သုံးနိုင်ငံခေတ်(၁၁၁)

အခန်း(၁၁၁) "တန့်အိုက်"(Deng Ai) မှ "ကျန်းဝေ"(Jiang Wei) ကို တစ်ပတ်ရိုက်ခဲ့ခြင်း။

"ကျူးကဲတန့်"(Zhuge Dan) သည် "စီးမာကျောင်း"(Sima Zhao) ကိုပုန်ကန်ခဲ့သည်။

"ကျန်းဝေ"(Jiang Wei) သည် ကျုံးထီတွင်စခန်းချထားခဲ့ပြီး ဝေတပ်ကြီးသည် တိတောက်အပြင်ဘက်တွင် စခန်းချထားသည်။ "ဝမ်ကျင်း"(Wang Jing) သည် "ချန်ထိုက်"(Chen Tai) နှင့် "တန့်အိုက်"(Deng Ai) တို့ကိုကြိုဆိုခဲ့ပြီး ရန်သူတို့ဆုတ်ခွာသွားခြင်းကိုအောင်ပွဲခံရန် စားသောက်ပွဲတည်ခင်းစေကာ တပ်သားတို့ကိုဆုလာဘ်များပေးခဲ့သည်။ ထို့နောက် "ချန်ထိုက်"(Chen Tai) မှ ဝေဧကရာဇ် "ချောင်မောင်"(Cao Mao) ထံသို့ "တန့်အိုက်"(Deng Ai) ၏လုပ်ဆောင်မှုများကိုတင်ပြခဲ့သောကြောင့် "တန့်အိုက်"(Deng Ai) သည် အနောက်ဘက်ကိုအေးချမ်းစေသောစစ်သူကြီးဖြစ်လာခဲ့သည်။ "ချန်ထိုက်"(Chen Tai) နှင့် "တန့်အိုက်"(Deng Ai) တို့သည် သူတို့တပ်များကို ယုံကျိုး၊ ရှီးကျိုးပတ်လည်တို့တွင် နေရာချထားသည်။

"တန့်အိုက်"(Deng Ai) သည် ဧကရာဇ်အား ကျေးဇူးတင်ပြီးနောက် "ချန်ထိုက်"(Chen Tai) မှ ဂုဏ်ပြုစားသောက်ပွဲကျင်းပပေးခဲ့သည်။

"ကျန်းဝေ(Jiang Wei) က ရှုံးနိမ့်သွားတော့ ညအချိန်မှာထွက်သွားခဲ့တယ်။ သူဘယ်တော့မှ ပြန်လာရဲမှာမဟုတ်ဘူး"

"တန့်အိုက်"(Deng Ai) မှပြုံးပြီး

"သူပြန်လာပါလိမ့်မယ်။ သူပြန်လာရတဲ့အကြောင်းငါးမျိုးရှိတယ်"

"ဘာတွေပါလိမ့်"

"ပထမအချက်က ရှူတပ်သားတွေဟာ ပြန်ဆုတ်ခွာသွားပေမယ့် သူတို့ရဲ့အောင်နိုင်မှုအတွက် သူတို့ကိုယ်သူတို့ယုံကြည်မှုရှိနေပြီး ကျုပ်တို့တပ်တွေကတော့ အင်အားနည်းပြီး စိတ်ပျက်နေကြတယ်။ ဒုတိယက ရှူတပ်တွေဟာ ကျူးကဲလျန့်(Zhuge Liang) ရဲ့အရှိန်အဝါနဲ့သူ့လေ့ကျင့်ပေးမှုတွေကြောင့် အလွယ်တကူချီတက်နိုင်ကြတယ်။ ကျုပ်တို့စစ်သူကြီးတွေကတော့ တာဝန်ထမ်းဆောင်တဲ့အချိန်တွေမတူကြပဲ တပ်တွေကိုလေ့ကျင့်ထားပုံလည်း မတူဘူး။ တတိယကတော့ ရှူတပ်သားတွေက သွားလာဖို့ကိုသင်္ဘောတွေသုံးလေ့ရှိပေမယ့် ကျုပ်တို့က ကုန်းကြောင်းအတိုင်းသွားလာရတယ်။ ဒါကြောင့် သူတို့တပ်သားတွေက အေးအေးလူလူဖြစ်နေပေမယ့် ကျုပ်တို့တပ်တွေက အဝေးကြီးကချီတက်လာတော့ နွမ်းနေကြတယ်။ စတုတ္ထအချက်ကတော့ တိတောက်၊ လုံရှီး၊ နန်အန်းနဲ့ ချီစန်းတို့ဟာ ခုခံရလွယ်ကူတာကြောင့် စစ်မြေပြင်အဖြစ်ရွေးချယ်ဖို့သင့်တော်တယ်။ အဲ့လိုသာဆို ရှူတပ်တွေက သူတို့လုပ်ချင်တာကိုဖုံးကွယ်ထားနိုင်ပြီး သင့်တော်တဲ့အချိန်မှာ တိုက်နိုင်တယ်။ ကျုပ်တို့ကတော့ နေရာအနှံ့မှာ စခန်းချထားရမှာဖြစ်လို့ တပ်တွေကိုခွဲထားရမှာဖြစ်တယ်။ သူတို့တွေ တစုတစည်းတည်းလာတိုက်ရင် ကျုပ်တို့တပ်ရဲ့တစိတ်တဒေသကိုပဲရင်ဆိုင်ရမှာ။ ပဉ္စမအချက်ကတော့ သူတို့တွေ လုံရှီး၊ နန်အန်းဘက်ကလာမယ်ဆိုရင် ချန်းမျိုးနွယ်စုတွေရဲ့ရိက္ခာတွေကို ရနိုင်တယ်။ ချီစန်းကိုရွေးရင်တော့ အဲ့မှာ ဂျုံတွေရှိတယ်။ ဒီအချက်ငါးချက်ကြောင့် သူတို့တွေ နောက်ထပ်စစ်ချီလာမှာဖြစ်တယ်"

"ချန်ထိုက်"(Chen Tai) သည် သူ့လုပ်ဖော်ကိုင်ဖက်၏အမြင်ကြောင့် အံ့အားသင့်သွားသည်။

"ခင်ဗျားရဲ့ထိုးထွင်းမြင်နိုင်စွမ်းက အံ့မခန်းပါပဲ။ ရန်သူတွေအောင်မြင်မှာကို စိတ်ပူစရာမလိုတော့ဘူး"

ခေါင်းဆောင်နှစ်ဦးတို့သည် အသက်အရွယ်ကွာခြားသော်လည်း အရင်းနှီးဆုံးမိတ်ဆွေများဖြစ်ခဲ့ကြသည်။ "တန့်အိုက်"(Deng Ai) သည် အချိန်ပေးကာ တပ်သားတို့ကိုစစ်ရေးလေ့ကျင့်စေခဲ့ပြီး လျပ်တပြက်တိုက်နိုင်မည့်နေရာတို့တွင် တပ်စွဲထားစေသည်။

ကျုံးထီတွင်လည်း စားသောက်ပွဲများကျင်းပနေကြပြီး ဝေပြည်ကိုတိုက်ခိုက်ရန် တိုင်ပင်ခဲ့ကြသည်။ သို့သော် "ဖန်ကျန်း"(Fan Jian) မှကန့်ကွက်ခဲ့၏။

