွမ်"(Sun Quan) နားသို့သွားရပြန်သည်။

"စွန်းချွမ်"(Sun Quan) မှ

"မြားတွေပစ်နေတော့ ကျုပ်ထွက်လို့မရဘူး"

"ဒါဆို ကျွန်တော်နောက်မှာနေပါ့မယ်။ သခင်ကြီးက ရှေ့ကသွားပါ"

"စွန်းချွမ်"(Sun Quan) သည် သူ၏မြင်းကို အလျင်အမြန်မောင်းနှင်သည်။ "ကျိုးထိုက်"(Zhou Tai) သည်လည်း နောက်မှလိုက်လာသောရန်သူတို့ကို ရင်ဆိုင်သည်။ "ကျိုးထိုက်"(Zhou Tai) သည် ဒဏ်ရာပေါင်းများစွာရပြီး သူ၏ခမောက်တွင် မြားများထိမှန်ခဲ့သည်။ နောက်ဆုံးတွင်  "စွန်းချွမ်"(Sun Quan) ကို ဘေးကင်းရာသို့ခေါ်လာနိုင်သည်။ မြစ်ကမ်းနားသို့ရောက်သောအခါ "လွီမန်"(Lu Meng) သည် ရေတပ်အချို့နှင့် ရောက်လာပြီး "စွန်းချွမ်"(Sun Quan) ကို သင်္ဘောပေါ်သို့ခေါ်ဆောင်သွားသည်။

"ငါ ကျိုးထိုက်(Zhou Tai) အပေါ် ငါ့ကိုကယ်ခဲ့တဲ့ကျေးဇူးတွေရှိတယ်၊ ငါ့ကိုသုံးကြိမ်သုံးခါတောင်ကယ်ခဲ့တာ"

"ဒါပေမယ့် ရွှီရှန်(Xu Sheng) ကိုရန်သူတွေဝိုင်းထားတုန်းပဲ၊ သူ့ကိုဘယ်လိုကယ်မလဲ"

"ကျိုးထိုက်"(Zhou Tai) မှ

"ကျွန်တော်သွားကယ်ပါ့မယ်" ဟုဆိုသည်။

"ကျိုးထိုက်"(Zhou Tai) သည် လှံကိုကိုင်ကာ ရန်သူ့ကြားသို့ဝင်ပြီး သူ၏လုပ်ဖော်ကိုင်ဖက်ကိုကယ်တင်ခဲ့လေသည်။ နှစ်ဦးလုံးမှာ ဒဏ်ရာအပြင်းအထန်ရခဲ့သည်။

"လွီမန်"(Lu Meng) သည် သင်္ဘောပေါ်မှ ရန်သူတို့အား မြားတို့ဖြင့်ပစ်စေသည်။ ထို့ကြောင့် ခေါင်းဆောင်နှစ်ဦးသည် သင်္ဘောပေါ်သို့တက်နိုင်ခဲ့သည်။

ထိုအချိန်တွင် "ချန်ဝူ"(Chen Wu) သည် "ဖန်တဲ"(Pang De) ၏တပ်နှင့်ရင်ဆိုင်နေသည်။ စစ်တပ်အင်အားနည်းသည့်အပြင် စစ်ကူလည်းရောက်မလာသောကြောင့် သစ်ပင်များကြားသို့ထွက်ပြေးရလေသည်။ သူသည်ထွက်ပြေးရန်ပြုသော်လည်း သစ်ကိုင်းနှင့်ညှိနေခဲ့သောကြောင့် "ဖန်တဲ"(Pang De) မှ လိုက်မှီလာပြီး သတ်လိုက်လေ၏။

"စွန်းချွမ်"(Sun Quan) ထွက်ပြေးသွားသည်ကိုမြင်သောအခါ "ချောင်ချောင်း"(Cao Cao) သည် မြင်းဖြင့်အလျင်အမြန်လိုက်သည်။ ထို့အပြင်ထွက်ပြေးသွားသောသူတို့အား မြားတို့ဖြင့် လှမ်းပစ်စေသည်။

ထိုအချိန်တွင် "လွီမန်"(Lu Meng) ၏သင်္ဘောတွင် မြားတို့ကုန်သွားပြီဖြစ်ပြီး စိတ်ပူပန်နေခဲ့သည်။ သို့သော် ထိုအချိန်တွင် "စွန်းချဲ့"(Sun Ce) ၏သားမက် "လုရွှင့်"(Lu Xun) သည် သင်္ဘောတပ်ကြီးကိုဦးဆောင်ကာရောက်လာသည်။ ထိုစစ်ကူရေတပ်သားတစ်သိန်းတို့သည်  "ချောင်ချောင်း"(Cao Cao) ၏တပ်ကိုတိုက်နိုင်ခဲ့သည်။ ထို့နောက် မြေပြင်သို့တက်ပြီးရန်သူ့နောက်ကို လိုက်လေသည်။ မြင်းထောင်ပေါင်းများစွာကိုဖမ်းစီးရပြီး ရန်သူပေါင်းများစွာကိုသုတ်သင်နိုင်ခဲ့သည်။ "ချောင်ချောင်း"(Cao Cao) ၏တပ်မှာ အရေးနိမ့်ပြီး ဆုတ်ခွာသွားသည်။ ထိုအချိန်တွင် "ချန်ဝူ"(Chen Wu) ၏အလောင်းကိုတွေ့လေ၏။

"ချန်ဝူ"(Chen Wu) မှာအသတ်ခံရပြီး "တုန်းရှီ"(Dong Xi) မှာရေနစ်သေဆုံးသွားကြောင်းသိသော "စွန်းချွမ်"(Sun Quan) သည် စိတ်မကောင်းဖြစ်ကာ ငိုလေသည်။ လူလွှတ်ပြီး "တုန်းရှီ"(Dong Xi) ၏အလောင်းကိုရှာဖွေစေရာ နောက်ဆုံးတွင် ရှာတွေ့ခဲ့လေသည်။ သေဆုံးသောစစ်သူကြီးနှစ်ဦးလုံးကို ကောင်းမွန်စွာ သင်္ဂြိုဟ်ခဲ့သည်။

"စွန်းချွမ်"(Sun Quan) ကိုကယ်တင်ခဲ့သော "ကျိုးထိုက်"(Zhou Tai) ၏စွမ်းဆောင်မှုကို ဂုဏ်ပြုရန်အတွက် စားသောက်ပွဲတည်ခင်းပြီး ထိုစားပွဲတွင် "စွန်းချွမ်"(Sun Quan) ကိုယ်တိုင် "ကျိုးထိုက်"(Zhou Tai) ကို အရက်ငှဲ့ပေးခဲ့ပြီး ပွေ့ဖက်ကာ ငို၏။

"ခင်ဗျား ကိုယ့်အသက်ကိုတောင် ပဓာနမထားပဲ ကျုပ်အသက်ကို နှစ်ကြိမ်နှစ်ခါတောင်ကယ်ခဲ့တယ်။ အဲ့ဒါကြောင့် ခင်ဗျားဒဏ်ရာတွေအများကြီးရသွားခဲ့တယ်။ အဲ့လိုလူမျိုးကိုကိုယ့်သွေးသားလိုသဘောမထားရင် ကျုပ်ကဘာဖြစ်သွားမလဲ? ခင်ဗျားလိုလူကို ကျုပ်တပ်ဖွဲ့ရဲ့အမှုထမ်းအနေနဲ့ပဲ ထားသင့်ပါ့မလား? ခင်ဗျားက ကျုပ်ရဲ့ဂုဏ်ထူးဆောင်ဝန်ကြီးပဲ။ ခင်ဗျားနဲ့ကျုပ်အတူတူ ပျော်ရွှင်ဝမ်းနည်းမှုတွေကို မျှဝေခံစားမယ်"

ထို့နောက် "ကျိုးထိုက်"(Zhou Tai) အားအဝတ်ကိုချွတ်စေကာ ဒဏ်ရာတို့ကို အခြားလူတို့အားပြစေ၏။ တစ်ကိုယ်လုံးတွင် ဓားဒဏ်ရာတို့ဖြင့် ပြည့်နေခဲ့သည်။ "စွန်းချွမ်"(Sun Quan) သည် ဒဏ်ရာတစ်ခုချင်းဆီကိုထောက်ပြကာ မည်သို့ဒဏ်ရာရခဲ့သည်ကိုမေးလေ၏။ "ကျိုးထိုက်"(Zhou Tai) ကလည်းဖြေလေသည်။ ဒဏ်ရာတစ်ခုစီတိုင်းအတွက် အရက်တစ်ခွက်တိုက်လေရာ နောက်ဆုံးတွင် "ကျိုးထိုက်"(Zhou Tai) မှာ အရက်မူးသွားခဲ့သည်။ ထို့နောက် အစိမ်းရောင်ပိုးထည်အဆင်တန်ဆာကိုလက်ဆောင်ပေးပြီး ၎င်းတန်ဆာမှာ "ကျိုးထိုက်"(Zhou Tai) ၏စွမ်းဆောင်မှု၏အမှတ်အသားဖြစ်ကြောင်းဆိုသည်။

လတစ်လကုန်သွားသည်အထိ တပ်ဖွဲ့ကြီးနှစ်ဖွဲ့တို့သည် ရုရွှီတွင်ရှိနေပြီး မည်သူမှ အသာမရပေ။ ထိုအခါ "ကျန်းကျောက်"(Zhang Zhao) နှင့် "ကူယုံ"(Gu Yong) တို့မှ

"ချောင်ချောင်း(Cao Cao) က အင်အားကြီးလွန်းတယ်။ သူတို့ကို အင်အားနဲ့ပဲပြန်တုံ့ပြန်လို့မဖြစ်သေးဘူး။ ဒီအတိုင်းသာဆက်သွားရင် စစ်သားတွေဆုံးရှုံးဖို့ပဲရှိမယ်။ ဒီတော့ ငြိမ်းချမ်းရေးယူသင့်ပါတယ်"

"စွန်းချွမ်"(Sun Quan) ကလက်ခံပြီး "ပုကျီ"(Bu Zhi) ကိုလွှတ်ကာ ငြိမ်းချမ်းရေးကမ်းလှမ်းစေသည်။ "ချောင်ချောင်း"(Cao Cao) သည်လည်း တောင်ပိုင်းပြည်နယ်ကိုအနိုင်ရရန် ခက်ခဲမည်ဟုတွေးကာ လက်ခံလိုက်သည်။

"ခင်ဗျားတို့နယ်စားက အရင် သူ့တပ်တွေကိုဆုတ်သွားမှ ကျုပ်လည်း ဆုတ်ပေးမယ်"

ထိုအကြောင်းကိုပြန်ပြောပြရာ "စွန်းချွမ်"(Sun Quan) သည် သူ၏တပ်သားအများစုတို့ကိုဆုတ်ခွာစေပြီး ရုရွှီကိုစောင့်ကြပ်ရန် "ကျိုးထိုက်"(Zhou Tai) နှင့် "ကျန်းချင်"(Jiang Qin) တို့ကိုချန်ရစ်ထားခဲ့သည်။

"ချောင်ရန်"(Cao Ren) နှင့် "ကျန်းလျောင်"(Zhang Liao) တို့ကို ဟဲဖေးတွင်ထားခဲ့ပြီး "ချောင်ချောင်း"(Cao Cao) လည်းမြို့တော် ရွှီချန်သို့ပြန်သွားလေ၏။