"စစ်သူကြီးရဲ့စစ်ဆင်ရေးတွေက အကြိမ်ပေါင်းများစွာ အောင်မြင်မှုရသင့်သလောက်မရခဲ့ဘူး။ ရန်သူတွေကို အကြွင်းမဲ့မအောင်နိုင်ဘူး။ ဒါပေမယ့် ယောင်းမြစ်မှာတော့ အောင်နိုင်ခဲ့ပြီး အစွမ်းပြနိုင်ခဲ့တယ်။ ဘာကြောင့် နောက်တစ်ခါထပ်တိုက်ဦးမှာလဲ? အောင်မြင်မှုရာနှုန်းနည်းနည်းပဲရှိပြီး ရှုံးသွားရင် အားလုံးကိုစွန့်လွှတ်လိုက်ရမှာဖြစ်တယ်"

"ကျန်းဝေ"(Jiang Wei) မှ

"ခင်ဗျားက ဝေပြည်ရဲ့ကြီးကျယ်မှု၊ လူဦးရေထူထပ်မှုနဲ့ အောင်မြင်ဖို့ကြာမြင့်ချိန်ကိုပဲမြင်ပြီး စစ်အောင်နိုင်မယ့်အကြောင်းအရင်းငါးချက်ကိုမမြင်ဘူး"

အားလုံးတို့က ထိုအကြောင်းအရင်းတို့ကိုမေးကြသည်။

"ပထမဆုံးကတော့ ယောင်းမြစ်မှာ ဝေတပ်တွေအထိနာသွားကြပြီး ကျုပ်တို့ကဆုတ်ခွာခဲ့ရပေမယ့် ဆုံးရှုံးမှုတွေမရှိခဲ့ဘူး။ ကျုပ်တို့တိုက်မယ်ဆို အောင်မြင်မှာပဲ။ ဒုတိယအချက်က ကျုပ်တို့က သွားလာဖို့ကိုသွားလာဖို့ကိုသင်္ဘောတွေသုံးပြီး သူတို့ကတော့ ကုန်းကြောင်းအတိုင်း ချီတက်လာရတာဖြစ်တယ်။ တတိယကတော့ ကျုပ်တို့တပ်တွေက လေ့ကျင့်ထားတာဖြစ်ပြီး ဝေတပ်သားတွေက လိုအပ်မှ စစ်ထဲဝင်ဖို့ဆွဲခေါ်ခံရသူတွေဖြစ်တယ်။ အဲ့လိုလူတွေက ကျီးကန်းတွေလိုပဲ စည်းကမ်းတကျရှိမှာမဟုတ်ဘူး။ စတုတ္ထအချက်ကတော့ ကျုပ်တို့က ချီစန်းကသွားရင် ဆောင်းဦးရာသီမှာပေါ်တဲ့ဂျုံတွေရှိတယ်။ နောက်ဆုံးအချက်ကတော့ သူတို့တွေဟာ နေရာအနှံ့မှာ စခန်းချထားရမှာဖြစ်ပြီး ကျုပ်တို့က တစုတစည်းတည်းနဲ့ကြိုက်တဲ့နေရာကိုတိုက်နိုင်မှာဖြစ်တယ်။ သူတို့တွေက စစ်ကူခေါ်ဖို့လည်း ခက်ခဲတယ်။ ဒီအခွင့်အရေးကိုဆုံးရှုံးလိုက်ရင် ဒီထက်ကောင်းတဲ့အခွင့်ကောင်းပေါ်လာပါဦးမလား"

"ရှဟိုပါ့"(Xiahou Ba) မှ

"တန့်အိုက်(Deng Ai) က အသက်ငယ်ပေမယ့် နက်နဲပြီးပရိယာယ်ကြွယ်သူဖြစ်တယ်။ သူက အနောက်ဘက်ကိုအေးချမ်းစေသောစစ်သူကြီးဆိုတဲ့တာဝန်အောက်က နယ်ပယ်တွေကိုထိန်းသိမ်းဖို့ပြင်ဆင်ထားမှာပဲ။ အရင်တစ်ခါကလို အလွယ်တကူ အနိုင်ရမှာမဟုတ်ဘူး"

"ကျန်းဝေ"(Jiang Wei) မှ ဒေါသတကြီးဖြင့်

"ကျုပ်က ဘာလို့သူ့ကိုကြောက်ရမှာလဲ? ခင်ဗျားက ရန်သူကိုချီးမွမ်းပြီးတော့ ကျုပ်တို့တပ်သားတွေရဲ့အစွမ်းအစကို အထင်မသေးသင့်ဘူး။ ဘာပဲဖြစ်ဖြစ် ကျုပ် လုံရှီးကိုသိမ်းဖို့ ဆုံးဖြတ်ပြီးပြီ"

မည်သူမျှ ဆက်ပြီး မကန့်ကွက်ရဲကြတော့ပေ။ "ကျန်းဝေ"(Jiang Wei) သည် တပ်ဦးကိုတာဝန်ယူပြီး ကျန်သူများသည် အနောက်မှ ချီတက်ခဲ့ကြသည်။ ထို့ကြောင့် ရှူတပ်တို့သည် ကျုံးထီမှ ချီစန်းသို့ထွက်ခွာလာခဲ့သည်။

ချီစန်းသို့မရောက်ခင် တောင်ကုန်းတို့ကို ဝေတပ်များက သိမ်းထားကြောင်း သတင်းရရှိခဲ့သည်။ "ကျန်းဝေ"(Jiang Wei) မှ ထွက်ပြီး ကြည့်ရှုရာ ဝေတပ်စခန်းကိုးခုသည် ကြီးမားသောမြွေသဏ္ဍာန် တပ်စွဲထားသည်ကိုမြင်ရသည်။ ထိုသို့တပ်ချထားခြင်းမှာ စခန်းတစ်ခုကို တစ်ခု အလွယ်တကူ ပံ့ပိုးနိုင်ရန်ဖြစ်သည်။

"ရှဟိုပါ့(Xiahou Ba) ပြောတာမှန်တယ်။ ဒီစခန်းတွေချထားတာဟာ ကောင်းလွန်းတော့ ကျူးကဲလျန့်(Zhuge Liang) လိုလူမျိုးမှသာ လုပ်နိုင်မှာ"

သူသည် စခန်းသို့ပြန်သွားကာ အမှုထမ်းတို့ကိုပြောခဲ့သည်။

"ကျုပ်တို့တွေချီတက်လာတာကို သူတို့သိမှာပဲ။ တန့်အိုက်(Deng Ai) လည်း ဒီရောက်နေတယ်နဲ့တူတယ်။ အခု ဒီစခန်းကနေ နေ့တိုင်း ကျုပ်ရဲ့အောင်လံတော်ကိုသုံးပြီး ကင်းထောက်တွေ စေလွှတ်ပါ။ ဒါပေမယ့် အဖြူ၊ အနီ၊ အဝါ၊ အပြာ၊ အမည်း စတဲ့အရောင်တွေနဲ့အလံတွေ၊ ဝတ်စုံတွေပြောင်းပြီး သွားပါစေ။ ခင်ဗျားတို့က သူတို့အာရုံကိုရထားတဲ့အချိန်မှာ ကျုပ်က တုန်းထင်ကနေတဆင့် နန်အန်းကိုတိုက်မယ်"