မြို့တော်သို့ရောက်သော် စစ်ဘက်ဆိုင်ရာအရာရှိနှင့်အုပ်ချုပ်ရေးအရာရှိတို့က "ချောင်ချောင်း"(Cao Cao) အား ဝေမင်းသားရာထူးကိုယူရန်တိုက်တွန်းကြသည်။ သို့သော် အတွင်းရေးအရာရှိ "ချွေ့ရန်"(Cui Yan) သည် ၎င်းကိုအပြင်းအထန်ကန့်ကွက်လေ၏။

"ခင်ဗျား ရွှင်ယွိ(Xun Yu) ဘယ်လိုသေသွားတယ်ဆိုတာမသိဘူးလား"

"ဒီအချိန်ဒီအခါမှာ ဒီလိုအလုပ်တွေလုပ်ကြတယ်! ခင်ဗျားတို့တွေက တိုင်းပြည်ကိုသစ္စာဖောက်နေတာပဲ။ ဒီထဲမှာ ကျုပ်တော့မပါချင်ဘူး"

ထိုအကြောင်းကို လူအချို့က "ချောင်ချောင်း"(Cao Cao) အားပြောလေရာ "ချွေ့ရန်"(Cui Yan) ကို အကျဉ်းချထားခဲ့လေ၏။ တရားရုံးတွင် "ချွေ့ရန်"(Cui Yan) သည် ကျားတစ်ကောင်ကဲ့သို့ရဲရင့်စွာကြည့်လေ၏။ ထို့အပြင် မုတ်ဆိတ်ကိုပွတ်သပ်ကာ မထီမဲ့မြင်သောအကြည့်ဖြင့်ကြည့်သည်။ "ချောင်ချောင်း"(Cao Cao) ကိုလည်း သစ္စာဖောက်၊ သူပုန်အဖြစ်ဆဲရေးတိုင်းထွာသည်။ တရားသူကြီးမှ ထိုအကြောင်းကို "ချောင်ချောင်း"(Cao Cao) အားတင်ပြရာ "ချွေ့ရန်"(Cui Yan) အား အကျဉ်းထောင်ထဲတွင်ပင် ကြိမ်ဒဏ်ပေးပြီးသတ်စေရန် အမိန့်ပေးလိုက်သည်။

ကျန်းအန်းနှစ် နှစ်ဆယ့်တစ်နှစ်မြောက် ( အေဒီ ၂၁၆) ငါးလပိုင်းတွင် မှူးကြီးမတ်ကြီးတို့သည် ပေလွှာတွင် လက်မှတ်များထိုးပြီး ရှန်ဧကရာဇ်ထံသွားကာ တောင်းဆိုကြသည်။

'ဝေနယ်စားဟာ သူ့အရှေ့ကလူတွေထက် အများကြီးစွမ်းဆောင်နိုင်ခဲ့တယ်။ ဒီကောင်းကင်အောက်၊ ဒီမြေကြီးပေါ်မှာ ယီယင်(Yi Yin) ရော၊ ကျိုးနယ်စား(Duke of Zhou) ရောပါ သူ့ကိုမယှဉ်နိုင်ဘူး။ ဒါကြောင့် သူ့ကို ဘုရင်ရာထူးပေးသင့်ပါတယ်'

၎င်းကိုခွင့်ပြုခဲ့ပြီး ဧကရာဇ်အမိန့်တော်ကို နာမည်ကြီး "ကျုံးယောင်"(Zhong Yao) က ရေးခဲ့လေသည်။

ထိုအမိန့်တော်ကို "ချောင်ချောင်း"(Cao Cao) သည် သုံးကြိမ်သုံးခါငြင်းပယ်ချင်ယောင်ဆောင်ပြီးမှ နောက်ဆုံးတွင်လက်ခံလိုက်သည်။ ထိုအခါ "ချောင်ချောင်း"(Cao Cao) သည် ဝေမင်းသားအမှတ်တံဆိပ်နှင့်လုပ်ပိုင်ခွင့်တို့ကိုရရှိပြီး ကြိုးတစ်ဆယ့်နှစ်ချောင်းပါသည့်သရဖူ၊ မြင်းခြောက်ကောင်ဆွဲသည့် ရွှေလှည်းယာဉ်တို့ကို ရရှိလေသည်။ ကောင်းကင်ဘုံ၏သားတော်ကဲ့သို့ သူ၏လှည်းယာဉ်ကို ခေါင်းလောင်းတို့တပ်ဆင်စေကာ သူဖြတ်သွားသည့်အချိန်တွင် လမ်းတို့ကိုရှင်းထားစေသည်။ ထို့အပြင် ရဲ့ကျွင်းတွင် နန်းတော်တစ်ခုတည်ဆောက်ခဲ့သည်။

ထို့နောက် သူ၏အရိုက်အရာဆက်ခံမည့်သူကို လျာထားရန်ပြင်သည်။ သူ၏ဇနီးကြီး တင်းအမျိုးသမီးတွင် သားသမီးရတနာ မထွန်းခဲ့ပေ။  ကျန်ဇနီးငယ် လျူအမျိုးသမီးတွင် "ချောင်အန်း"(Cao Ang) သားတစ်ယောက်ရှိပြီး ၎င်းမှာ "ကျန်းရှို့"(Zhang Xiu) နှင့်တိုက်သော ဝမ်ချန်စစ်ပွဲတွင် ကျသွားခဲ့သည်။ ကျန်ဇနီးဖြစ်သူ ပျန်းအမျိုးသမီးတွင် သားလေးဦးရှိပြီး ၎င်းတို့မှာ "ချောင်ဖီ"(Cao Pi) ၊ "ချောင်ကျန်း"(Cao Zhang) ၊ "ချောင်ကျီ"(Cao Zhi) နှင့် "ချောင်ရှုံ"(Cao Xiong) တို့ဖြစ်သည်။ ထို့ကြောင့် သူသည် ပျန်းအမျိုးသမီးကို ဝေမိဖုရားအရာမြှောက်ခဲ့သည်။