"ပေါင်စူး"(Bao Su) ကို ချီစန်းတောင်ခြေသို့စေလွှတ်ခဲ့ပြီး ပင်မတပ်ကြီးသည် စစ်ချီတက်သွားလေသည်။ ရန်သူတို့သည် ချီစန်းသို့ရောက်လာကြောင်း သိသည်နှင့် "တန့်အိုက်"(Deng Ai) မှ သူ၏လုပ်ဖော်ကိုင်ဖက် "ချန်ထိုက်"(Chen Tai) နှင့်အတူ စခန်းချထားခဲ့သည်။ ရက်ပေါင်းများစွာကြာခဲ့သော်လည်း ရန်သူတို့သည် ထိပါးလာခြင်းမရှိပေ။ ထို့ကြောင့် သူလျှိုများလွှတ်ပြီး ရှူတပ်တို့မည်သည့်နေရာတွင် ပုန်းနေကြောင်း စုံစမ်းစေသော်လည်း ရှာမတွေ့ပေ။ ထို့ကြောင့် "တန့်အိုက်"(Deng Ai) သည် တောင်ထွတ်တစ်ခုပေါ်တက်ကာ ကြည့်ရှုခဲ့သည်။

ပြီးနောက် သူ ကောက်ချက်ချလိုက်သည်။

"ကျန်းဝေ(Jiang Wei) က ဒီစခန်းမှာမရှိဘူး။ သူ နန်အန်းကိုသိမ်းဖို့ထွက်သွားပြီ။ ဒီရှူစခန်းထဲက တပ်သားတွေက နေ့တိုင်းဝတ်စုံပြောင်းပြီး ကျုပ်တို့ကိုလှည့်စားနေခဲ့တာ။ ရက်အတော်ကြာအောင် သွားနေခဲ့တာကြောင့် မြင်းတွေလည်း ပင်ပန်းနေပြီး သူတို့ခေါင်းဆောင်တွေလည်း ထူးချွန်သူတွေမဟုတ်ဘူး။ ဒါကြောင့် ဒီနေရာကိုတိုက်ခိုက်သင့်တယ်။ အောင်မြင်ခဲ့ရင် တုန်းထင်လမ်းကိုသိမ်းနိုင်မှာဖြစ်ပြီး ကျန်းဝေ(Jiang Wei) က ဆုတ်ခွာလို့ရမှာမဟုတ်ဘူး။ ကျွန်တော်က နန်အန်းကိုသွားပြီး စစ်ကူပေးမယ်။ ကျွန်တော်က ဝူချန်တောင်ကိုသွားပြီး အဲ့ဒါကိုသိမ်းနိုင်မယ်ဆိုရင် ရန်သူတွေက စန်းကွေ့ကိုသိမ်းဖို့လုပ်မှာပဲ။ အဲ့နားမှာ မတ်စောက်ကျဉ်းမြောင်းတဲ့တောင်ကြားရှိတယ်။ အဲ့နေရာဟာ ကင်းပုန်းဝပ်ထားဖို့ နေရာကောင်းပဲ။ ကျွန်တော်က အဲ့မှာနေပြီး ကျန်းဝေ(Jiang Wei) ဝူချန်တောင်ကိုသိမ်းမယ့်အချိန်ကိုစောင့်နေမယ်"

"ချန်ထိုက်"(Chen Tai) : "ကျုပ် ဒီမှာ နှစ်နှစ်ဆယ်နေခဲ့ပေမယ့် အဲ့နေရာက စစ်ဗျူဟာအတွက်အသုံးချနိုင်မယ်လို့ မသိခဲ့ဘူး။ ခင်ဗျားက အင်မတန်ထူးချွန်တဲ့လူဖြစ်ပြီး ဒီအစီအစဉ်အတိုင်း ဆက်လုပ်ဆောင်ရမယ်"

"တန့်အိုက်"(Deng Ai) သည် တပ်ခွဲနှစ်ခုဖြင့် နန်အန်းသို့ချီတက်ခဲ့သည်။ မကြာမီတွင် ဝူချန်တောင်သို့ရောက်လာပြီး ရန်သူတို့၏တိုက်ခိုက်မှုကိုမခံရပဲ စခန်းချခဲ့လေသည်။ ထို့နောက် သူ့သား "တန့်ကျုံး"(Deng Zhong) နှင့် "ရှီကျွမ်း"(Shi Zuan) တို့ကို တပ်သားငါးထောင်ဖြစ် တောင်ကြားနားတွင် ပုန်းနေရန်လွှတ်ခဲ့သည်။

ထိုအချိန်ဝယ် "ကျန်းဝေ"(Jiang Wei) သည် တုန်းထင်နှင့်နန်အန်းကြားရောက်နေလေပြီ။  ဝူချန်တောင်နားရောက်သောအခါ  "ရှဟိုပါ့"(Xiahou Ba) ဘက်လှည့်ပြီး

"ဒီတောင်ကုန်းက ကျုပ်တို့အတွက် အရေးပါတယ်။ ဒီနေရာနဲ့နန်အန်းက နီးနေပြီမို့ တန့်အိုက်(Deng Ai) က လက်ဦးမှုယူပြီးသိမ်းသွားမှာစိုးရတယ်"

ထို့ကြောင့် ရန်သူတို့မရောက်မီ တောင်ကုန်းပေါ်သို့ရောက်အောင် အလျင်အမြန်သွားကြသည်။ ထိုအချိန်ဝယ် ပေါက်ကွဲသံနှင့်အတူ ဗုံသံတို့ကိုကြားလိုက်ရပြီး ဝေတပ်အလံများပေါ်လာသည်။ ထိုအလံများကြားဝယ် ခေါင်းဆောင်အလံတွင် "တန့်အိုက်"(Deng Ai) ဟူသော နာမည်ကိုတွေ့ရသည်။

၎င်းမှာ စိတ်ပျက်ဖွယ်ပင်ဖြစ်သည်။ ရှူတပ်သည် ရပ်ဆိုင်းသွားခဲ့ပြီး ဝေတပ်တို့သည် တောင်ကုန်းရှိနေရာအနှံ့မှပေါ်လာခဲ့ရာ ရှူတပ်မှာ မရင်ဆိုင်နိုင်ခဲ့ပေ။ ထို့ကြောင့် ရှေ့ပြေးတပ်သည် ရှုံးနိမ့်သွားခဲ့သည်။ "ကျန်းဝေ"(Jiang Wei) သည် ဗဟိုတပ်ဖြင့် ကူညီရန်သွားခဲ့သော်လည်း ဝေတပ်သားတို့သည် တောင်ကုန်းပေါ်သို့ပြေးတက်သွားကြလေသည်။