တတိယသား "ချောင်ကျီ"(Cao Zhi) မှာဉာဏ်ကောင်းပြီး ကဗျာ၊စာပေတို့တွင် ထူးချွန်သည်။ ထို့ကြောင့် သူ့အား အရိုက်အရာဆက်ခံစေချင်ခဲ့သည်။

ထိုအခါ အကြီးဆုံးဖြစ်သော "ချောင်ဖီ"(Cao Pi) သည် အကြံပေး "ကျာရွှီ"(Jia Xu) ထံချဉ်းကပ်ကာ တိုင်ပင်သည်။ "ကျာရွှီ"(Jia Xu) သည်လည်း ထိုသို့ထိုသို့လုပ်ရန်ပြောလိုက်သည်။ ထို့နောက် "ချောင်ချောင်း"(Cao Cao) စစ်ချီတက်သည့်အခါတိုင်း "ချောင်ဖီ"(Cao Pi) သည် ဝမ်းနည်းစွာငိုကာ နှုတ်ဆက်ပြီး "ချောင်ကျီ"(Cao Zhi) မှာမူ ကဗျာ၊စာပေတို့ဖြင့်မွေ့လျော်နေခဲ့သည်။ ထို့ကြောင့် လူအများတို့က "ချောင်ကျီ"(Cao Zhi) သည် ပညာထူးချွန်သော်လည်း "ချောင်ဖီ"(Cao Pi) လောက် မိဘကိုမသိတတ်ဟု မှတ်ချက်ပြုကြသည်။ ထို့အပြင် "ချောင်ဖီ"(Cao Pi) သည် သူ့အဖေ၏အခြွေအရံတို့ကို လာဘ်ထိုးထားပြီး သူ၏ကောင်းကြောင်းတို့ကို သူ၏ဖခင်ရှေ့တွင် ပြောစေ၏။ ထိုအခါ "ချောင်ချောင်း"(Cao Cao) ၏စိတ်ယိုင်လာခဲ့သည်။

အချိန်အကြာကြီးစဉ်းစားပြီးနောက်ဝယ် "ကျာရွှီ"(Jia Xu) ကိုခေါ်ကာ တိုင်ပင်သည်။

"ကျုပ်ရဲ့အရိုက်အရာအတွက် ဘယ်သူ့ကိုလျာထားရင် ကောင်းမလဲ"

"ကျာရွှီ"(Jia Xu) မှာ ဆိတ်ဆိတ်နေခဲ့သည်။ "ချောင်ချောင်း"(Cao Cao) က အဘယ်ကြောင့် ဆိတ်ဆိတ်နေသနည်းဟုမေး၏။ "ကျွန်တော်စိတ်ထဲမှာ တစ်ခုတွေးမိလို့ ချက်ချင်းပြန်မပြောနိုင်ဘူး"

"ဘာတွေးနေတာတုန်း"

"ဖခင်နှစ်ယောက်အကြောင်းကိုစဉ်းစားနေတာပါ၊ ယွမ်ရှောက်(Yuan Shao) နဲ့ လျူပြောင်း(Liu Biao) ရယ်၊ သူတို့သားတွေအကြောင်းပေါ့"

"ချောင်ချောင်း"(Cao Cao) သည် ရယ်မောကာ သူ၏သားအကြီးကို အရိုက်အရာဆက်ခံရန်လျာထားလိုက်လေ၏။

ထိုနှစ်ဆောင်းရာသီ ဆယ်လပိုင်းတွင် ဝေမင်းသားအတွက် အသစ်ဆောက်သောနန်းတော်ကြီးပြီးဆုံးသွားခဲ့သည်။ ပန်းခြံတို့တွင် ရှားပါးသော ပန်းများ၊ ထူးခြားသောသစ်ပင်တို့ဖြင့် အလှဆင်ထားသည်။ တောင်ပိုင်းပြည်နယ်သို့သံတမန်တစ်ဦးလွှတ်ပြီး "စွန်းချွမ်"(Sun Quan) နှင့်တွေ့စေကာ "ချောင်ချောင်း"(Cao Cao) သည် ဝင်ကျိုးမှလိမ္မော်သီးတို့ကိုအလိုရှိသဖြင့် သူ့ကိုလွှတ်လိုက်ကြောင်းပြောသည်။ ထိုအချိန်တွင် "စွန်းချွမ်"(Sun Quan) သည် "ချောင်ချောင်း"(Cao Cao) နှင့်ဆက်ဆံရေးကောင်းနေသဖြင့် သူ၏မြို့မှ လိမ္မော်သီးသတ္တာလေးဆယ်ကိုခူးစေကာ ရဲ့ကျွင်းသို့ပို့ပေးလိုက်သည်။

ထိုသယ်ဆောင်သူတို့သည် လမ်းခရီးတွင် ပင်ပန်းသောကြောင့် တောင်ကုန်း၏တောင်ခြေတွင် ခေတ္တအနားယူကြသည်။ ထိုအချိန်တွင် မျက်လုံးတစ်ဖက်လပ်ကာ ခြေတစ်ဖက်မသန်သည့်အပြင် အဖြူရောင်ခေါင်းဆောင်းဆောင်းထားပြီး အနက်ရောင်အဝတ်ဝတ်ဆင်ထားသော လူအိုတစ်ယောက်ရောက်လာသည်။ ထိုသူသည် အနားယူနေသည့်လူတို့ကို နှုတ်ဆက်ကာ စကားပြောသည်။