"ကျန်းဝေ"(Jiang Wei) သည် တောင်ခြေသို့ပြန်ဆင်းလာကာ စိန်ခေါ်ခဲ့သော်လည်း ရန်သူတို့မှထွက်မလာချေ။ ရှူတပ်တို့သည် စတင်ဆဲရေးခဲ့ကြပြီး တစ်နေကုန်သွားခဲ့သည်။ သို့သော် မထူးခြားခဲ့ပေ။ ရှူတပ်ကြီးတပ်ခေါက်သည့်အချိန်တွင် ဝေတို့မှ ဗုံတို့ကိုတရကြိမ်းတီးခဲ့သည်။ သို့သော် သူတို့ထွက်မလာခဲ့ပေ။ "ကျန်းဝေ"(Jiang Wei) သည် တောင်ကုန်းပေါ်တက်ရန် ကြိုးပမ်းခဲ့သော်လည်း ကာကွယ်သူတို့မှ ကျောက်တုံးတို့ဖြင့်ပစ်သောကြောင့် မတက်နိုင်ခဲ့ပေ။ သုံးချက်တီးအချိန်တွင် နောက်တစ်ခါတက်ရန် ကြိုးစားသော်လည်း မအောင်မြင်ခဲ့ပေ။ ထို့ကြောင့် တောင်ခြေတွင် ရပ်နားခဲ့ပြီး သစ်၊ ကျောက်တုံးတို့ဖြင့်အကာအကွယ်လုပ်ကာ စခန်းချထားသည်။ ဝေတပ်တို့မှထပ်လာသောကြောင့် ရှူတပ်သားတို့သည် စခန်းဟောင်းသို့ပြန်ပြေးသွားခဲ့ရသည်။

နောက်ရက်တွင် "ကျန်းဝေ"(Jiang Wei) သည် သယ်ယူပို့ဆောင်သည့်လှည်းတို့ဖြင့်ရောက်လာကာ ထိုလှည်းတို့ကိုဆင်ခြေလျောတွင်ချထားပြီး စခန်း၏ဗဟိုအဖြစ်ထားရှိခဲ့သည်။ သို့သော် ညအခါဝယ် ဝေတို့မှ မီးတုတ်တို့ဖြင့် ရောက်လာပြီး မီးရှို့ဖျက်စီးခဲ့သည်။ နှစ်ဦးနှစ်ဖက်တိုက်ခိုက်ခဲ့ကြပြီး ထိုတိုက်ပွဲမှာ အရုဏ်တက်ချိန်ထိ ကြာမြင့်ခဲ့သည်။

ထိုနေရာတွင် စခန်းမချနိုင်သောကြောင့် "ကျန်းဝေ"(Jiang Wei) သည် "ရှဟိုပါ့"(Xiahou Ba) နှင့်အတူ နောက်တစ်မျိုးကြံစည်ခဲ့သည်။

"နန်အန်းကိုမသိမ်းနိုင်ရင် နောက်အကောင်းဆုံးခြေလှမ်းက စန်းကွေ့ကိုသိမ်းဖို့ပဲ။ အဲ့ဟာက နန်အန်းရဲ့ဂိုထောင်ပဲဖြစ်တယ်"

တောင်ကုန်းပေါ်တွင် "ရှဟိုပါ့"(Xiahou Ba) ကိုထားခဲ့ပြီး "ကျန်းဝေ"(Jiang Wei) မှ လက်ရွေးစင်တပ်ဖွဲ့တို့နှင့်အတူ စန်းကွေ့သို့သွားခဲ့သည်။ တစ်ညလုံးချီတက်ခဲ့ပြီး အရုဏ်တက်ချိန်တွင် မြင့်မားသောတောင်ကြားနားရောက်လာသည်။ လမ်းပြတို့မှ ထိုနေရာကို ကျောက်တုံးကြီးဟုခေါ်ကြောင်းပြောသည်။

"ကျန်းဝေ"(Jiang Wei) : "နာမည်က နောက်ပိတ်ဆုံးဆိုတဲ့အသံနဲ့ဆင်တယ်။ အဝမှာ တပ်တစ်တပ်ရှိမယ်ဆိုရင် ကျုပ်တို့တွေ ဒုက္ခရောက်လိမ့်မယ်"

ရှေ့သို့ဆက်သွားရန်သင့်မသင့် ဒွိဟဖြစ်နေစဉ် ကင်းထောက်တို့ရောက်လာပြီး တောင်ကုန်းများအကျော်တွင် ဖုန်မှုန့်များကိုတွေ့ပြီး စစ်တပ်များရှိသည့်လက္ခဏာတွေ့ရကြောင်းသတင်းပို့ခဲ့သည်။ ထို့ကြောင့် ပြန်ဆုတ်ရန် အမိန့်ပေးလိုက်၏။

ထိုအချိန်ဝယ် "ရှီကျွမ်း"(Shi Zuan) နှင့် "တန်းကျုံး"(Deng Zhong) တို့၏တပ်ရောက်လာကာ တိုက်ခိုက်လေသည်။ "ကျန်းဝေ"(Jiang Wei) သည် တိုက်ခိုက်နေရင်း ပြန်ဆုတ်ခွာရန် ကြိုးစားခဲ့သည်။ ထို့နောက် "တန့်အိုက်"(Deng Ai) ပေါ်လာပြီး ရှူတပ်ကြီးကို သုံးဘက်သုံးလံမှရန်သူတို့ဝန်းရံခဲ့သည်။ အန္တရာယ်ကြားရောက်နေသည့်အချိန်ဝယ် "ရှဟိုပါ့"(Xiahou Ba) ရောက်လာကာ ကူညီခဲ့သောကြောင့် "ကျန်းဝေ"(Jiang Wei) လွတ်မြောက်သွားခဲ့လေသည်။

"ကျန်းဝေ"(Jiang Wei) သည် ချီစန်းကိုပြန်လိုသော်လည်း "ရှဟိုပါ့"(Xiahou Ba) မှ

"ချန်ထိုက်(Chen Tai) က ပေါင်စူး(Bao Su) ရဲ့တပ်တွေကိုဖြိုခွင်းလိုက်ပြီး စစ်သူကြီးလည်း သေဆုံးသွားတာကြောင့် ကျွန်တော်တို့ပြန်သွားလို့မရတော့ဘူး။ တစ်ခုတည်းသောလမ်းကတော့ ဟန်ကျုံးကိုပြန်သွားဖို့ပဲ"

တုန်းထင်လမ်းမှမသွားနိုင်ခဲ့တော့အခါ "ကျန်းဝေ"(Jiang Wei) သည် လမ်းငယ်လေးများမှချီတက်ခဲ့ရသည်။ "တန့်အိုက်"(Deng Ai) မှ ရန်သူ့နောက်တန်းကိုလိုက်လံတိုက်ခိုက်လေသည်။ ထို့ကြောင့် "ကျန်းဝေ"(Jiang Wei) မှအမိန့်ပေးထားနှင့်ပြီး နောက်တန်းကိုကာကွယ်ရန်သွားခဲ့သည်။

မကြာခင်မှာပင် "ချန်ထိုက်"(Chen Tai) သည် တောင်ကုန်းများမှရောက်လာရာ "ကျန်းဝေ"(Jiang Wei) ကို ရန်သူတို့ဝိုင်းသွားခဲ့သည်။ သူသည် အရပ်ရှစ်မျက်နှာကိုတိုက်ခဲ့သော်လည်း မထိုးဖောက်နိုင်ခဲ့ပေ။ လူရောမြင်းပါပန်းနေသည့်အချိန်တွင် ခေါင်းဆောင်ဖြစ်သူအခြေအနေမဟန်သည့်အကြောင်းကိုကြားခဲ့သော "ကျန်းနီ"(Zhang Ni) သည် မြင်းသည်တော်တပ်နှင့်အတူ ကူညီရန်ရောက်လာခဲ့သည်။ "ကျန်းနီ"(Zhang Ni) သည် ရန်သူတို့ကိုထိုးဖောက်ပြီး ဝင်လာသဖြင့် "ကျန်းဝေ"(Jiang Wei) မှ ထွက်လာနိုင်ခဲ့၏။ "ကျန်းနီ"(Zhang Ni) သည် သူ၏စစ်သူကြီးကိုကယ်ခဲ့သော်လည်း သူကိုယ်တိုင်မှာမူ စစ်မြေပြင်တွင်ကျသွားခဲ့သည်။ နောက်ဆုံးတွင် "ကျန်းဝေ"(Jiang Wei) သည် ဟန်ကျုံးသို့ပြန်ရောက်လာခဲ့သည်။

ဟန်ကျုံးမှ "ကျန်းနီ"(Zhang Ni) သေဆုံးသွားကြောင်းကို ဒုတိယဧကရာဇ်အား သတင်းပို့စေကာ ဧကရာဇ်သည် ကျန်ရစ်သူမိသားစုတို့ကို သင့်တော်သောဂုဏ်သိန်များပေးခဲ့လေသည်။ ရှူပြည်သူတို့သည် စစ်ပွဲအတွင်းဝယ် မိမိတို့၏ဆွေမျိုးတို့ကိုဆုံးရှုံးခဲ့ခြင်းနှင့်ပတ်သတ်ပြီး "ကျန်းဝေ"(Jiang Wei) ကိုအပြစ်တင်ခဲ့ကြသည်။  "ကျန်းဝေ"(Jiang Wei) သည် ကွယ်လွန်သွားသောဝူရှန်သခင်၏ဥပမာအတိုင်း မိမိ၏ရာထူးကိုလျှော့ချစေလိုကြောင်းနှင့် စစ်တပ်အုပ်ချုပ်ခွင့်ကိုမူ ဆက်လက်တာဝန်ယူလိုကြောင်း လျှောက်တင်ခဲ့သည်။ သူ့ကို နောက်တန်းစစ်သူကြီးအဖြစ် ရာထူးလျှော့ချခဲ့သည်။

ရန်သူတို့ကိုတိုက်ထုတ်နိုင်ပြီးသောအခါ "ချန်ထိုက်"(Chen Tai) နှင့် "တန့်အိုက်"(Deng Ai) တို့သည် အောင်ပွဲခံခဲ့ကြပြီး စစ်နိုင်သူတို့အား ဆုလာဘ်များပေးခဲ့သည်။ "ချန်ထိုက် "(Chen Tai) သည် "တန့်အိုက်"(Deng Ai) ၏လုပ်ဆောင်မှုများကို မြို့တော်သို့တင်ပြခဲ့သည်။ "စီးမာကျောင်း"(Sima Zhao) မှ "တန့်အိုက်"(Deng Ai) ကို ရာထူးတိုးမြင့်ပေးခဲ့ပြီး သားဖြစ်သူ "တန့်ကျုံး"(Deng Zhong) ကိုလည်း သခင်ရာထူးပေးခဲ့လေသည်။

ဝေပြည် ကျန့်ယွမ်တတိယနှစ်(အေဒီ ၂၅၆) တွင် သက္ကရာဇ်နာမည်ကို နှင်းရည်ချို(ကန်းလု) ဟုခေါ်ဝေါ်စေခဲ့သည်။ "စီးမာကျောင်း"(Sima Zhao) သည် စစ်တပ်များအားလုံးကိုထိန်းချုပ်ခဲ့ပြီး တိုင်းပြည်တစ်ခုလုံး၏စစ်သေနာပတိဖြစ်လာသည်။ သူသည် ခမ်းနားစွာနေခဲ့လေသည်။ သူအပြင်ထွက်တိုင်း မြင်းသည်တော်အချို့နှင့် သံချပ်ကာစစ်သားသုံးထောင်တို့က လက်လံကာကွယ်ရသည်။ အာဏာတို့သည် သူ့လက်ထဲတွင်ရှိသောကြောင့် နန်းတွင်းညီလာခံကို နန်းတော်တွင်ကျင်းပမည့်အစား သူ့အိမ်တော်တွင်ကျင်းပရန်ဆုံးဖြတ်ခဲ့သည်။

နောက်ဆုံးခြေလှမ်းကိုလှမ်းရန် သူ့ခေါင်းထဲတွင်အမြဲတွေးနေခဲ့သည်။ စစ်သူကြီး "ကျာခွေ့"(Jia Kui) ၏သား၊ သူ၏လူယုံတော် "ကျာချုံး"(Jia Chong) မှ နန်းတက်ရန်အစီအစဉ်ကိုပြောလာခဲ့သည်။

"သခင်ကြီးဆီမှာ အာဏာအစစ်အမှန်ရှိနေခဲ့ပြီး တိုင်းပြည်က မငြိမ်သက်ဘူး။ ဒါကိုပြုပြင်ဖို့ တစ်ခုတည်းသောနည်းကတော့ သခင်ကြီးကိုယ်တိုင် အုပ်ချုပ်ပြီးတော့ ထောက်ခံသူတွေဘယ်သူတွေရှိလည်းဆိုတာ စမ်းကြည့်ဖို့ပဲ"

"ကျုပ် ဒါကိုစဉ်းစားနေတာကြာခဲ့ပြီ။ ခင်ဗျားက ကျုပ်ရဲ့သံတမန်အနေနဲ့အရှေ့ဘက်ကိုသွားပြီး သွေးတိုးစမ်းကြည့်ပါ။ ရှေ့စစ်ပွဲမှာပါဝင်ခဲ့တဲ့တပ်သားတွေကိုကျေးဇူးတင်ဖို့သွားတယ်ဆိုတဲ့ဆင်ခြေကောင်းကောင်းနဲ့ သွားပါ"

ထို့ကြောင့် "ကျာချုံး"(Jia Chong) သည် ဟွိုင်မြစ်၏တောင်ပိုင်းကိုသွားပြီး အရှေ့ဘက်ကိုကာကွယ်သောစစ်သူကြီး "ကျူးကဲတန့်"(Zhuge Dan) နှင့်တွေ့ခဲ့သည်။

"ကျူးကဲတန့်"(Zhuge Dan) သည် နန်ရန်ဇာတိမှဖြစ်ပြီး ကွယ်လွန်သွားခဲ့သော ဝူရှန်သခင် "ကျူးကဲလျန့်"(Zhuge Liang) ၏ညီဝမ်းကွဲတော်စပ်သူဖြစ်သည်။ "ကျူးကဲတန့်"(Zhuge Dan) သည် ဝေပြည်တွင်အမှုထမ်းခဲ့သော်လည်း "ကျူးကဲလျန့်"(Zhuge Liang) သက်ရှိထင်ရှားရှိစဉ်တွင် ကြီးမားသည့်ရာထူးများမရခဲ့ပေ။ "ကျူးကဲလျန့်"(Zhuge Liang) ကွယ်လွန်သွားသည့်အချိန်မှသာ သူ့ရာထူးအတက်မြန်ခဲ့ပြီး ယခုအခါ ကောင်းဖင်သခင်၊ ဟွိုင်မြစ်အရှေ့နှင့်တောင်ပိုင်းစစ်သူကြီးရာထူးကိုရယူခဲ့ပြီဖြစ်သည်။