"အို၊ ခင်ဗျားတို့ဝန်ကလေးမနေဘူးလား? တာအိုဝါဒီကျွန်တော်လည်း ဝိုင်းကူပေးရင် မကောင်းဘူးလား"

သို့နှင့် နှစ်မိုင်ခန့်အကွာအဝေးအထိ ဝိုင်းသယ်ပေးလေသည်။ ပြီးနောက် ထိုဝန်တို့မှာ နဂိုကထက်ပိုပေါ့သွားသည်ကို သတိပြုမိသဖြင့် သံသယဖြစ်ကြသည်။ ထိုတာအိုပညာရှင်သည် ထွက်ခွာခါနီးတွင် ခေါင်းဆောင်ဖြစ်သူအား စကားသွားပြောသည်။

"ကျွန်တော်က ဝေမင်းသားနဲ့ တစ်ရွာတည်းသားတွေပါ။ ကျွန်တော့နာမည်က ကျော်ချီ(Zuo Ci) ပါ။ တာအိုပညာရှင်အသိုင်အဝိုင်းထဲမာတော့ 'ချိုနက်' လို့သိကြပါတယ်။ ခင်ဗျားတို့ခရီးဆုံးသွားရင် ခင်ဗျားတို့သခင်ကြီးကို ကျုပ်ကနှုတ်ဆက်တယ်လို့ပြောပေးပါဦး"

ထို့နောက် “ကျိုးချီ”(Zuo Ci)  လည်းထွက်သွားသည်။

ထိုသယ်ဆောင်သူတို့သည် နန်းတော်သစ်သို့ရောက်သောအခါ လိမ္မော်သီးတို့ကို "ချောင်ချောင်း"(Cao Cao) အားဆက်သသည်။ "ချောင်ချောင်း"(Cao Cao) သည် လိမ္မော်သီးတစ်လုံးကိုခွာလိုက်ရာ အသီးတွင် အပြင်ခွံသာရှိပြီး အတွင်းသားမရှိတော့သည်ကိုတွေ့သည်။ ထိုထူးဆန်းသောအဖြစ်အပျက်ကြောင့် သယ်ဆောင်လာသူတို့အား စစ်ဆေးရာ ထူးဆန်းသောတာအိုပညာရှင်နှင့်တွေ့ခဲ့ကြောင်းပြောသည်။ ထိုအချိန်တွင်ပင် တံခါးစောင့်မှ “ကျိုးချီ”(Zuo Ci)  ဟူသောတာအိုပညာရှင်ရောက်လာကြောင်းပြောသည်။

"သူ့ကို ဝင်ခွင့်ပြုလိုက်"

"သူက ကျွန်တော်တို့လမ်းမှာတွေ့တဲ့ တာအိုဝါဒီပဲ"

"ခင်ဗျား ဘာမှော်ပညာတွေသုံးပြီး ဒီအသီးကို ဒီလိုဖြစ်အောင်လုပ်လိုက်တာလဲ"

"အဲ့ဒါ ဖြစ်နိုင်ပါ့မလား"

ထို့နောက် သူသည် လိမ္မော်သီးတစ်လုံးကိုခွာလိုက်ရာ အတွင်းသားရှိပြီး အင်မတန်ချိုလေသည်။ သို့သော် "ချောင်ချောင်း"(Cao Cao) ခွာသည့်အခါဝယ် လိမ္မော်သီးမှာ အတွင်းသားမပါပေ။ "ချောင်ချောင်း"(Cao Cao) သည် အံ့ဩသွားပြီး ဧည့်သည်ကိုထိုင်စေသည်။ “ကျိုးချီ”(Zuo Ci)  မှ စားစရာတို့တောင်းရာ အရက်နှင့်အစားအသောက်တို့ကိုပြင်ဆင်စေသည်။ ထိုတာအိုပညာရှင်သည် သိုးတစ်ကောင်လုံးကိုစားပြီး အရက်ကိုသောက်လေ၏။ သို့သော်လည်း မူးသည့်ပုံမပေါ်ပေ။

"ခင်ဗျားက ဘာမှော်အစွမ်းနဲ့ဒီရောက်လာတာလဲ"

"ကျွန်တော်က ဆင်းရဲတဲ့တာအိုဝါဒီပါ။ ကျွန်တော် ရှူပြည်နယ်က ကျားလင်ကိုသွားပြီး အဲမေတောင်မှာ နှစ်ပေါင်းသုံးဆယ် တာအိုပညာကိုလေ့လာခဲ့တယ်။ တစ်နေ့မှာ ကျွန်တော့အခန်းရဲ့အုတ်နံရံက ကျွန်တော့နာမည်ကိုခေါ်သံကြားတယ်။ ကျွန်တော်ကြည့်တော့ ဘာမှမတွေ့ဘူး။ ဒုတိယနေ့မှာ ဒါပဲဆက်ဖြစ်ပြန်တယ်။ ရက်ပေါင်းများစွာ အဲ့လိုပဲဆက်တိုက်ဖြစ်နေခဲ့တယ်။ နောက်တော့ ရုတ်တရတ် မိုးခြိမ်းသံလိုကြားလိုက်ပြီး ကျောက်ကကွဲအက်သွားပြီးတော့ အတွဲသုံးတွဲပါတဲ့ စာအုပ်တစ်အုပ်ကိုတွေ့တယ်၊ အဲ့စာအုပ်က 'လျှို့ဝှက်ခြင်းလမ်းစဉ်' ဆိုတဲ့စာအုပ်ပဲ။ ပထမတွဲက 'ကောင်းကင်ကိုလျှို့ဝှက်ခြင်း' လို့ခေါ်ပြီး ဒုတိယတွဲက 'မြေကြီးကိုလျှို့ဝှက်ခြင်း' လို့ခေါ်တယ်။ တတိယတွဲကတော့ 'လူသားကို လျှို့ဝှက်ခြင်း' လို့ခေါ်တယ်။ ပထမတွဲကနေ ကျွန်တော် လေနဲ့အတူတိမ်ပေါ်တက်နိုင်ဖို့သင်ယူခဲ့တယ်။ ဒုတိယအတွဲကနေ တောင်နဲ့ကျောက်တွေကိုဖျက်စီးနိုင်ဖို့သင်ခဲ့ပြီး တတိယအတွဲကနေ ရေငွေ့လိုပင်လယ်ပေါ်မှာ လွင့်ပျံနိုင်ပြီး ကိုယ်ပျောက်နိုင်တဲ့အပြင် ဓား၊ ဓားမြောင်စတဲ့ အသွင်မျိုးစုံပြောင်းနိုင်ပြီး အဝေးကလူကိုတိုက်နိုင်တယ်။ အို၊ မင်းသား က အောင်မြင်မှုရဲ့အထွတ်အထိပ်ကိုရောက်ခဲ့ပြီပဲ။ ဒါတွေကိုစွန့်လွှတ်ပြီး ကျွန်တော့လိုတာအိုပညာကိုလေ့လာပါလား? အဲမေတောင်ကိုသွားပြီး ကျွန်တော်က ခင်ဗျားကို အဲ့စာအုပ်တွေပေးလို့ရတာပေါ့"