"ကျာချုံး"(Jia Chong) သည် "ကျူးကဲတန့်"(Zhuge Dan) နှင့်တွေ့ဆုံပြီး စစ်သည်တို့၏စွမ်းဆောင်မှုကိုဂုဏ်ပြုရန်ရောက်လာခြင်းဖြစ်ကြောင်းပြောခဲ့သည်။ "ကျာချုံး"(Jia Chong) ကိုပျူငှာစွာကြိုဆိုပြီး စားသောက်ပွဲတည်ခင်းထားခဲ့လေသည်။ ဧည့်သည်နှင့်အိမ်ရှင်တို့အရက်သောက်စားနေကြစဉ် "ကျာချုံး"(Jia Chong) မှ "ကျူးကဲတန့်"(Zhuge Dan) ၏စိတ်သဘောထားကိုစမ်းသပ်ခဲ့သည်။

"ခုနောက်ပိုင်း လော့ရန်မြို့မှာ ဧကရာဇ်ဟာအုပ်ချုပ်မှုညံ့ဖျင်းတာကြောင့် အုပ်ချုပ်ဖို့မသင့်တော်ဘူးဆိုပြီး လူတွေကပြောကြတယ်။ စစ်သူကြီး စီးမာကျောင်း(Sima Zhao) ဟာ မျိုးဆက်သုံးဆက်တိုင် တိုင်းပြည်အတွက်အမှုထမ်းခဲ့တဲ့မျိုးနွယ်ကဆင်းသက်လာသူဖြစ်တယ်။ သူ့စွမ်းဆောင်မှုတွေနဲ့ဂုဏ်သတင်းဟာ ကောင်းကင်လောက်မြင့်မားပြီး သူက ဝေပြည်ကိုအုပ်ချုပ်ဖို့သင့်တော်တယ်လို့ပြောကြတယ်။ ခင်ဗျားရော ဘယ်လိုထင်လဲ"

"ကျူးကဲတန့်"(Zhuge Dan) သည် ထိုသို့ပြောဆိုသည်ကိုသဘောမကျသောကြောင့် ဒေါသဖြင့်ပြန်တုန့်ပြန်ခဲ့သည်။

"ခင်ဗျားက ယွီကျိုးဇာတိ ကျာကွေ့(Jia Kui) ရဲ့သားဖြစ်သလို ခင်ဗျားတို့မိသားစုဟာ ဝေပြည်ရဲ့ကျေးဇူးတွေကိုခံစားခဲ့ရတာမဟုတ်လား။ ဒါတောင်မှ ပုန်ကန်မှုအကြောင်းဟရဲသေးတယ်"

"ကျုပ်က လူတွေပြောတဲ့စကားကို ပြန်ပြောရုံပါ"

"တိုင်းပြည်ကြီးက အကျဉ်းအကြပ်ထဲရောက်နေရင် ဖြောင့်မတ်တဲ့လူဟာ တိုင်းပြည်အတွက် အသက်ပင်ပေးရပါစေ၊ တာဝန်ထမ်းဆောင်ရမှာဖြစ်တယ်"

"ကျာချုံး"(Jia Chong) သည် ဘာမှဆက်မပြောတော့ပဲ ပြန်သွားပြီး အကြောင်းစုံကို "စီးမာကျောင်း"(Sima Zhao) အားပြောခဲ့သည်။

"စီးမာကျောင်း"(Sima Zhao) က အမျက်ထွက်ပြီး "ဒီကြွက်စုတ်ကများ" ဟုဆိုလေသည်။

"ကျူးကဲတန့်(Zhuge Dan) ကို ဟွိုင်မြစ်တောင်ပိုင်းတဝိုက်မှာ ထောက်ခံသူတွေများပါတယ်။ ဒါကြောင့် ဒီထက်ဆက်ထားမယ်ဆိုရင် အန္တရာယ်ပြုလာနိုင်တယ်"

"စီးမာကျောင်း"(Sima Zhao) သည် ပြင်ဆင်မှုများလုပ်ခဲ့သည်။ ထို့နောက် ရန်ကျိုးနယ်စား "ယွဲချန်"(Yue Chen) ထံ လျှို့ဝှက်စာတစ်စောင်ပို့ခဲ့ကာ "ကျူးကဲတန့်"(Zhuge Dan) ထံလည်း စာပို့စေသည်။ ထိုစာထဲတွင် "ကျူးကဲတန့်"(Zhuge Dan) အား အလုပ်သမားရေးရာဝန်ကြီးအဖြစ်ခန့်အပ်ကြောင်းဆိုထားသည်။ ထိုရာထူးကိုလက်ခံရန် မြို့တော်သို့ပြန်ရမည်ဖြစ်သည်။

သို့သော် "ကျူးကဲတန့်"(Zhuge Dan) မှ ထိုစာသည် "ကျာချုံး"(Jia Chong) လက်ချက်ဖြစ်မည်ဟု သိသောကြောင့် စာပို့သူကိုမေးမြန်းခဲ့ရာ ထိုအကြောင်းကို "ယွဲချန်"(Yue Chen) သိကြောင်းပြောခဲ့သည်။

"သူက ဘယ်လိုသိတာလဲ"

"စစ်သူကြီး စီးမာကျောင်း(Sima Zhao) က သူ့ကိုစာတစ်စောင်ပို့ခဲ့တယ်"

ထိုစာပို့သူအား သေဒဏ်ပေးခဲ့သည်။ "ကျူးကဲတန့်"(Zhuge Dan) သည် ကိုယ်ရံတော်အချို့ကိုဦးဆောင်ကာ ရန်ကျိုးသို့ချီတက်လေ၏။ မြို့တံခါးတို့ကိုပိတ်ထားပြီး တံတားကိုလည်းတင်ထားသည်။ တံခါးဖွင့်ရန်တောင်းဆိုသော်လည်း မည်သူမှပြန်မပြောခဲ့ပေ။

"ဒီယွဲချန်(Yue Chen) က ကျုပ်ကို ဒီလိုဆက်ဆံရဲတယ်ပေါ့"

"ကျူးကဲတန့်"(Zhuge Dan) မှ သူ့တပ်သားတို့အား မြို့တံခါးကို အဓမ္မဖွင့်စေခဲ့သည်။ လက်အောက်ခံစစ်သူကြီးဆယ်ဦးတို့သည် မြင်းပေါ်မှဆင်းပြီး ကျုံးကိုကျော်ကာ တံတိုင်းပေါ်ကိုတက်ခဲ့လေသည်။ ထို့နောက် သူတို့ကိုဆန့်ကျင်သည့်လူမှန်သမျှတို့ကိုသတ်ခဲ့ပြီး မြို့တံခါးကိုဖွင့်လိုက်၏။ မြို့ထဲသို့ဝင်လာကြပြီးနောက် အိမ်တို့ကိုမီးရှို့ဖျက်စီးကာ မြို့တော်ရုံးခန်းသို့သွားခဲ့သည်။

ရန်ကျိုးနယ်စားသည် မျှော်စင်တစ်ခုထဲတွင် ပုန်းအောင်းနေခဲ့သော်လည်း "ကျူးကဲတန့်"(Zhuge Dan) က ထိုမျှော်စင်ပေါ်တက်ပြီး ရန်သူဖြစ်သူအား မောင်းမဲအပြစ်တင်ခဲ့သည်။

"ခင်ဗျားအဖေ ယွဲကျင့်(Yue Jin) က ဝေပြည်ရဲ့ဆုလာဘ်တွေရထားတဲ့လူဖြစ်တယ်။ ခင်ဗျားကတော့ ဧကရာဇ်ကိုကျေးဇူးဆပ်ဖို့မတွေးပဲ သူပုန် စီးမာကျောင်း(Sima Zhao) ကိုကူညီနေတယ်"

"ယွဲချန်"(Yue Chen) စကားပြန်မပြောနိုင်မီ "ကျူးကဲတန့်"(Zhuge Dan) မှ သတ်လိုက်လေသည်။ ထို့နောက် လော့ရန်သို့သဝဏ်လွှာတစ်စောင်ပို့ကာ "စီးမာယီ"(Sima Yi) ၏ပြစ်ချက်များကိုဖော်ထုတ်ခဲ့သည်။ ပြီးနောက် စစ်ဆင်ရန် ပြင်ဆင်မှုများလုပ်ခဲ့သည်။ ဟွိုင်မြစ်၏တောင်ဘက်နှင့် အရှေ့ဘက်မှ ပြည်သူ့စစ်တပ်များကိုစုဆောင်းစေရာ တပ်သားတစ်သိန်းစုမိလေသည်။ ထို့ပြင် "ယွဲချန်"(Yue Chen) လက်အောက်မှ တပ်သားလေးသောင်းတို့ကလည်း လက်နက်ချခဲ့၏။ သူသည် ရိက္ခာများလည်း ပြင်ဆင်ထားစေသည်။ ထို့အပြင် အကြံပေး "ဝူကန်း"(Wu Gang) ကို ဝူပြည်သို့စေလွှတ်ကာ အကူအညီတောင်းခံခဲ့သည်။ ဝူပြည်၏ယုံကြည်မှုကိုရရှိရန် သားဖြစ်သူ "ကျူးကဲကျင့်"(Zhuge Jing) ကို ဓားစာခံအဖြစ်လွှတ်ခဲ့၏။

ထိုအချိန်ဝယ် "စွန်းကျွင်း"(Sun Jun) ကွယ်လွန်သွားပြီဖြစ်ပြီး ညီဖြစ်သူ "စွန်းချန်"(Sun Chen) သည် ဝန်ကြီးချုပ်ရာထူးကို ရယူထားခဲ့သည်။ "စွန်းချန်"(Sun Chen) သည် ရက်စက်ကြမ်းကြုတ်သူဖြစ်ပြီး သူအာဏာရအောင်ကြိုးစားသည့်ခရီးလမ်းတလျှောက်တွင် အမှုထမ်းပေါင်းများစွာကိုသတ်ခဲ့သည်။ ထိုသူတို့ထဲတွင် စစ်သူကြီး "ထန်ယင်း"(Teng Yin)၊ စစ်သူကြီး "လုကျွီ"(Lu Ju) နှင့် ဝန်ကြီး "ဝမ်ချွန်း"(Wang Chun) တို့ ပါဝင်သည်။ ဝူဧကရာဇ် "စွန်းလျန့်"(Sun Liang) သည် ဉာဏ်ရည်ထက်သော်လည်း သူ့လက်ခုပ်ထဲကရေဖြစ်နေခဲ့သည်။

သံတမန် "ဝူကန်း"(Wu Gang) သည် "ကျူးကဲကျင့်"(Zhuge Jing) ကိုခေါ်လာကာ ရှီတို့တွင်ရှိသော "စွန်းချန်"(Sun Chen) ၏အိမ်တော်သို့သွားခဲ့သည်။ မည်သည့်အကြောင်းကြောင့်ရောက်လာသည်ကိုမေးမြန်းရာ "ဝူကန်း"(Wu Gang) မှရှင်းပြခဲ့သည်။

"ကျူးကဲတန့်(Zhuge Dan) ဟာ ရှူပြည်ဝူရှန်သခင်ရဲ့ညီဝမ်းကွဲဖြစ်ပြီး ဝေပြည်လက်အောက်မှာ အမှုထမ်းခဲ့သူပါ။ စီးမာကျောင်း(Sima Zhao) က ဧကရာဇ်ကိုနန်းချပြီး လူကောင်းတွေကိုဖိနှိပ်နေတာမြင်တော့ ဒီအာဏာရှင်ကိုအပြစ်ပေးချင်ခဲ့တယ်။ ဒါပေမယ့် သူတစ်ယောက်တည်းရဲ့အင်အားနဲ့မလုံလောက်တာကြောင့် ဝန်ကြီးချုပ်ရဲ့အကူအညီကိုလိုအပ်ခဲ့ပါတယ်။ သူ့ရဲ့စိတ်ရင်းကိုဖော်ပြဖို့အတွက် သူ့သားဖြစ်သူ ကျူးကဲကျင့်(Zhuge Jing) ကို ထည့်ပေးလိုက်ပါတယ်"

"ဝူကန်း"(Wu Gang) ၏တောင်းဆိုချက်ကို လိုက်လျောခဲ့လေသည်။ "စွန်းချန်"(Sun Chen) မှ တပ်သားခုနစ်သောင်းနှင့်အတူ စစ်သူကြီးများစေလွှတ်လိုက်သည်။ "ချွမ်ယီ"(Quan Yi) နှင့် "ချွမ်တွမ့်"(Quan Duan) တို့ကို စစ်သူကြီး၊ "ယွီချွမ်"(Yu Quan) ကို နောက်တန်းကာကွယ်ရေးမှူး၊ "ထန်ကျီ"(Tang Zi) နှင့် "ကျူးယီ"(Zhu Yi) တို့ကိုရှေ့ပြေးတပ်ခေါင်းဆောင်နှင့် "ဝန်ချင်"(Wen Qin) တို့ကို လမ်းပြတာဝန်များပေးအပ်ခဲ့သည်။ ထိုတပ်ကြီးသည် တပ်ခွဲသုံးခုခွဲကာ ဝေပြည်ကိုတိုက်လေသည်။

"ဝူကန်း"(Wu Gan) သည် ရှိုချွန်းသို့ပြန်လာပြီး အဆင်ပြေသည့်အကြောင်းပြောခဲ့သည်။ "ကျူးကဲတန့်"(Zhuge Dan) မှ အားလုံးအစီအစဉ်အတိုင်းဖြစ်ပြီဟုတွေးပြီး တိုက်ခိုက်ရန်ပြင်တော့သည်။

လော့ရန်မြို့ကိုပို့ခဲ့သော "ကျူးကဲတန့်"(Zhuge Dan) ၏သဝဏ်လွှာသည် "စီးမာကျောင်း"(Sima Zhao) ကိုဒေါသထွက်စေခဲ့ပြီး ချက်ချင်းလက်စားချေလိုသည်။ သို့သော် "ကျာချုံး"(Jia Chong) မှ သတိထားရန်ပြောခဲ့သည်။