"ကျွန်တော် ဒါကိုတွေးပြီးပါပြီ။ ဒါပေမယ့် ဘာတတ်နိုင်မလဲ။ ဘယ်သူမှအုပ်ချုပ်ရေးကိုတာဝန်မယူနိုင်ဘူး"

"ယီကျိုးမှာ မင်းဆွေမင်းမျိုး လျူဘေ့(Liu Bei) ရှိတယ်လေ။ အုပ်ချုပ်မှုကို သူ့ကိုလွှဲလို့မရဘူးလား။ အဲ့လိုမလုပ်ရင်တော့ တစ်နေ့မှာ ကျုပ်ဓားပျံလွှတ်ပြီး ခင်ဗျားခေါင်းကိုယူရလိမ့်မယ်"

"ခင်ဗျားက သူ့ရဲ့သူလျှိုပဲ။ သူ့ကိုဖမ်းလိုက်စမ်း!!"

ထို့နောက် ရယ်နေသည့် “ကျိုးချီ”(Zuo Ci)  အားဖမ်းဆီးပြီး အကျဉ်းထောင်ထဲသို့ထည့်လိုက်သည်။ “ကျိုးချီ”(Zuo Ci)  ကို ကြိမ်ဒဏ်ပေးစေသည်။ သို့သော်လည်း ၎င်းမှာ မမှုပဲ စိမ်ပြေနပြေအိပ်နေလေ၏။ ထို့ကြောင့် "ချောင်ချောင်း"(Cao Cao) မှာဒေါသထွက်သွားပြီး သစ်သားလည်ပင်းစွပ်ကို ပြုလုပ်စေကာ “ကျိုးချီ”(Zuo Ci)  ကိုချည်နှောင်ထားစေသည်။ ထို့နောက် အစောင့်တို့ကိုလွှတ်ကာ စောင့်ထားစေ၏။ ထိုလည်ပင်းစွပ်နှင့်သံကြိုးတို့သည် အလိုလိုပြုတ်သွားသည်ကို တွေ့လေ၏။ တာအိုပညာရှင်မှာ လဲလျောင်းကာ အိပ်နေသည်။

ထိုတာအိုဝါဒီသည် အကျဉ်းထောင်အတွင်းဝယ် အစာမရှိ၊ရေမရှိပဲ ခုနစ်ရက်တိတိ နေခဲ့သည်။ သို့သော်လည်း ၎င်းမှာ ပင်ပန်းသည့်ပုံမပေါ်ပဲ မြေပေါ်တွင်ထိုင်နေသည်။ ထိုအကြောင်းကို "ချောင်ချောင်း"(Cao Cao) အားသတင်းပို့ရာ အကျဉ်းသားအား ရှေ့သို့ခေါ်လာစေ၏။

"ကျုပ်က အစာမစားပဲ နှစ်နဲ့ချီနေလို့ရတယ်။ ဒါပေမယ့် တစ်ရက်ထဲမှာ သိုးအကောင်တစ်ရာစားနိုင်တယ်"

"ချောင်ချောင်း"(Cao Cao) သည် မည်သို့မှမတတ်နိုင်ပေ။

နန်းတော်သစ်တွင် စားသောက်ပွဲတည်ခင်းသည့်နေ့တွင် ဧည့်သည်များရောက်လာသည်။ ထိုအချိန်တွင် အကျဉ်းချခံရသော တာအိုပညာရှင်ရောက်လာသည်။ သူသည် သစ်သားဖိနပ်ကိုစီးထားသည်။ လူအချို့မှာ အံ့အားသင့်ကုန်သည်။

"အို၊ မင်းသား၊ ဒီနေ့မှာ စားပွဲပေါ်မှာစားစရာရှိပြီး ဧည့်သည်တွေအများကြီးရှိတယ်။ ဒါ့အပြင် လောကက လှပပြီးရှားတဲ့အရာတွေကိုလည်း ပိုင်ဆိုင်ထားတယ်။ ခင်ဗျားမှာ မရှိတာဘာရှိလဲ? အဲ့ဟာကို ကျွန်တော်ယူဆောင်ပေးပါ့မယ်"

"ကျုပ် ဟင်းရည်တည်ဖို့ နဂါးအသည်းလိုချင်တယ်၊ ဒါကိုခင်ဗျားရနိုင်မလား"

"ဒါ ဘာများခက်ခက်လို့လဲ"

ထို့နောက် တာအိုပညာရှင်သည် နံရံတွင် နဂါးပုံဆွဲလိုက်သည်။ သူသည် အင်္ကျီစကိုလှုပ်ခါလိုက်ရာ နဂါး၏ဝမ်းဗိုက်မှာပွင့်သွားသည်။ ထိုအချိန်တွင် "ကျိုးချီ"(Zuo Ci) မှ အသည်းကိုလှမ်းယူလိုက်သည်။ ထိုအသည်းမှာ သွေးသံတရဲရဲရှိနေသေးသည်။

"ခင်ဗျားက အဲ့အသည်းကိုကြိုဖွက်ထားတာမဟုတ်လား"

"ဒါဆို ထပ်ဆန်းတာပေါ့။ အခုဆောင်းရာသီဆိုတော့ ပန်းပင်တွေက ညှိုးနွမ်းနေပြီ၊ မင်းသားက ဘယ်ပန်းကိုအလိုရှိပါသလဲ။ ကျွန်တော် ယူပေးပါမယ်"

"နှင်းဆီပန်းလိုချင်တယ်"

"လွယ်ပါတယ်"

ထို့နောက် ဧည့်သည်အများရှေ့တွင် ပန်းအိုးယူလာစေသည်။ တာအိုပညာရှင်သည် ရေတို့ပက်ဖြန်းလိုက်ရာ တခဏအတွင်းတွင် ပန်းနှစ်ပွင့်ရှိသောနှင်းဆီပန်းထွက်လာသည်။ ဧည့်သည်တို့မှာ အံ့ဩကုန်ပြီး ထိုတာအိုပညာရှင်ကိုထိုင်စရာနေရာပေးပြီး အစားအသောက်နှင့်အရက်ပေးလေသည်။

စားဖိုမှူးမှ ငါးဟင်းသယ်ဆောင်လာသည်။

"အကောင်းဆုံးက စုန့်မြစ်ကငါးပဲ"

"မိုင်ငါးရာဝေးတဲ့နေရာက ငါးကိုဘယ်လိုယူမလဲ"

"မခက်ပါဘူး။ လူတစ်ယောက်ကို ငါးမျှားတံပြင်ခိုင်းပြီး ဒီခန်းမဆောင်ရဲ့အပြင်က ရေကန်မှာငါးမျှားခိုင်းပါ"

ထိုအတိုင်းလုပ်ရာ မကြာမီတွင်ပင် ငါးများလှေကားထစ်ပေါ်တွင်ရောက်လာသည်။

"ကျုပ်က နဂိုကတည်းက ဒီမှာငါးတွေထည့်ထားတာ"

"အို၊ မင်းသား၊ မုသားမပြောပါနဲ့။ ငါးတွေက ပါးဟပ်နှစ်ခုပဲရှိတယ်၊ ဒါပေမယ့် စုန့်မြစ်ကငါးတွေကတော့ ပါးဟပ်လေးခုရှိတယ်"

ထိုငါးတို့ကိုစစ်ဆေးကြည့်ရာ ငါးတို့တွင် ပါးဟပ်လေးခုရှိသည်ကိုတွေ့သည်။

"ဒါကိုချက်ဖို့ ခရမ်းရောင်ချင်းလိုအပ်တယ်"

"ဒါကို ခင်ဗျားရယူနိုင်မလား"

"လွယ်ပါတယ်"

ထို့နောက် "ကျိုးချီ"(Zuo Ci) သည် ငွေရောင်ပန်းကန်လုံးကိုယူကာ ရေထည့်လိုက်သည်။ မကြာမီတွင်ပင် ပန်းကန်လုံးထဲတွင် ချင်းတို့ပြည့်သွားပြီး ၎င်းကို "ချောင်ချောင်း"(Cao Cao) အားပေးလိုက်သည်။ "ချောင်ချောင်း"(Cao Cao) သည် ထိုချင်းကိုကိုင်လိုက်ရာ ထိုချင်းသည် စာအုပ်တစ်အုပ်အဖြစ်ပြောင်းသွားသည်။ ထိုစာအုပ်မှာ "ချောင်ချောင်း"(Cao Cao) ရေးသားသည့်စစ်ဗျူဟာကျမ်းဖြစ်သည်။ ထိုစာအုပ်ကိုဖတ်ကြည့်ရာ စာလုံးတစ်လုံးမှ မလွဲပေ။

"ချောင်ချောင်း"(Cao Cao) သည် အံ့အားသင့်သွားသည်။ "ကျိုးချီ"(Zuo Ci) သည် အရက်ခွက်ကိုငဲ့ပြီး "ချောင်ချောင်း"(Cao Cao) အားတိုက်သည်။

"အို၊ မင်းသား၊ ဒါကိုသောက်ရင် နှစ်တစ်ထောင်နေနိုင်မယ်"

"ခင်ဗျားပဲ အရင်သောက်ပါ"

ထိုတာအိုပညာရှင်သည် သူ၏ဆံပင်မှ ကျောက်စိမ်းဆံထိုးကိုထုတ်ကာ ၎င်းကိုအသုံးချပြီး အရက်ကိုနှစ်ခြမ်းခြမ်းသည့်ပုံပြုသည်။ ထိုအရက်မှ တစ်ခြမ်းကိုသာသောက်ပြီး ကျန်တစ်ခြမ်းကို "ချောင်ချောင်း"(Cao Cao) အားပေးလိုက်သည်။ သို့သော် "ချောင်ချောင်း"(Cao Cao) မှာမသောက်ပေ။ အရက်ခွက်ကိုမြောက်ပြီးပစ်လိုက်ရာ ခိုဖြူအဖြစ်ပြောင်းသွားပြီး ပျံသွားလေသည်။ ထိုအချိန်တွင်ပင် တာအိုပညာရှင်လည်း ပျောက်သွားသည်။ တံခါးစောင့်မှ ထိုတာအိုပညာရှင်ထွက်သွားကြောင်းပြောသည်။