"သခင်ကြီးက ဖခင်နဲ့အစ်ကိုဆီက အာဏာကိုလွှဲယူခဲ့တာဆိုတော့ လူတွေက သခင်ကြီးရဲ့အစွမ်းအစတွေမသိသေးဘူး။ သခင်ကြီးသာ မြို့တော်ကထွက်ပြီး စစ်မြေပြင်ကိုသွားမယ်ဆိုရင် ဒီမှာအမုန်းတွေပွားလာမှာဖြစ်ပြီး အားလုံးကိုဆုံးရှုံးနိုင်တယ်။ ဒီတော့ ဧကရာဇ်မယ်တော်ဆီသွားပြီးတော့ စစ်ချီရင် ဧကရာဇ်နဲ့အတူလိုက်ပါခွင့်တောင်းပါ။ ဒါဆို ဘာမှကြောက်စရာမလိုတော့ဘူး"

"ဒါအကြံကောင်းပဲ"

"စီးမာကျောင်း"(Sima Zhao) သည် နန်းတော်အတွင်းသို့ဝင်ကာ မယ်တော်ကြီးထံလျှောက်တင်လေသည်။

"ကျူးကဲတန့်(Zhuge Dan) ကပုန်ကန်တာကြောင့် ကျွန်တော်နဲ့ကျွန်တော့အပေါင်းအပါတွေက သူ့ကိုနှိမ်နင်းဖို့ပြင်နေပါတယ်။ ဒါကြောင့် အရင်ဧကရာဇ်ကိုယ်တိုင် စစ်ချီခဲ့သလို ယခုဧကရာဇ်ကိုလည်း စစ်ချီခွင့်ပေးပါ"

ဧကရာဇ်မယ်တော်သည် ကြောက်လန့်သွားသော်လည်း မငြင်းဆန်ရဲပေ။ နောက်ရက်တွင် ဝေဧကရာဇ် "ချောင်မောင်"(Cao Mao) နှင့်အတူ စစ်ထွက်စေရန်တောင်းဆိုခဲ့သည်။  "ချောင်မောင်"(Cao Mao) မှ

"စစ်သူကြီးရဲ့လက်အောက်မှာ တပ်ဖွဲ့တွေအားလုံးရှိပြီး ကြိုက်သလိုစေခိုင်းနိုင်တာ။ ဘာကြောင့် ကျုပ်ကလည်း လိုက်ရတာတုန်း" ဟုမေးသည်။

"အရှင်မင်းကြီးက မတုန့်နှေးသင့်ပါဘူး။ အရှင်မင်းကြီးရဲ့ဘိုးဘေးတွေဟာလည်း တိုင်းပြည်တစ်ခွင်ကိုလှည့်လှည်ခဲ့ပြီး တိုင်းပြည်ကိုတစ်စုတစ်စည်းတည်းဖြစ်အောင် ကြိုးစားခဲ့ကြတယ်။ ထိုက်တန်တဲ့ပြိုင်ဘက်ပေါ်တဲ့အခါတိုင်း သူတို့တွေက ရင်ဆိုင်ခဲ့ကြတယ်။ အရှင်မင်းကြီးကလည်း ရှေ့ကဥပမာတွေအတိုင်း တိုင်းပြည်တစ်ခုလုံးကို စုရုံးသင့်ပါတယ်။ ကြောက်စရာမလိုပါဘူး"

"ချောင်မောင်"(Cao Mao) သည် ဝန်ကြီး၏အာဏာကိုကြောက်ရွံ့သောကြောင့် သဘောတူခဲ့ပြီး မြို့တော်နှစ်ခုမှ စစ်တပ် နှစ်သိန်းခြောက်သောင်းကိုထွက်ခွာရန် အမိန့်ပေးခဲ့သည်။ တောင်ပိုင်းကိုကာကွယ်သောစစ်သူကြီး "ဝမ်ကျိ"(Wang Ji) ကို ရှေ့ပြေးတပ်စစ်သူကြီး၊ အရှေ့ဘက်ကိုအေးချမ်းစေသောစစ်သူကြီး "ချန်ချန်း"(Chen Qian) ကို လက်ထောက်ရှေ့ပြေးတပ်စစ်သူကြီး၊ "ရှိပေါက်"(Shi Bao) ကို ကြီးကြပ်ရေးအရာရှိနှင့် ဧကရာဇ်ကိုစောင့်ရှောက်ရန် ရန်ကျိုးနယ်စား "ကျိုးထိုက်"(Zhou Tai) ကို တာဝန်ပေးခဲ့သည်။ စစ်တပ်ကြီးသည် လှိုင်းလုံးကြီးကဲ့သို့ အင်အားအလုံးအရင်းဖြင့် ဟွိုင်မြစ်တောင်ပိုင်းသို့ချီတက်လေသည်။

ဝူပြည်၏ရှေ့ပြေးတပ်စစ်သူကြီး "ကျူးယီ"(Zhu Yi) မှ ထိုတပ်တို့ကိုရင်ဆိုင်ခဲ့ပြီး နှစ်ဖက်လုံးမှတိုက်ခိုက်ရန် ပြင်ဆင်ကြသည်။ "ကျူးယီ"(Zhu Yi) သည် အရှေ့သို့ထွက်လာပြီး စိန်ခေါ်ခဲ့ရာ "ဝမ်ကျိ"(Wang Ji) မှရင်ဆိုင်ခဲ့ပြီး သုံးကွက်ခန့်တွင် "ဝမ်ကျိ"(Wang Ji) ကြောင့် ထွက်ပြေးရသည်။ "ထန်ကျီ"(Tang Zi) ထွက်လာသော်လည်း သုံးကွက်မြောက်မှာပင် ရှုံးသွားခဲ့ပြန်သည်။ "ဝမ်ကျိ"(Wang Ji) မှ အင်အားအလုံးအရင်းဖြင့်တိုက်ရန် အမိန့်ပေးလိုက်ရာ ဝူတပ်ကြီးရှုံးနိမ့်သွားခဲ့ပြီး ဆယ့်ငါးမိုင်အကွာသို့ဆုတ်ကွာ စခန်းချထားရသည်။ ထို့နောက် သူတို့ရှုံးနိမ့်သွားကြောင်းကို ရှိုချွန်းသို့အကြောင်းကြားစေသည်။

ရှိုချွန်းတွင်ရှိသော "ကျူးကဲတန့်"(Zhuge Dan) သည် သန်စွမ်းသောစစ်သည်တို့ကိုဦးဆောင်ကာ "ဝန်ချင်"(Wen Qin) ၏တပ်နှင့်ပူးပေါင်းခဲ့သည်။ "ဝန်ချင်"(Wen Qin) ၏သားနှစ်ဦးဖြစ်သော "ဝန်ရန်"(Wen Yang) နှင့် "ဝန်ဟူ"(Wen Hu) တို့လည်း ပါဝင်လေ၏။ ထို့နောက် "စီးမာကျောင်း"(Sima Zhao) ကိုချေမှုန်းရန် ချီတက်ကြလေသည်။