"ဒီလိုမှော်ပညာရှင်မျိုးကို သေဒဏ်ပေးရမယ်၊ ဒါမှမဟုတ်ရင် မကောင်းမှုတွေလုပ်လိမ့်မယ်"

"ရွှီချူ"(Xu Chu) နှင့် လူအယောက်သုံးရာတို့သည် တာအိုပညာရှင်ကိုဖမ်းရန် နောက်မှလိုက်လေသည်။ သူတို့သည် မြင်းနှင့်လိုက်သော်လည်း လိုက်မမှီပေ။ တောင်ကုန်းနားသို့ရောက်သောအခါ သိုးကျောင်းသားတစ်ဦးသည် သိုးများစွာကိုကျောင်းနေသည်ကိုတွေ့သည်။ ထိုနေရာတွင်ပင် "ကျိုးချီ"(Zuo Ci) ပျောက်သွားသည်။ ထိုအခါ ဒေါသထွက်သော "ရွှီချူ"(Xu Chu) သည် သိုးများကိုသတ်လိုက်လေ၏။ သိုးကျောင်းသားမှာ ဝမ်းနည်းစွာငိုလေသည်။

ထိုအချိန်တွင် ခေါင်းပြတ်နေသောသိုးမှ ရုတ်သရတ် ခေါင်းကို ခန္ဓာတွင်သွားဆက်ရန်ပြောသည်။ ထိုအခါ သိုးကျောင်းသားမှာကြောက်လန့်ပြီး မျက်နှာကိုအုပ်ကာ ထွက်ပြေးသွားသည်။ ထိုအချိန်တွင် သူ၏နောက်မှ အသံကြားလိုက်သည်။

"မကြောက်ပါနဲ့။ မင်းသိုးတွေကိုပြန်ရလိမ့်မယ်"

သိုးကျောင်းသား နောက်လှည့်ကြည့်လိုက်သောအခါ သိုးတို့သည် အသက်ပြန်ရှင်နေသည်ကိုတွေ့ပြီး "ကျိုးချီ"(Zuo Ci) ကိုလည်း တွေ့သည်။ သိုးကျောင်းသားက "ကျိုးချီ"(Zuo Ci) ကိုမေးသော်လည်း ဘာမှပြန်မပြောပေ။ "ကျိုးချီ"(Zuo Ci) သည် ရုတ်တရတ် ပျောက်သွားလေသည်။

သိုးကျောင်းသားသည် အိမ်သို့ပြန်ပြီးနောက် ဖြစ်ကြောင်းကုန်စင်ကို သူ၏သခင်အားပြောသည်။ ထိုသခင်ဖြစ်သူမှာ နှုတ်မလုံသဖြင့် နောက်ဆုံးတွင် "ချောင်ချောင်း"(Cao Cao) နားထိပေါက်ကြားသွားသည်။ ထိုတာအိုပညာရှင်၏ပုံတို့ကို နေရာအနှံ့တွင် ချိတ်ထားစေပြီး ဖမ်းဝရမ်းထုတ်လိုက်လေသည်။

သုံးရက်ကြာသောအခါ မျက်လုံးတစ်ဖက်လပ်ကာ ခြေတစ်ဖက်မသန်သည့် အဖြူရောင်ခေါင်းဆောင်းဆောင်းထားပြီး အနက်ရောင်အဝတ်ဝတ်ဆင်ကာ သစ်သားဖိနပ်စီးထားသောလူ အယောက် သုံးလေးရာခန့်ကိုဖမ်းမိသည်။ ထိုသူတို့၏ပုံသဏ္ဍာန်မှာလည်း "ကျိုးချီ"(Zuo Ci) နှင့်ဆင်တူပင်ဖြစ်သည်။ လမ်းပေါ်တွင် အရှုပ်အထွေးများဖြစ်ကုန်သည်။ "ချောင်ချောင်း"(Cao Cao) သည် မှော်ပညာကိုဖျောက်ရန် ထိုသူတို့ကို ဝက်သွေး၊ဆိတ်သွေးတို့ဖြင့်ဖြန်းပက်စေပြီး မြို့၏တောင်ဘက်ကိုခေါ်သွားစေသည်။ ထိုသူတို့ကိုခေါင်းဖြတ်သတ်လိုက်သောအခါ အမည်းရောင်အခိုးအငွေ့တို့ထွက်လာပြီး ကောင်းကင်ပေါ်တက်သွားသည်။ ထိုအငွေ့များမှ "ကျိုးချီ"(Zuo Ci) အဖြစ်ပြောင်းသွားပြီး လေပေါ်တွင်ကြိုးကြာစီးထားသည်။ ထိုသူမှ လတ်ခုပ်လက်ဝါးတီးလိုက်ပြီး

"မြေကြီးကကြွက်တွေက ရွှေကျားနောက်ကိုလိုက်တယ်။ မနက်မှာ မကောင်းမှုလုပ်တဲ့လူ မရှိတော့ဘူး"

တပ်သားတို့သည် မြားတို့ဖြင့်လှမ်းပစ်ကြလေသည်။ ထိုအချိန်တွင် ပြင်းထန်သောမုန်တိုင်းတိုက်ပြီး ကျောက်တုံးများ၊ သဲများ ပျံလွင့်ကုန်သည်။ မြေပြင်ပေါ်တွင်လဲကျနေသောအလောင်းများသည် ခေါင်းကိုကိုင်လျက် "ချောင်ချောင်း"(Cao Cao) နားကိုချဉ်းကပ်ပြီး တိုက်ခိုက်ရန်ပြုသည်။ အမှုထမ်းတို့သည် ကြောက်ရွံ့ပြီး မျက်လုံးများကိုအုပ်ထားလေသည်။